Groundsmaster® 7200

Kannið stöðu olíunnar í sveifarhúsinu áður en vélin er gangsett og sláttuvélin notuð; sjá Staða smurolíu könnuð.

Athugið kælikerfið áður en vélin er gangsett og sláttuvélin notuð; sjá Skoðun kælikerfis.

Athugið vökvakerfið áður en vélin er gangsett og sláttuvélin notuð; sjá Skoðun vökvakerfis.

Important: Hafið sætisbeltið alltaf spennt þegar veltigrindin er uppi í læstri stöðu. Notið ekki sætisbeltið á meðan veltigrindin er niðri.

Veltigrind sett niður

Setjið veltigrindina niður eins og sýnt er á Mynd 11.

Note: Ýtið grindinni fram til að létta þrýstingi af pinnunum.

Mynd 10

Note: Festið veltigrindina þannig að hún valdi ekki skemmdum á vélarhlífinni.

Veltigrind reist upp

Setjið veltigrindina upp eins og sýnt er á Mynd 10.

Mynd 11

Important: Hafið sætisbeltið alltaf spennt þegar veltigrindin er uppi í læstri stöðu. Notið ekki sætisbeltið á meðan veltigrindin er niðri.

Hægt er að hreyfa sætið fram og aftur. Stillið sætið í stöðuna þar sem þægilegt og auðvelt er að stjórna sláttuvélinni.

Sætið er stillt með því að hreyfa handfangið til hliðar til að taka sætið úr lás (Mynd 14).

Mynd 14

Hægt er að stilla sætið til að gera aksturinn mýkri og þægilegri. Staðsetjið sætið þar sem það er þægilegast að sitja í því.

Sætið er stillt með því snúa hnúðnum framan á því í aðra hvora áttina þar til þægilegustu stillingunni er náð (Mynd 15).

Mynd 15

1. Hnúður fyrir fjöðrun sætis

Til að komast að vökvakerfinu og öðrum kerfum undir sætinu skal losa klinku sætisins og snúa því fram.

1. Notið stillistöng sætisins til að renna sætinu alla leið fram.

2. Togið sætisklinkuna fram á við og lyftið henni upp til að losa sætið (Mynd 16).

   

   Mynd 16

   1. Sætisklinka

Setjið stöðuhemilinn alltaf á þegar sláttuvélin er stöðvuð eða skilin eftir eftirlitslaus.

Stöðuhemill settur á

Viðvörun

Stöðuhemillinn heldur mögulega ekki við sláttuvél sem lagt er í halla og það getur leitt til meiðsla á fólki eða eignatjóns.

Ekki leggja sláttuvélinni í halla án þess að skorða hjólin.

Mynd 17

Stöðuhemill tekinn af

Mynd 18

Note: Kertaljósið logar í sex sekúndur þegar svissinum er snúið í GANGSTöðU. Snúið svissinum í GANGSETNINGARSTöðU þegar ljósið slokknar.

Important: Reynið gangsetningu ekki lengur en 15 sekúndur í einu til að koma í veg fyrir að startarinn ofhitni.

Important: Vinnið á vélinni með inngjafarstöngina í HæGRI stöðu bæði áfram og aftur á bak í eina til tvær mínútur eftir smurolíuskipti, eftir endurbyggingu á vélinni, gírkassanum eða hjólamótor og þegar vélin er gangsett í fyrsta skipti. Hreyfið lyftistöngina og aflúttaksstöngina til að tryggja rétta virkni þeirra. Drepið á vélinni, kannið vökvastöðu og leitið eftir olíuleka, lausum íhlutum og öðrum sjáanlegum bilunum.

Mynd 19

Note: Hafið inngjöfina í miðstöðu á milli HæGRAR og HRAðRAR stöðu þar til vélin og vökvakerfið hafa hitnað.

Inngjöfin stjórnar snúningshraða vélarinnar, sem mældur er í sn./mín. (snúningar á mínútu). Setjið inngjöfina í HRAðA stöðu til að tryggja hámarksafköst. Vinnið alltaf með inngjöfina í HRAðRI stöðu þegar aflknúin tengitæki eru notuð.

1. Takið stöðuhemilinn af.

   Note: Vélin drepur á sér ef akstursstjórnstangirnar eru færðar úr HLUTLAUSRI STöðU þegar stöðuhemillinn er á.

2. Færið stangirnar í miðstöðu, ólæsta.

3. Akið vélinni sem hér segir:

   • Sláttuvélinni er ekið beint áfram með því að ýta akstursstjórnstöngunum rólega fram (Mynd 20).

   • Sláttuvélinni er bakkað beint með því að toga akstursstjórnstangirnar til baka (Mynd 20).

   • Hægið á vélinni í beygjum með því að toga báðar stangirnar til baka og ýtið svo stönginni fram sem er öfugu megin við áttina sem á að beygja í (Mynd 20).

   • Sláttuvélin er stöðvuð með því að toga akstursstjórnstangirnar í HLUTLAUSA STöðU.

   Note: Því lengra sem akstursstjórnstöngunum er ýtt í aðra hvora áttina því hraðar fer vélin í þá tilteknu átt.

   

   Mynd 20

   1. Akstursstjórnstöng – HLUTLAUS LáSSTAðA
   2. Miðja, ólæst staða
   3. Áfram
   4. Aftur á bak
   5. Framhlið sláttuvélarinnar

Sláttuhæð er stillt frá 2,5 til 15,8 cm í 6 mm skrefum með því að færa stopppinnann í mismunandi hök.

1. Hafið vélina í gangi, ýtið palllyfturofanum upp þar til sláttubúnaðurinn er kominn alveg upp og sleppið svo rofanum strax (Mynd 22).

2. Snúið stopppinnanum þar til rörsplittið inni í honum stenst á við raufarnar í götum sláttuhæðarfestingarinnar og takið hann úr (Mynd 25).

3. Veljið gat í sláttuhæðarfestingunni fyrir viðkomandi sláttuhæð, setjið pinnann í og snúið honum niður til að læsa honum (Mynd 25).

   Note: Fjórar raðir af gatastillingum eru til staðar (Mynd 25). Efsta röðin er til að stilla á skráða sláttuhæð fyrir ofan pinnann. Næsta röð er til að stilla á skráða hæð og 6 mm til viðbótar. Þriðja röð er til að stilla á skráða hæð og 12 mm til viðbótar. Neðsta röð er til að stilla á skráða hæð og 18 mm til viðbótar. Aðeins eitt gat er til að stilla 15,8 cm og það er staðsett í annarri röð. Þessi stilling bætir ekki 6 mm við stillinguna 15,8 cm.

   

   Mynd 25

   1. Stopp pinni
   2. Endastopp sláttuhæðar

4. Stillið svarðarvarnarhjólin og hlífðarplöturnar eftir þörfum.

Í neyðartilvikum er hægt að færa sláttuvélina stutta vegalengd með því að nota hjáveituloka í vökvadælunni og ýta vélinni.

Important: Ýtið sláttuvélinni alltaf með höndunum og aldrei langa vegalengd. Dragið hana aldrei, slíkt getur skemmt vökvakerfið.

Important: Hjáveitulokarnir verða alltaf að vera opnir þegar sláttuvélinni er ýtt eða hún flutt. Þegar lokið er við að ýta eða flytja sláttuvélina á æskilegan stað skal loka hjáveitulokunum.

1. Lyftið sætinu; sjá Sætið losað

2. Finnið hjáveitulokana (Mynd 26) og snúið báðum lokunum einn snúning rangsælis.

   Note: Þetta veitir glussanum framhjá dælunni þannig að dekkin geti snúist.

   Important: Ekki snúa hjáveitulokunum meira en einn hring. Þannig er komið í veg fyrir að lokarnir losni og glussi leki út.

   

   Mynd 26

   1. Hægri hjáveituloki
   2. Vinstri hjáveituloki

3. Gangið úr skugga um að stöðuhemillinn sé ekki á og ýtið sláttuvélinni á æskilegan stað.

4. Lokið hjáveitulokunum með því að snúa báðum lokunum einn snúning réttsælis (Mynd 26).

   Note: Ekki ofherða hjáveitulokana.

5. Herðið lokana að u.þ.b. 8 Nm.

   Important: Tryggið að hjáveitulokarnir séu lokaðir áður en vélin er gangsett. Ef vélin er keyrð með opnum lokum veldur það ofhitnun í gírkassanum.

Notið sterkbyggðan eftirvagn eða pall til að flytja sláttuvélina. Tryggið að eftirvagninn eða vörubíllinn sé búinn öllum nauðsynlegum hemlum, ljósum og merkingum eins og krafist er samkvæmt lögum. Lesið öryggisleiðbeiningarnar vandlega. Þessar upplýsingar geta forðað stjórnanda, fjölskyldumeðlimum, gæludýrum eða nærstöddum frá meiðslum.

1. Ef eftirvagn er notaður þarf að tengja hann við dráttarbílinn og festa öryggiskeðjurnar.

2. Tengið hemla eftirvagnsins, ef við á.

3. Sláttuvélinni ekið upp á eftirvagn eða pall; sjá Sláttuvél ekið upp á vagn/pall.

4. Drepið á vélinni, fjarlægið lykilinn, setjið stöðuhemilinn á og lokið eldsneytislokanum.

5. Notið festilykkjurnar á sláttuvélinni til að festa hana tryggilega við eftirvagninn eða pallinn með stroffum, keðjum, vírum eða köðlum (Mynd 27).

   

   Mynd 27

   1. Festilykkjur sláttuvélar

Sýnið ýtrustu aðgát þegar sláttuvélinni er ekið á eða af eftirvagni eða palli. Notið til þess skábraut í fullri breidd sem er breiðari en sláttuvélin. Akið vélinni upp skábrautir í bakkgír og niður í framgír (Mynd 28).

Mynd 28

1. Bakkið sláttuvélinni upp skábrautina.
2. Sláttuvélinni ekið áfram niður skábrautina.

Important: Ekki nota mjóar aðskildar skábrautir fyrir hvora hlið sláttuvélarinnar.

Mynd 29

1. Skábraut í fullri breidd í geymslustöðu
2. Skábraut í fullri breidd í hleðslustöðu, séð frá hlið
3. Ekki meira en 15°.
4. Skábrautin er minnst fjórum sinnum lengri en hæð eftirvagnsins eða vörubílspallsins frá jörðu
5. H“ stendur fyrir hæð eftirvagnsins eða pallsins frá jörðu.
6. Eftirvagn

Á sláttuvélinni eru smurkoppar sem nauðsynlegt er að smyrja reglulega með litíumfeiti nr. 2. Við aurugar eða rykugar aðstæður skal smyrja oftar þar sem óhreinindi geta komist inn í legur og fóðringar og hraðað sliti á þeim.

1. Þurrkið af smurkoppunum til að aðskotaefni komist ekki inn í leguna eða fóðringuna.

2. Dælið feiti í smurkoppana.

3. Þurrkið af umframfeiti.

Note: Röng aðferð við þrif getur skert endingartíma legu. Skolið ekki sláttuvélina á meðan hún er enn heit og forðist að beina háþrýstibunu eða miklum úða á legur eða þétti.

Gírkassinn er hannaður til að vinna með SAE EP90W-gírolíu. Þó svo að smurefni sé fyllt á gírkassann í verksmiðjunni skal kanna stöðu smurefnis í sláttubúnaðinum áður en hann er tekinn í notkun, eins og mælt er með í Gátlisti fyrir daglegt viðhald.

1. Leitið eftir skemmdum á húsi loftsíunnar, sem mögulega gætu valdið loftleka. Skiptið um skemmt loftsíuhús.

2. Leitið eftir leka, skemmdum eða lausum hosuklemmum á loftinntakskerfinu.

3. Þjónustið loftsíuna (Mynd 31).

   Important: Varist að þjónusta loftsíuna of mikið.

   

   Mynd 31

   1. Loftsíulok
   2. Pakkning
   3. Sía
   4. Loftsíuhús
   5. Loftsíumælir
   6. Klinka á loftsíu
   7. Úttaksloki úr gúmmíi

4. Tryggið að lokið sitji rétt og loki loftsíuhúsinu.

Note: Skiptið um svampþéttið í lokinu ef það er skemmt.

Important: Ekki nota þrýstiloft. Það getur þrýst óhreinindum úr síunni og í inntakið.

Important: Ekki hreinsa notaða síu þar sem það getur skemmt síuefnið.

Important: Ekki nota skemmda síu.

Important: Ekki beita þrýstingi á sveigjanlegan miðhluta síunnar.

Mynd 32

Tæmið og hreinsið eldsneytisgeyminn einnig utan áætlaðra þjónustutíma ef óhreinindi komast í hann eða ef setja á sláttuvélina í geymslu í langan tíma. Notið hreint eldsneyti til að skola geyminn.

Leitið eftir sliti, skemmdum eða lausum tengingum á eldsneytisleiðslum.

1. Leggið sláttuvélinni á jafnsléttu. Tryggið að eldsneytisgeymirinn sé að minnsta kosti hálffullur.

2. Opnið vélarhlífina.

3. Setjið tusku undir loftskrúfuna á eldsneytisdælunni og opnið hana (Mynd 37).

   

   Mynd 37

   1. Loftskrúfa eldsneytisdælu

4. Svissið á.

   Note: Rafknúna eldsneytisdælan byrjar að vinna og þrýstir við það lofti út um loftskrúfuna.

   Varúð

   Vélin getur farið í gang í þessu ferli. Viftur og belti á gangandi vél geta valdið alvarlegum meiðslum.

   Haldið höndum, fingrum, víðum fatnaði/skartgripum og hári í öruggri fjarlægð frá viftu og reim vélarinnar meðan þetta ferli stendur yfir.

5. Hafið svissað á þar til eldsneyti streymir stöðugt út um skrúfuna.

6. Herðið skrúfuna og svissið AF.

   Note: Alla jafna fer vélin í gang eftir að eldsneytiskerfið er lofttæmt. Ef vélin fer aftur á móti ekki í gang kann loft að sitja fast á milli innsprautunardælunnar og spíssanna; sjá Lofti tappað af spíssum.

Note: Notið þessa aðferð eingöngu ef búið er að lofttæma eldsneytiskerfið eftir hefðbundnum leiðum og vélin fer samt ekki í gang; sjá Eldsneytiskerfið lofttæmt.

1. Setjið tusku undir rörtenginguna frá innsprautunardælunni að spíss nr. 1 eins og sýnt er á Mynd 38.

   

   Mynd 38

   1. Rörtenging frá innsprautunardælunni að spíss nr. 1

2. Færið inngjöfina í HRAðA stöðu.

3. Snúið svissinum á GANGSETNINGARSTöðU og fylgist með eldsneytisflæði um tenginguna.

   Varúð

   Vélin getur farið í gang í þessu ferli. Viftur og belti á gangandi vél geta valdið alvarlegum meiðslum.

   Haldið höndum, fingrum, víðum fatnaði/skartgripum og hári í öruggri fjarlægð frá viftu og reim vélarinnar meðan þetta ferli stendur yfir.

4. Herðið tenginguna tryggilega þegar flæðið er orðið jafnt.

5. Svissið AF.

6. Endurtakið þetta fyrir eftirstandandi spíssa.

Þurrkið ofan af rafgeyminum. Ef sláttuvélin er geymd þar sem hitastig getur orðið mjög hátt eyðist hleðsla rafgeymisins hraðar en þegar sláttuvélin er geymd þar sem svalt er.

Haldið efri hluta rafgeymisins hreinum með því að hreinsa hann reglulega með bursta bleyttum í ammoníaki eða matarsódalausn. Skolið hann með vatni að því loknu. Ekki taka áfyllingarlokin áður en rafgeymirinn er hreinsaður.

Rafgeymiskaplarnir þurfa að vera vel hertir á skautunum til að tryggja góða rafmagnstengingu.

Ef skautin byrja að tærast þarf að aftengja kaplana, mínuskapalinn (-) fyrst, og skrapa af klemmunum og skautunum. Tengið kaplana, plúskapalinn (+) fyrst, og berið vaselín á skautin.

Ef setja á sláttuvélina í geymslu í meira en 30 daga skal taka rafgeyminn úr og fullhlaða hann. Geymið hann annaðhvort á hillu eða í sláttuvélinni. Ekki tengja kaplana ef hann er geymdur í sláttuvélinni. Geymið rafgeyminn í svölu umhverfi til að koma í veg fyrir hraða afhleðslu. Gangið úr skugga um að rafgeymirinn sé fullhlaðinn til að koma í veg fyrir að það frjósi á honum. Eðlisþyngd fullhlaðins rafgeymis er 1,265 til 1,299.

Öryggin eru undir stjórnborðinu. Hægt er að komast að þeim í gegnum hlíf á hliðinni (Mynd 39). Til að opna hlífina á hliðinni skal losa klinkurnar tvær og toga út.

Ef sláttuvélin stöðvast eða önnur vandamál tengd rafmagni koma upp skal skoða öryggin. Fjarlægið eitt öryggi í einu til að kanna hvort eitthvert þeirra er sprungið.

Important: Ef skipta þarf um öryggi skal alltaf nota öryggi af sömu gerð og sama straumstyrk og það sem verið er að skipta um. Notkun annarra öryggja getur valdið skemmdum á rafkerfinu. Á merkingunni hjá öryggjunum er að finna skýringarmynd yfir öryggin og straumstyrk þeirra (Mynd 40).

Note: Ef öryggi springa oft kann að vera skammhlaup til staðar í rafkerfinu. Fáið vottað tæknifólk til að gera við það.

Mynd 39

1. Hlíf á hlið
2. Klinka

Mynd 40

Kannið þrýstinginn á 50 vinnustunda eða mánaðar fresti, hvort sem kemur fyrst (Mynd 41).

Viðhaldið réttum loftþrýstingi í hjólbörðum að framan og aftan. Réttur loftþrýstingur er 1,24 bar í afturhjólbörðum og 1,03 bar í hjólbörðum eltihjólanna. Ójafn þrýstingur í hjólbörðum getur valdið ójöfnum slætti. Nákvæmasta þrýstingsmælingin næst þegar hjólbarðarnir eru kaldir.

Mynd 41

1. Ný eltihjól, keilulaga keflalegur og leguþétti fást hjá næsta vottaða dreifingaraðila Toro.

2. Fjarlægið lásróna af boltanum (Mynd 42).

   

   Mynd 42

   1. Lásró
   2. Leguhólkur
   3. Ytra leguþétti
   4. Keflalega
   5. Innra leguþétti
   6. Stöðuhólkur
   7. Eltihjól
   8. Öxulbolti
   9. Gaffall

3. Takið um eltihjólið og dragið boltann úr gafflinum eða snúningsarminum.

4. Fargið gamla eltihjólinu og legunum.

5. Setjið eltihjólið saman með því að ýta keflalegunum og þéttunum, vel smurðum með feiti, í hjólnöfina, eins og sýnt er á Mynd 42.

6. Rennið stöðuhólknum í hjólnöfina í gegnum legurnar þannig að hann liggi í gegnum hjólnöfina með tveimur leguhólkum.

   Important: Gangið úr skugga um að þéttið sveigist ekki inn á við.

7. Setjið eltihjólið í gaffalinn og festið það með boltanum og lásrónni.

8. Herðið lásróna þar til hjólið getur ekki lengur snúist óhindrað og losið hana svo örlítið þar til hjólið getur snúist óhindrað.

9. Festið smursprautu á smurkopp eltihjólsins og sprautið í það litíumfeiti nr. 2.

Kælivökvageymirinn er fylltur í verksmiðjunni með 50/50-lausn af vatni og endingargóðum etýlenglýkól-kælivökva.

Important: Notið aðeins kælivökva sem fæst í verslunum og uppfyllir tæknilýsinguna sem kemur fram í staðlatöflu fyrir endingargóða kælivökva.Ekki skal nota hefðbundinn (grænan) IAT-kælivökva (ólífræn sýrutækni) á vélina. Ekki skal blanda saman hefðbundnum kælivökva og endingargóðum kælivökva.

Tafla kælivökvagerða

Staðlar endingargóðra kælivökva

Important: Styrkur kælivökva ætti að vera 50/50-blanda kælivökva og vatns.

• Ákjósanlegt: Æskilegt er að blanda óblönduðum kælivökva við eimað vatn.

• Ákjósanlegur valkostur: Ef eimað vatn er ekki tiltækt skal nota forblandaðan kælivökva en ekki óblandaðan.

• Lágmarkskröfur: Ef hvorki eimað vatn né forblandaður kælivökvi eru til taks skal blanda óblönduðum kælivökva við hreint drykkjarvatn.

Fyllt er á kælikerfið með 50/50-lausn vatns og varanlegs etýlenglýkólfrostlagar. Rúmtak kælikerfisins er 7,5 l.

1. Athugið stöðu kælivökva í þenslukerinu (Mynd 43).

   Note: Hæð kælivökvans á að vera á milli merkjanna á hlið geymisins.

   

   Mynd 43

   1. Þensluker

2. Ef staða kælivökva er lág skal taka lokið af þenslukerinu og fylla á kerfið.

   Important: Yfirfyllið ekki.

3. Setjið lokið aftur á þenslukerið.

Hreinsið vatnskassann til að koma í veg fyrir að vélin ofhitni.

Note: Ef sláttubúnaðurinn eða vélin drepur á sér vegna ofhitnunar skal leita eftir óhóflegri uppsöfnun óhreininda.

Hreinsið vatnskassann eins og hér segir:

1. Opnið vélarhlífina.

2. Byrjið á viftuhlið vatnskassans og blásið út óhreinindum með þrýstilofti undir lágum þrýstingi (3,45 bar). Endurtakið frá framhlið vatnskassans og hinni viftuhliðinni.

   Important: Notið ekki vatn.

3. Eftir að vatnskassinn hefur verið hreinsaður vandlega skal hreinsa óhreinindi sem kunna að hafa safnast fyrir í rásinni undir vatnskassanum.

4. Lokið vélarhlífinni.

1. Stöðvið sláttuvélina, setjið akstursstjórnstangirnar í HLUTLAUSA LáSSTöðU, setjið stöðuhemilinn á og takið lykilinn úr svissinum.

2. Fjarlægið boltana sem festa framhlífina og fjarlægið hana (Mynd 44).

   

   Mynd 44

   1. Bolti
   2. Stjórnborð

3. Losið um festirærnar tvær sem festa samlæsingarrofa stöðuhemilsins við festinguna.

   

   Mynd 45

   1. Skynjari hemlaáss
   2. 4 mm
   3. Festiró
   4. Samlæsingarrofi stöðuhemils

4. Færið rofann upp eða niður á festingunni þar til fjarlægðin á milli skynjara hemlaáss og rofabullunnar er 4 mm, eins og sýnt er á Mynd 45.

   Note: Gangið úr skugga um að skynjari hemlaássins snerti ekki rofabulluna.

5. Festið festirær rofans.

6. Prófið stillinguna á eftirfarandi hátt:

   1. Tryggið að stöðuhemillinn sé á og enginn sitji í sætinu; gangsetjið því næst vélina.

   2. Hreyfið stjórnstangirnar úr HLUTLAUSRI LáSSTöðU.

      Note: Vélin ætti að drepa á sér. Ef svo er ekki skal athuga stillingu rofans.

7. Setjið framhlífina á.

1. Beitið 44 N þrýstingi á reim riðstraumsrafalsins, mitt á milli trissanna.

2. Ef sveigjan nær ekki 10 mm skal losa festibolta riðstraumsrafalsins (Mynd 46).

   

   Mynd 46

   1. Festibolti
   2. Riðstraumsrafall

3. Strekkið eða slakið á reim riðstraumsrafalsins.

4. Herðið festiboltana.

5. Kannið strekkingu reimarinnar aftur til að tryggja að hún sé rétt.

1. Stöðvið sláttuvélina, setjið akstursstjórnstangirnar í HLUTLAUSA LáSSTöðU, setjið stöðuhemilinn á og takið lykilinn úr svissinum.

2. Fjarlægið boltana sem festa framhlífina og fjarlægið hana (Mynd 47).

   

   Mynd 47

   1. Bolti
   2. Stjórnborð

3. Losið skrúfurnar tvær sem festa samlæsingarrofann (Mynd 48).

   

   Mynd 48

   1. Stjórnstöng
   2. Rofi hlutlausrar samlæsingar
   3. Skrúfa
   4. 0,4 til 1 mm

4. Haldið stjórnstönginni að yfirbyggingunni, færið rofann að stönginni þar til fjarlægðin á milli stangarinnar og rofans er 0,4 til 1 mm, eins og sýnt er á Mynd 48.

5. Festið rofann.

6. Endurtakið skref 3 til 5 fyrir hina stöngina.

7. Setjið framhlífina á.

Ef akstursstjórnstangirnar falla ekki að hlutlausu raufunum þegar þeim er sleppt úr BAKKSTöðU er þörf á stillingu. Stillið hverja stöng, gorm og pinna sérstaklega.

1. Aftengið aflúttakið, setjið akstursstjórnstöngina í HLUTLAUSA LáSSTöðU og setjið stöðuhemilinn á.

2. Færið inngjafarstöngina í HæGA stöðu, drepið á vélinni, takið lykilinn úr og bíðið eftir að allir hlutir hafi stöðvast áður en staðið er upp úr sætinu.

3. Fjarlægið boltana sem festa framhlífina og fjarlægið hana (Mynd 49).

   

   Mynd 49

   1. Bolti
   2. Stjórnborð

4. Setjið stjórnstöngina í HLUTLAUSA stöðu en ekki læsta (Mynd 51).

5. Togið stöngina aftur þar til splittboltinn (á arminum fyrir ofan snúningsásinn) snertir enda raufarinnar (rétt áður en þrýstingi er beitt á gorminn), eins og sýnt er á Mynd 50.

   

   Mynd 50

   1. Splittbolti
   2. Rauf
   3. Festiró
   4. Stillibolti
   5. Klafi

6. Athugið hvar stjórnstöngin er miðað við raufina á stjórnborðinu (Mynd 51).

   Note: Stjórnstöngin ætti að vera í miðjunni, þaðan sem hægt er að færa hana út í HLUTLAUSA LáSSTöðU.

   

   Mynd 51

   1. HLUTLAUS staða
   2. HLUTLAUS LáSSTAðA

7. Ef stillingar er þörf þarf að losa róna og festiróna upp við klafann (Mynd 50).

8. Beitið smávægilegum þrýstingi aftur á bak á akstursstjórnstöngina og snúið stilliboltanum í viðeigandi átt þar til stjórnstöngin er miðjuð í HLUTLAUSRI LáSSTöðU (Mynd 50).

   Note: Ýtið stönginni aftur á bak og haldið henni þar til að hægt sé að halda pinnanum í enda raufarinnar og gera stilliboltanum kleift að færa stöngina í rétta stöðu.

9. Herðið róna og festiróna (Mynd 50).

10. Endurtakið skref 4 til 9 fyrir hina stjórnstöngina.

11. Setjið framhlífina á.

Framkvæmið þessa stillingu með drifhjólin í snúningi.

1. Lyftið sláttuvélinni og setjið búkka undir hana til að hjólin geti snúist óhindrað.

2. Rennið sætinu fram, losið það og lyftið því upp og fram.

3. Aftengið rafmagnstengið frá öryggisrofa sætisins.

4. Setjið tengivír tímabundið á milli tengjanna á rafleiðslutenglinum.

5. Gangsetjið vélina, gangið úr skugga um að inngjafarstöngin sé miðja vegu á milli HRAðRAR og HæGRAR stöðu og losið stöðuhemilinn.

   Note: Akstursstjórnstangirnar verða að vera í HLUTLAUSRI LáSSTöðU meðan á stillingum stendur.

6. Stillið lengd dælustangarinnar öðru megin með því að snúa sexhyrnda skaftinu í viðeigandi átt þar til viðkomandi hjól er stopp eða rétt snýst aftur á bak (Mynd 52).

   

   Mynd 52

   1. Hægri dælustöng
   2. Vinstri dælustöng
   3. Kúluliður
   4. Bolti
   5. Festiró
   6. Sexhyrnt skaft
   7. Kúluliður

7. Hreyfið akstursstjórnstöngina áfram og aftur á bak og svo aftur í hlutlausa stöðu.

   Note: Dekkið þarf að stöðvast eða snúast löturhægt aftur á bak.

8. Færið inngjafarstöngina í HRAðA stöðu.

   Note: Tryggið að hjólið sé stopp eða rétt snúist aftur á bak; stillið ef með þarf.

9. Endurtakið skref 6 til 8 á hinni hlið sláttuvélarinnar.

10. Herðið festirærnar við kúluliðina (Mynd 50).

11. Færið inngjafarstjórnstöngina í HæGA stöðu og drepið á vélinni.

12. Fjarlægið tengivírinn af snúrutenglinum og stingið tenglinum í samband við sætisrofann.

    Viðvörun

    Rafkerfið framkvæmir ekki viðeigandi öryggisstöðvun á meðan tengivírinn er tengdur.

    • Fjarlægið tengivírinn af rafleiðslutenglinum og stingið tenglinum í samband við sætisrofann að stillingu lokinni.

    • Ekki vinna á sláttuvélinni með tengivírinn á og tengt framhjá sætisrofanum.

13. Setjið sætið aftur á sinn stað.

14. Fjarlægið búkkana.

1. Aftengið aflúttakið, setjið akstursstjórnstangirnar í HLUTLAUSA LáSSTöðU og setjið stöðuhemilinn á.

2. Færið inngjafarstöngina í HæGA stöðu, drepið á vélinni, takið lykilinn úr og bíðið eftir að allir hlutir hafi stöðvast áður en staðið er upp úr sætinu.

3. Fjarlægið boltana sem festa framhlífina og fjarlægið hana (Mynd 53).

   

   Mynd 53

   1. Bolti
   2. Stjórnborð

4. Losið festiróna á stoppboltanum fyrir stjórnstöng (Mynd 54).

   

   Mynd 54

   1. Stoppbolti
   2. Stjórnstöng
   3. Festiró
   4. 1,5 mm

5. Skrúfið stoppboltann alla leið inn (frá stjórnstönginni).

6. Ýtið stjórnstönginni alla leið fram þar til hún stöðvast og haldið henni þar.

7. Skrúfið stoppboltann út (að stjórnstönginni) þar til bilið er 1,5 mm á milli hauss stoppboltans og stjórnstangarinnar.

   Note: Ef minnka á hámarkshraða sláttuvélarinnar skal skrúfa stoppbolta jafnt að stjórnstönginni þar til viðeigandi hámarkshraða er náð. Hugsanlega þarf að prófa stillinguna nokkrum sinnum.

8. Herðið festiróna til að festa stoppboltann.

9. Endurtakið skref 4 til 8 fyrir hina stjórnstöngina.

10. Setjið framhlífina á.

11. Gangið úr skugga um að sláttuvélin aki beint áfram og beygi ekki þegar báðum stjórnstöngunum er ýtt alla leið fram.

    Note: Ef sláttuvélin beygir eru stoppboltarnir ekki jafnt stilltir og krefjast því frekari stillingar.

1. Aftengið aflúttakið, setjið akstursstjórnstangirnar í HLUTLAUSA LáSSTöðU og setjið stöðuhemilinn á.

2. Færið inngjafarstöngina í HæGA stöðu, drepið á vélinni, takið lykilinn úr og bíðið eftir að allir hlutir hafi stöðvast áður en staðið er upp úr sætinu.

3. Losið boltana sem festa stjórnstangirnar (Mynd 55).

   

   Mynd 55

   1. Stjórnstöng
   2. Stjórnstangarstoð
   3. Boltar

4. Látið einhvern ýta stjórnstangarstoðunum (ekki stjórnstangirnar) alla leið fram í hámarkshraða og halda þeim þar.

5. Stillið stjórnstangirnar af og herðið boltana til að festa stangirnar við stoðirnar (Mynd 56).

   

   Mynd 56

Geymirinn er um það bil 4,7 lítrar.

Geymirinn er fylltur í verksmiðju með gæðagírolíu/glussa. Ráðlagður glussi fyrir glussaskipti er eftirfarandi:

Toro Premium Transmission/Hydraulic Tractor Fluid (fæst í 19 l fötum eða 208 l tunnum. Upplýsingar um hlutarnúmer er að finna í varahlutabæklingnum eða hjá dreifingaraðila Toro).

Annar glussi: Ef Toro-glussinn er ekki í boði er hægt að nota Mobil® 424-glussa.

Note: Toro tekur ekki ábyrgð á skemmdum vegna notkunar rangrar gerðar af glussa.

Margar gerðir glussa eru nánast litlausar og því erfitt að greina þær við leka. Rautt litarefni fyrir glussa er í boði í 20 ml flöskum. Ein flaska dugar fyrir 15 til 22 l af glussa. Pantið hlutarnr. 44-2500 frá viðurkenndum dreifingaraðila Toro.

Kannið glussastöðu áður en vélin er gangsett í fyrsta skipti og daglega eftir það.

1. Leggið sláttuvélinni á jafnsléttu.

2. Setjið akstursstjórnstangirnar í HLUTLAUSA LáSSTöðU og gangsetjið vélina.

   Note: Látið vélina ganga á minnsta mögulega snúningshraða til að hreinsa loft úr kerfinu.

   Important: Ekki tengja aflúttakið.

3. Lyftið pallinum til að lengja lyftitjakkana, drepið á vélinni og takið lykilinn úr.

4. Lyftið sætinu til að komast að glussageyminum.

5. Fjarlægið lokið af áfyllingarstút glussageymisins (Mynd 57).

   

   Mynd 57

   1. Olíukvarði
   2. Áfyllingarlok

6. Takið olíukvarðann úr og strjúkið af honum með hreinum klút (Mynd 57).

7. Setjið olíukvarðann í áfyllingarstútinn; takið hann aftur úr og kannið glussastöðu (Mynd 57).

   Note: Ef glussastaðan er ekki innan merkta svæðisins á kvarðanum skal fylla glussann þar til glussastaðan er innan merkta svæðisins.

   Important: Yfirfyllið ekki.

8. Setjið olíukvarðann aftur í og skrúfið áfyllingarlokið fast á áfyllingarstútinn með höndunum.

9. Leitið eftir leka á slöngum og tengjum.

1. Aftengið aflúttakið, setjið akstursstjórnstangirnar í HLUTLAUSA LáSSTöðU og setjið stöðuhemilinn á.

2. Færið inngjafarstöngina í HæGA stöðu, drepið á vélinni, takið lykilinn úr og bíðið eftir að allir hlutir hafi stöðvast áður en staðið er upp úr sætinu.

3. Setjið stóra pönnu undir glussageyminn og gírkassann og takið tappana úr til að tappa glussanum af (Mynd 58).

   

   Mynd 58

   1. Botntappi glussageymis
   2. Sía
   3. Botntappi gírkassa

4. Þrífið svæðið í kringum glussasíuna og fjarlægið hana (Mynd 58).

5. Setjið nýja glussasíu tafarlaust í.

6. Setjið botntappana í glussageyminn og gírkassann.

7. Fyllið á geyminn í viðeigandi hæð (um það bil 5,7 l); sjá Skoðun vökvakerfis.

8. Gangsetjið vélina og leitið eftir leka. Leyfið vélinni að ganga í fimm mínútur og drepið svo á henni.

9. Bíðið í tvær mínútur og kannið svo stöðu glussans; sjá Skoðun vökvakerfis.

1. Aftengið aflúttakið, setjið akstursstjórnstangirnar í HLUTLAUSA LáSSTöðU og setjið stöðuhemilinn á.

2. Færið inngjafarstöngina í HæGA stöðu, drepið á vélinni, takið lykilinn úr og bíðið eftir að allir hlutir hafi stöðvast áður en staðið er upp úr sætinu.

3. Lyftið sláttubúnaðinum í flutningsstöðu.

4. Lyftið framhluta sláttuvélarinnar upp á búkka.

5. Hreinsið undan sláttubúnaðinum með vatni.

Smurolía, rafgeymar, glussi og kælivökvi eru mengunarvaldar. Þeim skal farga í samræmi við gildandi reglur á hverjum stað.