| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| មុនពេលប្រើប្រាស់នីមួយៗ ឬជាប្រចាំថ្ងៃ |
|
សេចក្តីផ្តើម
យានយន្តប្រើប្រាស់នេះគឺសម្រាប់ប្រើប្រាស់នៅក្រៅផ្លូវលឿន ក្នុងការដឹកជញ្ជូនមនុស្សនិងសម្ភារ។ ការប្រើប្រាស់ផលិតផលនេះក្នុងគោលបំណងផ្សេងក្រៅពីការកំណត់អាចបង្កគ្រោះថ្នាក់ដល់អ្នក និងមនុស្សនៅក្បែរ។
អានព័ត៌មាននេះដោយប្រុងប្រយ័ត្ន្នដើម្បីស្វែងយល់អំពីរបៀបបញ្ជា និងថែទាំផលិតផលរបស់អ្នកឲ្យបានត្រឹមត្រូវ និងដើម្បីជៀសវាងរបួស និងការខូចខាតផលិតផល។ អ្នកទទួលខុសត្រូវចំពោះការបញ្ជាផលិតផលដោយត្រឹមត្រូវ និងដោយសុវត្ថិភាព។
ចូលមើល www.Toro.com សម្រាប់ឯកសារបណ្ដុះបណ្ដាលអំពីសុវត្ថិភាពនិងការបញ្ជាលើផលិតផល, ព័ត៌មានអំពីគ្រឿងបន្សំ, និងស្វែងរកអ្នកចែកចាយ ឬដើម្បីចុះបញ្ជីផលិតផលរបស់អ្នក។
ពេលណាអ្នកត្រូវការសេវាកម្ម គ្រឿងបន្លាស់សុទ្ធិរបស់ Toro ឬព័ត៌មានបន្ថែម សូមទាក់ទងទៅអ្នកចែកចាយសេវាកម្មពេញសិទ្ធិ ឬផ្នែកសេវាកម្មអតិថិជនរបស់ Toro និងត្រៀមប្រាប់ម៉ូដែល និងលេខស៊េរីរបស់ផលិតផលរបស់អ្នក។ រូបភាព 1 កំណត់អត្តសញ្ញាណទីតាំងនៃម៉ូដែល និងលេខស៊េរីនៅលើផលិតផលរបស់អ្នក។ សរសេរលេខនៅក្នុងចន្លោះដែលផ្ដល់ជូន។
Important: ជាមួយនឹងឧបករណ៍ចល័តរបស់អ្នក អ្នកអាចស្កេនកូដ QR នៅលើបន្ទះលេខស៊េរី (បើមាន) ដើម្បីចូលមើលព័ត៌មានអំពីការធានា គ្រឿងបន្លាស់ និងផលិតផលផ្សេងទៀត។
សៀវភៅនេះប្រើពាក្យ 2 ម៉ាត់ដើម្បីរំលេចព័ត៌មាន។ សំខាន់ ប្រាប់ឲ្យយកចិត្តទុកដាក់លើព័ត៌មានមេកានិចពិសេស និង ចំណាំ សង្កត់ធ្ងន់លើព័ត៌មានទូទៅដែលគួរយកចិត្តទុកដាក់ជាពិសេស។
សញ្ញាព្រមានអំពីសុវត្ថិភាព (រូបភាព 2) បង្ហាញទាំងនៅក្នុងសៀវភៅណែនាំនេះ និងនៅលើម៉ាស៊ីន ដើម្បីកំណត់សារសុវត្ថិភាពសំខាន់ៗ ដែលអ្នកត្រូវតែអនុវត្តតាម ដើម្បីជៀសវាងគ្រោះថ្នាក់ណាមួយ។ និមិត្តសញ្ញានេះនឹងបង្ហាញដោយពាក្យ គ្រោះថ្នាក់, ការព្រមាន, ឬ ការប្រុងប្រយ័ត្ន។
-
គ្រោះថ្នាក់ បង្ហាញពីស្ថានភាពគ្រោះថ្នាក់ដែលជិតកើតឡើងដែលមិនអាចជៀសបាននោះ, នឹង បណ្តាលឱ្យមនុស្សស្លាប់ឬរបួសធ្ងន់ធ្ងរ។
-
ការព្រមាន បង្ហាញពីស្ថានភាពគ្រោះថ្នាក់ខ្លាំងដែលមិនអាចជៀសបាននោះ, អាច បណ្តាលឱ្យមនុស្សស្លាប់ឬរបួសធ្ងន់ធ្ងរ។
-
ការប្រុងប្រយ័ត្ន បង្ហាញពីស្ថានភាពគ្រោះថ្នាក់ខ្លាំងដែលមិនអាចជៀសបាននោះ, នឹង បណ្តាលឱ្យមនុស្សស្លាប់ឬរបួសធ្ងន់ធ្ងរ។
ផលិតផលនេះអនុលោមតាមសេចក្ដីណែនាំអឺរ៉ុបពាក់ព័ន្ធទាំងអស់។ សម្រាប់ព័ត៌មានលម្អិត សូមមើលក្រដាសព័ត៌មានស្ដីពីការប្រកាសអំពីការអនុលោមរបស់ផលិតផលជាក់លាក់ដាច់ដោយឡែក (DOC) ។
វាជាការរំលោភបំពានលើផ្នែកក្រមធនធានសាធារណៈនៃរដ្ឋកាលីហ្វ័រនីញ៉ាលេខ 4442 ឬ 4443 ក្នុងការប្រើប្រាស់ ឬបញ្ជាម៉ាស៊ីននៅលើដីព្រៃឈើ ដីមានកូនឈើ ឬដីមានស្មៅ លើកលែងតែម៉ាស៊ីនមានបំពាក់ឧបករណ៍ចាប់ផ្កាភ្លើង ដូចមានកំណត់នៅក្នុងផ្នែកទី 4442, ថែទាំនៅក្នុងលំដាប់លំដោយការងារដែលមានប្រសិទ្ធភាព ឬម៉ាស៊ីនត្រូវបានសាងសង់ បំពាក់ និងថែទាំសម្រាប់ការបង្ការអគ្គិភ័យ។
សៀវភៅណែនាំអ្នកប្រើប្រាស់អំពីម៉ាស៊ីនដែលភ្ជាប់មកនេះ មានផ្ទុកព័ត៌មានពាក់ព័ន្ធនឹងទីភ្នាក់ងារការពារបរិស្ថានរបស់សហរដ្ឋអាមេរិក (EPA) និងបទបញ្ញត្តិរបស់រដ្ឋកាលីហ្វ័រនីញ៉ាស្ដីពីការគ្រប់គ្រងការបំភាយរបស់ប្រព័ន្ធបំភាយ ការថែទាំ និងការធានា។ គ្រឿងបន្លាស់អាចបញ្ជាទិញបានតាមរយៈក្រុមហ៊ុនផលិតម៉ាស៊ីន។
ការព្រមាន
កាលីហ្វ័រញ៉ា
សំណើប្រជាមតិលេខ 65 ការព្រមាន
បំពង់ផ្សែងរបស់ម៉ាស៊ីនចេញពីផលិតផលនេះមានផ្ទុកនូវសារធាតុគីមីដែលត្រូវបានរដ្ឋកាលីហ្វ័រញ៉ា ទទួលស្គាល់ថាបង្កឱ្យមានជំងឺមហារីក ទារកកើតមកមិនគ្រប់លក្ខណៈ និងបង្កគ្រោះថ្នាក់ផ្សេងៗដល់ប្រព័ន្ធបន្តពូជ។
បង្គោលអាគុយ ប៉ូលអាគុយ និងគ្រឿងបន្ទាប់បន្សំ ពាក់ព័ន្ធផ្សេងៗមានផ្ទុកជាតិសំណ និងសមាសធាតុសំណដែលជាសារធាតុគីមីដែលត្រូវបានរដ្ឋកាលីហ្វ័រញ៉ាទទួលស្គាល់ថាបង្កឱ្យមានជំងឺមហារីក និងបង្កគ្រោះថ្នាក់ដល់ប្រព័ន្ធបន្តពូជ។ លាងសម្អាតដៃបន្ទាប់ពីប៉ះពាល់។
សុវត្ថិភាព
គ្រឿងចក្រនេះត្រូវបានរចនាឡើងស្របតាមលក្ខខណ្ឌតម្រូវរបស់ SAE J2258 (ខែវិច្ឆិកា ឆ្នាំ 2016)។
សុវត្ថិភាពទូទៅ
ផលិតផលនេះអាចបង្ករបួសរាងកាយ។ ជានិច្ចកាល ត្រូវអនុវត្តតាមសេចក្ដីណែនាំសុវត្ថិភាពដើម្បីជៀសវាងរបួសរាងកាយធ្ងន់ធ្ងរ។
-
អាន និងស្វែងយល់អំពីខ្លឹមសារនៃ សៀវភៅណែនាំប្រតិបត្តិករ នេះ មុនពេលអ្នកចាប់ផ្ដើមប្រើគ្រឿងចក្រ។ ធានាថា មនុស្សគ្រប់គ្នាដែលប្រើប្រាស់ផលិតផលនេះចេះរបៀបប្រើប្រាស់វា និងយល់អំពីការព្រមាន។
-
ប្រើប្រាស់ការយកចិត្តទុកដាក់ពេញលេញរបស់អ្នក ខណៈពេលកំពុងបញ្ជាគ្រឿងចក្រ។ ហាមធ្វើសកម្មភាពដែលបង្កការរំខាន បើពុំនោះទេ របួស ឬការខូចទ្រព្យសម្បត្តិអាចនឹងកើតឡើង។
-
ហាមដាក់ដៃឬជើងរបស់អ្នកនៅជិតសមាសភាគនៃគ្រឿងចក្រដែលកំពុងចល័ត។
-
ហាមបញ្ជាគ្រឿងចក្រដោយមិនមានឧបករណ៍ការពារ ឬឧបករណ៍ការពារសុវត្ថិភាពផ្សេងទៀតនៅនឹងកន្លែង និងដែលមានដំណើរការនៅលើគ្រឿងចក្រ។
-
ឲ្យអ្នកនៅក្បែរ និងកុមារនៅខាងក្រៅតំបន់ប្រតិបត្តិការ។ ហាមអនុញ្ញាតឲ្យកុមារបញ្ជាគ្រឿងចក្រ។
-
បញ្ឈប់ និងពន្លត់ម៉ាស៊ីន និងដកសោចេញមុនពេលជួសជុល ឬចាក់ប្រេង។
ការប្រើប្រាស់ ឬការថែទាំគ្រឿងចក្រនេះដោយមិនត្រឹមត្រូវ អាចបង្កឲ្យមានរបួស។
ដើម្បីកាត់បន្ថយលទ្ធភាពនៃការកើតមានរបួស ត្រូវអនុវត្តតាមការណែនាំសុវត្ថិភាពទាំងនេះ
និងជានិច្ចកាលត្រូវយកចិត្តទុកដាក់លើសញ្ញាព្រមានសុវត្ថិភាព 
ដែលមានន័យការ ការប្រុងប្រយ័ត្ន្ន
ការព្រមាន ឬគ្រោះថ្នាក់—ការណែនាំអំពីសុវត្ថិភាបផ្ទាល់ខ្លួន។
ការមិនគោរពតាមការណែនាំទាំងនេះអាចបណ្ដាលឲ្យមានរបួសរាងកាយ ឬការស្លាប់។
ស្លាកសញ្ញាសុវត្ថិភាព និងណែនាំ
 |
រូបភាពណែនាំ ឬការណែនាំអំពីសុវត្ថិភាព គឺងាយមើលឃើញដោយប្រតិបត្តិករ ហើយស្ថិតនៅជិតតំបន់ដែលអាចមានគ្រោះថ្នាក់។ ប្ដូរចេញរូបភាពណាមួយដែលខូចឬបាត់។ |
ការផ្គុំដំឡើង
Note: កំណត់ផ្នែកខាងឆ្វេង និងខាងស្ដាំនៃម៉ាស៊ីនពីទីតាំងប្រតិបត្តិការធម្មតា។
ការដំឡើងចង្កូត (ម៉ូដែលអន្តរជាតិតែប៉ុណ្ណោះ)
គ្រឿងបន្លាស់ដែលត្រូវការសម្រាប់នីតិវិធីនេះ៖
| ចង្កូត | 1 |
| គម្របចង្កូត | 1 |
| រ៉ង (½ អ៊ីញ) | 1 |
| គម្របធូលី | 1 |
-
ប្រសិនបើបានដំឡើងគម្រប ចូរដកវាចេញពីផ្នែកខាងលើចង្កូតសិន (រូបភាព 3)។
-
ដកខ្ចៅខ្ទាស់ចេញ (½ អ៊ីញ) ពីដងចង្កូត (រូបភាព 3)។
-
រំកិលចង្កូត គម្របធូលី និងរ៉ង (½ អ៊ីញ) ទៅលើដងចង្កូត (រូបភាព 3)។
Note: នៅពេលកង់មុខត្រង់ហើយ តម្រង់ទិសចង្កូតដើម្បីឲ្យកាំតូចនៅលើចង្កូតមានលក្ខណៈបញ្ឈរ។
-
ភ្ជាប់ចង្កូតជាប់ទៅនឹងដងចង្កូតដោយប្រើខ្ចៅខ្ទាស់ (½ អ៊ីញ) និងរឹតវាក្នុងកម្រិត 18 ទៅ 30 N∙m។
-
ដំឡើងគម្របនៅលើចង្កូត (រូបភាព 3)។
ការពិនិត្យកម្រិតប្រេង និងសម្ពាធកង់
-
ពិនិត្យកម្រិតប្រេងម៉ាស៊ីន មុននិងក្រោយអ្នកបញ្ឆេះម៉ាស៊ីនលើកដំបូង។ សូមអាន ការត្រួតពិនិត្យកម្រិតប្រេងម៉ាស៊ីន។
-
ពិនិត្យកម្រិតប្រេងហ្វ្រាំង មុនអ្នកបញ្ឆេះម៉ាស៊ីនលើកដំបូង។ សូមអាន ការត្រួតពិនិត្យកម្រិតប្រេងហ្វ្រាំង។
-
ពិនិត្យកម្រិតប្រេងប្រអប់លេខ មុនអ្នកបញ្ឆេះម៉ាស៊ីនលើកដំបូង។ សូមអាន ការត្រួតពិនិត្យកម្រិតប្រេងប្រអប់លេខ។
-
ពិនិត្យសម្ពាធខ្យល់ក្នុងកង់។ សូមអាន ការពិនិត្យមើលសម្ពាធកង់។
សាកហ្វ្រាំង
ដើម្បីធានាដំណើរការប្រសិទ្ធភាពខ្ពស់នៃប្រព័ន្ធហ្វ្រាំង ត្រូវសាកហ្វ្រាំង (អបហ្វ្រាំង) មុនពេលប្រើប្រាស់។
-
បញ្ជាគ្រឿងចក្រឲ្យរត់ពេញល្បឿន ហើយជាន់ហ្វ្រាំងឲ្យខ្លាំងតែមិនឲ្យជាប់កង់លែងវិលទេ។
-
អនុវត្តទម្រង់ការនេះ 10 ដង ហើយសម្រាក 1 នាទី ម្ដង ដើម្បីមិនឲ្យហ្វ្រាំងក្ដៅខ្លាំងពេក។
Important: ទម្រង់ការនេះគឺមានប្រសិទ្ធភាពបំផុត ប្រសិនបើគ្រឿងចក្រមានផ្ទុកទម្ងន់ 227 kg។
ការអានសៀវភៅណែនាំ និងការមើលសម្ភារដំឡើង
គ្រឿងបន្លាស់ដែលត្រូវការសម្រាប់នីតិវិធីនេះ៖
| សៀវភៅណែនាំប្រតិបត្តិករ | 1 |
| សៀវភៅណែនាំម្ចាស់ម៉ាស៊ីន | 1 |
| បណ្ណចុះបញ្ជីយានយន្ត | 1 |
| ទម្រង់ត្រួតពិនិត្យមុនពេលប្រគល់ | 1 |
| វិញ្ញាបនបត្របញ្ជាក់គុណភាព | 1 |
| កូនសោ | 2 |
-
អាន សៀវភៅណែនាំប្រតិបត្តិករ និងសៀវភៅណែនាំម្ចាស់ម៉ាស៊ីន។
-
បំពេញបណ្ណចុះបញ្ជីយានយន្ត។
-
បំពេញ ទម្រង់ត្រួតពិនិត្យមុនពេលប្រគល់។
-
ពិនិត្យមើល វិញ្ញាបនបត្របញ្ជាក់គុណភាព។
ទិដ្ឋភាពទូទៅអំពីផលិតផល
ត្រូវស្គាល់ឧបករណ៍បញ្ជាទាំងអស់ មុនពេលអ្នកបញ្ឆេះម៉ាស៊ីន និងបញ្ជាគ្រឿងចក្រ។
ផ្ទាំងបញ្ជា
ឈ្នាន់ហ្គែរ
ប្រើឈ្នាន់ហ្គែរ (រូបភាព 6) ដើម្បីផ្ទៀងផ្ទាត់ល្បឿនលើដីរបស់គ្រឿងចក្រ។ ជាន់ឈ្នាន់ហ្គែរដើម្បីបញ្ឆេះម៉ាស៊ីន។ ជាន់ហ្គែរបន្ថែមដើម្បីបង្កើនល្បឿនលើដី។ បន្ធូរហ្គែរដើម្បីបន្ថយល្បឿនគ្រឿងចក្រ និងពន្លត់ម៉ាស៊ីន។
Note: ល្បឿនទៅមុខអតិបរិមាគឺ 26 km/h។
ឈ្នាន់ហ្វ្រាំង
ប្រើឈ្នាន់ហ្វ្រាំងដើម្បីបញ្ឈប់ ឬបន្ថយល្បឿនគ្រឿងចក្រ (រូបភាព 6)។
ការប្រុងប្រយ័ត្ន
ការបញ្ជាគ្រឿងចក្រដោយប្រើហ្វ្រាំងចាស់ ឬកែមិនត្រឹមត្រូវអាចបង្កឲ្យមានរបួសរាងកាយ។
ប្រសិនបើឈ្នាន់ហ្វ្រាំងធ្វើដំណើរក្នុងកម្រិត 25 mm នៃផ្ទាំងកម្រាលគ្រឿងចក្រ សូមលៃតម្រូវ ឬជួសជុលហ្វ្រាំង។
កុងតាក់សោ
កុងតាក់សោស្ថិតនៅជ្រុងខាងក្រោមផ្នែកខាងស្ដាំនៃផ្ទាំងបញ្ជា (រូបភាព 6)។
កុងតាក់សោមានទីតាំង 3 ៖ OFF (បិទ), ON (បើក), និង START។
មាន 2 របៀបសម្រាប់ការបញ្ឆេះម៉ាស៊ីន។ សូមអាន ការបញ្ឆេះម៉ាស៊ីន។
ដងហ្វ្រាំងដៃ
ដងហ្វ្រាំងដៃគឺស្ថិតនៅក្នុងផ្ទាំងបញ្ជា (រូបភាព 6)។
ពេលណាអ្នកពន្លត់ម៉ាស៊ីន ចូរដាក់ដាក់ហ្វ្រាំងដៃដើម្បីបង្ការគ្រឿងចក្រពីការផ្លាស់ទីដោយចៃដន្យ។ ប្រសិនបើគ្រឿងចក្រត្រូវបានចតនៅលើទីចំណោត ត្រូវប្រាកដថាអ្នកដាក់ដាក់ហ្វ្រាំងដៃ។
ដើម្បីដាក់ហ្វ្រាំងដៃ ទាញដងហ្វ្រាំងដៃឆ្ពោះមកអ្នក (រូបភាព 7)។
ដើម្បីដោះហ្វ្រាំងដៃ ចុចប៊ូតុងនៅខាងលើដងហ្វ្រាំងដៃ, ទាញដងហ្វ្រាំងដៃឆ្ពោះមកអ្នកដើម្បីបន្ធូរសម្ពាធ, ហើយបន្ទាប់មករុញដងហ្វ្រាំងដៃទៅមុខ (រូបភាព 8)។
ឧបករណ៍គ្រប់គ្រងអ៊ែរ
ឧបករណ៍គ្រប់គ្រងអ៊ែរគឺស្ថិតនៅក្នុងផ្ទាំងបញ្ជា។ ប្រើឧបករណ៍គ្រប់គ្រងអ៊ែរដើម្បីជួយបញ្ឆេះម៉ាស៊ីនដែលត្រជាក់ដោយការទាញឧបករណ៍គ្រប់គ្រងអ៊ែរចេញមកក្រៅ (រូបភាព 6)។ បន្ទាប់ពីម៉ាស៊ីនឆេះហើយ ចូរលៃតម្រូវឧបករណ៍គ្រប់គ្រងអ៊ែរដើម្បីរក្សាម៉ាស៊ីនឲ្យដើរស្មើល្អ។ នៅពេលដែលម៉ាស៊ីនមានកម្ដៅ ត្រូវរុញឧបករណ៍គ្រប់គ្រងអ៊ែរទៅទីតាំង OFF (បិទ) ។
ដងលេខ និងអេក្រង់លេខ
ដងលេខអាចកំណត់ទៅក្នុងទីតាំងចំនួន 3 នៅលើអេក្រង់លេខ៖ FORWARD (ទៅមុខ), REVERSE (ថយក្រោយ), និង NEUTRAL (ដាច់លេខ) (រូបភាព 9)។
Note: ម៉ាស៊ីនឆេះ និងដំណើរការក្នុងទីតាំងណាមួយក្នុងចំណោមទីតាំងទាំង 3 ។
ពីទីតាំង NEUTRAL (ដាច់លេខ) អ្នកអាចរុញដងលេខទៅខាងឆ្វេងទៅទីតាំង FORWARD (ទៅមុខ) ឬទៅខាងស្ដាំដើម្បីទៅទីតាំង REVERSE (ថយក្រោយ) (រូបភាព 9)។
Important: ជានិច្ចកាល ត្រូវបញ្ឈប់គ្រឿងចក្រមុនពេលផ្លូវលេខ។
ប៊ូតុងស៊ីផ្លេ
ម៉ូដែលអន្តរជាតិតែប៉ុណ្ណោះ
ប៊ូតុងស៊ីផ្លេគឺស្ថិតនៅលើផ្ទាំងបញ្ជា (រូបភាព 6)។ ចុចប៊ូតុងស៊ីផ្លេដើម្បីបន្លឺស៊ីផ្លេ។
កុងតាក់ភ្លើង
កុងតាក់ភ្លើងគឺស្ថិតនៅខាងឆ្វេងដងចង្កូត (រូបភាព 10)។ ប្រើកុងតាក់ភ្លើងដើម្បីបំភ្លឺអំពូលខាងមុខ។ រុញកុងតាក់ភ្លើងឡើងលើដើម្បីបើកភ្លើងខាងមុខ។ រុញកុងតាក់ភ្លើងចុះក្រោមដើម្បីបិទភ្លើង។
កុងទ័រម៉ោង
កុងទ័រម៉ោងគឺស្ថិតនៅខាងស្ដាំកុងតាក់ភ្លើង (រូបភាព 10)។ ប្រើកុងទ័រម៉ោងដើម្បីដឹងចំនួនម៉ោងសរុបរបស់ម៉ាស៊ីន។ កុងទ័រម៉ោងចាប់ផ្ដើមដំណើរការរាល់ពេលអ្នកកាច់កុងតាក់សោទៅទីតាំង ON (បើក), ទីតាំង START ឬប្រសិនបើម៉ាស៊ីនកំពុងដំណើរការ។
Note: នៅពេលម៉ាស៊ីនកំពុងដំណើរការ កុងទ័រម៉ោងលោតភ្លឹបភ្លែតៗជាបន្តបន្ទាប់ ដោយកត់ត្រាការប្រើប្រាស់។
ចំណុចថាមពល USB
ចំណុចថាមពល USB គឺស្ថិតនៅខាងឆ្វេងនៃដងហ្វ្រាំងដៃ (រូបភាព 6)។ ប្រើប្រាស់ចំណុចថាមពលដើម្បីសាកថ្មឧបករណ៍ចល័ត។
Important: នៅពេលអ្នកមិនប្រើប្រាស់ចំណុចថាមពល USB សូមស៊កឆ្នុកជ័រដើម្បីបង្ការការខូចចំណុចថាមពល។
កុងទ័រប្រេង
កុងទ័រប្រេង (រូបភាព 11) គឺស្ថិតនៅលើធុងប្រេងនៅក្នុងគម្របអង្គចាក់បំពេញ នៅផ្នែកខាងឆ្វេងនៃគ្រឿងចក្រ។ កុងទ័របង្ហាញបរិមាណប្រេងដែលមាននៅក្នុងធុង។
បង្កាន់ដៃអ្នកអមដំណើរ
បង្កាន់ដៃអ្នកអមដំណើរគឺស្ថិតនៅខាងក្រៅកៅអីនីមួយៗ (រូបភាព 12)។
Note: លក្ខណៈបច្ចេកទេស និងការរចនាអាចមានការផ្លាស់ប្ដូរដោយមិនមានការជូនដំណឹង។
| ទម្ងន់មូលដ្ឋាន | 397 kg |
| សមត្ថភាពដែលបានកំណត់ (នៅលើដីរាបស្មើ) | 544 kg សរុប រួមទាំងទម្ងន់ 90.7 kg របស់ប្រតិបត្តិករ និងទម្ងន់ 91 kg របស់អ្នកអមដំណើរ ទម្ងន់ផ្ទុក គ្រឿងបន្សំ និងឧបករណ៍ភ្ជាប់ |
| ទម្ងន់យានយន្តសរុប (GVW)—នៅលើដីរាបស្មើ | 941 kg សរុប រួមទាំងទម្ងន់ទាំងអស់ដែលបានរៀបរាប់នៅខាងលើ |
| សមត្ថភាពដឹកអីវ៉ាន់អតិបរិមា (នៅលើដីរាបស្មើ) | 363 kg សរុប រួមទាំងគ្រឿងបន្សំភ្ជាប់នៅផ្នែកខាងក្រោយ |
| សមត្ថភាពដងទប់គ្រឿងបន្សំនៃឃ្លុបដាក់អីវ៉ាន់ខាងក្រោយអតិបរិមា | 45 kg សរុប |
| សមត្ថភាពសណ្ដោង | ទម្ងន់អណ្ដាត៖ 91 kg |
| ទម្ងន់រថសណ្ដោងសរុប (GTW): 680 kg (1,500 lb) | |
| ទទឹងសរុប | 119 cm (47 អ៊ីញ) |
| បណ្តោយសរុប | 302 cm (119 អ៊ីញ) |
| កម្ពស់សរុប | 127.5 cm (50-3/16 អ៊ីញ) |
| កម្ពស់ពីដី | 21.6 cm នៅផ្នែកខាងមុខពេលមិនទាន់ដឹក ឬមិនមានប្រតិបត្តិករ |
| 14 cm (5-½ អ៊ីញ) នៅផ្នែកខាងក្រោយពេលមិនទាន់ដឹក ឬមិនមានប្រតិបត្តិករ | |
| មូលដ្ឋានកង់ | 220 cm (86-5/8 អ៊ីញ) |
| ក្រឡាកង់ (បន្ទាត់កណ្ដាលទៅបន្ទាត់កណ្ដាល) | ខាងមុខ៖ 119 cm (47 អ៊ីញ) |
| ខាងក្រោយ៖ 119 cm (47 អ៊ីញ) | |
| ប្រវែងឃ្លុបដាក់អីវ៉ាន់ | ខាងក្នុង៖ 102 cm (40 អ៊ីញ) |
| ខាងក្រៅ៖ 114.3 cm (45 អ៊ីញ) | |
| ទទឹងឃ្លុបដាក់អីវ៉ាន់ | ខាងក្នុង៖ 98 cm (38-½ អ៊ីញ) |
| នៅខាងក្រៅនៃរបងចាក់ពុម្ព៖ 107.3 cm (42-¼ អ៊ីញ) | |
| កម្ពស់ឃ្លុបដាក់អីវ៉ាន់ | 28 សម ខាងក្នុង |
| ល្បឿនម៉ាស៊ីន | ការ៉ង់ទីទាប៖ 1,250 ទៅ 1,350 rpm |
| រោទិ៍ខ្លាំង៖ 3,650 ទៅ 3,750 rpm |
ឧបករណ៍ភ្ជាប់/គ្រឿងបន្សំ
ការជ្រើសរើសនៃឧបករណ៍ភ្ជាប់និងគ្រឿងបន្សំដែលបានអនុម័តដោយ Toro គឺអាចរកបានសម្រាប់ប្រើប្រាស់ជាមួយនឹងគ្រឿងចក្រដើម្បីបង្កើន ឬពង្រីកសមត្ថភាពរបស់វា។ ទាក់ទងទៅអ្នកចែកចាយសេវាកម្មពេញសិទ្ធិ ឬអ្នកចែកចាយដែលមានការអនុញ្ញាតរបស់ Toro ឬចូលទៅ www.Toro.com សម្រាប់បញ្ជីនៃឧបករណ៍ភ្ជាប់និងគ្រឿងបន្សំទាំងអស់។
ដើម្បីធានាការប្រតិបត្តិខ្ពស់ និងការទទួលស្គាល់សុវត្ថិភាពជាបន្តរបស់គ្រឿងចក្រ សូមប្រើតែគ្រឿងបន្លាស់ ឬគ្រឿងបន្សំសុទ្ធរបស់ Toro តែប៉ុណ្ណោះ។ គ្រឿងបន្លាស់ ឬគ្រឿងបន្សំដែលបានជំនួសដោយក្រុមហ៊ុនផ្សេងអាចមានគ្រោះថ្នាក់ ហើយការប្រើប្រាស់បែបនោះនឹងលែងមានការធានាលើផលិតផល។
ប្រតិបត្តិការ
Note: កំណត់ផ្នែកខាងឆ្វេង និងខាងស្ដាំនៃម៉ាស៊ីនពីទីតាំងប្រតិបត្តិការធម្មតា។
មុនពេលធ្វើប្រតិបត្តិការ
សុវត្ថិភាពមុនប្រតិបត្តិការ
សុវត្ថិភាពទូទៅ
-
ហាមអនុញ្ញាតឲ្យកុមារ ឬមនុស្សដែលមិនមានការបណ្ដុះបណ្ដាល ឬមិនមានសមត្ថភាពទៅបញ្ជា ឬជួសជុលគ្រឿងចក្រ។ បទបញ្ញត្តិក្នុងមូលដ្ឋានអាចរឹតត្បិតអាយុរបស់ប្រតិបត្តិករ។ ម្ចាស់គឺទទួលខុសត្រូវលើការបណ្ដុះបណ្ដាលអ្នកបញ្ជា និងជាងទាំងអស់។
-
ត្រូវយល់ដឹងអំពីបញ្ជាដែលមានសុវត្ថិភាពលើឧបករណ៍ គ្រឿងបញ្ជារបស់អ្នកបញ្ជា និងសញ្ញាសុវត្ថិភាព។
-
ពន្លត់ម៉ាស៊ីន ដកសោចេញ និងរង់ចាំរហូតលែងមានចលនាទាំងអស់ មុនពេលអ្នកចាកចេញពីទីតាំងរបស់ប្រតិបត្តិករ។ ទុកឲ្យម៉ាស៊ីនត្រជាក់សិន មុននឹងធ្វើការលៃតម្រូវ ជួសជុល សម្អាត ឬរក្សាវាទុក។
-
ត្រូវចេះរបៀបបញ្ឈប់ និងពន្លត់ម៉ាស៊ីនយ៉ាងឆាប់រហ័ស។
-
ធានាថា មិនមានអ្នកជឹះ (អ្នក និងអ្នកអមដំណើរជាមួយអ្នក) ច្រើនជាងចំនួនបង្កាន់ដៃដែលមាននៅលើគ្រឿងចក្រ។
-
ពិនិត្យមើលថា ឧបករណ៍សុវត្ថិភាពនិងស្លាកសញ្ញាទាំងអស់គឺមាននៅនឹងកន្លែង។ ជួសជុល និងប្ដូរចេញឧបករណ៍សុវត្ថិភាពទាំងអស់ និងប្ដូរចេញរាល់ស្លាកសញ្ញាដែលរលុប ឬដែលបាត់។ ហាមបញ្ជាគ្រឿងចក្រប្រសិនបើវាមិនមានវត្តមាន និងមិនដំណើរការត្រឹមត្រូវ។
សុវត្ថិភាពប្រេង
-
ប្រុងប្រយ័ត្នជាទីបំផុតនៅពេលចាត់ចែងប្រេង។ ប្រេងគឺងាយឆាបឆេះ ហើយចំហាយរបស់វាក៏អាចផ្ទុះបានដែរ។
-
ពន្លត់បារី ស៊ីហ្កា ខ្សៀ និងប្រភពទាំងអស់ដែលអាចបង្កការឆេះ។
-
ប្រើតែធុងប្រេងដែលមានការអនុញ្ញាតប៉ុណ្ណោះ។
-
ហាមដកគម្របធុងប្រេង ឬចាក់ប្រេងទៅក្នុងធុងនៅពេលដែលម៉ាស៊ីនកំពុងដំណើរការ ឬក្ដៅ។
-
ហាមចាក់ ឬបង្ហូរប្រេងនៅកន្លែងបិទជិត។
-
ហាមរក្សាទុកគ្រឿងចក្រ ឬធុងប្រេងនៅកន្លែងដែលមានអណ្ដាតភ្លើង ផ្កាភ្លើង ឬអណ្ដាតឧស្ម័នឆេះ ដូចជាធុងទឹកក្ដៅ ឬឧបករណ៍អគ្គិសនីផ្សេងទៀត។
-
ប្រសិនបើអ្នកកំពប់ប្រេង ហាមបញ្ឆេះមាស៊ីន។ ជៀសវាងការបង្កើតប្រភពឆេះរហូតដល់អស់ចំហាយប្រេងសិន។
ការអនុវត្តការថែទាំប្រចាំថ្ងៃ
មុនពេលចាប់ផ្ដើមប្រើគ្រឿងចក្ររាល់ថ្ងៃ ត្រូវអនុវត្តទម្រង់ការប្រើប្រាស់/ប្រចាំថ្ងៃនីមួយៗ ដូចមានរៀបរាប់នៅក្នុង ។
ការពិនិត្យមើលសម្ពាធកង់
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| មុនពេលប្រើប្រាស់នីមួយៗ ឬជាប្រចាំថ្ងៃ |
|
លក្ខណៈបច្ចេកទេសស្ដីពីសម្ពាធខ្យល់កង់មុខ និងក្រោយ៖ 1.65 ទៅ 2.07 bar
Important: ហាមសប់កងហួសពីសម្ពាធខ្យល់ដែលបានកំណត់នៅលើជញ្ជាំងកង់។
Note: សម្ពាធខ្យល់ដែលត្រូវការសម្រាប់កង់ត្រូវបានកំណត់ដោយទម្ងន់ដែលអ្នកមានបំណងចង់ដឹក។
-
ពិនិត្យសម្ពាធខ្យល់ក្នុងកង់។
-
ប្រើសម្ពាធខ្យល់ទាបនៅក្នុងកង់សម្រាប់ការដឹកស្រាល និងកាត់បន្ថយស្នាមកង់នៅលើដី។
-
ប្រើប្រាស់សម្ពាធខ្យល់ខ្ពស់ជាងនៅក្នុងកង់សម្រាប់ការដឹកជញ្ជូនធ្ងន់ជាងនៅល្បឿនលឿនជាង។
-
-
ប្រសិនបើចាំបាច់ ត្រូវលៃតម្រូវសម្ពាធខ្យល់នៅក្នុងកង់ដោយការបន្ថែមឬការបន្ថយខ្យល់នៅក្នុងកង់។
ការបន្ថែមប្រេង
ប្រេងដែលបានណែនាំ
| ប្រភេទ | ប្រេងសាំង |
| ការកំណត់អត្រាអុកតានអប្បបរមា | 87 (សហរដ្ឋអាមេរិក) ឬ 91 (អុកតានស្រាវជ្រាវ; នៅក្រៅសហរដ្ឋអាមេរិក) |
| អេតាណុល | មិនច្រើនជាង 10% តាមចំណុះ |
| មេតាណុល | គ្មាន |
| MTBE (methyl tertiary butyl ether) | មិនតិចជាង 15% តាមចំណុះ |
| ប្រេងរំអិល | ហាមបន្ថែមទៅលើប្រេងឥន្ធនៈ |
ប្រើប្រាស់ប្រេងស្អាត ថ្មី (មិនមានអាយុច្រើនជាង 30 ថ្ងៃ) ពីប្រភពទុកចិត្ត។
Important: ដើម្បីកាត់បន្ថយបញ្ហាពេលបញ្ឆេះ ត្រូវបន្ថែមសារធាតុជំនួយប្រេងដើម្បីធ្វើឲ្យប្រេងស្រស់តាមការណែនាំរបស់ក្រុមហ៊ុនផលិតសារធាតុជំនួយនោះ។
សូមអានសៀវភៅណែនាំម្ចាស់ម៉ាស៊ីនសម្រាប់ព័ត៌មានបន្ថែម។
ការចាក់ប្រេងទៅក្នុងធុងប្រេង
សមត្ថភាពរបស់ធុងប្រេងគឺប្រហែល 18.9 L (5 ហ្កាឡុងអាមេរិក)។
-
ចតគ្រឿងចក្រនៅលើផ្ទៃរាបស្មើ។
-
រុញចង្កឹះលេខមកទីតាំង NEUTRAL (ដាច់លេខ) ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
សម្អាតតំបន់ជុំវិញគម្របធុងប្រេង (រូបភាព 14)។
-
ដកគម្របធុងប្រេង។
-
ចាក់ប្រេងត្រឹមប្រហែល 25 mm នៅក្រោមផ្នែកខាងលើនៃធុង (ក្រោមមាត់ធុង)។
Note: ចន្លោះនេះនៅក្នុងធុងអនុញ្ញាតឲ្យប្រេងអាចរីកមាឌបាន។ ហាមចាក់ហៀធុងប្រេង។
-
បិទគម្របធុងប្រេងឲ្យជិត។
-
ជូតចេញនូវប្រេងកំពប់ណាមួយ។
ការសាកគ្រឿងចក្រថ្មី
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| បន្ទាប់ពី 100 ម៉ោងដំបូង |
|
អនុវត្តតាមការណែនាំខាងក្រោមដើម្បីឲ្យគ្រឿងចក្រមានដំណើរការសមរម្យ។
-
ធានាថាហ្រ្វាំងត្រូវបានសាករួច។ សូមអាន សាកហ្វ្រាំង។
-
ពិនិត្យកម្រិតទឹក និងប្រេងម៉ាស៊ីនជាប្រចាំ។ ត្រូវពិនិត្យមើលសញ្ញាសម្រាប់សមាសធាតុផ្សេងៗ និងថាវាមិនឡើងកម្ដៅ។
-
ក្រោយពេលបញ្ឆេះម៉ាស៊ីនដែលត្រជាក់ ត្រូវទុកឲ្យវាឡើងក្ដៅប្រហែល 15 វិនាទីមុនពេលប្រើប្រាស់គ្រឿងចក្រ។
Note: ទុកពេលឲ្យម៉ាស៊ីនឡើងក្ដៅនៅពេលប្រតិបត្តិការនៅកន្លែងត្រជាក់។
-
បញ្ជាគ្រឿងចក្រដោយប្រើល្បឿនផ្សេងៗគ្នា។ ជៀសវាងការចាប់ផ្ដើមលឿន និងបញ្ឈប់ភ្លាមៗ។
-
ការសាកប្រេងរំអិលសម្រាប់ម៉ាស៊ីនគឺមិនចាំបាច់ទេ។ ប្រេងរំអិលដើមគឺដូចគ្នានឹងប្រភេទប្រេងដែលបានណែនាំឲ្យផ្លាស់ប្ដូរដែរ។
-
សូមអាន សម្រាប់ការពិនិត្យពិសេស និងម៉ោងទាប។
-
ពិនិត្យមើលទីតាំងបូមមុខ និងលៃតម្រូវវា ប្រសិនបើចាំបាច់។ អាន ការតម្រង់កង់មុខ។
ក្នុងអំឡុងពេលធ្វើប្រតិបត្តិការ
សុវត្ថិភាពក្នុងពេលប្រតិបត្តិការ
សុវត្ថិភាពទូទៅ
-
ម្ចាស់ឬប្រតិបត្តិករអាចបង្ការ និងទទួលខុសត្រូវចំពោះគ្រោះថ្នាក់ដែលអាចនឹងបណ្ដាលឲ្យមានរបួសរាងកាយ ឬការខូចខាតទ្រព្យសម្បត្តិ។
-
អ្នកអមដំណើរគួរអង្គុយនៅកន្លែងដែលបានកំណត់ទុកសម្រាប់អង្គុយតែប៉ុណ្ណោះ។ ហាមដឹកអ្នកអមដំណើរដោយឲ្យជឹះនៅក្នុងឃ្លុបដាក់អីវ៉ាន់។ ឲ្យអ្នកនៅក្បែរ និងកុមារនៅខាងក្រៅតំបន់ប្រតិបត្តិការ។
-
ស្លៀកពាក់សម្លៀកបំពាក់សមរម្យ រួមទាំងឧបករណ៍ការពារភ្នែក ខោជើងវែង ស្បែកជើងទប់រអិល និងឧបករណ៍ការពារត្រចៀក។ ចងសក់ដែលវែង ហើយមិនត្រូវពាក់សម្លៀកបំពាក់រលុង ឬគ្រឿងអលង្ការរលុងឡើយ។
-
ប្រើប្រាស់ការយកចិត្តទុកដាក់ពេញលេញរបស់អ្នក ខណៈពេលកំពុងបញ្ជាគ្រឿងចក្រ។ ហាមធ្វើសកម្មភាពដែលបង្កការរំខាន បើពុំនោះទេ របួស ឬការខូចទ្រព្យសម្បត្តិអាចនឹងកើតឡើង។
-
ហាមបញ្ជាគ្រឿងចក្រនៅពេលឈឺ អស់កម្លាំង ឬក្រោមឥទ្ធិពលនៃគ្រឿងស្រវឹង ឬថ្នាំ។
-
ប្រតិបត្តិការគ្រឿងចក្រនៅខាងក្រៅអគារ ឬនៅកន្លែងដែលមានខ្យល់ចេញចូលល្អតែប៉ុណ្ណោះ។
-
ហាមដឹកលើសទម្ងន់ផ្ទុកសរុបអតិបរិមា (GVW) របស់យានយន្ត។
-
បង្កើនការប្រុងប្រយ័ត្នខ្ពស់នៅពេលជាន់ហ្វ្រាំង ឬបត់គ្រឿងចក្រក្នុងពេលដឹកធ្ងន់នៅឃ្លុបដាក់អីវ៉ាន់។
-
ការផ្ទុកទម្ងន់លើសនៅឃ្លុបដាក់អីវ៉ាន់កាត់បន្ថយស្ថិរភាពរបស់គ្រឿងចក្រ។ ហាមផ្ទុកលើសសមត្ថភាពដឹករបស់ឃ្លុប។
-
ការដឹកសម្ភារដែលមិនចងភ្ជាប់ទៅនឹងគ្រឿងចក្រមានឥទ្ធិពលអាក្រក់ទៅលើចង្កូត ហ្វ្រាំង និងស្ថិរភាពរបស់គ្រឿងចក្រ។ នៅពេលដឹកសម្ភារដែលមិនអាចចងភ្ជាប់ទៅនឹងគ្រឿងចក្របាន ត្រូវប្រើការប្រុងប្រយ័ត្ននៅពេលកាច់ចង្កូត ឬជាន់ហ្វ្រាំង។
-
ដឹកទម្ងន់ស្រាល ឬកាត់បន្ថយល្បឿនលើដីរបស់គ្រឿងចក្រនៅពេលប្រតិបត្តិការនៅលើផ្ទៃរលាក់ មិនរាបស្មើ និងនៅជិតចិញ្ចើម គ្រលុក និងកន្លែងដែលផ្លាស់ប្ដូរស្ថានភាពរហ័សផ្សេងទៀត។ ទម្ងន់អាចនឹងប្រែប្រួលដែលបង្កឲ្យគ្រឿងចក្របាត់បង់ស្ថិរភាព។
-
មុនពេលអ្នកចាប់ផ្ដើមគ្រឿងចក្រ ត្រូវប្រាកដថា ប្រអប់លេខត្រូវបានផ្ដាច់ ហ្វ្រាំងត្រូវបានដាក់ ហើយអ្នកកំពុងស្ថិតនៅក្នុងទីតាំងប្រតិបត្តិការ។
-
អ្នក និងអ្នកអមដំណើរត្រូវនៅក្នុងកន្លែងអង្គុយរាល់ពេលដែលគ្រឿងចក្រកំពុងផ្លាស់ទី។ រក្សាការកាន់ដៃចង្កូតជាប់ជានិច្ច។ អ្នកអមដំណើររបស់អ្នកគួរប្រើប្រាស់បង្កាន់ដៃដែលមានផ្ដល់ជូន។ រក្សាដៃ និងជើងឲ្យនៅផ្នែកខាងក្នុងគ្រឿងចក្រគ្រប់ពេល។
-
បញ្ជាគ្រឿងចក្រតែនៅពេលមើលឃើញច្បាស់តែប៉ុណ្ណោះ។ ពិនិត្យក្រែងមានគ្រលុក ចង្អូរកង់ ទួល ថ្ម ឬវត្ថុបាំងផ្សេងទៀត។ ដីមិនស្មើអាចធ្វើឲ្យក្រឡាប់គ្រឿងចក្រ។ ស្មៅខ្ពស់ៗអាចបាំងឧបសគ្គ។ ប្រុងប្រយ័ត្ននៅពេលជិតដល់ផ្លូវកែងដែលបាំង កូនឈើ ដើមឈើ ឬវត្ថុផ្សេងទៀតដែលបាំងការមើលរបស់អ្នក។
-
ហាមបើកបរគ្រឿងចក្រទៅជិតចង្អូរ ប្រឡាយ ឬទីជម្រាល។ គ្រឿងចក្រអាចនឹងក្រឡាប់ភ្លាម ប្រសិនបើធ្លាក់កង់ម្ខាង ឬហើបកង់ម្ខាង។
-
ប្រុងប្រយ័ត្ន និងជៀសវាងវត្ថុសំយ៉ុងទាបដូចជា មែកឈើ ស៊ុមទ្វារ ស្កាកនៅតាមផ្លូវដើរ ។ល។
-
មើលខាងក្រោយ និងខាងក្រោម មុនពេលបើករគ្រឿងចក្រថយក្រោយ ដើម្បីឱ្យប្រាកដថាផ្លូវស្រលះល្អ។
-
នៅពេលប្រើគ្រឿងចក្រនៅលើដងផ្លូវសាធារណៈ ត្រូវអនុវត្តតាមរាល់បទបញ្ញត្តិចរាចរណ៍ និងប្រើគ្រឿងបន្ទាប់បន្សុំបន្ថែមផ្សេងទៀតដែលបានតម្រូវដោយច្បាប់ដូចជា ភ្លើងសញ្ញា ភ្លើងស៊ីញ៉ូ ការផ្លាស់ទីយឺត និងការតម្រូវផ្សេងៗទៀត។
-
ប្រសិនបើគ្រឿងចក្រញ័រខុសប្រក្រតី ត្រូវបញ្ឈប់និងពន្លត់គ្រឿងចក្រភ្លាម រង់ចាំរហូតចលនាទាំងអស់ឈប់ ហើយពិនិត្យរកមើលការខូចខាត។ ជួសជុលរាល់ការខូចខាតរបស់គ្រឿងចក្រមុនប្រតិបត្តិការឡើងវិញ។
-
ការបញ្ឈប់គ្រឿងចក្រនៅលើផ្ទៃសើមអាចចំណាយពេលយូរជាងនៅលើផ្ទៃស្ងួត។ ដើម្បីសម្ងួតហ្វ្រាំងសើម សូមបើកបរយឺតៗនៅលើផ្ទៃរាបស្មើ និងអបហ្វ្រាំងតិចៗ។
-
ការដំណើរការគ្រឿងចក្រនៅក្នុងល្បឿនលឿន ហើយបញ្ឈប់ភ្លាមៗអាចបណ្ដាលឱ្យកង់ខាងក្រោយគាំង ដែលធ្វើឱ្យចុះខ្សោយការគ្រប់គ្រងលើគ្រឿងចក្ររបស់អ្នក។
-
ហាមប៉ះម៉ាស៊ីន ប្រអប់លេខ បំពង់ស៊ីម៉ាំង ឬសំបុកបំពង់ស៊ីម៉ាំងនៅពេលដែលម៉ាស៊ីនកំពុងដំណើរការ ឬទើបពន្លត់ ដោយសារតែកន្លែងទាំងនេះអាចនឹងក្ដៅរហូតធ្វើឱ្យអ្នករលាក។
-
ហាមទុកចោលគ្រឿងចក្រដែលកំពុងដំណើរការ។
-
មុនពេលអ្នកចាកចេញពីទីតាំងប្រតិបត្តិការ សូមអនុវត្តចំណុចដូចខាងក្រោម៖
-
ចតគ្រឿងចក្រនៅលើផ្ទៃរាបស្មើ។
-
រុញចង្កឹះលេខមកទីតាំង NEUTRAL (ដាច់លេខ) ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
រង់ចាំរហូតលែងមានចលនាទាំងអស់.
-
-
ហាមដំណើរការគ្រឿងចក្រនៅពេលដែលអាចមានរន្ទះ។
-
ប្រើគ្រឿងបន្ទាប់បន្សំ និងគ្រឿងភ្ជាប់ដែលបានអនុម័តដោយ The Toro® Company តែប៉ុណ្ណោះ។
សុវត្ថិភាពអ្នកអមដំណើរច្រើន
-
ហាមដឹកលើសទម្ងន់ផ្ទុកសរុប (GVW) របស់យានយន្ត។ អ្នកត្រូវគណនាខ្លួនអ្នក អ្នកអមដំណើររបស់អ្នក និងបន្ទុកនៅក្នុងឃ្លុបអីវ៉ាន់ ដែលរួមចំណែកដល់ទម្ងន់សរុបរបស់គ្រឿងចក្រ។
-
អ្នកអមដំណើរគួរអង្គុយនៅកន្លែងដែលបានកំណត់ទុកសម្រាប់អង្គុយតែប៉ុណ្ណោះ។ ហាមអនុញ្ញាតឲ្យអ្នកអមដំណើរជិះនៅក្នុងឃ្លុបដាក់អីវ៉ាន់។
-
អ្នក និងអ្នកអមដំណើរត្រូវនៅក្នុងកន្លែងអង្គុយរាល់ពេលដែលគ្រឿងចក្រកំពុងផ្លាស់ទី។
-
ប្រវែងគ្រឿងចក្របន្ថែមបណ្តាលឱ្យមានកាំរង្វង់បត់កាន់តែធំ ដូច្នេះត្រូវមានកន្លែងធំដើម្បីបត់គ្រឿងចក្រ។
សុវត្ថិភាពនៅទីជម្រាល
Note: ប្រព័ន្ធការពារការក្រឡាប់ដោយប្រើបង្គោល 2 (ROPS) គឺអាចប្រើប្រាស់បានសម្រាប់គ្រឿងចក្រនេះ ជាគ្រឿងបន្ទាប់បន្សំ។ ប្រើប្រព័ន្ធការពារការក្រឡាប់ ប្រសិនបើអ្នកនឹងធ្វើការនៅក្បែរកន្លែងដែលអាចមានវត្ថុធ្លាក់ចុះ ក្បែរទឹក នៅក្នុងស្ថានភាពដីរដិបរដុប ឬនៅលើទីជម្រាលដែលអាចបណ្តាលឱ្យមានការក្រឡាប់។ ទាក់ទងអ្នកចែកចាយ Toro ដែលមានមានការអនុញ្ញាតសម្រាប់ព័ត៌មានបន្ថែម។
ទីជម្រាលគឺជាកត្តាដ៏សំខាន់ទាក់ទងនឹងការបាត់បង់ការគ្រប់គ្រង និងគ្រោះថ្នាក់នៃការក្រឡាប់ ដែលអាចបណ្តាលឱ្យមានរបួសធ្ងន់ធ្ងរ ឬស្លាប់។
-
ស្ទង់មើលទីតាំងដើម្បីកំណត់ថាតើ ទីជម្រាលណាមួយមានសុវត្ថិភាពសម្រាប់ការដំណើរការគ្រឿងចក្រ និងបង្កើតទម្រង់ការនិងវិធានផ្ទាល់ខ្លួនរបស់អ្នកសម្រាប់ការដំណើរការនៅលើទីជម្រាលទាំងនោះ។ ត្រូវប្រើសុភវិនិច្ឆ័យ និងការវិនិច្ឆ័យល្អជានិច្ចនៅពេលអនុវត្តការស្ទង់នេះ។
-
បើអ្នកមានអារម្មណ៍មិនស្រួលក្នុងការបញ្ជាគ្រឿងចក្រនៅលើទីជម្រាល សូមកុំធ្វើវា។
-
ផ្លាស់ទីនៅទីលើជម្រាលយឺតៗ និងសន្សឹមៗ។ ហាមផ្លាស់ប្តូរល្បឿន ឬទិសដៅរបស់គ្រឿងចក្រភ្លាមៗ។
-
ជៀសវាងការបញ្ជាគ្រឿងចក្រនៅលើដីសើម។ សំបកកង់អាចនឹងបាត់បង់ការកកិត។ ការក្រឡាប់អាចកើតឡើងមុនពេលកង់បាត់បង់ការកកិត។
-
ធ្វើដំណើរត្រង់ពេលឡើង និងចុះជម្រាល។
-
ប្រសិនបើអ្នកចាប់ផ្តើមបាត់បង់កម្លាំងឡើងទួលខណៈពេលកំពុងឡើងទីជម្រាល សូមអបហ្វ្រាំងតិចៗ និងបើកគ្រឿងចក្រថយក្រោយយឺតៗចុះជម្រាល។
-
ការបត់ខណៈពេលឡើង ឬចុះទីជម្រាលអាចមានគ្រោះថ្នាក់។ បើអ្នកត្រូវតែបត់នៅលើទីជម្រាល សូមបត់ដោយយឺតៗ និងដោយប្រុងប្រយ័ត្ន។
-
ការដឹកធ្ងន់អាចប៉ះពាល់ដល់ស្ថិរភាពនៅលើទីជម្រាល។ ដឹកស្រាល និងបើកបរយឺតៗនៅពេលប្រតិបត្តិការនៅលើដីជម្រាល ឬប្រសិនបើការផ្ទុកទម្ងន់មានទំនាញផែនដីខ្លាំង។ ចងសម្ភារឲ្យជាប់នឹងឃ្លុបអីវ៉ាន់របស់គ្រឿងចក្រដើម្បីបង្ការការរអិលអីវ៉ាន់។ យកចិត្តទុកដាក់បន្ថែមនៅពេលដឹកជញ្ជូនសម្ភារដែលងាយរំអិល (ឧទាហរណ៍ សារធាតុរាវ គ្រួស ខ្សាច់។ល។
-
ជៀសវាងការចាប់ផ្ដើម ការបញ្ឈប់ ឬការបត់គ្រឿងចក្រនៅលើទីជម្រាល ជាពិសេសនៅពេលដឹក។ ការបញ្ឈប់នៅពេលចុះទីជម្រាល ត្រូវចំណាយពេលយូរជាងការបញ្ឈប់នៅលើដីរាបស្មើ។ ប្រសិនបើអ្នកត្រូវតែបញ្ឈប់គ្រឿងចក្រ សូមជៀសវាងការបន្ថយល្បឿនភ្លាមៗ ដែលអាចបណ្តាលឱ្យគ្រឿងចក្រផ្អៀង ឬក្រឡាប់។ ហាមចាប់ហ្វ្រាំងភ្លាមៗនៅពេលរអិលថយក្រោយ ព្រោះការចាប់ហ្វ្រាំងដូច្នេះអាចបណ្តាលឱ្យគ្រឿងចក្រក្រឡាប់បាន។
សុវត្ថិភាពនៃការលើក និងការដាក់
-
ហាមផ្ទុកលើសទម្ងន់យានយន្តសរុប (GVW) របស់គ្រឿងចក្រនៅពេលដំណើរការគ្រឿងចក្រដែលមានដឹកសម្ភារនៅក្នុងឃ្លុប និង/ឬការសណ្ដោង។ សូមអាន លក្ខណៈបច្ចេកទេស។
-
ដាក់ពង្រាយសម្ភារដឹកនៅក្នុងឃ្លុបឱ្យស្មើ ដើម្បីកែលម្អស្ថិរភាព និងការគ្រប់គ្រងគ្រឿងចក្រ។
-
មុនពេលដាក់សម្ភារចុះ ត្រូវធានាថាមិនមាននរណាម្នាក់នៅខាងក្រោយគ្រឿងចក្រ។
-
ហាមបែនសម្ភារចុះខណៈពេលដែលគ្រឿងចក្រចតនៅទីជម្រាល។ ការផ្លាស់ប្តូររបាយទម្ងន់អាចបណ្តាលឱ្យគ្រឿងចក្រក្រឡាប់។
ការបញ្ជាឃ្លុបដាក់អីវ៉ាន់
ការលើកឃ្លុបដាក់អីវ៉ាន់ទៅក្នុងទីតាំងចាក់បែន
ការព្រមាន
ឃ្លុបដាក់អីវ៉ាន់ដែលបានលើកឡើង អាចធ្លាក់ចុះមកវិញ និងធ្វើឱ្យរបួសដល់មនុស្សដែលកំពុងធ្វើការនៅខាងក្រោម។
-
ត្រូវប្រើចន្ទល់ដើម្បីទប់ទ្រឃ្លុប មុនពេលធ្វើការនៅខាងក្រោមឃ្លុប។
-
ដកសម្ភារផ្ទុកចេញពីឃ្លុបមុនពេលលើកវាឡើង។
ការព្រមាន
ការបើកបរគ្រឿងចក្រពេលលើកឃ្លុប អាចបណ្តាលឱ្យគ្រឿងចក្រងាយឃ្លោង ឬក្រឡាប់។ អ្នកអាចធ្វើឱ្យខូចរចនាសម្ព័ន្ធរបស់ឃ្លុប ប្រសិនបើអ្នកដំណើរការគ្រឿងចក្រនៅពេលលើកឃ្លុបឡើង។
-
ដំណើរការគ្រឿងចក្រនៅពេលដាក់ឃ្លុបចុះ។
-
ក្រោយពីបែនសម្ភារចេញពីឃ្លុបហើយ ត្រូវដាក់ឃ្លុបចុះ។
ការប្រុងប្រយ័ត្ន
ប្រសិនបើទម្ងន់ប្រមូលផ្តុំធ្ងន់នៅផ្នែកខាងក្រោយនៃឃ្លុប នៅពេលអ្នកដោះគន្លឹះ ឃ្លុបអាចនឹងរបើក ហើយធ្វើឱ្យរងរបួសដល់អ្នក ឬអ្នកនៅក្បែរ។
-
រក្សាទម្ងន់ឲ្យនៅកណ្ដាលឃ្លុប ប្រសិនបើអាចធ្វើបាន។
-
សង្កត់ឃ្លុបចុះក្រោម ហើយធានាថា មិនមាននរណាកំពុងផ្អែក ឬកំពុងឈរនៅពីក្រោយឃ្លុបនៅពេលដោះគន្លឹះ។
-
យកឥវ៉ាន់ចេញពីឃ្លុបឲ្យអស់ មុនពេលលើកឃ្លុប ដើម្បីជួសជុលថែទាំគ្រឿងចក្រ។
ការលើកឃ្លុបដាក់អីវ៉ាន់ទៅក្នុងទីតាំងសម្រាប់ជួសជុល
ការបន្ទាបឃ្លុបដាក់អីវ៉ាន់
ការបើកទ្វារឃ្លុប
ការបិទទ្វារឃ្លុប
ប្រសិនបើអ្នកបានដាក់សម្ភាររាយៗដូចជា ខ្សាច់ គ្រួស ឬកម្ទេចឈើចុះពីឃ្លុបរបស់គ្រឿងចក្រហើយ សម្ភារមួយចំនួនដែលអ្នកបានដាក់ចុះនោះអាចនឹងជាប់នៅតាមត្រចៀកទ្វារឃ្លុប។ អនុវត្តជំហានខាងក្រោមមុនពេលបិទទ្វារឃ្លុប។
-
ប្រើដៃរបស់អ្នកដើម្បីយកសម្ភារចេញពីត្រចៀកទ្វារឲ្យអស់ពីលទ្ធភាព។
-
បង្វិលទ្វារឃ្លុបទៅទីតាំងប្រហែល 45° (រូបភាព 18)។
-
ប្រើចលនាកន្រ្តាក់ខ្លីៗ ដើម្បីបង្វិលទ្វារឃ្លុបទៅមុខទៅក្រោយជាច្រើនដង (រូបភាព 18).
Note: សកម្មភាពនេះជួយឱ្យសម្ភារធ្លាក់ចេញពីតំបន់ត្រចៀកទ្វារ។
-
ដាក់ទ្វារឃ្លុបចុះ ហើយពិនិត្យមើលក្រែងនៅសល់សម្ភារនៅតំបន់ត្រចៀកទ្វារ។
-
អនុវត្តជំហាន 1 ទាំងអស់ 4 ឡើងវិញ រហូតទាល់តែសម្ភារត្រូវបានយកចេញអស់ពីតំបន់ត្រចៀកទ្វារ។
-
បង្វិលនិងលើកទ្វារឃ្លុបឡើងទៅទាក់ក្នុងគន្លាក់ឃ្លុបដាក់អីវ៉ាន់។
ការប្រើប្រាស់ក្រចាប់គ្រឿងបន្សំរបស់ឃ្លុបដាក់អីវ៉ាន់
ប្រើក្រចាប់គ្រឿងបន្សំរបស់ឃ្លុបដាក់អីវ៉ាន់ផ្នែកខាងក្រោយដើម្បីភ្ជាប់គ្រឿងបន្សំទៅនឹងផ្នែកខាងក្រោយរបស់គ្រឿងចក្រ។
សមត្ថភាព៖ 45 kg
-
មួលបន្ធូរបង្កាន់ដៃរាងអក្សរ “T” ដោយបង្វិលវាតាមទិសទ្រនិចនាឡិកា (រូបភាព 19)។
-
បញ្ចូលគ្រឿងបន្សំរបស់អ្នកចូលទៅក្នុងគ្រឿងទទួលរហូតទាល់តែប្រហោងស៊ីគ្នា (រូបភាព 19)។
-
រឹតគ្រឿងបន្សំដែលបានផ្គុំចូលគ្នាទៅនឹងបំពង់ទទួលដោយប្រើប្រាស់កន្លាស់ទាក់ និងដង្កៀបអង្កាញ់ដែលបានផ្ដល់មកជាមួយនឹងគ្រឿងបន្សំ។
-
រឹតបន្តឹងបង្កាន់ដៃរាងអក្សរ “T” ដោយបង្វិលវា បញ្ច្រាសទិសទ្រនិចនាឡិកា (រូបភាព 20)។
ការដាក់អីវ៉ាន់ទៅក្នុងឃ្លុប
ប្រើការណែនាំខាងក្រោមនៅពេលដាក់អីវ៉ាន់ទៅក្នុងឃ្លុប និងការដំណើរការលើគ្រឿងចក្រ។
-
សង្កេតមើលសមត្ថភាពទម្ងន់របស់គ្រឿងចក្រ ហើយកំណត់ទម្ងន់ដែលអ្នកដាក់នៅក្នុងឃ្លុបដូចមានរៀបរាប់នៅក្នុង លក្ខណៈបច្ចេកទេស និងនៅលើស្លាកសញ្ញាប្រាប់ទម្ងន់យានយន្តសរុបរបស់គ្រឿងចក្រ។
Note: កម្រិតទម្ងន់ត្រូវបានកំណត់ជាក់លាក់សម្រាប់ប្រតិបត្តិការគ្រឿងចក្រនៅលើផ្ទៃរាបស្មើតែប៉ុណ្ណោះ។
-
កាត់បន្ថយទម្ងន់ដែលអ្នកដឹកជញ្ជូននៅក្នុងឃ្លុបនៅពេលដំណើរការគ្រឿងចក្រនៅលើទីទួល និងស្ថានភាពដីរដិបរដុប។
-
កាត់បន្ថយទម្ងន់ដែលអ្នកដឹកជញ្ជូននៅពេលសម្ភារខ្ពស់ (និងមានទីប្រជុំទម្ងន់ខ្ពស់) ដូចជាគំនរឥដ្ឋ ឈើលម្អ ឬថង់ជី។ ដាក់ពង្រាយទម្ងន់ឱ្យទាបតាមដែលអាចធ្វើទៅបាន ដើម្បីធានាថា ទម្ងន់មិនកាត់បន្ថយសមត្ថភាពរបស់អ្នកក្នុងការមើលឃើញខាងក្រោយគ្រឿងចក្រនៅពេលដំណើរការគ្រឿងចក្រ។
-
រក្សាទម្ងន់ឲ្យនៅកណ្ដាលដោយការដាក់អីវ៉ាន់នៅឃ្លុបដូចខាងក្រោម៖
-
ដាក់អីវ៉ាន់នៅក្នុងទីតាំងឱ្យស្មើគ្នាពីជ្រុងម្ខាងទៅជ្រុងម្ខាង។
Important: ការក្រឡាប់ទំនងជាអាចនឹងកើតមានឡើងច្រើន ប្រសិនបើដាក់អីវ៉ាន់នៅផ្នែកតែ 1 នៃឃ្លុប។
-
ដាក់អីវ៉ាន់នៅក្នុងទីតាំងឱ្យស្មើគ្នាពីផ្នែកខាងមុខទៅផ្នែកខាងក្រោយ។
Important: ការបាត់បង់ការគ្រប់គ្រងចង្កូតរបស់គ្រឿងចក្រអាចនឹងធ្វើឱ្យក្រឡាប់ ប្រសិនបើអ្នកផ្ទុកទម្ងន់នៅផ្នែកខាងក្រោយនៃភ្លៅក្រោយ និងការកកិតនៅលើសំបកកង់មុខត្រូវបានកាត់បន្ថយ។
-
-
ប្រើការប្រុងប្រយ័ត្នបន្ថែមនៅពេលដឹកជញ្ជូនអីវ៉ាន់ដែលមានទំហំធំនៅក្នុងឃ្លុប ជាពិសេសនៅពេលដែលអ្នកមិនធ្វើឲ្យទម្ងន់របស់អីវ៉ាន់ធំនោះស្ថិតនៅលើឃ្លុប។
-
ប្រសិនបើអាចធ្វើបាន សូមចងសម្ភារដឹកឲ្យជាប់នឹងឃ្លុប ដើម្បីមិនផ្លាស់ទីទម្ងន់។
-
នៅពេលដឹកជញ្ជូនវត្ថុរាវ សូមប្រើការប្រុងប្រយ័ត្ននៅពេលបើកបរគ្រឿងចក្រឡើងចំណោត ឬចុះចំណោត នៅពេលផ្លាស់ប្តូរល្បឿន ឬឈប់ភ្លាមៗ ឬនៅពេលបើកបរលើផ្ទៃផ្លូវរដឹបរដុប។
ចំណុះរបស់ឃ្លុបគឺ 0.28 m3។ ចំនួន (បរិមាណ) នៃសម្ភារដែលអ្នកអាចដាក់នៅក្នុងឃ្លុបដោយមិនធ្វើឱ្យលើសពីកម្រិតបន្ទុករបស់គ្រឿងចក្រ អាចមានភាពខុសគ្នាយ៉ាងខ្លាំង អាស្រ័យលើដង់ស៊ីតេរបស់សម្ភារទាំងនោះ។
សូមមើលតារាងខាងក្រោមសម្រាប់ដែនកំណត់ផ្ទុកទម្ងន់សម្ភារផ្សេងៗ។
| សម្ភារ | ដង់ស៊ីតេ | សមត្ថភាពអតិបរមារបស់ឃ្លុប(នៅលើដីរាបស្មើ) |
| គ្រួស ស្ងួត | 1522 kg/m3 | ពេញ |
| គ្រួស សើម | 1922 kg/m3 | ¾ ពេញ |
| ខ្សាច់ ស្ងួត | 1442 kg/m3 | ពេញ |
| ខ្សាច់ សើម | 1922 kg/m3) | ¾ ពេញ |
| ឈើ | 721 kg/m3 | ពេញ |
| សម្បកឈើ | <721 kg/m3 | ពេញ |
| ដី ហាប់ | 1602 kg/m33 | ¾ ពេញ (ប្រហែល) |
ការបញ្ឆេះម៉ាស៊ីន
-
អង្គុយនៅក្នុងកៅអីប្រតិបត្តិករ ស៊កកូនសោចូលទៅក្នុងកុងតាក់សោ ហើយបង្វិលកូនសោតាមទិសទ្រនិចនាឡិកាទៅទីតាំង ON (បើក) ឬ START ។
មាន 2 របៀបសម្រាប់ការបញ្ឆេះម៉ាស៊ីន៖
-
ចាប់ផ្តើមឈ្នាន់—មួលប្រអប់សោត្រង់ទីតាំង បើក រួចជាន់ឈ្នាន់ហ្គា។
Note: នៅពេលអ្នកដកជើងរបស់អ្នកចេញពីឈ្នាន់ហ្គែរ នោះម៉ាស៊ីននឹងរលត់។
-
ការបញ្ឆេះដោយកូនសោ—កាច់កុងតាក់សោទៅទីតាំង START (បញ្ឆេះ) ហើយម៉ាស៊ីននៅតែបើក រហូតទាល់តែបានបង្វិលទៅទីតាំង OFF (បិទ) ។
Note: នៅពេលប្រើទម្រង់បញ្ឆេះដោយប្រើកូនសោ អ្នកអាចចាប់ហ្រ្វាំងដៃ និងធ្វើការឆ្ងាយពីគ្រឿងចក្រ ខណៈពេលដែលម៉ាស៊ីនកំពុងដំណើរការ ហើយអាគុយកំពុងបញ្ចូលភ្លើង។
Note: ប្រសិនបើអ្នកកាច់កូនសោទៅទីតាំង START (បញ្ឆេះ) ម៉ាស៊ីននឹងរវៃរហូតទាល់តែវាឆេះ។ ប្រសិនបើម៉ាស៊ីនរវៃលើសពី 10 វិនាទី សូមកាច់សោទៅទីតាំង OFF (បិទ) វិញ ហើយកំណត់រកបញ្ហា (ឧទាហរណ៍ ការគ្រប់គ្រងការឈ្លក់ដែលចាំបាច់ត្រូវទាញ ពិនិត្យមើលតម្រងសម្អាតខ្យល់ក្រែងជាប់ខ្ទប់ ធានាថាធុងប្រេងគឺមានប្រេងពេញ ឬផ្កាភ្លើងឱ្យមិនបានល្អ។ល។ ដែរឬទេ) មុនពេលបញ្ឆេះគ្រឿងចក្រម្ដងទៀត។
Note: ប្រសិនបើមានបំពាក់ដោយប្រើឧបករណ៍ព្រមានជាសំឡេងបន្ថែម ប្រសិនបើអ្នកប្តូរលេខទៅទីតាំង REVERSE (ថយក្រោយ) នៅពេលកុងតាក់សោស្ថិតនៅក្នុងទីតាំង ON (បើក) ឬ START (បញ្ឆេះ) សំឡេងរោទិ៍នឹងបន្លឺឡើងដើម្បីប្រាប់ប្រតិបត្តិករថា គ្រឿងចក្រគឺជាប់លេខថយក្រោយ។
-
-
រុញលេខទៅទិសដៅដែលចង់ប្រើ សម្រាប់ការធ្វើដំណើររបស់គ្រឿងចក្រ។
-
ដោះហ្វ្រាំងដៃ។
-
ជាន់ឈ្នាន់ហ្គែរយឺតៗ។
Note: ប្រសិនបើម៉ាស៊ីនត្រជាក់ សូមជាន់សង្កត់ឈ្នាន់ហ្គែរប្រហែលពាក់កណ្ដាល និងទាញអ៊ែរទៅទីតាំង ON (បើក) ។ រុញអ៊ែរទៅទីតាំង OFF (វិញ) ពេលម៉ាស៊ីនក្ដៅ។
ការបញ្ឈប់គ្រឿងចក្រ
Important: នៅពេលបញ្ឈប់គ្រឿងចក្រនៅលើទីចុះទួល សូមប្រើហ្វ្រាំងថែទាំ ដើម្បីបញ្ឈប់គ្រឿងចក្រ ហើយដាក់ហ្វ្រាំងដៃដើម្បីទប់គ្រឿងចក្រឲ្យនៅនឹងកន្លែង។ ការប្រើហ្គែរដើម្បីទប់គ្រឿងចក្រនៅលើទីទួលអាចធ្វើឱ្យខូចគ្រឿងចក្រ។
-
ដកជើងរបស់អ្នកចេញពីឈ្នាន់ហ្គែរ។
-
ជាន់ហ្វ្រាំងយឺតៗរហូតទាល់តែគ្រឿងចក្រឈប់ទាំងស្រុង។
Note: ចម្ងាយនៃការឈប់អាចនឹងប្រែប្រួលអាស្រ័យលើទម្ងន់ផ្ទុកនៃគ្រឿងចក្រ និងល្បឿន។
ការចតគ្រឿងចក្រ
-
បញ្ឈប់គ្រឿងចក្រដោយប្រើហ្វ្រាំងជើងដោយការជាន់ឈ្នាន់ហ្វ្រាំងឱ្យជាប់។
-
ដាក់ហ្វ្រាំងដៃ ដោយការទាញដងហ្វ្រាំងដៃឆ្ពោះមកអ្នក។
-
មួលសោបញ្ច្រាសទ្រនិចនាឡិការមកទីតាំង OFF (បិទ) ។
-
ដកសោចេញ។
បន្ទាប់ពីប្រតិបត្តិការ
សុវត្ថិភាពក្រោយពេលប្រតិបត្តិការ
សុវត្ថិភាពទូទៅ
-
មុនពេលអ្នកចាកចេញពីទីតាំងប្រតិបត្តិការ សូមអនុវត្តចំណុចដូចខាងក្រោម៖
-
ចតគ្រឿងចក្រនៅលើផ្ទៃរាបស្មើ។
-
រុញចង្កឹះលេខមកទីតាំង NEUTRAL (ដាច់លេខ) ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
រង់ចាំរហូតលែងមានចលនាទាំងអស់.
-
-
ទុកឲ្យម៉ាស៊ីនត្រជាក់សិន មុននឹងធ្វើការលៃតម្រូវ ជួសជុល សម្អាត ឬរក្សាវាទុក។
-
ហាមរក្សាទុកគ្រឿងចក្រ នៅកន្លែងដែលមានអណ្ដាតភ្លើង ផ្កាភ្លើង ឬអណ្ដាតឧស្ម័នឆេះ ដូចជាធុងទឹកក្ដៅ ឬឧបករណ៍អគ្គិសនីផ្សេងទៀត។
-
រក្សាគ្រប់ផ្នែកទាំងអស់របស់គ្រឿងចក្រឲ្យនៅក្នុងលក្ខខណ្ឌដំណើរការល្អ និងរឹតបន្តឹតគ្រឿងដែកទាំងអស់។
-
ថែទាំ និងសម្អាតខ្សែក្រវាត់កៅអី តាមការចាំបាច់។
-
ប្ដូរចេញរាល់ស្លាកដែលរហែក ខូច ឬដែលបាត់។
ការអូសទាញគ្រឿងចក្រ
-
ត្រូវប្រុងប្រយ័ត្ននៅពេលលើក ឬដាក់គ្រឿងចក្រជាមួយយានសណ្ដោង ឬរថយន្តដឹកទំនិញ។
-
ប្រើប្រាស់ជម្រាលទំហំធំសម្រាប់លើកគ្រឿងចក្រទៅយានសណ្ដោង ឬរថយន្តដឹកទំនិញ។
-
ចងគ្រឿងចក្រឱ្យជាប់។
សូមអាន រូបភាព 21 និង រូបភាព 22 សម្រាប់ទីតាំងចងនៅលើគ្រឿងចក្រ។
Note: ដាក់គ្រឿងចក្រនៅលើរថយន្តសណ្ដោងដោយដាក់ផ្នែកខាងមុខគ្រឿងចក្របែរទៅមុខ។ ប្រសិនបើធ្វើបែបនោះមិនបានទេ ភ្ជាប់ដំបូលគ្រឿងចក្រទៅគ្រោងដោយប្រើខ្សែ ឬដកគម្របចេញហើយដឹកជញ្ជូន និងភ្ជាប់វាដាច់ដោយឡែក បើពុំនោះទេ គម្របអាចនឹងប៉ើងអំឡុងពេលដឹកជញ្ជូន។
ការប្រុងប្រយ័ត្ន
កៅអីអង្គុយដែររលុងអាចនឹងជ្រុះពីគ្រឿងចក្រ និងយានសណ្ដោងនៅពេលដឹកជញ្ជូនគ្រឿងចក្រ ហើយកៅអីអាចនឹងធ្លាក់ទៅលើគ្រឿងចក្រមួយផ្សេងទៀត ឬធ្វើឱ្យស្ទះផ្លូវ។
ដកកៅអីចេញ ឬធានាថាកៅអីត្រូវបានភ្ជាប់ដោយដែកស៊ក។
ការសណ្ដោងគ្រឿងចក្រ
ក្នុងករណីអាសន្ន អ្នកអាចសណ្ដោងគ្រឿងចក្រនៅចម្ងាយជិត ទោះយ៉ាងណា នេះមិនគួរជាទម្រង់ការប្រតិបត្តិការស្តង់ដារឡើយ។
ការព្រមាន
ការសណ្ដោងលើសល្បឿនអាចបណ្ដាលឱ្យបាត់បង់ការបញ្ជាចង្កូត ដែលបណ្ដាលឱ្យរងរបួសផ្ទាល់ខ្លួន។
ហាមសណ្ដោងគ្រឿងចក្រលើសពីល្បឿន 8 km/h។
ការសណ្ដោងគ្រឿងចក្រជាការងារដែលត្រូវការមនុស្ស 2 នាក់។ ប្រសិនបើអ្នកត្រូវផ្លាស់ទីគ្រឿងចក្រចម្ងាយឆ្ងាយ សូមដឹកជញ្ជូនដោយដាក់តាមរថយន្តដឹកទំនិញ ឬរថយន្តសណ្ដោង សូមអាន ការសណ្ដោងរ៉ឺម៉ក
-
ដកខ្សែពានចេញពីគ្រឿងចក្រ។ សូមអាន ការប្ដូរខ្សែពាន។
-
ភ្ជាប់ខ្សែសណ្ដោងទៅអណ្ដាតនៅខាងមុខតួម៉ាស៊ីន (រូបភាព 21)។
-
រុញចង្កឹះលេខទៅទីតាំង NEUTRAL (ដាច់លេខ) ហើយដោះហ្វ្រាំងដៃ។
ការសណ្ដោងរ៉ឺម៉ក
គ្រឿងចក្រមានសមត្ថភាពអូសរ៉ឺម៉កបាន។ កន្ទុយសណ្ដោងគឺអាចប្រើប្រាស់បានសម្រាប់គ្រឿងចក្រ។ ទាក់ទងអ្នកចែកចាយផលិតផល Toro ដែលមានការអនុញ្ញាតរបស់អ្នកសម្រាប់ព័ត៌មានលម្អិត។
នៅពេលអូសទាញទំនិញ ឬសណ្ដោងរ៉ឺម៉ក ហាមផ្ទុកលើសចំណុះនៅលើគ្រឿងចក្រ ឬរ៉ឺម៉ក។ ការផ្ទុកលើសចំណុះ លើគ្រឿងចក្រ ឬរ៉ឺម៉ក អាចបណ្ដាលឱ្យមានដំណើរការមិនល្អ ឬធ្វើឱ្យខូចហ្វ្រាំង ភ្លៅ ម៉ាស៊ីន ប្រអប់លេខ ចង្កូត បូម តួយានយន្ត ឬកង់។
ផ្ទុកទម្ងន់លើរ៉ឺម៉កត្រឹមតែ 60% នៃសមត្ថភាពផ្ទុកអីវ៉ាន់ប៉ុណ្ណោះ នៅផ្នែកខាងមុខរ៉ឺម៉ក។ បែបនេះផ្ទុកទម្ងន់ប្រមាណ 10% នៃទម្ងន់សរុបរបស់រ៉ឺម៉ក (GTW) នៅលើកន្ទុយសណ្ដោងរបស់គ្រឿងចក្រ។
ដើម្បីផ្ដល់ការចាប់ហ្វ្រាំង និងការកកិតគ្រប់គ្រាន់ សូមផ្ទុកទម្ងន់នៅឃ្លុបដាក់អីវ៉ាន់នៅពេលដែលប្រើប្រាស់រ៉ឺម៉ក។ ហាមផ្ទុកលើសទម្ងន់សរុបសម្រាប់រ៉ឺម៉ក ឬយានយន្ត។
ជៀសវាងការចតគ្រឿងចក្រដែលមានរ៉ឺម៉កនៅលើទីទួល។ ប្រសិនបើអ្នកត្រូវតែចតនៅលើទួល សូមដាក់ហ្វ្រាំងដៃ និងកំណល់កង់របស់រ៉ឺម៉ក។
តំហែទាំ
សុវត្ថិភាពពេលថែទាំ
-
ហាមអនុញ្ញាតឱ្យបុគ្គលិកដែលមិនបានបណ្ដុះបណ្ដាលទៅថែទាំជួសជុលគ្រឿងចក្រ។
-
មុនពេលអ្នកចាកចេញពីទីតាំងប្រតិបត្តិការ សូមអនុវត្តចំណុចដូចខាងក្រោម៖
-
ចតគ្រឿងចក្រនៅលើផ្ទៃរាបស្មើ។
-
រុញចង្កឹះលេខមកទីតាំង NEUTRAL (ដាច់លេខ) ។
-
ដាក់ហ្វ្រាំងដៃ។
-
ដាក់ឃ្លុបដាក់អីវ៉ាន់ចុះ។
-
ពន្លត់ម៉ាស៊ីន និងដកសោចេញ។
-
រង់ចាំរហូតលែងមានចលនាទាំងអស់.
-
-
ទុកឲ្យម៉ាស៊ីនត្រជាក់សិន មុននឹងធ្វើការលៃតម្រូវ ជួសជុល សម្អាត ឬរក្សាវាទុក។
-
ទ្រគ្រឿងចក្រដោយប្រើដូយនៅពេលអ្នកធ្វើការក្រោមគ្រឿងចក្រ។
-
ហាមធ្វើការក្រោមឃ្លុបដែលបានលើកឡើងដោយមិនមានទម្រសុវត្ថិភាពត្រឹមត្រូវនៅនឹងកន្លែង។
-
ហាមសាកអាគុយនៅពេលកំពុងជួសជុលគ្រឿងចក្រ។
-
ដើម្បីធានាថាគ្រឿងចក្រទាំងមូលស្ថិតក្នុងស្ថានភាពល្អ ត្រូវរឹតគ្រឿងដែកទាំងអស់ឱ្យបានត្រឹមត្រូវ។
-
ដើម្បីកាត់បន្ថយគ្រោះថ្នាក់អគ្គិភ័យដែលអាចមាន មិនត្រូវរក្សានៅក្បែរគ្រឿងចក្រនូវខ្លាញ់ ស្មៅ ស្លឹកឈើ និងគំនរដី។
-
ប្រសិនបើអាចធ្វើបាន សូមកុំធ្វើការថែទាំនៅពេលដែលគ្រឿងចក្រកំពុងដំណើរការ។ នៅឱ្យឆ្ងាយពីគ្រឿងដែលកំពុងមានចលនា។
-
ប្រសិនបើអ្នកត្រូវដំណើរការគ្រឿងចក្រដើម្បីធ្វើការកែតម្រូវការថែទាំ សូមដាក់ដៃ ជើង សម្លៀកបំពាក់ និងផ្នែកណាមួយនៃរាងកាយរបស់អ្នកឱ្យឆ្ងាយពីផ្នែកដែលកំពុងមានចលនា។ ឲ្យអ្នកនៅក្បែរនៅឱ្យឆ្ងាយពីគ្រឿងចក្រ។
-
សម្អាតប្រេងរំអិល និងប្រេងឥន្ធនៈដែលកំពប់។
-
ពិនិត្យប្រតិបត្តិការហ្វ្រាំងដៃដូចបានណែនាំនៅក្នុងកាលវិភាគការថែទាំ ហើយកែតម្រូវនិងជួសជុលវាតាមការចាំបាច់។
-
រក្សាគ្រប់ផ្នែកទាំងអស់របស់គ្រឿងចក្រឲ្យនៅក្នុងលក្ខខណ្ឌដំណើរការល្អ និងរឹតបន្តឹតគ្រឿងដែកទាំងអស់ឲ្យបានត្រឹមត្រូវ។ ប្ដូរចេញរាល់ស្លាកដែលរហែក ឬ ខូច។
-
ហាមរារាំងដំណើរការដែលបានគ្រោងទុកនៃឧបករណ៍សុវត្ថិភាព ឬកាត់បន្ថយការការពារដែលបានផ្ដល់ឱ្យដោយឧបករណ៍សុវត្ថិភាព។
-
ហាមបញ្ជាម៉ាស៊ីនលើសល្បឿនដោយការផ្លាស់ប្ដូរការកំណត់ការគ្រប់គ្រង។ ដើម្បីធានាសុវត្ថិភាព និងភាពត្រឹមត្រូវ សូមឱ្យអ្នកលក់សេវាកម្មដែលមានការអនុញ្ញាតពិនិត្យល្បឿនម៉ាស៊ីនអតិបរមាដោយប្រើថាកូម៉ែត្រ។
-
បើការជួសជុលទ្រង់ទ្រាយធំចាំបាច់ខ្លាំង ឬត្រូវការជំនួយ សូមទាក់ទងតំណាងចែកចាយ Toro ពេញសិទ្ធិ។
-
ការកែគ្រឿងចក្រនេះតាមរបៀបណាមួយ អាចនឹងប៉ះពាល់ដល់បញ្ជា ដំណើរការ ភាពធន់របស់គ្រឿងចក្រ ឬការប្រើប្រាស់វា អាចនឹងបណ្ដាលឱ្យមានរបួស ឬស្លាប់បាន។ ការប្រើប្រាស់បែបនេះអាចធ្វើឱ្យការធានាផលិតផលរបស់ The Toro® Company ក្លាយជាមោឃៈ។
កាលវិភាគតំហែទាំតាមអនុសាសន៍
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| បន្ទាប់ពី 5 ម៉ោងដំបូង |
|
| បន្ទាប់ពី 8 ម៉ោងដំបូង |
|
| បន្ទាប់ពី 50 ម៉ោងដំបូង |
|
| បន្ទាប់ពី 100 ម៉ោងដំបូង |
|
| មុនពេលប្រើប្រាស់នីមួយៗ ឬជាប្រចាំថ្ងៃ |
|
| រៀងរាល់ 50 ម៉ោងម្តង |
|
| រៀងរាល់ 100 ម៉ោងម្តង |
|
| រៀងរាល់ 200 ម៉ោងម្តង |
|
| រៀងរាល់ 300 ម៉ោងម្តង |
|
| រៀងរាល់ 400 ម៉ោងម្តង |
|
| រៀងរាល់ 800 ម៉ោងម្តង |
|
| រៀងរាល់ 1000 ម៉ោងម្តង |
|
| ប្រចាំឆ្នាំ |
|
Note: ទាញយកច្បាប់ចម្លងដោយឥតថ្លៃសម្រាប់តារាងចរន្តអគ្គិសនី ដោយការចូលទៅ www.Toro.com ហើយស្វែងរកគ្រឿងចក្ររបស់អ្នកពីតំណសៀវភៅណែនាំនៅទំព័រដើម។
Important: សូមអានសៀវភៅណែនាំម្ចាស់ម៉ាស៊ីនសម្រាប់ទម្រង់ការថែទាំបន្ថែម។
ការព្រមាន
ការមិនថែទាំគ្រឿងចក្រឱ្យបានត្រឹមត្រូវអាចបណ្ដាលឱ្យប្រព័ន្ធគ្រឿងចក្រខូចមុនកាលកំណត់ ដែលបណ្ដាលឱ្យមានគ្រោះថ្នាក់ចំពោះអ្នក ឬអ្នកនៅក្បែរ។
ថែទាំគ្រឿងចក្រឱ្យបានល្អ និងរក្សាឲ្យស្ថិតក្នុងស្ថានភាពដំណើរការល្អដូចបានបង្ហាញនៅក្នុងសេចក្ដីណែនាំទាំងនេះ។
ការប្រុងប្រយ័ត្ន
មានតែបុគ្គលិកដែលមានលក្ខណសម្បត្តិគ្រប់គ្រាន់ និងមានការអនុញ្ញាតប៉ុណ្ណោះដែលគួរថែទាំ ជួសជុល កែតម្រូវ ឬត្រួតពិនិត្យគ្រឿងចក្រ។
-
ជៀសវាងគ្រោះថ្នាក់អគ្គិភ័យ និងត្រូវមានឧបករណ៍ពន្លត់អគ្គិភ័យនៅកន្លែងធ្វើការ។ ហាមប្រើប្រាស់អណ្ដាតភ្លើងបើកចំហរដើម្បីពិនិត្យកម្រិតប្រេង ឬរកមើលការលេចធ្លាយឥន្ធនៈ ទឹកអាគុយ ឬទឹកស្អំ។
-
ហាមប្រើប្រាស់ខ្ទះឥន្ធនៈ ឬសារធាតុងាយឆាបឆេះបើកចំហសម្រាប់ការសម្អាតគ្រឿងបន្លាស់។
ការប្រុងប្រយ័ត្ន
ប្រសិនបើអ្នកទុកសោចោលនៅក្នុងកុងតាក់ នរណាម្នាក់អាចច្រឡំដៃបញ្ឆេះម៉ាស៊ីន ហើយធ្វើឱ្យអ្នក ឬអ្នកនៅក្បែរផ្សេងទៀតរងរបួសធ្ងន់ធ្ងរ។
ពន្លត់ម៉ាស៊ីន ហើយដកសោចេញពីកុងតាក់ មុនពេលអ្នកធ្វើការថែទាំណាមួយ។
បញ្ជីត្រួតពិនិត្យការថែទាំប្រចាំថ្ងៃ
ចម្លងទំព័រនេះសម្រាប់ការប្រើប្រាស់ជាប្រចាំ។
| ចំណុចត្រួតពិនិត្យថែទាំ | សម្រាប់សប្ដាហ៍៖ | ||||||
|---|---|---|---|---|---|---|---|
| ថ្ងៃចន្ទ | ថ្ងៃអង្គារ | ថ្ងៃពុធ | ថ្ងៃព្រហស្បតិ៍ | ថ្ងៃសុក្រ | ថ្ងៃសៅរ៍ | ថ្ងៃអាទិត្យ | |
| ត្រួតពិនិត្យដំណើរការហ្វ្រាំង និងហ្វ្រាំងដៃ។ | |||||||
| ត្រួតពិនិត្យដំណើរការដាក់លេខ/ដាច់លេខ។ | |||||||
| ត្រួតពិនិត្យកម្រិតប្រេងឥន្ធនៈ។ | |||||||
| ត្រួតពិនិត្យកម្រិតប្រេងម៉ាស៊ីន ឬប្រេងរំអិល។ | |||||||
| ត្រួតពិនិត្យកម្រិតប្រេងហ្វ្រាំង។ | |||||||
| ត្រួតពិនិត្យកម្រិតប្រេងប្រអប់លេខ។ | |||||||
| ត្រួតពិនិត្យតម្រងខ្យល់។ | |||||||
| ត្រួតពិនិត្យកង្ហារធុងទឹក។ | |||||||
| ត្រួតពិនិត្យក្រែងមានសំឡេងម៉ាស៊ីនមិនប្រក្រតី។ | |||||||
| ត្រួតពិនិត្យក្រែងមានសំឡេងប្រតិបត្តិការមិនប្រក្រតី។ | |||||||
| ពិនិត្យមើលសម្ពាធកង់។ | |||||||
| ត្រួតពិនិត្យក្រែងមានការលេចធ្លាយធុងទឹក។ | |||||||
| ត្រួតពិនិត្យដំណើរការរបស់ឧបករណ៍។ | |||||||
| ត្រួតពិនិត្យដំណើរការរបស់ហ្គែរ។ | |||||||
| លាងសម្អាតគ្រឿងចក្រ។ | |||||||
| ជួសជុលថ្នាំដែលខូច។ | |||||||
ការថែទាំគ្រឿងចក្រនៅក្រោមលក្ខខណ្ឌដំណើរការពិសេស
Important: ប្រសិនបើគ្រឿងចក្រស្ថិតនៅក្រោមលក្ខខណ្ឌណាមួយដូចខាងក្រោមសូមអនុវត្តការថែទាំញឹកញាប់ទ្វេរដង៖
-
ដំណើរការនៅវាលខ្សាច់
-
ដំណើរការនៅក្នុងអាកាសធាតុត្រជាក់—ក្រោម 10°C
-
ការសណ្ដោងរ៉ឺម៉ក
-
ប្រតិបត្តិការញឹកញាប់នៅក្នុងលក្ខខណ្ឌដែលមានធូលីច្រើន
-
ការងារសំណង់
-
ក្រោយពីបានប្រតិបត្តិការយូរនៅក្នុងភក់ ខ្សាច់ ទឹក ឬលក្ខខណ្ឌកខ្វក់ស្រដៀងគ្នានេះ សូមធ្វើដូចខាងក្រោម៖
-
ត្រួតពិនិត្យហ្វ្រាំងរបស់អ្នក និងសម្អាតឱ្យបានឆាប់តាមដែលអាចធ្វើទៅបាន។ ការត្រួតពិនិត្យនេះបង្ការការសិកសម្ភារហួសប្រមាណ។
-
លាងសម្អាតគ្រឿងចក្រដោយប្រើតែទឹក ឬទឹកជាមួយម្សៅសាប៊ូបន្តិចបន្តួច។
Important: ហាមប្រើទឹកប្រៃ ឬទឹកកែច្នៃដើម្បីសម្អាតគ្រឿងចក្រ។
-
នីតិវិធីតំហែទាំជាប្រចាំ
ការរៀបចំគ្រឿងចក្រសម្រាប់ការថែទាំ
-
ចតគ្រឿងចក្រនៅលើផ្ទៃរាបស្មើ។
-
រុញចង្កឹះលេខមកទីតាំង NEUTRAL (ដាច់លេខ) ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
ដកទំនិញចេញពីឃ្លុប និងលើកឃ្លុបឡើង។
ការលើកគ្រឿងចក្រ
គ្រោះថ្នាក់
គ្រឿងចក្រអាចនឹងមិនមានស្ថិរភាពនៅពេលប្រើដែកដូយ។ គ្រឿងចក្រអាចរអិលចេញពីដែកដូយ ដែលបណ្ដាលឱ្យរងរបួសដល់អ្នកនៅខាងក្រោម។
-
ហាមបញ្ឆេះគ្រឿងចក្រខណៈពេលគ្រឿងចក្រនៅលើដែកដូយ។
-
ត្រូវដកកូនសោចេញពីកុងតាក់មុនពេលចុះពីគ្រឿងចក្រ។
-
ខ្ទាស់កង់នៅពេលគ្រឿងចក្រត្រូវបានទ្រដោយឧបករណ៍លើក។
-
ប្រើជើងដែកដូយដើម្បីកល់គ្រឿងចក្រ នៅពេលអ្នកបានលើកគ្រឿងចក្ររួច។
Important: នៅពេលណាដែលអ្នកដំណើរការគ្រឿងចក្រសម្រាប់ការថែទាំជាធម្មតា និង/ឬការធ្វើរោគវិនិច្ឆ័យ ត្រូវធានាថាកង់ក្រោយរបស់គ្រឿងចក្រមានចម្ងាយ 25 mm (1 អ៊ីញ) ពីដី ហើយត្រូវកល់ប្រើភ្លៅក្រោយដោយទម្រដែកដូយ។
-
ចំណុចដូយខាងមុខនៃគ្រឿងចក្រ មានទីតាំងនៅផ្នែកខាងមុខនៃតួយានយន្ត ផ្នែកខាងក្រោយដែកអណ្តាតសណ្ដោង (រូបភាព 23)។
-
ចំណុចដូយខាងក្រោយនៃគ្រឿងចក្រមានទីតាំងស្ថិតនៅក្រោមបំពង់ភ្លៅ (រូបភាព 24)។
ការចូលបើកគម្របម៉ាស៊ីន
ការលើក និងការដាក់ចុះគ្រឿងបង្គុំកន្លែងអង្គុយ
ការដកគ្រឿងបង្គុំកន្លែងអង្គុយចេញ
ការដំឡើងគ្រឿងបង្គុំកន្លែងអង្គុយ
រំកិលគ្រឿងបង្គុំកន្លែងអង្គុយទៅលើកន្លាស់ និងបន្ទាបគ្រឿងបង្គុំកន្លែងអង្គុយ (រូបភាព 28)។
ប្រេងរំអិល
ការលាបខ្លាញ់គ្រឿងចក្រ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
ប្រភេទខ្លាញ់៖ ខ្លាញ់លីចូមលេខ 2
-
ប្រើក្រណាត់ដើម្បីជូតខ្លាញ់គ្រឿងបង្គុំឱ្យស្អាត ដើម្បីមិនឲ្យសារធាតុខាងក្រៅចូលទៅក្នុងបាដាង និងទ្រនាប់ជ័រ។
-
ដោយប្រើប្រដាប់បាញ់ខ្លាញ់ សូមបាញ់ខ្លាញ់ 1 ឬ 2 ដងចូលទៅក្នុងគ្រឿងបង្គុំនៅលើគ្រឿងចក្រ។
-
ជូតខ្លាញ់ដែលហៀរនៅលើគ្រឿងចក្រ។
គ្រឿងបង្គុំដែលត្រូវលាបខ្លាញ់មានទីតាំងនៅចុងផ្នែកខាងក្នុងដៃបញ្ជា តំណកាឡេ និងចុងខាងក្រៅនៃដៃបញ្ជា (រូបភាព 29 និង រូបភាព 30)។
ការលាបខ្លាញ់បាដាងកង់មុខ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 300 ម៉ោងម្តង |
|
លក្ខណៈបច្ចេកទេសរបស់ខ្លាញ់៖ Mobilgrease XHP™-222
ការដកដុំ និងរ៉ូទ័រចេញ
-
លើកផ្នែកខាងមុខនៃគ្រឿងចក្រ និងកល់វាដោយប្រើជើងទម្រដែកដូយ។
-
ដកចេញខ្ចៅក្បាលឡោស៊ីទាំង 4 ដែលរឹតកង់ទៅនឹងដុំ (រូបភាព 31)។
-
ដកប៊ូឡុងក្បាលសំប៉ែត (⅜ x ¾ អ៊ីញ) ដែលរឹតក្រចាប់សម្រាប់គ្រឿងបង្គុំរបស់ហ្វ្រាំងទៅនឹងដុំបង្វិល និងបំបែកហ្វ្រាំងពីដុំបង្វិល (រូបភាព 32)។
Note: កល់ទ្រគ្រឿងបង្គុំរបស់ហ្វ្រាំងមុនពេលបន្តដំណើរការទៅជំហានបន្ទាប់។
-
ដកគម្របការពារធូលីចេញពីដុំ (រូបភាព 33)។
-
ដកកន្លាស់ខ្ទាស់ និងប្រដាប់ទប់ខ្ចៅចេញពីដុំបង្វិល និងខ្ចៅដុំបង្វិល (រូបភាព 33)។
-
ដកខ្ចៅដុំបង្វិលចេញពីដុំបង្វិល និងបំបែកគ្រឿងបង្គុំរបស់ដុំ និងរ៉ូទ័រចេញពីដុំបង្វិល (រូបភាព 33 និង រូបភាព 34)។
-
ជូតសម្អាតស្នូលភ្លៅដោយប្រើក្រណាត់។
-
អនុវត្តជំហាន 1 រហូតដល់ 7 ឡើងវិញចំពោះដុំ និងរ៉ូទ័រនៅផ្នែកម្ខាងទៀតរបស់គ្រឿងចក្រ។
ការលាបខ្លាញ់បាដាងកង់
-
ដកបាដាងផ្ទាំងខាងក្រៅ និងសម្បកបាដាងចេញពីដុំ (រូបភាព 35)។
-
ដកសៀល បាដាងផ្ទាំងខាងក្នុងពីដុំ (រូបភាព 35)។
-
ជូតសម្អាតសៀល ហើយពិនិត្យរកមើលស្នាមដាច់ និងការខូចខាត។
Note: ហាមប្រើប្រាស់ទឹករំលាយដើម្បីលាងសម្អាតសៀល។ ប្ដូរចេញនូវសៀលប្រសិនបើវាដាច់ ឬខូច។
-
សម្អាតបាដាងនិងសម្បក ហើយពិនិត្យរកមើលស្នាមដាច់ ឬខូចលើគ្រឿងបន្លាស់ទាំងនេះ។
Note: ប្ដូរចេញរាល់គ្រឿងបន្លាស់ដែលដាច់ ឬ ខូច។ ធានាថាបាដាង និងសម្បកគឺស្អាតនិងស្ងួត។
-
សម្អាតប្រហោងខាងក្នុងនៃដុំដែលមានខ្លាញ់ ធូលី និងកម្ទេច (រូបភាព 35)។
-
លាបបាដាងដោយខ្លាញ់ដែលបានណែនាំ។
-
បំពេញប្រហោងដុំដោយលាបខ្លាញ់ដែលបានណែនាំពី 50 ទៅ 80% (រូបភាព 35)។
-
ដាក់បាដាងខាងក្នុងទៅលើសម្បកនៅលើផ្នែកខាងក្នុងរបស់ដុំ និងដាក់សៀល (រូបភាព 35)។
-
អនុវត្តជំហាន 1 រហូតដល់ 8 ឡើងវិញចំពោះបាដាងរបស់ដុំផ្សេងទៀត។
ការដំឡើងដុំ និងរ៉ូទ័រ
-
លាបខ្លាញ់ដែលបានណែនាំបន្តិចបន្តួចទៅដុំបង្វិល (រូបភាព 36)។
-
ដំឡើងដុំ និងរ៉ូទ័រទៅលើដុំបង្វិលដោយប្រើរ៉ូទ័រខាងក្នុង (រូបភាព 36)។
-
ដំឡើងបាដាងខាងក្រៅទៅលើដុំបង្វិល ហើយបញ្ចូលបាដាងទៅក្នុងសម្បកខាងក្រៅ (រូបភាព 36)។
-
ដំឡើងរ៉ងបន្ទះទៅលើដុំបង្វិល (រូបភាព 36)។
-
ស៊កគ្រាប់ដុំបង្វិលទៅលើដុំបង្វិល ហើយរឹតបន្តឹងគ្រាប់ទៅ 15 N∙m នៅពេលបង្វិលដុំដើម្បីបញ្ចូលបាដាង (រូបភាព 36)។
-
បន្ធូរគ្រាប់ដុំបង្វិលរហូតទាល់តែដុំអាចវិលបានដោយសេរី។
-
បង្វិលខ្ចៅដុំបង្វិល ក្នុងកម្រិតពី 170 ទៅ 225 N∙cm។
-
ដំឡើងទ្រនាប់ទប់ពីលើខ្ចៅ ហើយពិនិត្យមើលការរត់ត្រង់គ្នានៃចន្លោះនៅក្នុងទ្រនាប់ និងរន្ធនៅក្នុងដុំបង្វិលសម្រាប់គន្លឹះខ្ទាស់ (រូបភាព 37)។
Note: ប្រសិនបើចន្លោះនៅក្នុងទ្រនាប់ទប់ និងរន្ធនៅក្នុងដុំបង្វិលមិនរត់ត្រង់គ្នាទេ សូមរឹតបន្តឹងខ្ចៅដុំបង្វិលដើម្បីរត់ត្រង់នឹងចន្លោះ និងរន្ធ រហូតដល់កម្លាំងអតិបរមា 226 N∙cm នៅលើដុំ។
-
ដំឡើងគន្លឹះខ្ទាស់ ហើយពត់ជើងនីមួយៗជុំវិញទ្រនាប់ទប់ (រូបភាព 37)។
-
ដំឡើងគម្របការពារធូលីទៅលើដុំ (រូបភាព 37)។
-
អនុវត្តជំហាន 1 រហូតដល់ 10 ឡើងវិញចំពោះដុំ និងរ៉ូទ័រនៅផ្នែកម្ខាងទៀតរបស់គ្រឿងចក្រ។
ការដំឡើងហ្វ្រាំង និងកង់
-
សម្អាតប៊ូឡុងក្បាលសំប៉ែតចំនួន 2 (⅜ x ¾ អ៊ីញ)) ហើយលាបទ្រនាប់ជាមួយសមាសភាពចាក់សោខ្សែដែលមានកម្លាំងមធ្យមជាប់ទៅខ្សែប៊ូឡុង។
-
តម្រង់ឈ្នាន់ហ្វ្រាំងទៅផ្នែកណាមួយរបស់រ៉ូទ័រ (រូបភាព 32និងរន្ធនៅក្នុងកញ្ចប់ហ្វ្រាំងដោយប្រើរន្ធនៅក្នុងកញ្ចាប់ហ្វ្រាំងរបស់គ្រោងដុំបង្វិល (រូបភាព 36
-
រឹតក្រចាប់គៀបទៅនឹងគ្រោងដុំបង្វិល (រូបភាព 32) ដោយប្រើ ប៊ូឡុងក្បាលសំប៉ែត 2 (⅜ x ¾ អ៊ីញ)។
មួលប៊ូឡុងក្បាលសំប៉ែតចំនួន 2 កម្រិតចាប់ពី 47 ដល់ 54 N∙m (35 ទៅ 40 ft-lb)។
-
តម្រង់រន្ធនៅក្នុងកង់ទៅដែកគ្រីបរបស់ដុំ ហើយដំឡើងកង់ទៅដុំដោយប្រើដើមវ៉ាល់ខាងក្រៅ (រូបភាព 31)។
Note: ធានាថាផ្ទៃចាប់របស់កង់គឺស្មើជានឹងដុំ។
-
រឹតកង់ទៅនឹងដុំដោយប្រើប្រាស់ឡោស៊ី (រូបភាព 31)។
មួលក្បាលឡោស៊ីកម្រិតចាប់ពី 108 ដល់ 122 N∙m (80 ទៅ 90 ft-lb)។
-
អនុវត្តជំហាន 1 រហូតដល់ 5 ឡើងវិញចំពោះហ្វ្រាំង និងកង់នៅលើផ្នែកម្ខាងទៀតរបស់គ្រឿងចក្រ។
តំហែទាំម៉ាស៊ីន
សុវត្ថិភាពម៉ាស៊ីន
-
ពន្លត់ម៉ាស៊ីន ដកសោរចេញ ហើយរង់ចាំឱ្យផ្នែកទាំងអស់លែងមានចលនាសិន មុនពិនិត្យ ឬបន្ថែមប្រេងទៅប្រអប់រវៃ។
-
ដាក់ដៃ ជើង មុខ សម្លៀកបំពាក់ និងផ្នែកផ្សេងទៀតនៃរាងកាយឱ្យឆ្ងាយពីបំពង់ស៊ីម៉ាំង និងផ្ទៃក្ដៅផ្សេងទៀត។
ការជួសជុលតម្រងខ្យល់
ការជួសជុលគម្របតម្រងខ្យល់
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 50 ម៉ោងម្តង |
|
ពិនិត្យតួតម្រងខ្យល់ក្រែងមានការខូច ដែលបណ្ដាលឲ្យធ្លាយខ្យល់។ ប្ដូរចេញតួតម្រងខ្យល់ដែលខូច។
សម្អាតគម្របតម្រងខ្យល់ ហើយដកកម្ទេចកម្ទីចេញពីគម្របការពារធូលីដូចបានបង្ហាញក្នុង រូបភាព 38។
ការប្ដូរសមាសធាតុឧបករណ៍សម្អាតតម្រងខ្យល់
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 50 ម៉ោងម្តង |
|
| រៀងរាល់ 100 ម៉ោងម្តង |
|
Note: ជួសជុលសមាសធាតុឧបករណ៍សម្អាតតម្រងខ្យល់ឱ្យកាន់តែញឹកញាប់ (រៀងរាល់ពីរបីម៉ោងម្តង) ប្រសិនបើលក្ខខណ្ឌប្រតិបត្តិការមានធូលីច្រើន ឬខ្សាច់ច្រើន។
-
រំកិលសមាសធាតុឧបករណ៍សម្អាតតម្រងខ្យល់ថ្នមៗចេញពីតួតម្រងខ្យល់ (រូបភាព 39)។
Note: ជៀសវាងការគោះទម្រងខ្យល់ទៅនឹងតួ។
Important: ហាមសម្អាតសមាសធាតុសម្អាតតម្រងខ្យល់។
-
ពិនិត្យមើលសមាសធាតុថ្មីក្រែងមានការខូច ដោយការមើលទៅសមាសធាតុនោះនៅពេលបញ្ចាំងភ្លើងពីខាងក្រៅទៅលើវា។
Note: រន្ធនៅក្នុងសមាសធាតុបង្ហាញជាចំណុចភ្លឺ។ ពិនិត្យក្រែងមានស្នាមដាច់លើសមាសធាតុ ឬការខូចសៀលកៅស៊ូ។ ប្រសិនបើសមាសធាតុមានការខូច កុំប្រើប្រាស់វា។
-
រំកិលសមាសធាតុចូលទៅតួតម្រងខ្យល់ដោយប្រុងប្រយ័ត្ន។
Important: ហាមចុចលើផ្នែកទន់ខាងក្នុងសមាសធាតុ។
-
ដំឡើងគម្របតម្រងខ្យល់ដែលមានពាក្យ UP បែរឡើងលើ ហើយភ្ជាប់គន្លឹះ (រូបភាព 39)។
ការថែទាំប្រេងម៉ាស៊ីន
លក្ខណៈបច្ចេកទេសរបស់ប្រេងម៉ាស៊ីន
ចំណុះប្រអប់រវៃ៖ 1.0 L
ប្រភេទប្រេង៖ ប្រេង API ថ្នាក់ SJ ឬប្រេងសម្អាតកម្រិតខ្ពស់
កម្រិតរំអិល៖ មើលតារាងខាងក្រោម។
ការត្រួតពិនិត្យកម្រិតប្រេងម៉ាស៊ីន
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| មុនពេលប្រើប្រាស់នីមួយៗ ឬជាប្រចាំថ្ងៃ |
|
Note: គ្រឿងចក្រត្រូវបានភ្ជាប់មកជាមួយនូវប្រេងរំអិលនៅក្នុងប្រអប់រវៃ។ ទោះយ៉ាងណា សូមពិនិត្យប្រេងរំអិលមុននិងក្រោយពេលដែលអ្នកបញ្ឆេះម៉ាស៊ីន។
Note: ពេលដែលល្អបំផុតក្នុងការពិនិត្យប្រេងម៉ាស៊ីនគឺពេលដែលម៉ាស៊ីននៅត្រជាក់ មុនពេលដែលវាត្រូវបានបញ្ឆេះសម្រាប់ថ្ងៃនោះ។ ប្រសិនបើអ្នកបានដំណើរការម៉ាស៊ីនរួចហើយ ត្រូវទុកឱ្យប្រេងហូរចុះទៅកាទែរយ៉ាងហោចណាស់រយៈពេល 10 នាទី មុនពេលពិនិត្យ។ ប្រសិនបើកម្រិតប្រេងរំអិលគឺទាប សូមបន្ថែមប្រេងរំអិលដើម្បីឱ្យកម្រិតប្រេងឡើងដល់គំនូស Full ។ ហាមចាក់រហូតហៀរ។
ត្រួតពិនិត្យកម្រិតប្រេងម៉ាស៊ីន ដូចមានបង្ហាញនៅក្នុង រូបភាព 41។
ការប្ដូរប្រេងម៉ាស៊ីន
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| បន្ទាប់ពី 5 ម៉ោងដំបូង |
|
| រៀងរាល់ 50 ម៉ោងម្តង |
|
| រៀងរាល់ 100 ម៉ោងម្តង |
|
Note: ផ្លាស់ប្ដូរប្រេងម៉ាស៊ីនឱ្យបានកាន់តែញឹកញាប់នៅពេលដែលស្ថានភាពប្រតិបត្តិការមានធូលី ឬខ្សាច់ច្រើន។
Note: ចោលប្រេងម៉ាស៊ីន និងតម្រងប្រេងដែលបានប្រើរួច នៅមជ្ឈមណ្ឌលកែច្នៃដែលមានការបញ្ជាក់។
-
បញ្ឆេះម៉ាស៊ីន ហើយទុកឱ្យម៉ាស៊ីនដំណើរការពីរឬបីនាទី។
-
ចតគ្រឿងចក្រនៅលើផ្ទៃរាបស្មើ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
លើកឃ្លុប ហើយរឹតវាដោយប្រើចន្ទល់ សូមមើល ការលើកឃ្លុបដាក់អីវ៉ាន់ទៅក្នុងទីតាំងសម្រាប់ជួសជុល។
-
ផ្លាស់ប្ដូរប្រេងម៉ាស៊ីន ដូចមានបង្ហាញនៅក្នុង រូបភាព 42។
ការថែទាំប៊ូស្ស៊ី
ការត្រួតពិនិត្យ និងការប្ដូរប៊ូស្ស៊ី
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
ប្រភេទប៊ូស្ស៊ីម៉ូដែលប្រើបេន៖ Champion XC12YC
ប្រភេទប៊ូស្ស៊ីម៉ូដែលប្រើប៊ិច ៖ Champion RC12LC4
ប្រហោងខ្យល់៖ 0.76 mm
Important: អ្នកត្រូវតែប្ដូរប៊ូស្ស៊ីដែលប្រេះ មិនល្អ កខ្វក់ ឬដែលមិនដំណើរការ។ ហាមខាត់ កោស ឬសម្អាតអេឡិចត្រូតដោយប្រើច្រាសដែក ពីព្រោះថ្មកិនអាចនឹងជ្រុះចេញពីឆ្នុកហើយធ្លាក់ចូលទៅក្នុងស៊ីឡាំង។ លទ្ធផលគឺការធ្វើឱ្យខូចម៉ាស៊ីន។
Note: តាមធម្មតា ប៊ូស្ស៊ីអាចប្រើបានយូរ ប៉ុន្តែឆ្នុកគួរតែត្រូវបានដកចេញ និងត្រួតពិនិត្យនៅពេលណាដែលម៉ាស៊ីនមិនដំណើរការល្អ។
-
សម្អាតតំបន់ជុំវិញប៊ូស្ស៊ីដើម្បីឱ្យសារធាតុខាងក្រៅ មិនធ្លាក់ចូលទៅក្នុងស៊ីឡាំងនៅពេលអ្នកដកប៊ូស្ស៊ីចេញ។
-
ទាញខ្សែភ្លើងចេញក្បាលប៊ូស្ស៊ី។
-
ដកឆ្នុកចេញពីក្បាលគុយឡាស់។
-
ពិនិត្យមើលស្ថានភាពអេឡិចត្រូតចំហៀង អេឡិចត្រូតកណ្តាល និងអ៊ីសូឡង់អេឡិចត្រូតកណ្តាលដើម្បីធានាថាមិនមានការខូច (រូបភាព 43)។
Note: ហាមប្រើប៊ូស្ស៊ីដែលខូច ឬសិក។ ប្ដូរបូស្ស៊ីដោយប្រើប្រភេទដែលបានណែនាំ។
-
កំណត់ប្រហោងខ្យល់រវាងចំណុចកណ្តាល និងចំហៀងនៃអេឡិចត្រូតត្រឹមទំហំ 0.76 mm ដូចបានបង្ហាញនៅក្នុង រូបភាព 43។
-
ដំឡើងប៊ូស្ស៊ីទៅក្នុងក្បាលគុយឡាស់ ហើយបង្វិលឆ្នុកទៅ 27 N∙m។
-
ដំឡើងខ្សែប៊ូស្ស៊ី។
-
អនុវត្តជំហាន 1 រហូតដល់ 7 ឡើងវិញសម្រាប់ប៊ូស្ស៊ីផ្សេងទៀត។
ការកែតម្រូវការ៉ង់ទីទាប/ខ្ពស់
-
លើកឃ្លុប ហើយរក្សាសុវត្ថិភាពដោយប្រើចន្ទល់។
-
នៅស្រោមខ្សែការ៉ង់ទី សូមមួលបន្ធូរខ្ចៅទប់ខាងមុខ និងរឹតបន្តឹងខ្ចៅទប់ខាងក្រោយដើម្បីដំឡើងការ៉ង់ទីទាប (រូបភាព 44)។
-
តេស្ដការ៉ង់ទីខ្ពស់ដោយប្រើថាកូម៉ែត្រ៖
-
ត្រូវធានាថាដងចង្កឹះលេខស្ថិតនៅក្នុងទីតាំង NEUTRAL (ដាច់លេខ)។
-
បញ្ឆេះម៉ាស៊ីន។
-
ជាន់ឈ្នាន់ហ្គែរអោយកប់ និងវាស់ល្បឿនម៉ាស៊ីនដោយប្រើថាកូម៉ែត្រ។ ល្បឿនម៉ាស៊ីនគួរតែស្ថិតនៅចន្លោះពី 3,650 ទៅ 3,750 rpm ។ ប្រសិនបើមិនស្ថិតនៅក្នុងចន្លោះនេះទេ សូមពន្លត់ម៉ាស៊ីន និងកែតម្រូវខ្ចៅទប់ខ្សែការ៉ង់ទី។
Important: ហាមបន្ទាបការ៉ង់ទីខ្ពស់។ តេស្ដដោយប្រើថាកូម៉ែត្រ ដើម្បីធានាថាការ៉ង់ទីខ្ពស់ស្ថិតនៅក្នុងចន្លោះពី 3650 ទៅ 3750 rpm ។
-
-
ការបន្ទាប និងរក្សាសុវត្ថិភាពឃ្លុប។
តំហែទាំប្រព័ន្ធប្រេង
ការត្រួតពិនិត្យទុយយោប្រេង និងការតភ្ជាប់
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 400 ម៉ោងម្តង |
|
ត្រួតពិនិត្យទុយយោប្រេង គ្រឿងបង្គុំ និងកួរីយេ ក្រែងមានសញ្ញានៃការលេចធ្លាយ ការបាត់បង់គុណភាព ការខូចខាត ឬការរលុងការភ្ជាប់។
Note: ជួសជុលសមាសធាតុប្រព័ន្ធប្រេងដែលខូច ឬលេចធ្លាយណាមួយមុនពេលប្រើប្រាស់គ្រឿងចក្រ។
ការប្ដូរតម្រងប្រេង
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 400 ម៉ោងម្តង |
|
-
ចតគ្រឿងចក្រនៅលើផ្ទៃរាបស្មើ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
លើកឃ្លុប ហើយទ្រវាដោយប្រើចន្ទល់។
-
ផ្ដាច់អាគុយ សូមមើល ការផ្ដាច់អាគុយ។
-
ដាក់ធុងស្អាតនៅក្រោមតម្រងប្រេង និងប្ដូរតម្រងប្រេងដូចបានបង្ហាញនៅក្នុង រូបភាព 45។
-
ភ្ជាប់អាគុយ និងបន្ទាបឃ្លុប។ សូមមើល ការតអាគុយ។
ការថែទាំកំប៉ុងធ្យូង
ការត្រួតពិនិត្យតម្រងខ្យល់សម្រាប់កំប៉ុងធ្យូង
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| បន្ទាប់ពី 50 ម៉ោងដំបូង |
|
| រៀងរាល់ 200 ម៉ោងម្តង |
|
ត្រួតពិនិត្យមាត់នៅផ្នែកខាងក្រោមតម្រងខ្យល់សម្រាប់កំប៉ុងធ្យូង ដើម្បីធានាថាវាស្អាត និងមិនមានកម្ទេចកំទី និងការស្ទះ (រូបភាព 46)។
សម្អាតតម្រងខ្យល់សម្រាប់កំប៉ុងធ្យូងដោយប្រើខ្យល់ស្អាតបាញ់។
តំហែទាំប្រព័ន្ធអគ្គិសនី
សុវត្ថិភាពប្រព័ន្ធអគ្គិសនី
-
ផ្ដាច់អាគុយមុនពេលធ្វើការជួសជុលគ្រឿងចក្រ។ ផ្តាច់ក្បាលអវិជ្ជមានមុន និងវិជ្ជមានក្រោយ។ ភ្ជាប់ក្បាលវិជ្ជមានមុន និងអវិជ្ជមានក្រោយ។
-
សាកអាគុយនៅកន្លែងបើកចំហដែលមានខ្យល់ចេញចូលបានល្អ និងឆ្ងាយពីផ្កាភ្លើងនិងអណ្ដាតភ្លើង។ ដកក្បាលសាកអាគុយ ចេញមុនភ្ជាប់ ឬផ្ដាច់អាគុយ។ ពាក់សំលៀកបំពាក់ការពារ និងប្រើឧបករណ៍មិនឆ្លងចរន្ត។
ការថែទាំអាគុយ
កម្លាំងវ៉ូលត៍អាគុយ៖ 12 V ដែលមាន 300 A (កម្រិតត្រជាក់) នៅ -18°C។
-
ត្រូវរក្សាអាគុយឱ្យបានស្អាត និងបញ្ចូលភ្លើងឱ្យបានពេញល្អ។
-
ប្រសិនបើក្បាលអាគុយមានច្រេះ ត្រូវសម្អាតវាដោយប្រើសូលុយស្យុងទឹក 4 ភាគ និងម្សៅសូដា 1 ភាគ។
-
លាបខ្លាញ់បន្តិចបន្តួចទៅលើក្បាលអាគុយដើម្បីបង្ការការកាន់ច្រេះ។
ការផ្ដាច់អាគុយ
ការព្រមាន
ការតខ្សែអាគុយមិនត្រឹមត្រូវអាចធ្វើឱ្យខូចគ្រឿងចក្រ និងខ្សែភ្លើង ដែលបណ្ដាលឱ្យមានផ្កាភ្លើង។ ផ្កាភ្លើងអាចធ្វើឲ្យឧស្ម័នរបស់អាគុយផ្ទុះឡើង បណ្តាលឱ្យរងរបួសរាងកាយ។
-
ត្រូវផ្ដាច់ខ្សែអាគុយអវិជ្ជមាន (ខ្មៅ) មុនពេលផ្ដាច់ខ្សែវិជ្ជមាន (ក្រហម)។
-
ត្រូវភ្ជាប់ខ្សែវិជ្ជមាន (ក្រហម) ឡើងវិញ មុនពេលភ្ជាប់ខ្សែអវិជ្ជមាន (ខ្មៅ) ឡើងវិញ។
-
ត្រូវរក្សាខ្សែចងអាគុយនៅនឹងកន្លែង ដើម្បីការពារ និងចងរឹតអាគុយ។
ការព្រមាន
ក្បាលអាគុយ ឬឧបករណ៍លោហធាតុ នឹងកកិតនឹងសមាសធាតុលោហធាតុរបស់គ្រឿងចក្រ ដែលបណ្ដាលឱ្យមានផ្កាភ្លើង។ ផ្កាភ្លើងអាចធ្វើឱឧស្ម័នរបស់អាគុយផ្ទុះឡើង បណ្តាលឱ្យរងរបួសរាងកាយ។
-
នៅពេលដក ឬដំឡើងអាគុយ មិនត្រូវឱ្យក្បាលអាគុយប៉ះផ្នែកលោហធាតុរបស់គ្រឿងចក្រទេ។
-
បង្ការឧបករណ៍លោហធាតុប៉ះគ្នារវាងក្បាលអាគុយ និងផ្នែកលោហធាតុរបស់គ្រឿងចក្រ។
ផ្ដាច់អាគុយ ដូចបានបង្ហាញនៅក្នុង រូបភាព 47។
ការដកអាគុយចេញ
-
ផ្ដាច់ខ្សែអាគុយ។ សូមមើល ការផ្ដាច់អាគុយ។
-
ដកអាគុយចេញ ដូចបានបង្ហាញនៅក្នុង រូបភាព 48។
ការតអាគុយ
តអាគុយ ដូចបានបង្ហាញនៅក្នុង រូបភាព 50។
ការសាកអាគុយ
ការព្រមាន
ការសាកអាគុយ បង្កឲ្យកើតមានឧស្ម័ន ដែលអាចផ្ទុះបាន។
ហាមជក់បារីនៅក្បែរអាគុយ ហើយត្រូវរក្សាផ្កាភ្លើងនិងអណ្ដាតភ្លើងឱ្យនៅឆ្ងាយពីអាគុយ។
Important: ត្រូវរក្សាអាគុយឱ្យបញ្ចូលភ្លើងឱ្យបានពេញល្អ។ នេះពិតជាសំខាន់ខ្លាំងណាស់ក្នុងការបង្ការការខូចអាគុយនៅពេលសីតុណ្ហភាពស្ថិតនៅក្រោម 0°C។
-
ដកអាគុយចេញពីគ្រឿងចក្រ។ សូមអាន ការដកអាគុយចេញ។
-
ភ្ជាប់ឧបករណ៍សាកអាគុយដែលមានកម្លាំង 3 ទៅ 4 អំពែ ទៅក្បាលអាគុយ។ សាកអាគុយនៅកម្រិតពី 3 ទៅ 4 អំពែរ រយៈពេល 4 ទៅ 8 ម៉ោង (12 V)។
Note: ហាមសាកអាគុយលើសកម្រិត។
-
ដំឡើងថ្ម សូមមើល ការដំឡើងអាគុយ។
ការរក្សាទុកអាគុយ
ប្រសិនបើអ្នករក្សាទុកគ្រឿងចក្ររយៈពេលលើសពី 30 ថ្ងៃ សូមដកអាគុយចេញ ហើយសាកភ្លើងវាឱ្យពេញ។ រក្សាទុកវានៅលើធ្នើ ឬនៅលើគ្រឿងចក្រ។ ផ្ដាច់ខ្សែភ្លើងចេញ ប្រសិនបើអាគុយត្រូវបានរក្សាទុកនៅលើគ្រឿងចក្រ។ រក្សាទុកអាគុយនៅក្នុងបរិយាកាសត្រជាក់ ដើម្បីជៀសវាងការបាត់បង់គុណភាពនៃការសាកភ្លើងរហ័សរបស់អាគុយ។ ដើម្បីបង្ការអាគុយពីការខូច ត្រូវធានាថាអាគុយត្រូវបានសាកភ្លើងពេញ។
ការប្ដូរហ្វុយហ្សីប
សម្រាប់ម៉ូដែលប្រើបេន
មានហ្វុយហ្ស៊ីបចំនួន 4 នៅក្នុងប្រព័ន្ធអគ្គិសនី។ រន្ធផ្សេងទៀតត្រូវបានបើកសម្រាប់ជម្រើសផ្សេង។ ហ្វុយហ្ស៊ីបទាំងនេះស្ថិតនៅក្រោមគ្រឿងបង្គុំកន្លែងអង្គុយ (រូបភាព 51)។
| ស៊ីផ្លេ | 30 A |
| ថាមពលមេ | 15 A |
| អំពូលមុខ | 10 A |
| ចំណុចថាមពល USB/ជម្រើស | 10 A |
| ឧបករណ៍លើកឃ្លុបបន្ថែម—ចំហរ | 15 A |
សម្រាប់ម៉ូដែលប្រើប៊ិច
មានហ្វុយហ្ស៊ីបចំនួន 5 នៅក្នុងប្រព័ន្ធអគ្គិសនី។ រន្ធផ្សេងទៀតត្រូវបានបើកសម្រាប់ជម្រើសផ្សេង។ ហ្វុយហ្ស៊ីបទាំងនេះស្ថិតនៅក្រោមគ្រឿងបង្គុំកន្លែងអង្គុយ (រូបភាព 52)។
| ស៊ីផ្លេ | 30 A |
| ថាមពលមេ | 15 A |
| អំពូលមុខ | 10 A |
| ចំណុចថាមពល USB/ជម្រើស | 10 A |
| ប្រេងឥន្ធនៈ | 10 A |
| ឧបករណ៍លើកឃ្លុបបន្ថែម—ចំហរ | 15 A |
ការថែទាំអំពូលមុខ
ប្ដូរអំពូលមុខ
លក្ខណៈបច្ចេកទេស៖ សូមមើល កាតាឡុកគ្រឿងបន្លាស់របស់អ្នក។
-
ផ្ដាច់អាគុយ។ សូមមើល ការផ្ដាច់អាគុយ។
-
បើកគម្របម៉ាស៊ីន។
-
ផ្តាច់ក្បាលតំណអគ្គិសនីសម្រាប់គល់អំពូលមកពីក្បាលតំណគ្រឿងបង្គុំចង្កៀង (រូបភាព 53)។
-
ដកវីសកឹបដែលភ្ជាប់អំពូលមុខទៅនឹងក្រចាប់អំពូល (រូបភាព 53)។
Note: រក្សាទុកគ្រឿងបន្លាស់ទាំងអស់សម្រាប់ការដំឡើងអំពូលមុខថ្មី។
-
ដកគ្រឿងបង្គុំអំពូលមុខចេញដោយរុញវាទៅមុខតាមមាត់នៅកាងខាងមុខ (រូបភាព 53)។
-
ដំឡើងអំពូលមុខថ្មីតាមមាត់នៅក្នុងកាង (រូបភាព 53)។
Note: ត្រូវធានាថាបង្គោលលៃតម្រូវ រត់ត្រង់ជាមួយប្រហោងនៅក្នុងក្រចាប់ចាប់នៅផ្នែកខាងក្រោយកាង
-
ភ្ជាប់គ្រឿងបង្គុំអំពូលមុខដោយប្រើវីសកឹបដែលអ្នកបានដកចេញនៅក្នុងជំហាន 4។
-
ភ្ជាប់ក្បាលតំណអគ្គិសនីសម្រាប់គល់អំពូលមកពីក្បាលតំណគ្រឿងបង្គុំចង្កៀង (រូបភាព 53)។
-
លៃតម្រូវអំពូលមុខទៅនឹងកាំពន្លឺផ្ទាល់ ដើម្បីបាញ់ទៅទីតាំងដែលចង់បាន។ សូមមើល ការលៃតម្រូវអំពូលមុខ។
ការលៃតម្រូវអំពូលមុខ
ប្រើទម្រង់ការខាងក្រោមដើម្បីលៃតម្រូវទីតាំងកាំពន្លឺរបស់អំពូលមុខ នៅពេលណាដែលគ្រឿងបង្គុំអំពូលមុខត្រូវបានផ្លាស់ប្ដូរ ឬដកចេញ។
-
ចតគ្រឿងចក្រនៅលើផ្ទៃរាបស្មើដោយប្រើអំពូលមុខប្រហែល 7.6 m ពីជញ្ជាំង (រូបភាព 54)។
-
វាស់ចម្ងាយពីកម្រាលទៅចំណុចកណ្ដាលនៃអំពូលភ្លើង និងបង្កើតគំនូសសម្គាល់នៅលើជញ្ជាំងនៅក្នុងកំពស់តែមួយ។
-
កាច់កុងតាក់សោទៅទីតាំង ON (បើក) និងបង្វិលអំពូលមុខ។
-
កត់សម្គាល់កន្លែងដែលអំពូលមុខបាញ់ចំនៅលើជញ្ជាំង។
ផ្នែកដែលភ្លឺបំផុតរបស់ពន្លឺចាំងរបស់អំពូលមុខ 20 cm នៅក្រោមគំនូសសម្គាល់ដែលបានដាក់នៅលើជញ្ជាំង (រូបភាព 54)។
-
នៅផ្នែកខាងក្រោយនៃគ្រឿងបង្គុំអំពូលមុខ សូមបង្វិលវីសលៃតម្រូវ (រូបភាព 53) ដើម្បីលៃតម្រូវគ្រឿងបង្គុំអំពូលមុខ និងលៃតម្រូវទីតាំងនៃកាំពន្លឺដែលបាញ់ទៅខាងមុខ។
-
ភ្ជាប់អាគុយ និងបិទដំបូល។ សូមមើល ការតអាគុយ។
តំហែទាំប្រព័ន្ធបញ្ជាម៉ូទ័រ
ការថែទាំសម្បកកង់
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
-
ត្រួតពិនិត្យសម្បកកង់ និងយ៉ាន់កងក្រែងមានការសិក និងការខូច។
Note: គ្រោះថ្នាក់ដោយសារប្រតិបត្តិការ ដូចជាការបុកខឿនផ្លូវ អាចធ្វើឱ្យខូចសម្បកកង់ ឬយ៉ាន់កង ហើយក៏រំខានការរត់ស្មើនៃកង់ ដូច្នេះសូមត្រួតពិនិត្យស្ថានភាពសម្បកកង់ បន្ទាប់ពីមានគ្រោះថ្នាក់។
-
រឹតខ្ចៅកង់ ក្នុងកម្រិតពី 108 ទៅ 122 N∙m។
ការត្រួតពិនិត្យសមាសធាតុចង្កូត និងបូម
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
នៅពេលបានដាក់ដៃចង្កូតចំទីតាំងកណ្ដាលហើយ (រូបភាព 55) កាច់ចង្កូតទៅខាងឆ្វេង ឬខាងស្ដាំ។ ប្រសិនបើអ្នកកាច់ចង្កូតលើសពី 13 mm ទៅខាងឆ្វេង ឬខាងស្ដាំ ហើយសម្បកកង់មិនបត់តាមទេ សូមពិនិត្យមើលសមាសធាតុចង្កូត និងបូម ដើម្បីធានាថាវាមិនរលុង ឬខូច។
-
តំណដងចង្កូតទៅរ៉ូទីលចង្កូត
Important: ត្រួតពិនិត្យស្ថានភាព និងសុវត្ថិភាពរបស់សៀលដងនិងពីញ៉ុងចង្កូត (រូបភាព 56)។
-
បង្គុំរ៉ូទីលចង្កូត
ការតម្រង់កង់មុខ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
ការរៀបចំដើម្បីតម្រង់កង់ផ្អៀង ឬទាញចូល
-
ពិនិត្យមើលសម្ពាធសម្បកកង់ ដើម្បីធានាថា សម្បកកង់មុខ មានសម្ពាធខ្យល់ 82 kPa (0.82 bar)។
-
បន្ថែមទម្ងន់ទៅនឹងកន្លែងអង្គុយរបស់អ្នកបើកបរឲ្យស្មើទៅនឹងប្រតិបត្តិករមធ្យមដែលនឹងដំណើរការគ្រឿងចក្រ ឬឲ្យប្រតិបត្តិករអង្គុយនៅលើកន្លែងអង្គុយ។ ទម្ងន់ ឬប្រតិបត្តិករ ត្រូវតែស្ថិតនៅលើកន្លែងអង្គុយនៅពេលលៃតម្រូវ។
-
នៅលើផ្ទៃរាបស្មើ សូមផ្លាស់ទីម៉ាស៊ីនទៅក្រោយត្រង់ ចម្ងាយ 2 ទៅ 3 m ហើយបន្ទាប់មកទៅមុខត្រង់ ទៅទីតាំងដើមវិញ។ បែបនេះធ្វើឱ្យបូមស្ថិតនៅក្នុងទីតាំងប្រតិបត្តិការ។
ការលៃតម្រូវការផ្អៀងកង់
ឧបករណ៍ផ្ដល់ដោយម្ចាស់៖ ម៉ាឡេត គ្រឿងបន្លាស់របស់ Toro លេខ 132-5069។ សូមទាក់ទងទៅអ្នកចែកចាយ Toro ដែលមានមានការអនុញ្ញាតរបស់អ្នក។
Important: ធ្វើការលៃតម្រូវការផ្អៀងរបស់កង់ តែក្នុងករណីដែលអ្នកកំពុងប្រើគ្រឿងភ្ជាប់ខាងមុខ ឬប្រសិនបើមានសម្បកកង់ដែលសិកមិនស្មើគ្នាប៉ុណ្ណោះ។
-
ពិនិត្យមើលការបញ្ឈរស្របគ្នានៃកង់នីមួយៗ។ មុំនៃការផ្អៀងកង់គួរតែស្ទើរតែគ្មាន (ស្មើសូន្យ) តាមដែលអាចធ្វើទៅបាន។
Note: សម្បកកង់គួរតែត្រង់ស្មើគ្នានៅលើដី ដើម្បីកាត់បន្ថយការសិកសម្បកកង់មិនស្មើគ្នា។
-
ប្រសិនបើកង់ផ្អៀងមិនឈរត្រង់ សូមប្រើម៉ាឡេត ដើម្បីបង្វិលខ្ចៅនៅលើបូម ដើម្បីតម្រង់កង់ (រូបភាព 57)។
ការតម្រង់ការទាញចូលក្នុងរបស់កង់មុខ
Important: មុនពេលតម្រង់ការទាញចូលក្នុង ត្រូវធានាថាការកែតម្រង់ការផ្អៀងត្រូវបានធ្វើរួចឲ្យដល់កម្រិតក្បែរធម្មតា តាមដែលអាចធ្វើទៅបាន។ សូមអាន ការលៃតម្រូវការផ្អៀងកង់។
-
ធានាថាកង់បែរត្រង់ទៅមុខ។
-
វាស់ចម្ងាយរវាងកង់មុខទាំងពីរនៅកម្ពស់ភ្លៅទាំងផ្នែកខាងមុខ និងក្រោយរបស់កង់មុខ (រូបភាព 58)។
-
ប្រសិនបើរង្វាស់មិននៅចន្លោះ 0 ទៅ 6 mm ទេ សូមខ្ចៅទប់ផ្នែកខាងក្រៅនៃចុងរ៉ូទីល (រូបភាព 59)។
-
បង្វិលរ៉ូទីលទាំងពីរ ដើម្បីផ្លាស់ទីផ្នែកខាងមុខនៃកង់ចូលទៅក្នុង ឬចេញមកក្រៅ។
-
រឹតខ្ចៅទប់រ៉ូទីលនៅពេលដែលកង់រត់ត្រង់។
-
ធានាថាចង្កូតអាចកាច់បានពេញលេញនៅទិសទាំងពីរ។
ការត្រួតពិនិត្យកម្រិតប្រេងប្រអប់លេខ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
ប្រភេទប្រេង៖ SAE 80W-90 (API MT-1) ឬ SAE 80W-90 (API GL-5)
ការប្ដូរប្រេងប្រអប់លេខ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 800 ម៉ោងម្តង |
|
ប្រភេទប្រេង៖ SAE 80W-90 (API MT-1) ឬ SAE 80W-90 (API GL-5)
ចំណុះសារធាតុរាវ៖ 1.6 L
-
តម្រង់ខ្ទះដាក់ប្រេងនៅក្រោមឆ្នុកបង្ហូរ (រូបភាព 60)។
-
ដកឆ្នុក និងសៀល (រូបភាព 60)។
Note: រក្សាទុកឆ្នុក និងសៀលសម្រាប់ការដំឡើងនៅជំហាន 6។
-
ដកឆ្នុកបង្ហូរនិងសៀលចេញ ហើយទុកឱ្យប្រេងហូរឱ្យអស់ (រូបភាព 60)។
Note: រក្សាទុកឆ្នុកបង្ហូរ និងសៀលសម្រាប់ការដំឡើងនៅជំហាន 4។
-
ដំឡើងឆ្នុកបង្ហូរ និងសៀល ហើយមួលវា 20 ទៅ 27 N∙m។
-
ចាក់បំពេញប្រអប់លេខដោយប្រើប្រេងជាក់លាក់រហូតទាល់តែវាហៀរចេញពីរន្ធបំពេញ។
-
ដំឡើងឆ្នុកចាក់បំពេញ និងសៀល ហើយមួលវា 20 ទៅ 27 N∙m។
ការត្រួតពិនិត្យទីតាំងប្ដូរលេខដាច់
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| មុនពេលប្រើប្រាស់នីមួយៗ ឬជាប្រចាំថ្ងៃ |
|
| រៀងរាល់ 100 ម៉ោងម្តង |
|
នៅពេលធ្វើការថែទាំជាប្រចាំ និង/ឬការវិនិច្ឆ័យម៉ាស៊ីន ត្រូវដាក់លេខទៅជា NEUTRAL (ដាច់លេខ)។ គ្រឿងចក្រមានទីតាំង NEUTRAL (ដាច់លេខ) នៅលើកន្លែងប្ដូរលេខ ដែលបញ្ជាទីតាំងដាច់លេខនៅក្នុងចង្កឹះលេខ។ អនុវត្តជំហានខាងក្រោម ដើម្បីធានាថា ដងចង្កឹះលេខប្រតិបត្តិការចង្កឹះលេខដាច់លេខបានត្រឹមត្រូវ។
-
កំណត់ឧបករណ៍ប្ដូរលេខទៅទីតាំង NEUTRAL (ដាច់លេខ)។
-
បង្វិលអំប៉្រាយ៉ាទីពីរ (រូបភាព 67) ដើម្បីឱ្យឃើញថាតើវាវិលដោយសេរីនៅក្នុងទីតាំង NEUTRAL (ដាច់លេខ) ដែរឬទេ។
-
កំណត់ឧបករណ៍ប្ដូរលេខទៅទីតាំង FORWARD (ទៅមុខ)។
-
បង្វិលអំប៉្រាយ៉ាទីពីរ (រូបភាព 67) ដើម្បីឱ្យឃើញថាតើវាបង្វិលកង់ក្រោយដែរឬទេ។
-
កំណត់ឧបករណ៍ប្ដូរលេខទៅទីតាំង REVERSE (ថយក្រោយ)។
-
បង្វិលអំប៉្រាយ៉ាទីពីរ (រូបភាព 67) ដើម្បីឱ្យឃើញថាតើវាបង្វិលកង់ក្រោយដែរឬទេ។
-
ប្រសិនបើការធ្វើតេស្តទាំងនេះណាមួយបរាជ័យ សូមបន្តទៅ ការលៃតម្រូវទីតាំងប្ដូរលេខដាច់។
ការលៃតម្រូវទីតាំងប្ដូរលេខដាច់
-
បន្ធូរខ្ចៅទប់នៅលើខ្សែចង្កឹះលេខ ហើយលៃតម្រូវខ្ចៅទាំងនោះតាមការចាំបាច់ (រូបភាព 61)។
-
ធ្វើតេស្តទីតាំងចង្កឹះលេខដោយការបង្វិលឧបករណ៍ប្ដូរលេខទៅទីតាំងចំនួន 3 ផ្សេងគ្នា ហើយពិនិត្យមើលថាតើដងចង្កឹះលេខ (រូបភាព 61) ប្ដូរបានត្រឹមត្រូវនៅពេលប្ដូរលេខដែរឬទេ។ សូមមើល ដងលេខ និងអេក្រង់លេខ។
-
ផ្ទៀងផ្ទាត់ថារាល់ទីតាំងដំណើរការយ៉ាងត្រឹមត្រូវដោយការធ្វើជំហាននៅក្នុង ការត្រួតពិនិត្យទីតាំងប្ដូរលេខដាច់ឡើងវិញ។
ការថែទាំអំប៉្រាយ៉ាបើកបរទីមួយ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 400 ម៉ោងម្តង |
|
ការប្រុងប្រយ័ត្ន
ធូលីនៅក្នុងអំប្រ៉ាយ៉ានឹងប៉ើងតាមខ្យល់ ហើយអាចធ្វើឱ្យភ្នែករបស់ខូច ឬអ្នកអាចស្រូបធូលីនោះតាមដំណកដង្ហើម ដែលបណ្ដាលឱ្យមានផលលំបាកក្នុងការដកដង្ហើម។
ពាក់វ៉ែនតាការពារភ្នែក និងម៉ាស់ការពារធូលី ឬឧបករណ៍ការពារភ្នែកនិងផ្លូវដង្ហើមផ្សេងទៀតនៅពេលធ្វើទម្រង់ការនេះ។
-
លើកនិងដាក់គន្លឹះឃ្លុប។
-
ដកប៊ូឡុងចំនួន 3 ដែលភ្ជាប់គម្របទៅនឹងអំប៉្រាយ៉ា ហើយដកគម្របចេញ (រូបភាព 62)។
Note: រក្សាទុកគម្រប និងប៊ូឡុងសម្រាប់ការដំឡើង។
-
សម្អាតផ្នែកខាងក្នុងរបស់គម្រប និងសមាសធាតុខាងក្នុងរបស់អំប៉្រាយ៉ាឱ្យបានសព្វដោយប្រើប្រាស់ការបាញ់ខ្យល់។
-
ដំឡើងគម្របអំប៉្រាយ៉ា និងភ្ជាប់វាដោយប្រើប៊ូឡុងចំនួន 3 (រូបភាព 62) ដែលអ្នកបានដកចេញនៅក្នុង 2។
-
ដាក់ឃ្លុបដាក់អីវ៉ាន់ចុះ។
ការកាត់បន្ថយល្បឿនខាងលើ
ការប្រុងប្រយ័ត្ន
ធូលីនៅក្នុងអំប្រ៉ាយ៉ានឹងប៉ើងតាមខ្យល់ ហើយអាចធ្វើឱ្យភ្នែករបស់ខូច ឬអ្នកអាចស្រូបធូលីនោះតាមដំណកដង្ហើម ដែលបណ្ដាលឱ្យមានផលលំបាកក្នុងការដកដង្ហើម។
ពាក់វ៉ែនតាការពារភ្នែក និងម៉ាស់ការពារធូលី ឬឧបករណ៍ការពារភ្នែកនិងផ្លូវដង្ហើមផ្សេងទៀតនៅពេលធ្វើទម្រង់ការនេះ។
-
ឃ្លុបដាក់អីវ៉ាន់។ អាន ការលើកឃ្លុបដាក់អីវ៉ាន់ទៅក្នុងទីតាំងសម្រាប់ជួសជុល។
-
ដកប៊ូឡុងដែលភ្ជាប់គម្របអំប៉្រាយ៉ាទីមួយដូចដែលបានបង្ហាញនៅក្នុង រូបភាព 63។
Important: សូមប្រុងប្រយ័ត្ននៅពេលដកគម្របអំប៉្រាយ៉ាចេញ។ រឺស័រអាចនឹងផ្ទាត់ចេញមក។
Important: កត់ចំណាំទិសដៅ X នៅលើគម្របអំប៉្រាយ៉ា និងបង្គំអំប៉្រាយ៉ាសម្រាប់ការដំឡើងនៅពេលក្រោយ។
-
ដករឺស័រចេញ។
-
ដាក់ ឬដកជ័ររក្សាគម្លាតចេញ ដើម្បីកែតម្រូវល្បឿនខាងលើ។ ប្រើប្រាស់តារាងខាងក្រោមដើម្បីកំណត់ចំនួនជ័ររក្សាគម្លាតដែលត្រូវការ។
ជ័ររក្សាគម្លាត ល្បឿនខាងលើ 2 (ស្តង់ដារ) 26 km/h (ស្តង់ដារ) 3 19 km/h 4 14 km/h 5 10 km/h 6 6 km/h Important: ហាមប្រតិបត្តិការគ្រឿងចក្រដោយមិនមានយ៉ាងហោចណាស់ជ័ររក្សាគម្លាតអំប៉្រាយ៉ាចំនួន 2 នៅនឹងកន្លែង។
-
ដំឡើងរឺស័រ និងគម្របអំប៉្រាយ៉ា។
Important: ធានាថា X ត្រូវបានដាក់ត្រឡប់ទៅទីតាំងដើមវិញ។
-
មួលប៊ូឡុង ក្នុងកម្រិតពី 179 ទៅ 228 N∙cm។
តំហែទាំប្រព័ន្ធត្រជាក់
សុវត្ថិភាពប្រព័ន្ធបញ្ចុះកម្ដៅ
-
ការលេបទឹកស្អំអាចបណ្ដាលឱ្យពុល។ ទុកឱ្យផុតពីក្មេងនិងសត្វចិញ្ចឹម។
-
ការហៀរចេញទឹកស្អំក្ដៅ និងមានសម្ពាធខ្ពស់ ឬការប៉ះធុងទឹកក្ដៅ និងផ្នែកជុំវិញធុងអាចបណ្ដាលឱ្យរលាកធ្ងន់ធ្ងរ។
-
ត្រូវទុកឱ្យម៉ាស៊ីនចុះត្រជាក់យ៉ាងហោចណាស់រយៈពេល 15 នាទី មុនពេលដកគម្របធុងទឹកចេញ។
-
ប្រើប្រាស់ក្រណាត់ក្រាសទ្រាប់ដៃនៅពេលបើកគម្របធុងទឹក ហើយបើកគម្របយឺតៗដើម្បីឱ្យចំហាយភាយចេញ។
-
-
ហាមប្រតិបត្តិការគ្រឿងចក្រដោយមិនមានគម្រប នៅនឹងកន្លែង។
-
ដាក់ម្រាមដៃ ដៃ និងសម្លៀកបំពាក់របស់អ្នកឱ្យឆ្ងាយពីកង្ហារ និងខ្សែពានដែលកំពុងវិល។
-
ពន្លត់ម៉ាស៊ីន ហើយដកសោចេញ មុនពេលធ្វើការថែទាំ។
ការសម្អាតផ្នែកបញ្ចុះកម្ដៅម៉ាស៊ីន
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
Important: ការប្រតិបត្តិការម៉ាស៊ីនដោយមានសំណាញ់វិលស្ទះ កង្ហារកខ្វក់ឬស្អិត ឬគម្របបញ្ចុះកម្ដៅដែលត្រូវបានដកចេញ បណ្ដាលឱ្យម៉ាស៊ីនខូចដោយសារតែការឡើងកម្ដៅ។
Important: ហាមសម្អាតម៉ាស៊ីនដោយប្រើទឹកសម្ពាធខ្ពស់ ដោយសារតែទឹកអាចធ្វើឱ្យប្រព័ន្ធឥន្ធនៈកខ្វក់។
សម្អាតមាត់ធុង កង្ហារត្រជាក់ និងផ្ទៃខាងក្រៅម៉ាស៊ីន។
Note: សម្អាតសមាសធាតុបញ្ចុះកម្ដៅម៉ាស៊ីនឱ្យបានញឹកញាប់ ប្រសិនបើស្ថិតនៅក្រោមស្ថានភាពមានធូលីឬកខ្វក់ខ្លាំង។
តំហែទាំហ្វ្រាំង
ការត្រួតពិនិត្យហ្វ្រាំងដៃ
-
ដាក់ហ្វ្រាំងដៃ ដោយការទាញដងហ្វ្រាំងដៃឆ្ពោះមកអ្នក រហូតទាល់តែអ្នកមានអារម្មណ៍ថាតឹង។
-
ប្រសិនបើអ្នកមិនទទួលអារម្មណ៍ថាតឹងនៅពេលទាញហ្វ្រាំងដៃទៅរកអ្នកនៅក្នុងប្រវែង 11.4 ទៅ 16.5 cm ពីសញ្ញា “P” នៅលើតាប្លូទេ អ្នកត្រូវតែកែតម្រូវហ្វ្រាំងដៃ។ សូមអាន ការកែតម្រូវហ្វ្រាំងដៃ។
ការកែតម្រូវហ្វ្រាំងដៃ
-
ធានាថាហ្វ្រាំងដៃត្រូវបានដោះ។
-
ដោយប្រើជើងដូយ ចូរលើកផ្នែកខាងក្រោយនៃគ្រឿងចក្រ។ សូមអាន ការលើកគ្រឿងចក្រ។
-
ត្រូវប្រើសោ 2 ដោយសោ 1 គឺសម្រាប់ទប់បង្គោលកែតម្រូវនៅលើក្រចាប់ហ្វ្រាំង ហើយសោ 1 ទៅគឺសម្រាប់បន្ធូរខ្ចៅទប់ដោយបង្វិល ¼ ជុំ (រូបភាព 64)។
-
នៅពេលទប់បង្គោលកែតម្រូវ និងខ្ចៅទប់ សូមមួលបង្គោលកែតម្រូវដើម្បីរឹតបន្តឹង (រូបភាព 64)។
Note: អនុវត្តជំហាននេះ រហូតទាល់តែអ្នកទទួលអារម្មណ៍ថាមានការទាញទៅលើកង់។
-
នៅពេលទប់បង្គោលកែតម្រូវ និងខ្ចៅទប់ សូមមួលថយក្រោម ¼ ជុំ (រូបភាព 64)។
-
នៅពេលទប់បង្គោលកែតម្រូវ និងខ្ចៅទប់ សូមរឹតខ្ចៅទប់ (រូបភាព 64)។
-
អនុវត្តជំហាន 1 រហូតដល់ 6 នៅផ្នែកម្ខាងទៀត។
-
ផ្ទៀតផ្ទាត់ថាហ្វ្រាំងដៃត្រូវបានកែតម្រូវទៅភាពតឹងត្រឹមត្រូវ។ សូមអាន ការត្រួតពិនិត្យហ្វ្រាំងដៃ។
Note: ប្រសិនបើអ្នកមិនអាចកែតម្រូវហ្វ្រាំងដៃឲ្យមានភាពតឹងតាមតម្រូវការទេ មានន័យថាស្បែកហ្វ្រាំងប្រហែលជាអស់ ហើយត្រូវប្ដូរវាចេញ។ ទាក់ទងអ្នកចែកចាយផលិតផល Toro ដែលមានការអនុញ្ញាតរបស់អ្នកសម្រាប់ជំនួយការ។
ការត្រួតពិនិត្យកម្រិតប្រេងហ្វ្រាំង
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| មុនពេលប្រើប្រាស់នីមួយៗ ឬជាប្រចាំថ្ងៃ |
|
ប្រភេទប្រេងហ្វ្រាំង៖ DOT 3
-
ចតគ្រឿងចក្រនៅលើផ្ទៃរាបស្មើ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
លើកគម្របម៉ាស៊ីន ដើម្បីចូលប្រើស៊ីឡាំងហ្វ្រាំងមេ និងកំប៉ុងប្រេង (រូបភាព 65)។
-
មើលគំនូសក្រិតកម្រិតប្រេងនៅចំហៀងកំប៉ុងប្រេង (រូបភាព 66)។
Note: កម្រិតគួរតែនៅខាងលើបន្ទាត់កម្រិតអប្បបរមា។
-
ប្រសិនបើកម្រិតប្រេងគឺនៅទាប ត្រូវអនុវត្តជំហានខាងក្រោម៖
-
បិទគម្របគ្រឿងចក្រ។
ការត្រួតពិនិត្យហ្វ្រាំង
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 100 ម៉ោងម្តង |
|
Important: ហ្វ្រាំងគឺជាសមាសធាតុសុវត្ថិភាពដ៏សំខាន់របស់គ្រឿងចក្រ។ ត្រួតពិនិត្យហ្វ្រាំងឱ្យបានដិតដល់ តាមកាលកំណត់ ដើម្បីធានាបាននូវដំណើរការល្អបំផុត និងសុវត្ថិភាព។
-
ត្រួតពិនិត្យស្បែកហ្វ្រាំងក្រែងវាសិក ឬខូច។ ប្រសិនបើកម្រាស់ស្បែកហ្វ្រាំង (ទ្រនាប់ហ្វ្រាំង) ស្ដើងជាង 1.6 mm ត្រូវប្ដូរស្បែកហ្វ្រាំង។
-
ត្រួតពិនិត្យដុំហ្វ្រាំង និងសមាសធាតុផ្សេងទៀតក្រែងមានសញ្ញានៃការសិកខ្លាំង ឬខូចទ្រង់ទ្រាយ។ ផ្លាស់ប្ដូរសមាសធាតុណាដែលខូចទ្រង់ទ្រាយ។
-
ត្រួតពិនិត្យកម្រិតប្រេងហ្វ្រាំង។ សូមអាន ការត្រួតពិនិត្យកម្រិតប្រេងហ្វ្រាំង។
ការផ្លាស់ប្ដូរស្បែកហ្វ្រាំងធម្មតា និងស្បែកហ្វ្រាំងដៃ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 400 ម៉ោងម្តង |
|
ទាក់ទងអ្នកចែកចាយផលិតផល Toro ដែលមានការអនុញ្ញាតរបស់អ្នកដើម្បីត្រួតពិនិត្យ និងប្ដូរស្បែកហ្វ្រាំងធម្មតា និងស្បែកហ្វ្រាំងដៃ។
ការប្ដូរប្រេងហ្វ្រាំង
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| រៀងរាល់ 1000 ម៉ោងម្តង |
|
ទាក់ទងអ្នកចែកចាយផលិតផល Toro ដែលមានការអនុញ្ញាតរបស់អ្នក។
តំហែទាំខ្សែពាន
ការថែទាំខ្សែពាន
ការពិនិត្យខ្សែពាន
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| បន្ទាប់ពី 8 ម៉ោងដំបូង |
|
| រៀងរាល់ 200 ម៉ោងម្តង |
|
-
ចតគ្រឿងចក្រនៅលើផ្ទៃរាបស្មើ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
លើកឃ្លុប ហើយរឹតវាដោយប្រើចន្ទល់ សូមមើល ការលើកឃ្លុបដាក់អីវ៉ាន់ទៅក្នុងទីតាំងចាក់បែន។
-
រុញចង្កឹះលេខទៅ NEUTRAL (ដាច់លេខ)។
-
បង្វិល និងត្រួតពិនិត្យរកមើល (រូបភាព 67)ការសិក និងការខូចខ្លាំងលើខ្សែពាន។
Note: ប្ដូរខ្សែពានចេញ ប្រសិនបើវាសិក ឬខូចខ្លាំង។ សូមអាន ការប្ដូរខ្សែពាន។
-
ដាក់ឃ្លុបដាក់អីវ៉ាន់ចុះ។
ការប្ដូរខ្សែពាន
-
លើកឃ្លុបដាក់អីវ៉ាន់។ អាន ការលើកឃ្លុបដាក់អីវ៉ាន់ទៅក្នុងទីតាំងចាក់បែន។
-
រុញចង្កឹះលេខទៅទីតាំង NEUTRAL (ដាច់លេខ) ដាក់ហ្វ្រាំងដៃ កាច់សោទៅទីតាំង OFF (បិទ) ហើយដកសោចេញ។
-
មួល និងតម្រង់ខ្សែពានពីលើអំប៉្រាយ៉ាទីពីរ (រូបភាព 67)។
-
ដកខ្សែពានចេញពីអំប៉្រាយ៉ាទីមួយចេញ (រូបភាព 67)។
Note: បោះចោលខ្សែចាស់។
-
តម្រង់ខ្សែពានថ្មីពីលើអំប៉្រាយ៉ាទីមួយ (រូបភាព 67)។
-
មួល និងតម្រង់ខ្សែពានពីលើអំប៉្រាយ៉ាទីពីរ (រូបភាព 67)។
-
ដាក់ឃ្លុបដាក់អីវ៉ាន់ចុះ។
ការលៃតម្រូវខ្សែពានដុំដេរ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| បន្ទាប់ពី 8 ម៉ោងដំបូង |
|
| រៀងរាល់ 200 ម៉ោងម្តង |
|
-
លើកឃ្លុបដាក់អីវ៉ាន់។ អាន ការលើកឃ្លុបដាក់អីវ៉ាន់ទៅក្នុងទីតាំងចាក់បែន។
-
បន្ធូរខ្ចៅសម្រាប់ដុំដេរ (រូបភាព 67)។
-
តម្រឹមរបាគាស់រវាងក្រចាប់ម៉ាស៊ីន និងដុំដេរ។
-
សង្កត់ចុះក្រោមទៅរបាគាស់ ដើម្បីបង្វិលដុំដេរចុះក្រោម នៅក្នុងប្រហោង រហូតទាល់តែភាពតឹងរបស់ខ្សែពាន នៅសល់ត្រឹមតែ 6 mm ការរលាស់របស់ខ្សែពានមានកម្លាំងត្រឹម 44 N∙m (រូបភាព 67)។
-
រឹតខ្ចៅដុំដេរដោយដៃឲ្យតឹង ហើយដករបាគាស់ចេញ (រូបភាព 67)។
-
រឹតខ្ចៅដុំដេរ ក្នុងកម្រិតពី 88 ទៅ 115 N∙m។
-
ដាក់ឃ្លុបដាក់អីវ៉ាន់ចុះ។
ការថែទាំសាក់ស៊ី
ការលៃតម្រូវគន្លឹះឃ្លុប
ប្រសិនបើគន្លឹះឃ្លុបដាក់មិនស៊ុបទេ ឃ្លុបនឹងញ័រឡើងចុះនៅពេលអ្នកបើកបរគ្រឿងចក្រ។ អ្នកអាចលៃតម្រូវបង្គោលគន្លឹះ ដើម្បីធ្វើឱ្យគន្លឹះទប់ឃ្លុបបានជាប់ល្អទៅនឹងសាក់ស៊ី។
-
ផ្ទៀងផ្ទាត់ថាឃ្លុបកំពុងជាប់គន្លឹះ។
Note: ប្រសិនបើឃ្លុបមិនជាប់គន្លឹះ ក្បាលញញួរគន្លឹះរបស់ឃ្លុប ប្រហែលជាទាបពេក។ ប្រសិនបើឃ្លុបជាប់គន្លឹះ ប៉ុន្តែនៅតែញ័ររលាស់ចុះឡើង នៅពេលអ្នកបើកបរ ក្បាលញញួរគន្លឹះរបស់ឃ្លុប ប្រហែលជាខ្ពស់ពេក។
-
លើកឃ្លុបដាក់អីវ៉ាន់។ ការលើកឃ្លុបដាក់អីវ៉ាន់ទៅក្នុងទីតាំងចាក់បែន។
-
បន្ធូរប៊ូឡុងទាំង 2 នៅលើក្បាលញញួរគន្លឹះរបស់ឃ្លុប និងរំកិលក្បាលញញួរឡើងចុះ ដោយអាស្រ័យលើកម្រិតក្បាលញញួរទាបពេក ឬខ្ពស់ពេក (រូបភាព 68)។
-
រឹតបន្តឹងប៊ូឡុងទាំង 2 នៅលើ ក្បាលញញួរគន្លឹះរបស់ឃ្លុប (រូបភាព 68)។
-
ផ្ទៀងផ្ទាត់ថាការកែតម្រូវ គឺត្រឹមត្រូវដោយការដាក់គន្លឹះឃ្លុបឲ្យបានច្រើនដង។
ការសម្អាត
ការលាងសម្អាតគ្រឿងចក្រ
| ចន្លោះពេលនៃសេវាតំហែទាំ | នីតិវិធីតំហែទាំ |
|---|---|
| មុនពេលប្រើប្រាស់នីមួយៗ ឬជាប្រចាំថ្ងៃ |
|
លាងសម្អាតគ្រឿងចក្រ តាមតម្រូវការ ដោយប្រើតែទឹក ឬទឹកជាមួយម្សៅសាប៊ូបន្តិចបន្តួច។ អ្នកអាចប្រើក្រណាត់ជូតនៅពេលលាងសម្អាតគ្រឿងចក្រ។
Important: ហាមប្រើទឹកប្រៃ ឬទឹកកែច្នៃដើម្បីសម្អាតគ្រឿងចក្រ។
Important: ហាមប្រើឧបករណ៍លាងសម្អាតដោយប្រើថាមពលដើម្បីលាងសម្អាតគ្រឿងចក្រ។ ការលាងសម្អាតដោយប្រើថាមពលអាចនឹងធ្វើឱ្យខូចប្រព័ន្ធភ្លើង របើកស្លាកសញ្ញាសំខាន់ៗ ឬរបកខ្លាញ់ចាំបាច់នៅចំណុចកកិត។ ជៀសវាងការប្រើប្រាស់ទឹកហួសហេតុនៅក្បែរផ្ទាំងបញ្ជា ម៉ាស៊ីន និងអាគុយ។
Important: ហាមលាងសម្អាតគ្រឿងចក្រពេលម៉ាស៊ីនកំពុងដំណើរការ។ ការលាងសម្អាតគ្រឿងចក្រពេលម៉ាស៊ីនកំពុងដំណើរការ អាចនឹងបណ្ដាលឱ្យខូចម៉ាស៊ីនផ្នែកខាងក្នុង។
ការទុកដាក់
សុវត្ថិភាពនៃការរក្សាទុក
-
ពន្លត់ម៉ាស៊ីន ដកសោចេញ និងរង់ចាំរហូតលែងមានចលនាទាំងអស់ មុនពេលអ្នកចាកចេញពីទីតាំងរបស់ប្រតិបត្តិករ។ ទុកឲ្យម៉ាស៊ីនត្រជាក់សិន មុននឹងធ្វើការលៃតម្រូវ ជួសជុល សម្អាត ឬរក្សាវាទុក។
-
ហាមរក្សាទុកគ្រឿងចក្រ ឬធុងប្រេងនៅកន្លែងដែលមានអណ្ដាតភ្លើង ផ្កាភ្លើង ឬអណ្ដាតឧស្ម័នឆេះ ដូចជាធុងទឹកក្ដៅ ឬឧបករណ៍អគ្គិសនីផ្សេងទៀត។
ការរក្សាទុកគ្រឿងចក្រ
-
ចតគ្រឿងចក្រនៅលើផ្ទៃរាបស្មើ។
-
ដាក់ហ្វ្រាំងដៃ។
-
ពន្លត់ម៉ាស៊ីន និងដកសោចេញ។
-
សម្អាតដី និងក្អែលចេញពីគ្រឿងចក្រទាំងមូល រួមទាំងផ្នែកខាងក្រៅនៃកង្ហារក្បាលគុយឡាស់របស់ម៉ាស៊ីន និងគម្របប្រដាប់ផ្លុំ។
Important: អ្នកអាចលាងសម្អាតគ្រឿងចក្រដោយប្រើម្សៅសាប៊ូបន្តិចបន្តួចលាយជាមួយទឹក។ ហាមប្រើឧបករណ៍លាងសម្អាតដោយប្រើថាមពលដើម្បីលាងសម្អាតគ្រឿងចក្រ។ ការលាងសម្អាតគ្រឿងចក្រដោយប្រើថាមពលអាចនឹងធ្វើឱ្យខូចប្រព័ន្ធភ្លើង ឬរបកខ្លាញ់ចាំបាច់នៅចំណុចកកិត។ ជៀសវាងការប្រើប្រាស់ទឹកហួសហេតុនៅក្បែរផ្ទាំងបញ្ជា អំពូល ម៉ាស៊ីន និងអាគុយ។
-
ត្រួតពិនិត្យហ្វ្រាំង។ សូមមើល ការត្រួតពិនិត្យហ្វ្រាំង។
-
ការជួសជុលតម្រងខ្យល់។ សូមមើល ការជួសជុលតម្រងខ្យល់
-
ផ្លាស់ប្ដូរប្រេងម៉ាស៊ីន។ សូមមើល ការថែទាំប្រេងម៉ាស៊ីន។
-
ពិនិត្យមើលសម្ពាធកង់។ សូមមើល ការពិនិត្យមើលសម្ពាធកង់។
-
សម្រាប់ការរក្សាទុកលើសពី 30 ថ្ងៃ សូមរៀបចំប្រព័ន្ធប្រេងដូចខាងក្រោម៖
-
បន្ថែមសារធាតុរក្សាលំនឹង ឬជំនួយប្រេង ទៅលើប្រេងស្រស់នៅក្នុងធុង។ ហាមប្រើសារធាតុរក្សាលំនឹងប្រេងដែលមានជាតិអាល់កុល (អេតាណុល ឬមេតាណុល)។
Important: ហាមរក្សាទុកសារធាតុរក្សាលំនឹង ឬជំនួយប្រេងយូរជាងរយៈពេលដែលបានណែនាំដោយក្រុមហ៊ុនផលិតសារធាតុរក្សាលំនឹងប្រេង។
-
ដំណើរការម៉ាស៊ីនដើម្បីចែកចាយប្រេងជំនួយឲ្យសព្វទៅក្នុងប្រព័ន្ធប្រេង រយៈពេល 5 នាទី។
-
ពន្លត់ម៉ាស៊ីន ទុកឱ្យម៉ាស៊ីនត្រជាក់ និងបង្ហូរធុងប្រេង។
Note: បោះចោលប្រេងឱ្យបានត្រឹមត្រូវ។ កែច្នៃប្រេងឡើងវិញយោងទៅតាមបញ្ញត្តិក្នុងមូលដ្ឋាន
-
បញ្ឆេះម៉ាស៊ីនម្ដងទៀត ហើយបញ្ឆេះចោលរហូតទាល់តែវារលត់។
-
បិទខ្យល់ម៉ាស៊ីន។
-
បញ្ឆេះម៉ាស៊ីនទុកចោល រហូតទាល់តែបញ្ឆេះលែងឆេះ។
-
-
ដកប៊ូស្ស៊ីចេញ ហើយពិនិត្យមើលស្ថានភាពរបស់វា។ សូមមើល ការថែទាំប៊ូស្ស៊ី។
-
ក្រោយពីបានដកប៊ូស្ស៊ីចេញពីម៉ាស៊ីនហើយ ចាក់ប្រេងរំអិល 15 ml (2 ស្លាបព្រាបាយ) ចូលទៅក្នុងប្រហោងប៊ូស្ស៊ី។
-
ប្រើដុំដេរដើម្បីរវៃម៉ាស៊ីន និងចែកចាយប្រេងនៅក្នុងស៊ីឡាំង។
-
ដំឡើងប៊ូស្ស៊ី ហើយរឹតបន្តឹងវាទៅតាមកម្លាំងបង្វិលដែលបានណែនាំ។ សូមមើល ការថែទាំប៊ូស្ស៊ី។
Note: ហាមតខ្សែភ្លើងនៅលើប៊ូស្ស៊ី។
-
ដកអាគុយចេញពីសាក់ស៊ី និងសាកភ្លើងវាឱ្យពេញ។ សូមមើល ការដកអាគុយចេញ។
Note: ហាមតខ្សែអាគុយទៅក្បាលអាគុយ អំឡុងពេលរក្សាទុក។
Important: អាគុយត្រូវតែសាកភ្លើងឱ្យពេញដើម្បីបង្ការវាពីការអស់ភ្លើង និងខូចនៅសីតុណ្ហភាពក្រោម 0°C (32°F)។ អាគុយដែលសាកភ្លើងពេញ រក្សាភ្លើងរបស់វាបានរយៈពេលប្រហែល 50 ថ្ងៃ នៅសីតុណ្ហភាពទាបជាង 4°C ។
-
ត្រួតពិនិត្យ និងរឹតបន្តឹងខ្ចៅទាំងអស់។ ជួសជុល ឬប្ដូរផ្នែកណាមួយដែលខូច។
-
លាបថ្នាំផ្ទៃដែលរបក ឬមើលឃើញដែក ដោយប្រើថ្នាំលាបដែលអាចរកបានពីអ្នកចែកចាយ Toro ដែលមានការអនុញ្ញាតរបស់អ្នក។
-
រក្សាទុកគ្រឿងចក្រនៅក្នុងយានដ្ឋាន ឬកន្លែងរក្សាទុកដែលស្អាតហើយស្ងួត។
-
ដកកូនសោចេញពីកុងតាក់សោ ហើយទុកវានៅកន្លែងមានសុវត្ថិភាពនៅឆ្ងាយពីដៃក្មេង។
-
គ្របគ្រឿងចក្រដើម្បីការពារវា និងរក្សាទុកវាឱ្យបានស្អាត។