Sand Pro® 3040 og 5040-dráttarvél

• Rúmtak eldsneytisgeymis: 25 l.

• Ráðlagt eldsneyti:

  • Best er að nota eingöngu hreint og nýtt (ekki yfir 30 daga gamalt) blýlaust bensín með oktantölu upp á 87 eða hærri (flokkunaraðferð (R+M)/2).

  • Etanól: Hægt er að nota bensín með allt að 10% etanóli (blýlaust bensín+etanól) eða 15% MTBE (metýltertbútýleter). Etanól og MTBE eru ekki eins. Ekki má nota bensín með 15% etanóli (E15). Aldrei nota bensín sem inniheldur meira en 10% etanól, svo sem E15 (15% etanólinnihald), E20 (20% etanólinnihald) eða E85 (allt að 85% etanólinnihald). Notkun bensíns sem ekki hefur verið samþykkt getur valdið neikvæðum áhrifum á afköst og/eða skemmdum á vél sem ekki falla undir ábyrgð.

  • Ekki nota bensín sem inniheldur metanól.

  • Ekki geyma bensín í eldsneytisgeyminum eða eldsneytisílátum yfir vetrartímann nema notað sé varðveisluefni fyrir eldsneyti.

  • Ekki blanda olíu saman við bensín.

  Important: Notið ekki önnur íblöndunarefni fyrir eldsneyti en eldsneytisstöðgara/-bætiefni. Ekki nota eldsneytisvarðveisluefni sem eru að stofni til úr alkóhóli, eins etanóli, metanóli eða ísóprópanóli.

1. Hreinsið svæðið í kringum eldsneytislokið (Mynd 16).

2. Skrúfið eldsneytislokið af.

3. Fyllið geyminn þar til eldsneytisyfirborðið er um 25 mm frá efsta hluta geymisins (neðri brún áfyllingarstútsins). Yfirfyllið ekki.

   

   Mynd 16

   1. Eldsneytislok

4. Setjið lokið á.

5. Þurrkið upp eldsneyti sem kann að hellast niður til að koma í veg fyrir eldhættu.

   Important: Notið aldrei metanól, eldsneyti sem inniheldur metanól né gasóhól sem inniheldur meira en 10% af etanóli, að öðrum kosti geta orðið skemmdir á eldsneytiskerfinu. Ekki blanda olíu saman við bensín.

Framkvæmið eftirfarandi skoðanir daglega áður en vinnuvélin er notuð:

• Skoðun á samlæsingarkerfinu

• Smurolíuhæð könnuð

• Þrýstingur hjólbarða kannaður

• Glussalagnir og slöngur skoðaðar

• Staða glussa könnuð

Tilgangur samlæsingarkerfisins er að koma í veg fyrir að vélin sé gangsett nema dráttarfóstigið sé í HLUTLAUSRI stöðu. Einnig ætti vélin að drepa á sér ef dráttarfótstigið er fært fram á við eða aftur á bak þegar stjórnandi vinnuvélarinnar situr ekki í sætinu.

1. Akið vinnuvélinni á opnu svæði sem er laust við óhreinindi og gangið úr skugga um að óviðkomandi sé ekki nálægt vinnuvélinni. Drepið á vélinni.

2. Sitjið í sætinu og setjið stöðuhemilinn á.

3. Stígið á dráttarfótstigið í framgír og bakkgír um leið og reynt er að gangsetja vélina.

   Note: Hugsanlega er bilun í samlæsingarkerfinu ef hægt er að gangsetja vélina. Gerið tafarlaust við slíkt.Kerfið starfar rétt ef ekki er hægt að gangsetja vélina.

4. Setjist í ökumannssætið, setjið dráttarfótstigið í HLUTLAUSA stöðu, setjið stöðuhemilinn á og gangsetjið vélina.

5. Reisið ykkur upp úr sætinu og stígið varlega á dráttarfótstigið.

   Note: Vélin ætti að drepa á sér eftir eina til þrjár sekúndur. Lagfærið vandamálið ef kerfið starfar ekki eins og skyldi.

1. Stígið af dráttarfótstiginu og gangið úr skugga um að fótstigið sé í HLUTLAUSRI stöðu og setjið stöðuhemilinn á.

2. Ýtið innsoginu fram á við í KVEIKTA stöðu (við gangsetningu kaldrar vélar) og stillið inngjafarstöngina á HæGAN snúning.

   Important: Þegar unnið er á vinnuvélinni við hitastig undir 0°C skal gefa henni tíma til að hitna áður en vinna hefst. Slíkt kemur í veg fyrir skemmdir á vökvamælinum og dráttarlykkjunni.

3. Setjið lykilinn í svissinn og snúið réttsælis til að gangsetja vélina. Sleppið lyklinum þegar vélin fer í gang.

   Note: Stillið innsogið þannig að vélin gangi mjúklega.

   Important: Ekki svissa á lengur en í 10 sekúndur til að koma í veg fyrir að startarinn ofhitni. Eftir 10 sekúndna tilraun til gangsetningar skal bíða í eina mínútu þar til reynt er aftur.

4. Drepið er á vélinni með því að stilla inngjöfina á HæGA stöðu og svissa AF.

   Note: Takið lykilinn úr svissinum til að koma í veg fyrir gangsetningu í ógáti.

5. Lokið afsláttarloka eldsneytis áður en vinnuvélin er sett í geymslu.

   Varúð

   Skoðun á vinnuvélinni með vélina í gangi getur valdið meiðslum.

   Drepið á vélinni og bíðið þar til allir íhlutir hafa stöðvast áður en leitað er að olíulekum, lausum íhlutum og öðrum bilunum.

Dálítill tími líður þar nýjar vélar ná fullu afli. Meiri núningur myndast í nýjum drifkerfum og það veldur viðbótarálagi á vélina.

Notið fyrstu átta vinnustundirnar til tilkeyrslu.

Þar sem fyrstu vinnustundirnar skipta miklu máli fyrir áreiðanleika vinnuvélarinnar síðar meir skal fylgjast vel með aðgerðum og afköstum til að greina og leiðrétta öll smávægileg vandamál, sem gætu leitt til meiriháttar bilana þegar fram í sækir. Skoðið vinnuvélina oft meðan á tilkeyrslu stendur til að greina mögulegan olíuleka, lausar festingar eða aðrar bilanir.

Frekari upplýsingar og sérstakar notkunarleiðbeiningar fyrir tengitækið er að finna í notendahandbók tengitækisins.

Stjórnandi vinnuvélarinnar verður að æfa sig í notkun vinnuvélarinnar, vegna þess að notkunareiginleikar hennar eru aðrir en annarra vinnuvéla. Hraði gírkassans og snúningshraði vélarinnar eru tvö atriði sem verður að gæta að við notkun vinnuvélarinnar.

Stígið varlega á dráttarfótstigið til að halda snúningshraða vélarinnar stöðugum. Á þann hátt heldur vélin í við aksturshraða vinnuvélarinnar. Þegar hins vegar er stigið snöggt á dráttarfótstigið dregur úr snúningshraða vélarinnar og þar af leiðandi verður ekki nægilegt snúningsvægi til að aka vinnuvélinni. Þess vegna verður að færa inngjöfina í HRAðA stöðu og stíga létt á dráttarfótstigið til að flytja hámarksafl til hjólanna. Hámarksaksturshraði með engu álagi verður hins vegar þegar inngjöfin er í HRöðU stöðunni og stígið er hægt og sígandi dráttarfótstigið þar til að það fer alveg í botn. Gætið þess að snúningshraði vélarinnar sé nægur til að skila hámarks snúningsvægi til hjólanna.

Note: Ef millistykki tengitækisins festist við millistykki dráttarvélarinnar skal stinga kúbeini eða skrúfjárni í raufina til að losa um íhlutina (Mynd 17).

Mynd 17

1. Rauf

Í neyðartilvikum er hægt að draga vinnuvélina stuttar vegalengdir. Hins vegar er slíkt ekki ráðlagt sem staðlað verklag.

Important: Ekki draga vinnuvélina hraðar en 1,6 km/klst. (1 mí./klst.), slíkt getur valdið skemmdum á drifkerfinu. Flytjið vinnuvélina á vöruból eða eftirvagni ef nauðsynlegt er að færa vinnuvélina lengri vegalengd en 50 m. Hjólin geta læsts ef vélin er dregin of hratt. Ef slíkt gerist skal hætta að draga vinnuvélina og bíða þar til þrýstingur dráttarrásarinnar nær jafnvægi áður en dráttur hefst að nýju á hægum hraða.

• Notið skábrautir í fullri breidd við að aka vélinni á eftirvagn eða palla.

• Festið vinnubílinn tryggilega.

Lyftipunktarnir eru eins og hér segir:

• Vinstra eða hægra megin, undir mótor hægra hjólsins eða undirvagnsins (Mynd 18).

  

  Mynd 18

  1. Lyftipunktar að aftan

• Að framan, undir undirvagninum fyrir aftan framhjólið (Mynd 19).

  

  Mynd 19

  1. Lyftipunktar að framan

1. Þurrkið af smurkoppnum til að aðskotaefni komist ekki inn í leguna eða fóðringuna.

2. Dælið smurfeiti í leguna eða fóðringuna.

3. Þurrkið af alla umframfeiti.

Notið gæðasmurolíu sem uppfyllir eftirfarandi forskriftir:

API flokkunarstig: SL eða hærra

Seigjustig olíu: SAE 30 — Hærra en 4 °C

Vélin er afhent með olíu í sveifarhúsinu. Engu að síður verður að kanna stöðu smurolíunnar fyrir og eftir fyrstu gangsetningu vélarinnar.

1. Leggið vinnuvélinni á jafnsléttu, slökkvið á vélinni, setjið stöðuhemilinn á, drepið á vélinni og takið lykilinn úr.

2. Snúið sætinu fram á við.

3. Takið olíukvarðann (Mynd 25) úr og strjúkið af honum með hreinum klút.

   

   Mynd 25

   1. Olíukvarði
   2. Olíuáfyllingarlok

4. Stingið olíukvarðanum í rörið og gangið úr skugga um að hann sé kyrfilega fastur. Takið olíukvarðann úr rörinu og kannið olíuhæðina. Þegar olíuhæðin er lág skal fjarlægja áfyllingarlokið af ventlahlífinni og fylla á nægilega mikið af tilgreindri olíu til að vökvahæðin nái að merkingunni Full (fullt) á olíukvarðanum.

   Important: Gætið þess að olíuhæðin sé ávallt á milli efri og neðri markanna á olíukvarðanum. Þegar of mikið eða of lítið af olíu er fyllt á vélina geta orðið skemmdir á vélinni þegar hún er gangsett.

5. Festið olíukvarðann tryggilega.

   Important: Stinga verður olíukvarðanum þéttingsfast í rörið til að þétta sveifarhús vélarinnar á fullnægjandi hátt. Léleg þétting sveifarhúss getur leitt til skemmda á vélinni.

6. Snúið sætinu niður á við.

Smurolíurúmtak sveifarhúss: u.þ.b. 1,66 l (1¾ bandarísk gallon) með síunni.

1. Leggið vinnuvélinni á jafnsléttu, slökkvið á vélinni, setjið stöðuhemilinn á, drepið á vélinni og takið lykilinn úr.

2. Takið botntappann úr og tappið allri olíunni af í afrennslispönnu (Mynd 26). Þegar olían hættir að leka út er botntappinn settur aftur í.

   

   Mynd 26

   1. Botntappi
   2. Olíusía

3. Fjarlægið olíusíuna (Mynd 26).

4. Smyrjið þunnu lagi af hreinni olíu á pakkningu nýju síunnar.

5. Skrúfið síuna á með höndunum þar til pakkningin snertir síumillistykkið, herðið síðan um ½ til ¾ úr hring til viðbótar.

   Important: Ekki herða síuna um of.

6. Fyllið á sveifarhúsið með tilgreindri olíu; sjá Smurolíuhæð könnuð.

7. Fargið notuðum glussa á viðeigandi máta.

• Athugið meginhluta loftsíunnar með tilliti til skemmda sem gætu valdið loftleka. Skiptið um alla skemmda íhluti. Leitið eftir leka, skemmdum eða lausum hosuklemmum á inntakskerfinu.

• Ekki skipta um loftsíu áður en þess er þörf, því slíkt eykur hættu á að óhreinindi komist í vélina þegar sían er fjarlægð.

• Gangið úr skugga um að lokið sitji rétt og liggi þétt að loftsíuhúsinu.

Gerð: Champion RC14YC (eða samsvarandi)

Loftbil: 0,76 mm

Note: Kertin endast yfirleitt lengi. Hins vegar er góð regla að fjarlægja og skoða þau í hvert sinn sem vélarbilun verður.

1. Hreinsið svæðið í kringum hvert kerti fyrir sig til að koma í veg fyrir að aðskotahlutir komist í strokkinn þegar kertið er tekið úr.

2. Togið kertavírana af kertunum og takið kertin úr strokklokinu.

3. Gangið úr skugga um að engar skemmdir séu sjáanlegar á hliðarrafskauti, miðjurafskauti og einangrun.

   Important: Skiptið um kerti með sprungum, kámug og óhrein kerti eða kerti sem eru á annan hátt biluð. Ekki sandblása, skafa eða hreinsa rafskautin með vírbursta því óhreinindi geta að lokum losnað úr tappanum, fallið í strokkinn og skemmt vélina.

4. Stillið bil á milli miðjurafskauts og hliðarrafskauts í 0,76 mm á hverju kerti fyrir sig, sjá Mynd 28. Komið fyrir kertum með réttu bili ásamt strokkstykkispakkningu og herðið með 23 N∙m (200 in-lb) hersluátaki. Herðið kertið þéttingsfast ef átaksmælir er ekki notaður.

   

   Mynd 28

Eldsneytissía í beinni línu er sambyggð eldsneytisleiðslunni. Beitið eftirfarandi verklagi þegar skipta verður um síuna:

1. Lokið afsláttarloka eldsneytisins, losið hosuklemmuna af blöndungshlið síunnar og fjarlægið eldsneytisleiðsluna af síunni (Mynd 29).

   

   Mynd 29

   1. Eldsneytissía
   2. Slönguklemmur

2. Setjið afrennslispönnu undir síuna, losið hina hosuklemmuna og fjarlægið síuna.

3. Setjið nýju síuna á þannig að örin á síuhúsinu vísi frá eldsneytisgeyminum (að blöndungnum).

4. Rennið hosuklemmunum á enda eldsneytisleiðslnanna.

5. Ýtið eldsneytisleiðslunum á eldsneytissíuna og festið þær með hosuklemmunum.

   Note: Gangið úr skugga um að örin á hlið síunnar vísi að blöndungnum.

1. Tjakkið upp hjólbarða hægra megin að aftan og setjið búkka undir vinnuvélina.

2. Fjarlægið felgurrærnar fjórar sem festa hjólið við hjólnöfina og fjarlægið felguna og hjólbarðann (Mynd 30).

   

   Mynd 30

   1. Lega (hjólnöf)
   2. Hjólbarði og felga
   3. Felgurær

3. Fjarlægið flansskrúfurnar fjórar (¼ x ⅝ to.) sem halda hjólahlífinni fastri við undirvagn vinnuvélarinnar (Mynd 31).

   

   Mynd 31

   1. Flansskrúfur (¼ x ⅝ to.)
   2. Hjólahlíf

4. Teygið ykkur umhverfis neðri, innbyggðu brún stjórnborðsins og togið kolefnissíuna aftur á bak og út úr slöngunni við endann á kolefnishylkinu (Mynd 32).

   

   Mynd 32

   1. Stjórnborð
   2. Sía í viðarkolahylki
   3. Slanga
   4. Kolefnishylki

5. Komið fyrir nýrri síu kolefnishylkisins við endann á kolefnishylkinu (Mynd 32).

6. Látið op hjólahlífarinnar við undirvagn vinnuvélarinnar (Mynd 31) og festið hlífina við undirvagninn með kragaskrúfunum fjórum (¼ x ⅝ to.) sem voru fjarlægðar í skrefi 3.

7. Komið hjólbarðanum og felgunni fyrir á felguróm hjólnafarinnar (Mynd 30) og notið felgurærnar fjórar sem voru fjarlægðar í skrefi 2 og herðið rærnar með höndunum.

8. Fjarlægið búkkana og látið vinnuvélina síga til jarðar.

9. Herðið felgurærnar; sjá Hersla felguróa.

Þegar verður að gefa vinnuvélinni start er hægt að nota auka rafgeymaskautið (sem er á segulliða startarans) í stað jákvæða rafgeymaskautsins (Mynd 33).

Mynd 33

1. Annað plúsrafgeymaskaut

Öryggjaboxið (Mynd 34) er undir sætinu.

Mynd 34

1. Öryggjabox

Haldið við réttri hæð rafvökvans og haldið efri hluta rafgeymisins hreinum. Ef vinnuvélin er geymd þar sem hitastig getur orðið mjög hátt eyðist hleðsla rafgeymisins hraðar en þegar hann er geymdur þar sem svalt er.

Haldið efri hluta rafgeymisins hreinum með því að hreinsa hann reglulega með bursta bleyttum í ammoníaki eða matarsódalausn. Skolið hann með vatni að þrifum loknum. Ekki fjarlægja áfyllingarlokið á meðan þrifin standa yfir.

Rafgeymiskaplarnir þurfa að vera vel hertir á skautunum til að tryggja góða rafmagnstengingu.

Ef skautin byrja að tærast þarf að aftengja kaplana, mínuskapalinn (-) fyrst, og skrapa af klemmunum og skautunum. Tengið kaplana, plúskapalinn (+) fyrst, og berið vaselín á skautin.

• Athugið stöðu geymasýru rafgeymisins á 25 vinnustunda fresti, eða á 30 daga fresti á meðan vinnuvélin er í geymslu.

• Notið eimað eða steinefnasneytt vatn til að halda hæð geymasýrunnar í hólfinu. Fyllið ekki upp fyrir áfyllingarlínur hólfanna.

Kannið loftþrýsting í hjólbörðum áður en vinnuvélin er notuð (Mynd 35). Réttur loftþrýstingur í hjólbörðum að framan og að aftan er eins og hér segir:

• Sólaðir hjólbarðar: 70 kPa (10 psi)

  Note: Þegar þörf er á frekari spyrnu við notkun tanna skal minnka loftþrýstinginn niður í 55 kPa (8 psi).

• Sléttir hjólbarðar: 55 til 70 kPa (8 til 10 psi)

Mynd 35

1. Ventilleggur
2. Felguró

Herðið felgurærnar (70 to 90 ft-lb) í 95 til 122 N m.

Ef vinnuvélin hreyfist þegar dráttarfótstigið er í hlutlausri stöðu verður að stilla dráttarkambinn.

1. Leggið vinnuvélinni á jafnsléttu, slökkvið á vélinni, setjið stöðuhemilinn á, drepið á vélinni og takið lykilinn úr.

2. Losið um skrúfurnar tvær sem halda miðjuhlífinni fastri á vinnuvélinni og fjarlægið hlífina (Mynd 36).

   

   Mynd 36

   1. Miðjuhlíf

3. Lyftið framhjólinu og einu afturhjóli frá jörðu og komið stoðum fyrir undir undirvagninum.

   Viðvörun

   Hækka verður framhjólið og eitt afturhjól frá jörðu, að öðrum kosti getur vinnuvélin hreyfst til við stillinguna. Slíkt gæti valdið því að vinnuvélin falli til jarðar og valdið meiðslum hjá aðila sem er undir vinnuvélinni.

   Gangið úr skugga um að fullnægjandi stoðir séu undir vinnuvélinni og framhjólunum og einu afturhjóli sé lyft frá jörðu.

4. Losið lásróna á stillikambi dráttar (Mynd 37).

   

   Mynd 37

   1. Stillikambur dráttar
   2. Lásró
   3. Skrúfa
   4. Bil

   Viðvörun

   Vélin verður að vera í gangi til að hægt sé að framkvæma endanlega stillingu á stillikambi dráttarins. Snerting við hluti á hreyfingu eða heita fleti getur valdið meiðslum á fólki.

   Haldið höndum, fótum, fatnaði og öðrum líkamshlutum í öruggri fjarlægð frá hlutum sem snúast, hljóðkútnum og öðru heitu yfirborði.

5. Gangsetjið vélina og snúið sexkantsboltum kambsins (Mynd 37) í báðar áttir til að finna miðpunkt hlutlausrar stöðu.

6. Herðið lásróna til að festa stillinguna.

7. Drepið á vélinni.

8. Komið miðjuhlífinni fyrir.

9. Fjarlægið búkkana og látið vinnuvélina síga til jarðar.

10. Prófið að aka vinnuvélinni til að ganga úr skugga um að hún hreyfist ekki úr stað þegar dráttarfóstigið er í hlutlausri stöðu.

1. Stillið hlutlaus gír gírkassans, sjá Stilling hlutlausrar stöðu akstursdrifs.

2. Hreyfið dælustöngina til að ganga úr skugga um að allir íhlutir hreyfist hindrunarlaust og hreyfist ekki úr stað.

3. Stillið skrúfuna þar til loftbilið er 0,8 til 2,3 mm; sjá Mynd 37.

4. Athugið hvort allt virkar sem skyldi.

Stillið festiplötu lyftistangarinnar (Mynd 40) ef tengitækið flýtur ekki á fullnægjandi hátt (fylgir eftir útlínum undirlagsins) við notkun.

1. Leggið vinnuvélinni á jafnsléttu, drepið á vélinni, setjið stöðuhemilinn á og setjið skorður undir hjólin.

2. Fjarlægið skrúfurnar fjórar sem halda stjórnborðinu við grindina (Mynd 39).

   

   Mynd 39

   1. Stjórnborð
   2. Skrúfur

3. Losið um boltana tvo sem halda festiplötunni við stuðarann og undirvagninn.

   

   Mynd 40

   1. Festiplata
   2. Festiboltar

   Viðvörun

   Vélin þarf að vera í gangi til að hægt sé að stilla festiplötuna. Snerting við hluti á hreyfingu eða heita fleti getur valdið meiðslum á fólki.

   Haldið höndum, fótum, fatnaði og öðrum líkamshlutum í öruggri fjarlægð frá hlutum sem snúast, hljóðkútnum og öðru heitu yfirborði.

4. Gangsetjið vélina.

5. Hafið vélina í gangi og færið lyftistöngina í FLOTSTöðU, rennið síðan festiplötunni þar til hægt er að setja út og setja inn lyftitjakkinn með höndunum.

6. Herðið báðar festikrúfurnar til að festa stillinguna.

Leitið daglega eftir leka, beygluðum lögnum, lausum festingum, sliti, lausum tengjum, veðrun og tæringu af völdum íðefna á glussalögnum og slöngum. Framkvæmið nauðsynlegar viðgerðir fyrir notkun.

Geymirinn er fylltur í verksmiðju með hágæða glussa. Athugið hæð glussans áður en vélin er gangsett í fyrsta sinn og daglega þar á eftir, sjá Staða glussa könnuð.

Ráðlagður glussi fyrir glussaskipti: Toro PX Extended Life Hydraulic Fluid sem fæst í 19 l fötum eða 208 l tunnum.

Note: Þegar notaður er ráðlagður vökvi á vinnubílnum er ekki þörf á því að skipta eins oft um vökva og síur.

Aðrar gerðir af glussa: Í tilvikum þegar Toro PX Extended Life Hydraulic Fluid er ekki tiltækur er hægt að nota aðra hefðbundna jarðolíuglussa með sömu forskriftir og alla tilgreinda efnislega eiginleika og uppfylla staðla í iðnaði. Notið ekki syntetískan vökva. Leitið ráða hjá söluaðila smurefnisins til að fá ábendingar um hentugan glussa.

Note: Toro tekur enga ábyrgð á skemmdum vegna notkunar rangrar gerðar af glussa og þar af leiðandi skal eingöngu nota vörur frá áreiðanlegum framleiðendum sem geta ábyrgst vörur sínar.

Glussi með slitvörn og háan seigjuvísi/lág rennslismörk, ISO VG 46

Note: Margar gerðir glussa eru nánast litlausar og því erfitt að greina þær við leka. Rautt litarefni fyrir glussa er í boði í 20 ml flöskum. Ein flaska dugar fyrir 15 til 22 l af glussa. Pantið hlutarnr. 44-2500 frá viðurkenndum dreifingaraðila Toro.

Important: Þolmikill, sérframleiddur og vistvænn glussi frá Toro er eini sérframleiddi, lífbrjótanlegi glussinn samþykktur af Toro. Slíkur glussi er samhæfur við gúmmílíkið sem er notað í vökvakerfum Toro og hentar til notkunar við ólík hitastig. Slíkur glussi er samhæfur við hefðbundnar jarðolíur. Hins vegar ætti að vökvakerfið vandlega með hefðbundnum glussa til að ná fram hámarks lífbrjótanleika og afköstum. Glussinn fæst í 19 l fötum eða 208 l tunnum hjá viðurkenndum dreifingaraðila Toro.

Geymirinn er fylltur í verksmiðju með ráðlögðum glussa. Best er að kanna stöðu glussa þegar kalt er úti.

1. Lyftið öllum vökvaknúna tengitækinu að fullu í flutningsstöðuna.

2. Leggið vinnuvélinni á jafnsléttu, slökkvið á vélinni, setjið stöðuhemilinn á, drepið á vélinni og takið lykilinn úr.

3. Hreinsið svæðið í kringum glussageymislokið til að koma í veg fyrir að óhreinindi komist í geyminn (Mynd 43).

   

   Mynd 43

   1. Lok glussageymisins

4. Takið lokið af geyminum.

5. Takið olíukvarðann úr og strjúkið af honum með hreinum klút.

6. Stingið olíukvarðanum í áfyllingarstútinn; takið hann aftur úr og athugið vökvahæðina (Mynd 44).

   Þegar viðunandi glussamagn er fyllt á geyminn ætti vökvahæðin að vera á milli efri og neðri marka (stútnum) á olíukvarðanum.

   Important: Ekki er þörf á að fylla á olíu ef olíuhæðin er á milli efri og neðri markanna.

   

   Mynd 44

   1. Efri mörk
   2. Neðri mörk

7. Þegar vökvahæðin er of lág skal fylla varlega á geyminn með ráðlögðum glussa þar til vökvahæðin nær að stút olíukvarðans.

   Important: Hreinsið ofan af glussageyminum áður en hann er opnaður til að koma í veg fyrir að óhreinindi komist í kerfið. Tryggið að stútur áfyllingarílátsins og trektin séu hrein.

   Important: Ekki yfirfylla geyminn af glussa.

8. Setjið lokið á geyminn.

1. Leggið vinnuvélinni á jafnsléttu, slökkvið á vélinni, setjið stöðuhemilinn á, drepið á vélinni og takið lykilinn úr.

2. Losið um skrúfurnar tvær sem halda miðjuhlífinni fastri á vinnuvélinni og fjarlægið hlífina (Mynd 45).

   

   Mynd 45

   1. Miðjuhlíf

3. Smyrjið pakkninguna á nýju síunni með hreinum glussa.

4. Komið afrennslispönnu fyrir undir glussasíunni sem er vinstra megin á vinnuvélinni (Mynd 46).

   

   Mynd 46

   1. Glussasía

5. Hreinsið festisvæðið í kringum síuna.

   Note: Gætið þess að nýja sían sé innan seilingar áður en nýja sían er fjarlægð.

6. Fjarlægið glussasíuna úr síuhausnum.

7. Komið nýju glussasíunni fyrir (Mynd 46) og snúið henni með höndunum þar pakkningin snertir síuhausinn og herðið svo ¾ úr snúningi til viðbótar.

8. Athugið hæð glussans og fyllið á með ráðlögðum glussa eftir þörfum, sjá Staða glussa könnuð

9. Komið miðjuhlífinni fyrir.

Rúmtak geymis: 18,9 l

Skiptið út fyrir ósvikna Toro-síu, frekari upplýsingar er að finna í varahlutalista vinnuvélarinnar.

1. Takið lokið af glussageyminum (Mynd 47).

   

   Mynd 47

   1. Lok
   2. Dæla
   3. Glussatankur
   4. Ílát fyrir notaðan glussa — 30 l ílát eða stærra

2. Dælið glussanum úr glussageyminum (Mynd 47).

3. Fyllið á glussageyminn með tilgreindum glussa þar til hæðin nær að stút olíukvarðans, sjá Staða glussa könnuð.

   Important: Ekki yfirfylla geyminn af glussa.

4. Gangsetjið vélina og látið hana ganga. Notið lyftitjakkinn þar til hann lengist og dregst saman og hjólið hreyfist fram á við og aftur á bak.

5. Drepið á vélinni og kannið glussahæðina í geymunum. Fyllið á eftir þörfum.

6. Leitið eftir leka.

   Lagfærið ef um leka er að ræða.

7. Komið miðjuhlífinni fyrir.

Þegar viðhaldsvinnu eða viðgerðum er lokið á íhlut vökvakerfisins skal ávallt skipta um glussasíuna og hlaða vökvakerfið.

Gangið úr skugga um að glussageymarnir og sían séu alltaf full af glussa á meðan vökvakerfið er skoðað.

1. Leggið vinnuvélinni á jafnsléttu, slökkvið á vélinni, setjið stöðuhemilinn á, drepið á vélinni og takið lykilinn úr.

2. Losið um skrúfurnar tvær sem halda miðjuhlífinni fastri á vinnuvélinni og fjarlægið hlífina (Mynd 48).

   

   Mynd 48

   1. Miðjuhlíf

3. Hækkið framhjólið og eitt af afturhjólunum og setjið stoðir undir undirvagninn.

   Viðvörun

   Hækka verður framhjólið og eitt afturhjól frá jörðu, að öðrum kosti getur vinnuvélin hreyfst til við stillinguna. Slíkt gæti valdið því að vinnuvélin falli til jarðar og valdið meiðslum hjá aðila sem er undir vinnuvélinni.

   Gangið úr skugga um að fullnægjandi stoðir séu undir vinnuvélinni og framhjólunum og einu afturhjóli sé lyft frá jörðu.

4. Gangsetjið vélina og stillið inngjöfina til að vélin keyri á u.þ.b. 1800 sn./mín.

5. Hreyfið stöng lyftulokans þar til lyftitjakksbullan hefur gengið inn og út nokkrum sinnum. Ef strokkstöngin hreyfist ekki eftir 10 til 15 sekúndur eða dælan gefur frá sér óeðlileg hljóð skal tafarlaust drepa á vélinni og leita eftir orsökinni. Leitið eftir eftirfarandi:

   • Sía er laus eða sogleiðslur eru lausar

   • Laus eða biluð klemma á dælunni

   • Stífla í soglínu

   • Bilun í öryggisloka hleðsludælu

   • Bilun í hleðsludælu

   Haldið áfram í skref 6 ef strokkurinn hreyfist í 10 til 15 sekúndur.

6. Stígið á dráttarfótstigið bæði í framgír og bakkgír. Hjólin sem eru af gólfinu ættu að snúast í rétta átt.

   • Þegar hjólin snúast í ranga átt skal drepa á vélinni, fjarlægja leiðslurnar aftan á dælunni og víxla staðsetningunum.

   • Þegar hjóloin snúast í rétta átt skal drepa á vélini og stilla lásró gormspennta pinnans (Mynd 49). Stillið hlutlausa stöðu dráttar, sjá Stilling hlutlausrar stöðu akstursdrifs.

     

     Mynd 49

     1. Gormspenntur pinni
     2. Lega
     3. Kambur

7. Athugið stillingu samlæsingarrofa dráttar, sjá Stilling samlæsingarrofa dráttar.

8. Komið miðjuhlífinni fyrir.

1. Skolið vel af vinnuvélinni með garðslöngu – án stúts – til að koma í veg fyrir að of mikill vatnsþrýstingur valdi mengun í og skemmdum á þéttum og legum.

   Gangið úr skugga um að kælifanir og svæðið í kringum inntak kælilofts séu ávallt laus við óhreinindi.

   Important: Hreinsun olíukælisins með vatni getur valdið ótímabærri tæringu og skemmdum á íhlutum og samþjöppun á óhreinindum, sjá Hreinsun olíukælisins.

2. Leitið eftir glussaleka, skemmdum og sliti á íhlutum vökvakerfis og vélrænum íhlutum.

1. Fjarlægið neðri hlífina (Mynd 50).

   

   Mynd 50

   1. Hlíf
   2. Olíukælir

2. Blásið með þrýstiloftsstúti á milli viftublaðanna (Mynd 50) til að þröngva út óhreinindum í sömu átt og þau bárust inn.

3. Komið hlífinni fyrir á sínum stað.