Sand Pro® 2040Z

Dálítill tími líður þar nýjar vélar ná fullu afli. Meiri núningur myndast í nýjum drifkerfum og það veldur viðbótarálagi á vélina.

Notið fyrstu átta vinnustundirnar til tilkeyrslu.

Þar sem fyrstu vinnustundirnar skipta miklu máli fyrir áreiðanleika vinnuvélarinnar síðar meir skal fylgjast vel með aðgerðum og afköstum til að greina og leiðrétta öll smávægileg vandamál, sem gætu leitt til meiriháttar bilana þegar fram í sækir. Skoðið vinnuvélina oft meðan á tilkeyrslu stendur til að greina mögulegan olíuleka, lausar festingar eða aðrar bilanir.

Vinnuvélin uppfyllir staðla ANSI B71.4-2012 við framleiðslu. Þegar eftirfarandi tengitæki eru uppsett á vinnuvélinni þarf aftur á móti að bæta við mótvægislóðum til að uppfylla staðlana. Notið töfluna hér að neðan til að ákvarða hversu mörg mótvægislóð þarf að nota. Fjögur mótvægislóð fylgja vinnuvélinni. Hverju tengitæki fylgja nauðsynleg viðbótarlóð, sé þeirra þörf.

1. Fjarlægið boltana tvo og rærnar tvær sem festa fyrirliggjandi mótvægislóð framan á vinnuvélinni (Mynd 12).

   Note: Ef vinnuvélin er með ljósasett þarf að fjarlægja róna og boltann sem festa framljósið við vinnuvélina. Geymið alla hluta; sjá uppsetningarleiðbeiningar fyrir ljósasett.

   

   Mynd 12

2. Bætið við eða fjarlægið mótvægi eftir þörfum.

3. Festið mótvægið með boltunum tveimur og rónum tveimur.

   • Hægt er að nota fyrirliggjandi bolta fyrir flest tengitæki.

   • Tveir lengri boltar fylgja með yfirferðarmottunni til að festa þau viðbótarlóð sem hún krefst að séu notuð.

   Note: Ef vinnuvélin er með ljósasett er framljósið fest við vinnuvélina með því að stinga bolta í gegnum mótvægislóðin og festa hann með ró; sjá uppsetningarleiðbeiningar fyrir ljósasett.

Fyrsta flokks smurolía frá Toro fæst hjá viðurkenndum dreifingaraðila Toro.

Rúmtak sveifarhúss: 1,8 l með síuskiptum

Notið fjórgengisolíu sem uppfyllir eða er umfram eftirfarandi kröfur:

• API-þjónustuflokkur: SJ, SL, SM eða hærra

• Seigjustig: SAE 30; frekari upplýsingar er að finna í eftirfarandi töflu yfir önnur seigjustig (Mynd 13):

  Important: Notkun fjölþykktarolía, á borð við 10W-30, eykur olíunotkun. Kannið olíuhæð oftar þegar þær eru notaðar.

  

  Mynd 13

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Takið olíukvarðann (Mynd 14) úr og strjúkið af honum með hreinum klút (Mynd 15).

   

   Mynd 14

   1. Olíukvarði
   

   Mynd 15

3. Stingið olíukvarðanum í áfyllingarrörið en skrúfið hann ekki fastan.

4. Takið olíukvarðann úr rörinu og kannið olíuhæðina. Ef olíuhæðin er lág skal hella nægri olíu til að hækka olíuhæðina að efri mörkunum á olíukvarðanum

   Important: Haldið hæð olíunnar á milli efri og neðri markanna á olíukvarðanum. Ef vélin er látin ganga með of mikilli eða of lítilli smurolíu er hætta á vélarbilun.

5. Festið olíukvarðann tryggilega.

   Important: Olíukvarðinn þarf að sitja tryggilega í rörinu til að loft komist ekki í sveifarhús vélarinnar. Léleg þétting sveifarhúss getur leitt til skemmda á vélinni.

Rúmtak eldsneytisgeymis: 17 l

Ráðlagt eldsneyti:

• Best er að nota eingöngu hreint og nýtt (ekki yfir 30 daga gamalt) blýlaust bensín með oktantölu upp á 87 eða hærri (flokkunaraðferð (R+M)/2).

• Etanól: Hægt er að nota bensín með allt að 10% etanóli (blýlaust bensín+etanól) eða 15% MTBE (metýltertbútýleter). Etanól og MTBE eru ekki eins. Ekki má nota bensín með 15% etanóli (E15). Aldrei nota bensín sem inniheldur meira en 10% etanól, svo sem E15 (15% etanólinnihald), E20 (20% etanólinnihald) eða E85 (85% etanólinnihald). Notkun bensíns sem ekki hefur verið samþykkt getur valdið neikvæðum áhrifum á afköst og/eða skemmdum á vél sem ekki falla undir ábyrgð.

• Ekki nota bensín sem inniheldur metanól.

• Ekki geyma bensín í eldsneytisgeyminum eða eldsneytisílátum yfir vetrartímann nema notað sé varðveisluefni fyrir eldsneyti.

• Ekki blanda olíu saman við bensín.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Hreinsið svæðið í kringum eldsneytislokið (Mynd 16).

   

   Mynd 16

   1. Eldsneytislok

3. Skrúfið eldsneytislokið af.

4. Fyllið geyminn þar til eldsneytisyfirborðið er um 25 mm frá efsta hluta geymisins (neðri brún áfyllingarstútsins). Yfirfyllið ekki.

5. Setjið lokið á.

6. Þurrkið upp eldsneyti sem kann að hellast niður til að koma í veg fyrir eldhættu.

Important: Til að tryggja nákvæmni skal eingöngu kanna stöðu glussa þegar vél og vökvakerfi eru köld.

Í verksmiðjunni er fyllt er á geyma vinnuvélarinnar með fyrsta flokks glussa. Best er að kanna stöðu glussa þegar hann er kaldur. Best er að hafa vinnuvélina í flutningsstöðu. Ef staða glussa er undir efsta hluta lárétta hluta hæðarglersins aftan á glussageymunum (Mynd 17) þarf að fylla á glussann. Ekki yfirfylla geymana. Ef staða glussa er við efsta hluta lárétta hluta hæðarglersins þarf ekki að fylla á. Ráðlagður glussi fyrir glussaskipti er:

Gerð glussa: Toro Premium Transmission/Hydraulic Tractor Fluid eða Mobilfluid® 424

Rúmtak:

• Vinstri hlið – 1,9 l

• Hægri hlið – 2,0 l

Aðrar gerðir glussa: Ef tilgreindur glussi er ekki í boði er hægt að nota aðrar gerðir alhliða UTHF-glussa en þeir mega þó eingöngu vera hefðbundnir jarðolíuglussar, ekki tilbúnir eða lífbrjótanlegir. Forskriftirnar verða að falla innan uppgefins sviðs fyrir alla efniseiginleika og glussinn þarf að uppfylla uppgefna iðnaðarstaðla. Leitið upplýsinga hjá söluaðila glussa um hvort glussinn uppfylli þessar forskriftir.

Note: Toro tekur ekki ábyrgð á skemmdum vegna notkunar rangrar gerðar af glussa og því skal eingöngu nota vörur frá áreiðanlegum framleiðendum sem geta ábyrgst vörur sínar.

Note: Margar gerðir glussa eru nánast litlausar og því erfitt að greina þær við leka. Rautt litarefni fyrir glussa er í boði í 20 ml flöskum. Ein flaska dugar fyrir 15 til 22 l af glussa. Pantið hlutarnr. 44-2500 frá viðurkenndum dreifingaraðila Toro.

1. Leggið vinnuvélinni á jafnsléttu, látið tengitæki síga, setjið stöðuhemilinn á, drepið á vélinni og takið lykilinn úr.

2. Kíkið á opin á festingum glussageymanna til að kanna stöðu glussa.

   Note: Glussinn ætti að ná að neðri brún opanna, eins og sýnt er á Mynd 17.

   

   Mynd 17

   1. Glussageymar
   2. Glussageymislok
   3. Festing
   4. Vökvahæð

3. Ef staða glussa er of lág í öðrum hvorum geyminum skal fylla á hann sem hér segir:

   1. Hreinsið svæðið í kringum glussageymislokin til að koma í veg fyrir að óhreinindi komist í kerfið (Mynd 17).

   2. Skrúfið lokin af geymunum.

   3. Fyllið rólega á geyminn með viðeigandi glussa, þar til glussinn nemur við neðri brún opanna á festingunum.

      Important: Hreinsið ofan af glussageyminum áður en hann er opnaður til að koma í veg fyrir að óhreinindi komist í kerfið. Tryggið að stútur áfyllingarílátsins og trektin séu hrein.

      Important: Ekki yfirfylla geymana.

   4. Skrúfið lokin aftur á geymana.

Leggið vinnuvélinni á jafnsléttu, látið tengitæki síga, setjið stöðuhemilinn á, drepið á vélinni og takið lykilinn úr.

Kannið loftþrýsting í hjólbörðum áður en vinnuvélin er notuð (Mynd 18).

Þrýstingur: 48 kPa (7 psi)

Mynd 18

1. Ventilleggur
2. Felguró

Leggið vinnuvélinni á jafnsléttu, látið tengitæki síga, setjið stöðuhemilinn á, drepið á vélinni og takið lykilinn úr.

Herðið felgurærnar (Mynd 18) í 61 til 75 N∙m.

1. Færið stjórnstangirnar í læsta hlutlausa stöðu (Mynd 19).

   

   Mynd 19

   1. Stjórnstöng (læst hlutlaus staða)
   2. Miðja, ólæst staða
   3. Áfram
   4. Aftur á bak
   5. Framhlið vinnuvélarinnar

2. Setjið stöðuhemilinn á; sjá Stöðuhemill settur á.

3. Togið innsogið upp í KVEIKTA stöðu (við gangsetningu kaldrar vélar) og stillið inngjafarstöngina á HæGAN snúning.

   Important: Þegar unnið er á vinnuvélinni við hitastig undir 0°C skal gefa henni tíma til að hitna áður en vinna hefst. Þetta kemur í veg fyrir skemmdir á vökvakerfinu.

4. Setjið lykilinn í svissinn og snúið réttsælis til að gangsetja vélina. Sleppið lyklinum þegar vélin fer í gang. Stillið innsogið þannig að vélin gangi mjúklega.

   Important: Til að koma í veg fyrir að startarinn ofhitni skal ekki halda svissinum í GANGSETNINGARSTöðU lengur en 10 sekúndur. Eftir 10 sekúndna tilraun til gangsetningar skal bíða í eina mínútu þar til reynt er aftur.

5. Drepið er á vélinni með því að stilla inngjöfina á HæGAN snúning og snúa lyklinum á SLöKKTA stöðu. Takið lykilinn úr svissinum til að koma í veg fyrir gangsetningu í ógáti.

   Note: Í neyðartilvikum er lyklinum einfaldlega snúið á SLöKKTA stöðu.

Setjið stöðuhemilinn alltaf á þegar vinnuvélin er stöðvuð eða skilin eftir eftirlitslaus.

Stöðuhemill settur á

Viðvörun

Stöðuhemillinn heldur mögulega ekki við vinnuvél sem lagt er í halla og það getur leitt til meiðsla á fólki eða eignatjóns.

Ekki leggja í halla án þess að skorða hjólin.

Stöðuhemillinn er settur á með því að toga handfangið upp (Mynd 20).

Mynd 20

Stöðuhemill tekinn af

Stöðuhemillinn er tekinn af með því að ýta handfanginu niður (Mynd 21).

Mynd 21

Öryggissamlæsingarkerfið er hannað til að koma í veg fyrir að vélin fari í gang nema þegar:

• Stöðuhemillinn er á.

• Stjórnstangir eru í læstri hlutlausri stöðu

Öryggissamlæsingarkerfið drepur einnig á vélinni þegar stjórnstangirnar eru hreyfðar úr læstri hlutlausri stöðu þegar enginn situr í sætinu eða stöðuhemillinn er á.

Vinnustundamælirinn er með táknum sem segja til um þegar íhlutur samlæsingar er í réttri stöðu. Þegar íhluturinn er í réttri stöðu kviknar á þríhyrningi í samsvarandi kassa (Mynd 22).

Mynd 22

1. Þríhyrningar birtast þegar íhlutir samlæsingarinnar eru í réttum stöðum.

Note: Samlæsing aflúttaks er ekki notuð á þessari vinnuvél.

Lesið þennan hluta um sléttun vandlega yfir áður en byrjað er að slétta sandgryfju. Margir þættir hafa áhrif á hvers konar stillingar eru nauðsynlegar. Áferð og dýpt sands, rakastig, gróður og þéttni eru allt þættir sem eru ólíkir á milli golfvalla og jafnvel á milli gryfja innan sama vallar. Stillið hrífuna til að tryggja besta mögulega árangur á hverju svæði fyrir sig.

Sléttunarþjálfun

Æfa skal sléttun í stórri og sléttri sandgryfju á golfvelli. Æfið að taka af stað og stöðva, beygja, hífa hrífuna og láta hana síga, akstur inn í og út úr gryfju o.s.frv. Æfið með vélina á hæfilegum snúningshraða og á hægum aksturshraða. Slík æfing gerir stjórnanda kleift að læra á vinnuvélina.

Ráðlagt mynstur við sléttun gryfju er sýnt á Mynd 26. Þetta mynstur kemur í veg fyrir óþarfa skörun, heldur þjöppun í lágmarki og skilar áferðarfallegu mynstri í sandinn. Þetta er skilvirkasta sléttunaraðferðin en þó er nauðsynlegt að breyta sléttunarmynstrinu með reglulegu millibili til að koma í veg fyrir myndun þvottabrettis.

Mynd 26

1. Akið á langveginn á sléttu svæði inn í beina gryfju.
2. Akið út úr gryfjunni á sléttu svæði hægra megin.

Akið á langveginn inn í beina gryfju, þar sem bakkinn er lægstur. Akið í gegnum miðju gryfjunnar, næstum út að hinum enda hennar, og takið svo eins skarpa beygju og hægt er í aðra hvora áttina og akið næstu yfirferð til baka. Akið í spíral út á við eins og sýnt er á Mynd 26 og akið út úr gryfjunni á sléttu svæði hægra megin.

Skiljið eftir bratta og stutta bakka og dældir og sléttið þau svæði í höndunum.

Ráðleggingar fyrir sléttun

• Ef sandurinn er nógu djúpur er hægt að slétta alveg upp að brún sandgryfjunnar þar sem hún er slétt.

• Ef sandurinn liggur út á grassvörðinn þarf að halda góðri fjarlægð frá brúninni til að rífa ekki upp jarðveginn.

• Ekki slétta of nálægt stuttum, bröttum bökkum. Við það rennur sandurinn einfaldlega niður að botni gryfjunnar.

• Stundum þarf að slétta í höndunum við bratta bakka, í litlum dældum o.s.frv.

Important: Ekki draga vinnuvélina langt eða á miklum hraða. Slíkt gæti skemmt vinnuvélina. Hægt er að draga vinnuvélina rólega af svæðinu sem verið er að vinna á upp á eftirvagn.

Hjáveitulokastangirnar eru ofan á vökvagírskiptingunum.

Important: Tryggið að hjáveitulokastangirnar vísi alveg fram þegar unnið er á vinnuvélinni. Annars er hætta á miklum skemmdum á vökvakerfinu.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Undir vinnuvélinni er hjáveitulokastöngunum (Mynd 27 og Mynd 28) snúið þannig að þær vísi inn, að miðju vinnuvélarinnar (Mynd 29) og því næst er stöðuhemillinn tekinn af; sjá Notkun handbremsu.

   Note: Þetta veitir glussanum framhjá dælunum til að dekkin geti snúist óheft.

   

   Mynd 27

   Vinstri hjáveitulokastöng

   

   Mynd 28

   Hægri hjáveitulokastöng

   

   Mynd 29

   1. Inn þegar ýta eða draga þarf vinnuvélina
   2. Fram til aka vinnuvélinni

3. Þegar vinnuvélinni hefur verið ýtt eða hún dregin skal snúa hjáveitulokastöngunum þannig að þær vísi að framhluta vinnuvélarinnar til að hægt sé að aka henni (Mynd 29).

1. Ef eftirvagn er notaður þarf að tengja hann við dráttarbílinn og festa öryggiskeðjurnar.

2. Tengið hemla eftirvagnsins, ef við á.

3. Akið vinnuvélinni upp á eftirvagn eða pall.

4. Setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

5. Notið bindiaugun á vinnuvélinni (Mynd 30) til að festa hana tryggilega við flutningsökutækið með stroffum, keðjum, vírum eða köðlum.

   

   Mynd 30

   1. Festipunktar

Sýnið ýtrustu aðgát þegar vinnuvélinni er ekið á eða af eftirvagni eða palli. Notið til þess skábraut í fullri breidd sem er breiðari en vinnuvélin.

Important: Ekki nota mjóar aðskildar skábrautir fyrir hvora hlið vinnuvélarinnar.

Tryggið lágmarkshorn á milli eftirvagns/palls og skábrautar til að koma í veg fyrir að tengitæki vinnuvélarinnar rekist niður þegar henni er ekið upp á skábrautina.

Ef verið er að aka vinnuvélinni upp á eftirvagn/pall í eða nærri halla skal leggja eftirvagninum/vörubílnum neðar í hallanum og láta skábrautina liggja upp í hallann til að lágmarka hornið.

Mynd 31

1. Eftirvagn
2. Skábraut í fullri breidd
3. Skábraut í fullri breidd – frá hlið

Hægt er að fá þráðlausan vinnustundamæli hjá viðurkenndum dreifingaraðili Toro.

Frekari upplýsingar er að finna í handbókinni fyrir þráðlaust vinnustundamæliskerfi.

1. Leggið vinnuvélinni á jafnsléttu, látið tengitæki síga, setjið stöðuhemilinn á, drepið á vélinni og takið lykilinn úr.

2. Fjarlægið stjórnborðið (Mynd 32).

   

   Mynd 32

   1. Stjórnborð
   2. Skrúfa (4)

3. Finnið tengivír þráðlausa vinnustundamælisins.

   Note: Tengivírinn er merktur.

4. Tengið þráðlausa vinnustundamælinn.

5. Festið þráðlausa vinnustundamælinn við rafleiðsluknippið til að koma í veg fyrir óþarfa hreyfingu í stokknum.

6. Setjið stjórnborðið aftur á.

Frekari upplýsingar um stuðningsstaði er að finna í Mynd 33.

Mynd 33

1. Stuðningsstaðir (að aftan)
2. Stuðningsstaðir (að framan)

Smurfeiti: Litíumfeiti nr. 2

Sprautið í alla smurkoppa á hjólnöf að framan, reimastrekkjara og lyftibúnaði tengitækis sem hér segir:

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Þurrkið af smurkoppnum til að aðskotaefni komist ekki inn í leguna eða fóðringuna.

3. Festið smursprautuna við smurkoppinn og dælið feiti í hann.

4. Þurrkið umframfeiti af.

• Hjólalega að framan (1) – Mynd 34

  

  Mynd 34

• Reimastrekkjari (1) – Mynd 35

  

  Mynd 35

• Lyftibúnaður tengitækis (4) – Mynd 36

  

  Mynd 36

Gerð: NGK BPR4ES (eða samsvarandi)

Bil: 0,76 mm

Note: Kertin endast yfirleitt lengi. Hins vegar er góð regla að skoða þau í hvert sinn sem vélarbilun kemur upp.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Hreinsið svæðið í kringum kertin til að koma í veg fyrir að aðskotahlutir komist í strokkana þegar kertin eru tekin úr.

   

   Mynd 43

   1. Kertavírar

3. Aftengið kertavírana frá kertunum og takið kertin úr strokklokinu.

4. Gangið úr skugga um að engar skemmdir séu sjáanlegar á hliðarrafskauti, miðjurafskauti og einangrun.

   Important: Skiptið um kerti með sprungum, kámug og óhrein kerti eða kerti sem eru á annan hátt biluð. Ekki þrífa rafskautin vegna þess að aðskotahlutir sem komast í strokk geta skemmt vélina.

5. Stillið bil á milli miðjurafskauts og hliðarrafskauts í 0,76 mm á hverju kerti; sjá Mynd 44. Setjið rétt stillt kerti í með pakkningu og herðið í 22 N∙m.

   

   Mynd 44

   1. Hliðarrafskaut
   2. Miðjurafskaut
   3. Einangrari
   4. 0,76 mm bil

Þessi vinna krefst réttra verkfæra. Leitið til viðurkennds söluaðila Kawasaki-véla vegna viðhaldsvinnu ef rétti búnaðurinn og viðeigandi þekking á vélum er ekki til staðar.

Þessi vinna krefst réttra verkfæra. Leitið til viðurkennds söluaðila Kawasaki-véla vegna viðhaldsvinnu ef rétti búnaðurinn og viðeigandi þekking á vélum er ekki til staðar.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Fjarlægið festingarnar sem festa sætið við vinnuvélina.

   

   Mynd 45

   1. Sætissamstæða
   2. Bolti (4)
   3. Skífa (4)

3. Aftengið síuna frá viðarkolahylkinu (Mynd 46).

   

   Mynd 46

   1. Sía í viðarkolahylki

4. Tengið nýju síuna við viðarkolahylkið.

5. Setjið stuðningsplötu sætisins og sæti á aftur.

Eldsneytisleiðslan er með innbyggða eldsneytissíu. Skiptið um sem hér segir:

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Losið hosuklemmuna af blöndungshlið síunnar og fjarlægið eldsneytisleiðsluna af síunni (Mynd 47 og Mynd 48).

   

   Mynd 47

   1. Eldsneytissía
   

   Mynd 48

   1. Eldsneytissía
   2. Hosuklemma, (2)
   3. Eldsneytisleiðsla

3. Setjið afrennslispönnu undir síuna, losið hina hosuklemmuna og fjarlægið síuna.

4. Rennið hosuklemmunum á enda eldsneytisleiðslnanna.

5. Ýtið eldsneytisleiðslunum á nýju eldsneytissíuna og festið þær með hosuklemmunum.

   Note: Setjið nýju síuna á þannig að örin á síuhúsinu vísi frá eldsneytisgeyminum (að blöndungnum).

1. Hreinsið tæringu af rafgeymaskautunum og tryggið að tengingin sé trygg áður en vinnuvélinni er gefið start.

   Important: Tæring eða lausar tengingar geta valdið óæskilegum spennutoppum við gangsetninguna, sem aftur getur valdið skemmdum á vélinni.Ekki gefa vinnuvélinni start ef rafgeymaskautin eru laus eða tærð.

   Hætta

   Þegar lítið hlöðnum rafgeymi, sem er með sprungum, er frosinn, með lítinn rafvökva eða rafgeymishólf með opna straumrás/skammhlaup, er gefið start er hætta á sprengingu sem getur valdið alvarlegum meiðslum á fólki.

   Ekki gefa lítið hlöðnum rafgeymi start ef þessi skilyrði eru fyrir hendi.

2. Gangið úr skugga um að hleðslurafgeymirinn sé fullhlaðinn blýsýrurafgeymir, minnst 12,6 V, í góðu ásigkomulagi. Notið stutta startkapla í réttri stærð til að draga úr spennufalli á milli kerfa. Tryggið að kaplarnir séu litakóðaðir eða merktir til að tengt sé á milli rétta skauta.

   Note: Tryggið að lok á loftunaropum séu vel hert og samsíða. Setjið rakan klút, ef hann er til staðar, yfir loftunaropalokin á hvorum rafgeymi. Tryggið að vinnuvélarnar snertist ekki, að slökkt sé á báðum rafkerfum og þau hafi sömu uppgefnu kerfisspennu. Þessar leiðbeiningar eru eingöngu fyrir kerfi með mínusjörð.

3. Tengið plúskapalinn (+) við plússkaut (+) tóma rafgeymisins sem er tengdur við startarann eða segulliðann eins og sýnt er á Mynd 49.

   

   Mynd 49

   1. Plúskapall (+) á tómum rafgeymi
   2. Plúskapall (+) á hleðslurafgeymi
   3. Mínuskapall (-) á hleðslurafgeymi
   4. Mínuskapall (-) á strokkstykki
   5. Hleðslurafgeymir
   6. Tómur rafgeymir
   7. Strokkstykki

4. Tengið hinn enda plúskapalsins við plússkaut hleðslurafgeymisins.

5. Tengið svarta mínuskapalinn (-) við hitt skautið (mínus) á hleðslurafgeyminum.

6. Tengið að lokum við strokkstykki (ekki mínusskaut rafgeymisins) vinnuvélarinnar með tóma rafgeyminn, fjarri rafgeyminum og haldið öruggri fjarlægð (Mynd 50).

   

   Mynd 50

   1. Strokkstykki
   2. Mínuskapall (-)

7. Gangsetjið vélina og takið kaplana af í öfugri röð við þegar þeir voru tengdir.

   Note: Aftengið fyrst kapalinn sem var tengdur við strokkstykkið (svarti kapallinn).

Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

Öryggjaboxið (Mynd 51) er hjá stjórnborðinu.

Mynd 51

1. Ljós (seld sérstaklega)
2. Tengitæki – 10 amper
3. Gangsetning vélar – 25 amper
4. Rafgeymir – 20 amper

Skipt er um öryggi með því að toga það úr öryggjaboxinu og setja nýtt í staðinn

Important: Notið alltaf öryggi sömu gerðar og með sama straumstyrk við skipti. Að öðrum kosti er hætta á að rafkerfið skemmist. Merkingin aftan á sætinu inniheldur upplýsingar um virkni og straumstyrk hvers öryggis.

1. Akið á slétt og opið svæði og færið stjórnstangirnar í læsta hlutlausa stöðu.

2. Stillið inngjöf miðja vegu á milli MIKILLAR og LíTILLAR inngjafar.

3. Færið báðar stjórnstangirnar alveg fram þar til þær ná stoppunum í T-raufinni.

4. Fylgist með í hvaða átt vinnuvélin leitar.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Gerið eftirfarandi, eftir því í hvaða átt vinnuvélin leitar:

   • Ef vinnuvélin leitar til hægri skal losa boltana og færa vinstri stoppplötuna aftar þar til hún hættir að leita til hliðar (Mynd 55).

   • Ef vinnuvélin leitar til vinstri skal losa boltana og færa hægri stoppplötuna aftar þar til hún hættir að leita til hliðar (Mynd 55).

   

   Mynd 55

   Vinstri stjórnstöng sýnd

   1. Bolti (4)
   2. Stoppplata

3. Herðið boltana til að festa stoppplötuna (Mynd 55).

Important: Tryggið að báðar stjórnstangirnar stöðvist við stoppplötuna en ekki innra stopp gírskiptingarinnar.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Lyftið vinnuvélinni upp að aftan og setjið búkka undir hana; sjá Vinnuvélinni lyft.

   Viðvörun

   Vélrænir tjakkar eða vökvatjakkar geta fallið/gefið sig undan þyngd vinnuvélarinnar og valdið alvarlegum meiðslum.

   Notið búkka til að halda vinnuvélinni uppi.

3. Setjið skrall í ferkantaða gatið á strekkjaraarminum til að vinna gegn átaki strekkjaragormsins (Mynd 56) og takið reimina af strekkjaratrissunni.

   

   Mynd 56

   1. Vinstri gírskiptingartrissa
   2. Strekkjaragormur
   3. Strekkjaraarmur
   4. Strekkjarahjól
   5. Vélartrissa
   6. Hægri gírskiptingartrissa

4. Losið strekkjaragorminn af strekkjaraarminum og grindinni (Mynd 56).

5. Fjarlægið róna sem festi strekkjarasamstæðuna við grindina (Mynd 57).

   

   Mynd 57

   1. Strekkjarasamstæða
   2. Ró

6. Fjarlægið boltann sem festi gömlu strekkjaratrissuna við strekkjaraarminn og setjið á nýja trissu (Mynd 58).

   

   Mynd 58

   1. Bolti
   2. Stöðuhólkur
   3. Þétti
   4. Trissa
   5. Strekkjaraarmur

7. Takið reimina af gírskiptingartrissunum og vélartrissunni.

8. Setjið nýja reim um vélartrissuna og gírskiptingartrissurnar tvær.

9. Setjið gorminn á strekkjaraarminn og grindina (Mynd 56).

10. Setjið skrall í ferkantaða gatið á strekkjaraarminum til að strekkja tímabundið á strekkjaragorminum og stilla reimina af við strekkjaratrissuna.

Tvær hæðarstillingar eru í boði fyrir stjórnstangirnar: há og lág.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Losið boltana og flansrærnar sem festa handföngin við stangirnar (Mynd 59).

   

   Mynd 59

   1. Bolti
   2. Stjórnstöng
   3. Stöng
   4. Sjálflæsandi ró

3. Stillið fram- og afturstöðu handfanganna með því að færa þau saman í hlutlausa stöðu og renna þeim til þar til þau eru samsíða (Mynd 60).

   

   Mynd 60

4. Herðið boltana og flansrærnar til að festa handföngin við stangirnar.

Rærnar tvær á tengibúnaði stjórnstanganna bjóða upp á fínstillingu til að tryggja að vinnuvélin færist ekki í stað í hlutlausum gír. Stillið eingöngu fyrir hlutlausa stöðu.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Lyftið öllum þremur hjólum vinnuvélarinnar upp af gólfinu og setjið búkka undir hana þannig að hún standi nógu hátt til að drifhjólin snúist óheft; sjá Vinnuvélinni lyft.

   Viðvörun

   Vélrænir tjakkar eða vökvatjakkar geta fallið/gefið sig undan þyngd vinnuvélarinnar og valdið alvarlegum meiðslum.

   Notið búkka til að halda vinnuvélinni uppi.

3. Ýtið niður á sætið eða setjið þyngd á sætið til að ýta samlæsingarrofanum niður.

4. Gangsetjið vélina og færið inngjafarstöngina á mikla inngjöf.

5. Takið þyngdina af sætinu.

6. Takið stöðuhemilinn af.

7. Á annarri hlið vinnuvélarinnar skal snúa rólega rónum tveimur á tengibúnaðinum (Mynd 61) þangað til hjólið þeim megin byrjar að snúast og snúa svo rónum í hina áttina þar til hjólið byrjar að snúast í hina áttina.

   Note: Stjórnstangirnar þurfa að vera í hlutlausri stöðu á meðan nauðsynlegum stillingum er sinnt.

   

   Mynd 61

   1. Tvær rær

8. Snúið rónum tveimur aftur til baka þar til þær eru miðja vegu á milli staðsetninganna tveggja.

9. Endurtakið skref 7 og 8 á hinni hliðinni.

10. Drepið á vélinni.

11. Fjarlægið búkkana og látið vinnuvélina síga varlega til jarðar.

12. Gangsetjið vélina aftur og tryggið að vinnuvélin skríði ekki af stað í hlutlausum gír þegar stöðuhemillinn er ekki á.

Hægt er að stilla demparafestiboltann til að breyta viðnámi stjórnstangar.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Til að komast að demparafestiboltunum þarf að fjarlægja boltana sem festa stoppplöturnar við grindina (Mynd 62).

   

   Mynd 62

   Vinstri hlið sýnd

   1. Bolti (4)
   2. Stoppplata

3. Fjarlægið lásróna, færið demparafestiboltann í æskilega stöðu og setjið lásróna á. Frekari upplýsingar um mögulegar festingar er að sjá á Mynd 63.

   Note: Herðið lásróna í 22,6 N∙m. Boltinn þarf að standa út úr lásróni að herslu lokinni.

   

   Mynd 63

   Hægri hlið sýnd

   1. Lásró
   2. Mesta viðnám (mesta átak)
   3. Dempari
   4. Miðlungsviðnám (miðlungsátak)
   5. Minnsta viðnám (minnsta átak)

4. Stillið stefnuna; sjá Stefnustilling.

Hægt er að stilla viðnám stjórnstanganna út til hliðanna, þegar þær eru færðar í og úr læstri hlutlausri stöðu, á eftirfarandi máta:

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Losið festiróna (Mynd 64).

   

   Mynd 64

   1. Sjálflæsandi ró
   2. Festiró

3. Herðið eða losið sjálflæsandi róna með æskilegu hersluátaki.

   • Herðið sjálflæsandi róna til að auka viðnám.

   • Losið sjálflæsandi róna til að minnka viðnám.

4. Herðið róna.

5. Endurtakið þetta fyrir hina stjórnstöngina.

Þegar gert er við eða skipt um íhlut vökvakerfis þarf að skipta um glussasíurnar og yfirfara vökvakerfið til að tryggja að það virki rétt.

Important: Gangið úr skugga um að glussageymarnir og sían í greininni séu alltaf full af glussa á meðan vökvakerfið er skoðað.

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Lyftið öllum þremur hjólum vinnuvélarinnar upp af gólfinu og setjið búkka undir hana þannig að hún standi nógu hátt til að drifhjólin snúist óheft; sjá Vinnuvélinni lyft.

   Viðvörun

   Vélrænir tjakkar eða vökvatjakkar geta fallið/gefið sig undan þyngd vinnuvélarinnar og valdið alvarlegum meiðslum.

   Notið búkka til að halda vinnuvélinni uppi.

3. Gangsetjið vélina og stillið inngjöfina á hægan lausagang.

4. Færið stjórnstangirnar í fremstu stöðu og kannið hvort drifhjólin snúist mjúklega.

5. Færið stjórnstangirnar í öftustu stöðu og kannið hvort drifhjólin snúist mjúklega.

6. Ýtið á tengitækisrofann þar til lyftitjakksbullan hefur gengið inn og út nokkrum sinnum.

   Ef tjakkbullan hefur ekki hreyfst eftir 10 til 15 sekúndur eða dælan gefur frá sér óeðlileg hljóð skal tafarlaust drepa á vélinni og leita eftir orsökinni.

   Leitið eftir eftirfarandi ástandi og framkvæmið nauðsynlegar viðgerðir eða leitið til viðurkennds dreifingaraðila Toro:

   • Reimin dottin af eða mikið slitin.

   • Glussastaða undir mörkum.

   • Laus glussasía.

   • Hleðsludæla slitin.

   • Hleðslulosunarsía slitin.

   • Bilun tengd rofanum eða leiðslunum.

   • Stíflaður segulloki.

Rúmtak:

• Vinstri hlið – 1,9 l

• Hægri hlið – 2,0 l

Gerð glussa: Toro Premium Transmission/Hydraulic Tractor Fluid eða Mobilfluid® 424

1. Leggið vinnuvélinni á jafnsléttu, látið tengitækið síga, setjið stjórnstangirnar í læsta hlutlausa stöðu, setjið stöðuhemilinn á, drepið á vélinni og takið lykilinn úr.

2. Setjið afrennslispönnu undir vökvagírskiptinguna vinstra megin.

3. Takið úr botntappann á dæluhliðinni og botntappann á gírhliðinni (Mynd 69) og tappið öllum glussanum af.

   

   Mynd 69

   1. Síulok
   2. Botntappi – gírhlið
   3. Sía í grein
   4. Botntappi – dæluhlið

4. Fjarlægið síulokið og togið síuna úr gírskiptingunni (Mynd 70).

   

   Mynd 70

   1. Lok
   2. Sía

5. Setjið nýja síu í og skrúfið síulokið á.

6. Endurtakið skref 2 til 5 á vökvagírskiptingunni hægra megin.

7. Hreinsið svæðið í kringum síuna í greininni, hægra megin á vinnuvélinni.

8. Setjið afrennslispönnu undir síuna (Mynd 71).

   

   Mynd 71

9. Losið síuna í greininni rólega þar til glussi rennur út hjá pakkningunni.

10. Takið síuna úr þegar rennsli glussans minnkar.

11. Smyrjið pakkninguna á nýju síunni með hreinum glussa og skrúfið hana í með höndunum þar til pakkningin snertir sætið.

12. Herðið síuna um ¾ úr snúningi í viðbót.

13. Fyllið báða glussageymana með nýjum glussa, upp að neðsta hluta hæðarglersins á geymafestingunum.

    Important: Ekki yfirfylla vökvakerfið. Frekari upplýsingar eru í Staða glussa athuguð.

    Note: Hægt er að fjarlægja tappann (Mynd 72) ofan á vökvagírskiptingunum til að glussinn renni hraðar á kerfið. Þegar glussi byrjar að streyma úr gatinu er tappinn settur í og haldið áfram að fylla á geyminn þar til hann hefur náð réttri hæð.

    Important: Gangið úr skugga um að tapparnir séu á sínum stað og vel festir áður en vélin er gangsett.

    

    Mynd 72

    1. Tappar ofan á

14. Gangsetjið vélina og látið hana ganga. Notið lyftitjakkinn þar til hann lengist og dregst saman.

15. Gangið úr skugga um að hægt sé að aka vinnuvélinni áfram og aftur á bak.

16. Drepið á vélinni og kannið glussahæðina í geymunum. Fyllið á eftir þörfum.

17. Leitið eftir leka við tengingar og gangið úr skugga um að vökvakerfið vinni rétt; sjá Vökvakerfið skoðað.

18. Fargið notuðum glussa á viðeigandi máta.

Leitið daglega eftir leka, beygluðum lögnum, lausum festingum, sliti, lausum tengjum, veðrun og tæringu af völdum íðefna á glussalögnum og slöngum. Framkvæmið nauðsynlegar viðgerðir fyrir notkun.

1. Þegar vinnu er lokið skal leggja vinnuvélinni á jafnsléttu, láta tengitækið síga, setja stjórnstangirnar í læsta hlutlausa stöðu, setja stöðuhemilinn á, drepa á vélinni og taka lykilinn úr.

2. Skolið vel af vinnuvélinni með garðslöngu – án stúts – til að koma í veg fyrir að of mikill vatnsþrýstingur valdi mengun í og skemmdum á þéttum og legum.

3. Gangið úr skugga um að kælifanir og svæðið í kringum inntak kælilofts fyrir vélina séu laus við óhreinindi. Eftir þrif skal leita eftir glussaleka, skemmdum og sliti á íhlutum vökvakerfis og vélrænum íhlutum.