Workman® HDX-D vinnubíll

Fara skal í gegnum ferli fyrir hverja notkun/daglegt ferli sem lýst er í áður en unnið er á vinnubílnum í upphafi hvers dags.

Forskrift loftþrýstings í hjólbörðum framdekkja: 220 kPa (32 psi)

Forskrift loftþrýstings í hjólbörðum afturdekkja: 124 kPa (18 psi)

Important: Kannið oft þrýsting í hjólbörðum til að tryggja réttan loftþrýsting. Ef loftþrýstingur í hjólbörðum er ekki réttur slitna þeir hraðar og hætta er á að bíllinn sé fastur í fjórhjóladrifinu.

Mynd 12 sýnir dæmi um slit hjólbarða vegna of lítils loftþrýstings.

Mynd 12

1. Of lítill loftþrýstingur í hjólbarða

Mynd 13 sýnir dæmi um slit hjólbarða vegna of mikils loftþrýstings.

Mynd 13

1. Of mikill loftþrýstingur í hjólbarða

Notið aðeins hreint og ferskt dísileldsneyti eða lífdísileldsneyti með litlu (<500 ppm) eða mjög litlu (<15 ppm) brennisteinsinnihaldi. Lágmarkssetantala er 40. Kaupið eldsneyti í magni sem hægt er að nota innan 180 daga til að tryggja að eldsneytið sé ferskt.

• Notið dísileldsneyti til sumarnotkunar (nr. 2-D) við hitastig yfir -7 °C og eldsneyti til vetrarnotkunar (nr. 1-D eða nr. 1-D/2-D blöndu) undir því hitastigi.

• Notkun eldsneytis til vetrarnotkunar býður upp á lægra blossamark og streymiseiginleika fyrir kalt veður og auðveldar þannig gangsetningu og dregur úr hættum á stíflum í eldsneytissíu.

Note: Notkun eldsneytis til sumarnotkunar fyrir hitastig yfir -7 °C tryggir lengri endingu eldsneytisdælunnar og aukið afl samanborið við eldsneyti til vetrarnotkunar.

Important: Notið ekki steinolíu eða bensín í stað dísileldsneytis. Hætta er á að vélin skemmist ef þessum tilmælum er ekki fylgt.

Framkvæmið eftirfarandi til að tryggja rétt afköst vinnubílsins:

• Tryggið að hemlarnir séu slípaðir; sjá Hemlar slípaðir.

• Kannið glussa- og smurolíuhæð með reglulegu millibili. Verið vakandi fyrir merkjum um að vinnubíllinn eða íhlutir hans séu að ofhitna.

• Eftir að köld vél er gangsett skal gefa henni um 15 sekúndur til að hitna áður en byrjað er að vinna á vinnubílnum.

  Note: Gefið vélinni lengri tíma til að hitna þegar kalt er í veðri.

• Akið vinnubílnum á breytilegum hraða við notkun. Forðist að taka hratt af stað og stöðva snögglega.

• Ekki þarf að nota tilkeyrsluolíu á vinnubílinn. Upprunaleg smurolía er sömu gerðar og tilgreind er fyrir regluleg olíuskipti.

• Upplýsingar um sérstakar, tíðar skoðanir eru í .

Tilgangur öryggissamlæsingarkerfisins er að koma í veg fyrir að vélin sé gangsett nema búið sé að stíga á kúplingsfótstigið.

Note: Upplýsingar um skoðun samlæsingarkerfis fyrir tengitæki eru í notendahandbókinni.

1. Sitjið í sæti stjórnanda og setjið stöðuhemilinn á.

2. Aftengið aflúttakið og vökvakerfi með miklu streymi (ef það er til staðar) og færið handinngjöfina í SLöKKTA stöðu (ef hún er til staðar).

3. Færið gírstöngina í HLUTLAUSAN GíR og stígið á kúplingsfótstigið.

4. Tryggið að stöng vökvalyftu sé í miðstöðu.

5. Ekki stíga á inngjafarfótstigið.

6. Snúið svisslyklinum í GANGSTöðU.

   Note: Þegar kertaljósið kviknar er hægt að gangsetja vélina.

7. Snúið svisslyklinum í GANGSETNINGARSTöðU.

   Note: Sleppið lyklinum um leið og vélin fer í gang. Hann fer sjálfkrafa aftur í GANGSTöðU.

Note: Kertaljósið kviknar í 15 sekúndur í viðbót þegar svissinum er snúið aftur á GANGSTöðU.

Note: Ekki keyra startarann lengur en 10 sekúndur í einu. Annað getur valdið ótímabærri bilun í startaranum. Ef vélin fer ekki í gang innan 10 sekúndna skal snúa lyklinum á SLöKKTA stöðu. Farið yfir stjórntæki og gangsetningarferli, bíðið í 10 sekúndur og reynið svo aftur að setja í gang.

Kveikt er á sjálfvirku fjórhjóladrifi með því að ýta veltirofanum í stöðuna 4X4 AUTO (Mynd 17).

Mynd 17

1. Kveikt á sjálfvirku fjórhjóladrifi
2. Slökkt á sjálfvirku fjórhjóladrifi

Þegar fjórhjóladrifsrofinn er í virkri stöðu er fjórhjóladrif vinnubílsins sjálfkrafa tengt þegar skynjarinn greinir spól í afturdekkjunum. Ljós fjórhjóladrifsrofans kviknar þegar fjórhjóladrifið er tengt.

Important: Sjálfvirk tenging fjórhjóladrifs er ekki í boði í bakkgír. Í bakkgír þarf að ýta á fjórhjóladrifshnappinn til að tengja fjórhjóladrifið.

Fjórhjóladrifið er virkjað handvirkt með því að halda fjórhjóladrifshnappinum á miðstokknum inni á meðan vinnubíllinn er á ferð.

Note: Fjórhjóladrifið helst tengt á meðan hnappinum er haldið inni; fjórhjóladrifsrofinn þarf ekki að vera stilltur á AUTO fyrir handvirka tengingu fjórhjóladrifsins.

1. Takið stöðuhemilinn af.

2. Stígið kúplingsfótstigið alveg niður.

3. Setjið gírstöngina í fyrsta gír.

4. Sleppið kúplingsfótstiginu mjúklega um leið og stigið er á inngjafarfótstigið.

5. Þegar vinnubíllinn er kominn á nægilegan hraða skal taka fótinn af inngjafarfótstiginu, stíga kúplingsfótstigið alveg niður, setja gírstöngina í næsta gír og sleppa svo kúplingsfótstiginu um leið og stigið er á inngjafarfótstigið.

6. Endurtakið ferlið þar til æskilegum hraða er náð.

   Important: Stöðvið vinnubílinn alltaf þegar skipta á í bakkgír úr framgír eða í framgír úr bakkgír.

   Note: Forðist að láta vélina ganga lengi í lausagangi.

   Notið töfluna hér að neðan til að ákvarða aksturshraða þegar snúningshraði vélarinnar er 3600 sn./mín.

   Gír	Drif	Hlutfall	Hraði (km/klst.)	Hraði (míl./klst.)
   1	L	82,83 : 1	4,7	2,9
   2	L	54,52 : 1	7,2	4,5
   3	L	31,56 : 1	12,5	7,7
   1	H	32,31 : 1	12,2	7,6
   2	H	21,27 : 1	18,5	11,5
   3	H	12,31 : 1	31,9	19,8
   R	L	86,94 : 1	4,5	2,8
   R	H	33,91 : 1	11,6	7,1

   Important: Ekki reyna að ýta eða draga vinnubílinn í gang. Slíkt getur leitt til skemmda á aflrásinni.

Vinnubíllinn er stöðvaður með því að taka fótinn af inngjafarfótstiginu og stíga því næst á hemlafótstigið.

1. Leggið vinnubílnum á jafnsléttu.

2. Setjið stöðuhemilinn á.

3. Snúið svisslyklinum í SLöKKTA stöðu og takið lykilinn úr.

Driflæsingin eykur grip vinnubílsins með því að samlæsa afturdekkjunum til að eitt hjól spóli ekki. Þetta getur auðveldað akstur með þungan farm yfir blautan grassvörð eða við hálar aðstæður, upp halla eða á sandi. Mikilvægt er að hafa í huga að þetta aukna grip er eingöngu ætlað fyrir tímabundna takmarkaða notkun. Það kemur ekki í stað öruggrar notkunar.

Driflæsingin veldur því að bæði afturdekk snúast á sama hraða. Þegar driflæsingin er á er erfiðara að taka krappar beygjur og þær geta skemmt grassvörð. Notið driflæsinguna eingöngu þegar á þarf að halda, á hægum hraða og eingöngu í fyrsta eða öðrum gír.

Vökvastjórnbúnaðurinn beinir vökvaafli frá dælu vinnubílsins þegar vélin er í gangi. Hægt er að nýta aflið í gegnum hraðtengin aftan á vinnubílnum.

Important: Ef margir vinnubílar nota sama tengitækið er hætta á að óhreinindi geti borist í glussa á milli vinnubíla. Skiptið oftar um glussa.

• Sýnið aðgát þegar vinnubíllinn er settur á eða tekinn af eftirvagni eða palli.

• Notið skábrautir í fullri breidd við að aka honum á eftirvagn eða palla.

• Festið vinnubílinn tryggilega.

Frekari upplýsingar um festingarstaði á vinnubílnum er að finna á Mynd 19Mynd 20.

Note: Akið vinnubílnum á eftirvagn þannig að framhluti hans snúi fram. Ef það er ekki hægt skal binda vélarhlífina fasta við grindina með stroffu eða taka hana af og flytja og festa aðskilið; að öðrum kosti er hætta á að vélarhlífin fjúki af við flutninga.

Mynd 19

1. Auga á grindinni

Mynd 20

1. Öxull
2. Festiplata

Í neyðartilvikum er hægt að draga vinnubílinn stuttar vegalengdir; þetta er hins vegar ekki hefðbundin notkun.

Note: Aflstýrið virkar ekki, sem leiðir til erfiðleika við stýringu.

Dráttur vinnubílsins krefst aðkomu tveggja einstaklinga. Ef flytja þarf vinnubílinn um langan veg skal nota vörubíl eða eftirvagn.

1. Festið dráttartaug í beislið framan á grind vinnubílsins (Mynd 19).

2. Setjið gírskiptinguna í HLUTLAUSAN GíR og takið stöðuhemilinn af.

Vinnubíllinn getur dregið eftirvagna og tengitæki sem eru þyngri en bíllinn sjálfur. Nokkrar gerðir dráttarkróka eru í boði fyrir vinnubílinn, allt eftir því í hvað á að nota hann. Frekari upplýsingar fást hjá viðurkenndum þjónustu- og söluaðila.

Ef vinnubíllinn er búinn dráttarkróki sem er boltaður á afturöxulinn getur bíllinn dregið eftirvagna eða tengitæki sem eru að hámarki 1587 kg.

Hlaðið eftirvagn alltaf þannig að 60% farmsins liggi á framhluta eftirvagnsins. Þetta veltir um 10% (hámark 272 kg) af heildarþyngd eftirvagnsins yfir á dráttarkrók vinnubílsins.

Ekki ofhlaða vinnubílinn eða eftirvagninn þegar ekið er með farm eða eftirvagn (tengitæki) í eftirdragi. Ofhleðsla getur valdið skertum afköstum eða skemmdum á hemlum, öxli, vél, sambyggðum gírkassa og drifi, stýri, fjöðrun, yfirbyggingu eða hjólbörðum.

Important: Notið lága drifið til að draga úr hættu á skemmdum á aflrásinni.

Við drátt tengitækja sem tengd eru með dráttarstól, á borð brautaloftunarbúnað, þarf alltaf að setja upp hjólastöng (sem fylgir með dráttarstólssettinu) til að koma í veg fyrir framhjólin lyftist upp ef hreyfing tengitækisins er skyndilega heft.

1. Leggið vinnubílnum á jafnsléttu.

2. Setjið stöðuhemilinn á.

3. Tæmið og lyftið pallinum; sjá Pallinum lyft.

4. Drepið á vélinni og takið lykilinn úr.

5. Bíðið þar til vinnubíllinn hefur kólnað áður en viðhaldi er sinnt.

Important: Setjið pallstífuna alltaf á eða fjarlægið utan við pallinn.

1. Lyftið pallinum þar til lyftitjakkarnir hafa náð fullri lengd.

2. Takið pallstífuna úr geymslufestingunni aftan á veltigrindarspjaldinu (Mynd 21).

   

   Mynd 21

   1. Pallstífa

3. Ýtið pallstífunni á tjakkbulluna og tryggið að fliparnir á endum stífunnar liggi á tjakkhólknum og stangarenda tjakksins (Mynd 22).

   

   Mynd 22

   1. Pallstífa
   2. Tjakkhólkur
   3. Pallur

4. Takið pallstífuna af tjakknum og setjið hana í festinguna aftan á veltigrindarspjaldinu.

   Important: Ekki reyna að láta pallinn síga með stífuna á tjakknum.

1. Gangsetjið vélina, setjið stöng vökvalyftunnar í virka stöðu og látið pallinn síga þar til tjakkarnir eru lausir í raufunum.

2. Sleppið öryggisstönginni og drepið á vélinni.

3. Takið splittin úr ytri endum splittbolta tjakkbullunnar (Mynd 23).

   

   Mynd 23

   1. Endi bullustangarinnar
   2. Festiplata palls
   3. Splittbolti
   4. Splitti
   5. Aftari raufar (heill pallur)
   6. Fremri raufar (⅔ pallur)

4. Fjarlægið splittboltana sem festa stangarenda tjakksins við festiplötur pallsins með því að ýta þeim inn (Mynd 23).

5. Fjarlægið splittin og splittboltana sem festa snúningsfestingarnar við grindina (Mynd 23).

6. Lyftið pallinum af vinnubílnum.

   Varúð

   Heill pallur vegur um 148 kg og þess vegna þurfa fleiri en einn að fjarlægja hann.

   Notið talíu eða fáið aðstoð tveggja til þriggja einstaklinga.

7. Geymið tjakkana í geymslufestingunum.

8. Læsið lásstöng vökvaknúna tjakksins á bílnum til að koma í veg fyrir að hann opnist óvart.

Note: Ef setja þarf upp hliðarborð á flatan pall er auðveldara að setja þau á áður en pallurinn er settur á vinnubílinn.

Tryggið að aftari snúningsplöturnar séu boltaðar við pallgrindina þannig að neðri endinn vísi aftur (Mynd 24).

Mynd 24

1. Vinstra horn palls að aftan
2. Grind vinnubíls
3. Snúningsplata
4. Splittbolti
5. Splitti

Tryggið að stöðuhólksfestingarnar og slitkubbarnir (Mynd 25) séu sett upp þannig að boltahausarnir vísi inn að vinnubílnum.

Mynd 25

1. Slitkubbur
2. Stöðuhólksfesting
3. Burðarbolti

1. Tryggið að lyftitjakkarnir séu alveg inndregnir.

2. Setjið pallinn varlega á grind vinnubílsins, þannig að göt snúningsplötunnar aftan á pallinum flútti við götin aftan á grindinni, og festið með splittboltunum og splittunum (Mynd 25).

3. Hafið pallinn niðri og festið stangarenda tjakkanna við viðeigandi raufar á festiplötum pallsins með splittbolta og splitti.

4. Setjið splittboltann í utan frá þannig að splittið vísi út (Mynd 25).

   Note: Aftari raufarnar eru fyrir uppsetningu á heilum palli; fremri raufarnar eru fyrir uppsetningu ⅔ palls.

   Note: Hugsanlega þarf að gangsetja vélina til að lengja og draga tjakkana saman til að stilla þá af við götin.

   Note: Hægt er að loka ónotuðum raufum með bolta og ró til að koma í veg fyrir villur við uppsetningu.

5. Gangsetjið vélina og notið stöng vökvalyftu til að lyfta pallinum.

6. Sleppið öryggisstönginni og drepið á vélinni.

7. Setjið pallstífuna á til að koma í veg fyrir að pallurinn falli niður; sjá Notkun pallstífu.

8. Setjið splittin í innri enda splittboltanna.

   Note: Ef sjálfvirk opnun afturhlera er uppsett á pallinum þarf að tryggja að fremri sturtutengiarmurinn sé innan við vinstri splittboltann áður en splittið er sett í.

Þegar vinnubíll er tjakkaður upp að framan skal alltaf setja viðarkubb (eða eitthvað svipað) á milli tjakksins og grind vinnubílsins.

Lyftipunktarnir framan á vinnubílnum er undir miðjurammastoðinni (Mynd 26).

Mynd 26

1. Lyftipunktar að framan

Lyftipunktarnir aftan á vinnubílnum eru undir öxlinum (Mynd 27).

Mynd 27

1. Lyftipunktar að aftan

Smurfeiti: Litíumfeiti nr. 2

1. Þurrkið af smurkoppnum með tusku til að aðskotaefni komist ekki inn í leguna eða fóðringuna.

2. Notið smursprautu til að sprauta smurfeiti í smurkoppa vinnubílsins.

3. Þurrkið umframfeiti af vinnubílnum.

Important: Þegar smurfeiti er sprautað í hjörulið drifskaftsins skal sprauta þar til smurfeiti sprautast út um allar fjórar skálarnar.

Staðsetningar smurkoppa og magn smurfeiti í þá er eftirfarandi:

• Kúluliðir (4); sjá Mynd 29

• Stýrisstangir (2); sjá Mynd 29

• Snúningsfestingar (2); sjá Mynd 29

• Stýristjakkur (2); sjá Mynd 29

  

  Mynd 29

• Gormturn (2); sjá Mynd 30

  

  Mynd 30

• Kúpling (1); sjá Mynd 31

• Inngjöf (1); sjá Mynd 31

• Hemill (1); sjá Mynd 31

  

  Mynd 31

• U-liður (18); sjá Mynd 32

• Fjórhjóladrifskaft (3); sjá Mynd 32

  

  Mynd 32

Skoðið loftsíuna og slöngurnar reglulega til að tryggja öryggi og hámarks endingartíma vélarinnar. Leitið eftir skemmdum á húsi loftsíunnar sem kunna að valda loftleka. Skiptið um skemmt loftsíuhús.

1. Losið klinkurnar á loftsíunni og togið lokið af henni (Mynd 33).

   

   Mynd 33

   1. Loftsíulok
   2. Sía

2. Opnið rykhlífina með því að kreista hana saman og sláið út rykið.

3. Rennið síunni varlega úr húsinu (Mynd 33).

   Note: Reynið að koma í veg fyrir að sían lemjist í hliðar hússins.

   Note: Ekki þrífa síuna.

4. Leitið eftir skemmdum á nýju síunni með því að horfa inn í síuna um leið og lýst er með björtu ljósi utan á síuna.

   Note: Göt á síunni mynda bjarta bletti. Leitið eftir rifum, olíumengun eða skemmdum á gúmmíþétti einingarinnar. Ekki nota síuna ef hún er skemmd.

   Note: Notið vélina ávallt með loftsíuna og hlífina á sínum stað til að koma í veg fyrir vélarskemmdir.

5. Rennið síunni varlega yfir sívalninginn (Mynd 33).

   Note: Tryggið að hún sitji tryggilega með því að ýta á ytri brún síunnar um leið og hún er sett í.

6. Setjið loftsíulokið á þannig að hliðin snúi upp og festið klinkurnar (Mynd 33).

Note: Skiptið oftar um olíu þegar unnið er í miklu ryki eða sandi.

Note: Fargið notaðri smurolíu og olíusíunni á vottaðri endurvinnslustöð.

Forskriftir fyrir smurolíu

Gerð olíu: Hreinsiolía (API-flokkun SJ eða hærri)

Rúmtak sveifarhúss: 3,2 l þegar skipt er um síu

Seigja: Sjá töfluna hér á eftir.

Mynd 34

Skoðið eldsneytisleiðslurnar, tengin og klemmurnar með tilliti til leka, niðurbrots, skemmda eða lausra leiðslna.

Note: Gerið við alla íhluti eldsneytiskerfisins sem eru skemmdir eða leka áður en vinnubíllinn er notaður að nýju.

Öryggi rafkerfisins eru undir miðju mælaborðsins (Mynd 39 og Mynd 40).

Mynd 39

1. Öryggi

Mynd 40

1. Rafmagnstengi (10 A)
2. Skiptistraumur (10 A)
3. Eldsneytisdæla/eftirlitsrofi (10 A)
4. Flauta/innstunga (15 A)
5. Ljós/hemill (15 A)
6. Hættuljós (10 A)
7. Fjórhjóladrif/gírskipting (10 A)

1. Kreistið rafgeymishlífina saman til að losa um flipana á undirstöðu rafgeymisins og fjarlægið síðan rafgeymishlífina af undirstöðu rafgeymisins (Mynd 41).

   

   Mynd 41

   1. Rafgeymishlíf

2. Tengið startkapal á milli plússkautanna á báðum rafgeymunum (Mynd 42).

   Note: Plússkautið er auðkennt með + merkinu efst á rafgeymishlífinni.

3. Tengið endann á öðrum startkaplinum við mínusskautið á rafgeyminum í hinum vinnubílnum.

   Note: Mínusskautið er auðkennt með NEG“ á rafgeymishlífinni.

   Note: Ekki tengja endann á hinum startkaplinum við neikvæða skautið á tóma rafgeyminum. Tengið startkapalinn við vélina eða grindina. Ekki tengja startkapalinn við eldsneytiskerfið.

   

   Mynd 42

   1. Rafgeymir

4. Gangsetjið vél vinnubílsins sem gefur startið.

   Note: Látið vélina ganga í nokkrar mínútur og gangsetjið síðan hina vélina.

5. Fjarlægið fyrst startkaplana af neikvæða rafgeymisskauti vinnubílsins og þar á eftir af rafgeymisskautinu í vinnubílnum sem gaf start.

6. Festið rafgeymishlífina við undirstöðu rafgeymisins.

• Tryggið að rafgeymirinn sé ávallt hreinn og fullhlaðinn.

• Þegar tæring er til staðar á rafgeymisskautunum verður að þrífa þau með lausn sem inniheldur fjóra hluta vatns og einn hluta matarsóda.

• Smyrjið þunnt lag af feiti á rafgeymisskautin til að koma í veg fyrir tæringu.

• Viðhaldið stöðu rafvökvans á rafgeyminum.

• Haldið efri hluta rafgeymisins hreinum með því að hreinsa hann reglulega með bursta bleyttum í ammoníaki eða matarsódalausn. Skolið hann með vatni að þrifum loknum. Ekki fjarlægja áfyllingarlokið á meðan þrifin standa yfir.

• Gætið þess að rafgeymiskaplarnir séu vel hertir á skautunum til að tryggja góða rafmagnstengingu.

• Notið eimað eða steinefnasneytt vatn til að halda hæð geymasýrunnar í hólfinu. Ekki fylla á hólfin sem eru fyrir ofan neðri hluta áfyllingarhringsins í hverju hólfi fyrir sig.

• Ef vinnubíllinn er geymdur þar sem hitastig getur orðið mjög hátt eyðist hleðsla rafgeymisins hraðar en þegar hann er geymdur þar sem svalt er.

1. Leggið vinnubílnum á jafnsléttu.

2. Setjið stöðuhemilinn á.

3. Drepið á vélinni og takið lykilinn úr.

4. Þrífið svæðið umhverfis aftöppunar-/stöðutappann á hlið mismunadrifsins (Mynd 43).

   

   Mynd 43

   1. Áfyllingar-/stöðutappi
   2. Botntappi

5. Fjarlægið áfyllingar-/stöðutappann og athugið olíuhæðina.

   Note: Olían ætti að ná upp að opinu.

6. Fyllið á með tilgreindri olíu ef lítið er eftir af olíu.

7. Komið áfyllingar-/stöðutappanum aftur fyrir á sínum stað.

Forskrift mismunadrifsolíu: Mobil 424 glussi

1. Leggið vinnubílnum á jafnsléttu.

2. Setjið stöðuhemilinn á.

3. Drepið á vélinni og takið lykilinn úr.

4. Þrífið svæðið í kringum botntappann á hlið mismunadrifsins (Mynd 43).

5. Setjið afrennslispönnu undir botntappann.

6. Takið botntappann úr og tappið af allri olíunni í afrennslispönnuna.

7. Setjið tappann á sinn stað og herðið þegar aftöppun olíunnar er lokið.

8. Þrífið svæðið í kringum áfyllingar-/stöðutappann neðst á mismunadrifinu.

9. Fjarlægið áfyllingar-/stöðutappann og fyllið á með tilgreindri olíu þar til olíuhæðin nær upp að opinu.

10. Komið áfyllingar-/stöðutappanum aftur fyrir á sínum stað.

Skoðið skauthlífar rafalsins með tilliti til sprungumyndunar, holumyndunar eða lausra klemma. Leitið ráða hjá viðurkenndum þjónustu- og söluaðila varðandi viðhaldsvinnu eða viðgerðir ef skemmdir koma í ljós.

1. Færið gírstöngina í HLUTLAUSAN GíR.

2. Fjarlægið splittpinnana sem festa leiðslur gírskiptingarinnar við skiptileiðslur sambyggða gírkassans og drifsins (Mynd 44).

   

   Mynd 44

   1. Gírstöng (hátt og lágt hraðasvið)
   2. Gírstöng (annar og þriðji gír)
   3. Gírstöng (fyrsti gír og bakkgír)
   4. Splittbolti

3. Losið um festirær klofans og stillið hvern klofa fyrir sig þannig að fríbil leiðslunnar sé jafnt fram á við og aftur á bak miðað við op gírstangar sambyggða gírkassans og drifsins (fríbil stangar sambyggða gírkassans og drifsins skal vera jafnt í sömu átt).

4. Komið splittboltunum fyrir og herðið festirærnar þegar viðgerðum er lokið.

1. Fjarlægið splittboltann sem heldur leiðslunni fyrir hátt og lágt hraðasvið fastri á sambyggða gírkassanum og drifinu (Mynd 44).

2. Losið um festiró klofans og stillið klofann þannig að op klofans flútti við op sambyggða gírkassans og drifsins.

3. Komið splittboltanum fyrir og herðið festiróna þegar viðgerðum er lokið.

1. Færið stöng mismunadrifsins í stöðuna OFF (slökkt).

2. Losið um festirærnar sem halda leiðslu mismunadrifsins fastri við festinguna á sambyggða gírkassanum og drifinu (Mynd 45).

   

   Mynd 45

   1. Driflæsingarleiðsla
   2. Festing fyrir sambyggðan gírkassa og drif
   3. Gormur
   4. 0,25 til 1,5 mm bil

3. Stillið festirærnar þannig að 0,25 til 1,5 mm fríbil verði á milli króks gormsins og opsins á stöng sambyggða gírkassans og drifsins.

4. Herðið festirærnar þegar viðhaldsvinnu er lokið.

Forskrift loftþrýstings í hjólbörðum framdekkja: 220 kPa (32 psi)

Forskrift loftþrýstings í hjólbörðum afturdekkja: 124 kPa (18 psi)

Árekstrar sem kunna að verða við notkun vinnubílsins, líkt og þegar ekið er á gangstéttarbrúnir, geta valdið skemmdum á hjólbörðum eða felgum og raskað hjólastillingum. Skoðið því ástand hjólbarða eftir slíka árekstra.

Important: Kannið oft þrýsting í hjólbörðum til að tryggja réttan loftþrýsting. Ef loftþrýstingur í hjólbörðum er ekki réttur slitna þeir hraðar og hætta er á að bíllinn sé fastur í fjórhjóladrifinu.

Mynd 46 er dæmi um slit hjólbarða vegna of lítils loftþrýstings.

Mynd 46

1. Of lítill loftþrýstingur í hjólbarða

Mynd 47 er dæmi um slit hjólbarða vegna of mikils loftþrýstings.

Mynd 47

1. Of mikill loftþrýstingur í hjólbarða

1. Gangið úr skugga um að hjólbarðarnir snúi beint áfram.

2. Mælið fjarlægðina frá miðju til miðju (í öxulshæð), framan og aftan á stýrðu hjólbörðunum (Mynd 48).

   Note: Bilið verður að vera minna en 0 ± 3 mm framan og aftan á hjólbarðanum. Snúið hjólbarðanum 90° og athugið mælinguna.

   Important: Ávallt skal gera mælingar á sömu stöðum á hjólbarðanum. Koma skal vinnubílnum fyrir á sléttu undirlagi og snúa hjólbörðunum beint fram.

   

   Mynd 48

   1. Framhlið vinnubílsins
   2. 0 ± 3 mm framan og aftan á hjólbarðanum
   3. Fjarlægð frá miðju til miðju

3. Stillið fjarlægðina frá miðju til miðju á eftirfarandi hátt:

   1. Losið um festiróna fyrir miðju tengistangarinnar (Mynd 49).

      

      Mynd 49

      1. Millistangir
      2. Festirær

   2. Snúið tengistönginni til að færa framhluta hjólbarðans inn eða út á við til að stilla fjarlægðina frá miðju til miðju frá framhlutanum til afturhlutans.

   3. Herðið festiró tengistangarinnar þegar stillingin er rétt.

   4. Athugið hvort að hægt sé að snúa hjólbörðunum jafnt til hægri og til vinstri.

      Note: Frekari upplýsingar um stillingu er að finna í þjónustuhandbókinni í tilvikum þegar hjólbarðarnir snúast ekki jafnt.

Hersluátak fyrir felguró: 109 til 122 N∙m

Herðið felgurær fram- og afturhjólanna í krossmynstri eins og sýnt er á Mynd 50 með tilgreindu hersluátaki.

Mynd 50

Rúmtak kælikerfisins: 3,7 l

Gerð kælivökva: 50/50 lausn af vatni og varanlegum etýlenglýkól-frostlegi.

1. Leggið vinnubílnum á jafnsléttu.

2. Setjið stöðuhemilinn á.

3. Drepið á vélinni og takið lykilinn úr.

4. Athugið hæð kælivökvans í varageyminum (Mynd 51).

   Note: Kælivökvinn ætti að ná upp að neðri hluta áfyllingarstútsins þegar vélin er köld.

   

   Mynd 51

   1. Tappi á varageymi
   2. Varageymir

5. Þegar lítið er eftir af kælivökva skal fjarlægja lok varageymisins og fylla á með 50/50 blöndu af vatni og varanlegum etýlenglýkól-frostlegi.

   Note: Yfirfyllið ekki varageyminn með kælivökva.

6. Setjið lokið aftur á varageyminn.

1. Leggið vinnubílnum á jafnsléttu.

2. Setjið stöðuhemilinn á.

3. Drepið á vélinni og takið lykilinn úr.

4. Hreinsið vandlega öll óhreinindi úr vélarrýminu.

5. Losið um og fjarlægið vatnskassahlífina sem er framan á vatnskassanum (Mynd 52).

   

   Mynd 52

   1. Vatnskassahlíf
   2. Klinka

6. Snúið klinkunum ef þær eru til staðar og snúið olíukælinum frá vatnskassanum (Mynd 53).

   

   Mynd 53

   1. Vatnskassahús
   2. Olíukælir
   3. Klinkur

7. Þrífið vatnskassann, olíukælinn og hlífina með þrýstilofti.

   Note: Blásið óhreinindi af vatnskassanum.

8. Komið kælinum og hlífinni fyrir á vatnskassanum.

Rúmtak kælikerfisins: 3,7 l

Gerð kælivökva: 50/50 lausn af vatni og varanlegum etýlenglýkól-frostlegi

1. Leggið vinnubílnum á jafnsléttu.

2. Hækkið pallinn og setjið öryggisstoðir undir framlengdan lyftitjakk pallsins til að halda pallinum uppi.

   Varúð

   Þegar vélin hefur verið í gangi kann heitur kælivökvi undir þrýstingi að leka úr og valda brunasárum.

   • Ekki opna vatnskassalokið þegar vélin er í gangi.

   • Leyfið vélinni að kólna í a.m.k. 15 mínútur eða þar til vatnskassalokið hefur kólnað nægilega til að hægt sé að snerta það án þess að brenna sig.

   • Notið tusku til að opna vatnskassalokið. Opnið lokið varlega til að hleypa út gufu.

3. Takið lokið af vatnskassanum (Mynd 54).

   

   Mynd 54

   1. Vatnskassalok

4. Takið lokið af varageyminum (Mynd 54).

   

   Mynd 55

   1. Tappi á varageymi
   2. Varageymir

5. Aftengið neðri slöngu vatnskassans og látið kælivökvann renna í viðeigandi afrennslispönnu.

   Note: Tengið neðri slöngu vatnskassans þegar kælivökvinn hættir að renna út.

6. Fyllið hægt og rólega á vatnskassann með 50/50 blöndu af vatni og varanlegum etýlenglýkól-frostlegi

7. Fyllið á vatnskassann og komið lokinu fyrir á sínum stað (Mynd 54).

8. Fyllið varlega á varageymi kælivökvans þar til vökvahæðin nær að neðri hluta áfyllingarstútsins (Mynd 55).

9. Setjið lokið á varageyminn (Mynd 55).

10. Gangsetjið vélina og látið hana ganga þangað til hún er orðin heit.

11. Drepið á vélinni, athugið hæð kælivökvans og fyllið á kælivökva ef með þarf.

Gerð hemlavökva: DOT 3

1. Leggið vinnubílnum á jafnsléttu.

2. Setjið stöðuhemilinn á.

3. Drepið á vélinni og takið lykilinn úr.

4. Opnið vélarhlífina til að fá aðgang að höfuðhemladælunni og geyminum (Mynd 56).

   

   Mynd 56

   1. Bremsuvökvageymir

5. Gangið úr skugga um að vökvahæðin nái að merkingunni Full (fullt) á geyminum (Mynd 57).

   

   Mynd 57

   1. Bremsuvökvageymir

6. Ef vökvahæðin reynist vera of lág skal þrífa svæðið umhverfis lokið, fjarlægja lokið af geyminum og fylla á með tilgreindum hemlavökva að réttri vökvahæð (Mynd 57).

   Note: Ekki yfirfylla geyminn af hemlavökva.

1. Fjarlægið gúmmíhandfangið af stöðuhemilsstönginni (Mynd 58).

   

   Mynd 58

   1. Handfang
   2. Stöðuhemilsstöng

2. Losið stilliskrúfuna sem festir hnúðinn við stöðuhemilsstöngina (Mynd 59).

   

   Mynd 59

   1. Hnúður
   2. Stilliskrúfa
   3. Stöðuhemilsstöng

3. Snúið hnúðnum (Mynd 59) þar til 20 til 22 kg af afli er krafist til að hreyfa stöngina.

4. Herðið stilliskrúfuna að því loknu (Mynd 59).

   Note: Þegar ekki er unnt að stilla stöðuhemillinn með því að stilla stöðuhemilsstöngina, skal losa um handfangið í miðri stillingu, stilla leiðsluna að aftan og endurtaka skref 3.

5. Komið gúmmígripinu fyrir á stöðuhemilsstönginni (Mynd 58).

Note: Fjarlægið vélarhlífina að framan til að auðvelda stillingarferlið.

1. Fjarlægið klofsplittið og splittboltann sem halda klafa höfuðdælunnar föstum við pinna hemlafótstigsins (Mynd 60).

   

   Mynd 60

   1. Klafi höfuðdælu
   2. Pinni hemlafótstigs

2. Lyftið hemlafótstiginu (Mynd 61) þar til fótstigið snertir grindina.

3. Losið um festirærnar sem festa klafann við skaft höfuðdælunnar (Mynd 61).

4. Stillið klafann þar til opin flútta við opið á pinna hemlafótstigsins.

5. Notið splittboltann og klofsplittið til að festa klafann við pinna fótstigsins.

6. Herðið festirærnar sem festa klafann við skaft höfuðdælunnar.

   Note: Höfuðhemladælan losar um þrýsting þegar hún er stillt á réttan hátt.

   

   Mynd 61

   1. Kúplingsfótstig
   2. Hemlafótstig
   3. Inngjafarfótstig

1. Hækkið pallinn og komið öryggisstoðum fyrir undir framlengdan lyftitjakk pallsins til að halda pallinum uppi.

2. Athugið strekkinguna með því að ýta á reimina mitt á milli trissa sveifarásins og riðstraumsrafalsins og beitið 10 kg afli (Mynd 62).

   Note: Nýja reimin ætti að gefa eftir um 8 til 12 mm.

   Note: Notaða reimin ætti að gefa eftir um 10 til 14 mm. Haldið áfram í næsta skref ef strekkingin er röng. Haldið notkun áfram ef strekkingin er rétt.

3. Gerið eftirfarandi til að stilla strekkingu reimarinnar:

   1. Losið um festiboltana tvo á riðstraumsrafalnum (Mynd 62).

      

      Mynd 62

      1. Riðstraumsrafalsreim
      2. Festiboltar riðstraumsrafals

   2. Notið kúbein til að snúa riðstraumsrafalnum þar til fullnægjandi strekkingu reimarinnar er náð og herðið síðan festiboltana (Mynd 62).

Note: Hægt er að stilla leiðslu kúplingsfótstigsins við kúplingshúsið eða með pinna kúplingsfótstigsins. Hægt er að fjarlægja hlífina að framan til að fá aðgengi að pinna fótstigsins.

1. Herðið festirærnar sem halda leiðslu mismunadrifsins fastri við festinguna á sambyggða gírkassanum og drifinu (Mynd 63).

   Note: Hægt er að fjarlægja eða snúa kúluliðnum ef þörf er á frekari stillingu.

   

   Mynd 63

   1. Gormur
   2. Kúluliður
   3. Festirær
   4. Kúplingsvír

2. Takið gorminn úr sambandi við kúplingsarminn.

3. Stillið festirærnar eða kúluliðinn þar til aftari brún kúplingsfótstigsins er 9,2 til 9,8 cm frá efsta hluta gólfplötunnar, þegar um 1,8 kg afli er beitt á fótstigið (Mynd 64).

   

   Mynd 64

   1. Kúplingsfótstig
   2. 9,2 til 9,8 cm

   Note: Beitið afli þannig að legan sem losar um kúplinguna snerti örlítið pinna þrýstingsplötunnar.

4. Herðið stillirærnar þegar fullnægjandi stillingu er náð.

5. Athugið hvort að málin séu 9,2 til 9,8 cm þegar lokið er við að herða festirærnar til að ganga úr skugga um að hersluátakið sé rétt.

   Note: Stillið aftur ef þörf er á.

6. Tengið gorminn við kúplingsarminn.

   Important: Gangið úr skugga um að stangarendinn snúi beint á kúluna, ekki sé undið upp á hann og hann sé samhliða kúplingsfótstiginu þegar lokið er við að herða festiróna (Mynd 65).

   Note: Fríbil kúplingarinnar skal aldrei vera minna en 19 mm.

   

   Mynd 65

   1. Stangarendi kúplingsvírs
   2. Kúplingsfótstig
   3. Festiró stangarenda
   4. Samhliða

1. Leggið vinnubílnum á jafnsléttu, setjið stöðuhemilinn á, drepið á vélinni og takið lykilinn úr.

2. Stillið kúlulið leiðslu inngjafarfótstigsins (Mynd 66) þannig að um 2,54 til 6,35 mm fríbil sé á milli arms inngjafarfótstigsins og efsta hluta gólfplötunnar (Mynd 67), þegar um 11,3 kg afli er beitt á miðju fótstigsins.

   Note: Vélin skal ekki vera í gangi og festa verður gorminn á sinn stað.

3. Herðið lásróna (Mynd 66).

   

   Mynd 66

   1. Lásró
   2. Inngjafarleiðsla
   

   Mynd 67

   1. 2,54 til 6,35 mm fríbil

Important: Hámarkslausagangshraði er 3650 snúningar á mínútu. Ekki stilla stöðvun á hröðum lausagangi.

Hægt er að breyta hraðamælinum úr míl./klst í km/klst eða km/klst í míl./klst.

1. Leggið vinnubílnum á jafnsléttu, setjið stöðuhemilinn á, drepið á vélinni og takið lykilinn úr.

2. Fjarlægið vélarhlífina; sjá Vélarhlíf fjarlægð.

3. Finnið tvær lausar leiðslur við hraðamælinn.

4. Fjarlægið tengilinn úr rafknippinu og tengið leiðslurnar saman.

   Note: Hraðamælirinn skiptir yfir í km/klst. eða mí./klst.

5. Setjið vélarhlífina á.

Hægt er að lyfta pallinum í neyðartilvikum án þess að gangsetja vélina með því að ræsa startarann eða gefa vökvakerfinu start.

Notið eingöngu vatn eða mild hreinsiefni til að þrífa vinnubílinn eftir þörfum. Nota má tusku til að þrífa vinnubílinn.

Important: Ekki nota ísalt vatn eða hreinsað vatn til að þrífa vinnubílinn.

Important: Ekki nota háþrýstibúnað til að þrífa vinnubílinn. Þvottur með háþrýstibúnaði getur skemmt rafkerfið, losað um mikilvægar merkingar eða skolað í burtu mikilvægri smurfeiti af núningsstöðum. Forðist mikla notkun vatns, sérstaklega nærri stjórnborðinu, vélinni og rafgeyminum.

Important: Þrífið ekki vinnubílinn með vélina í gangi. Þrif á vinnubílnum þegar vélin er í gangi getur valdið skemmdum á innri vélaríhlutum.