Greensmaster® eTriFlex 3370-sláttuvél

Upplýsingaskjárinn birtir upplýsingar um sláttuvélina, á borð við vinnslustöðu, ýmsar greiningar og aðrar upplýsingar um sláttuvélina (Mynd 24). Hann inniheldur upphafsskjámynd, aðalupplýsingaskjámynd, upplýsingaskjámynd fyrir mótor sláttubúnaðarins og akstursupplýsingaskjámynd.

• Upphafsskjámynd: sýnir núverandi upplýsingar sláttuvélarinnar í nokkrar sekúndur eftir að lykillinn hefur verið færður í stöðuna KVEIKT.

• Aðalupplýsingaskjámynd (Mynd 21): sýnir núverandi upplýsingar sláttuvélarinnar á meðan lykillinn er í stöðunni KVEIKT. Þessi skjámynd sýnir hleðslustöðu rafhlöðunnar og straumstyrk sláttuvélarinnar.

  

  Mynd 21

  1. Straumstyrkur rafhlöðukerfis
  2. Hleðslustaða rafhlöðu

• Upplýsingaskjámynd fyrir mótor sláttubúnaðar (Mynd 22): sýnir hraða og straum á hverjum mótor sláttubúnaðarins fyrir sig.

  

  Mynd 22

  1. Mótor vinstri sláttubúnaðar að framan
  2. Mótor hægri sláttubúnaðar að framan
  3. Mótor sláttubúnaðar fyrir miðju

• Akstursupplýsingaskjámynd (Mynd 23): sýnir núverandi stýrishorn og straumstyrk fyrir hvern akstursmótor.

  

  Mynd 23

  1. Straumstyrkur – vinstri akstursmótor að framan
  2. Straumstyrkur – hægri akstursmótor að framan
  3. Straumstyrkur – akstursmótor fyrir miðju
  4. Stýrishorn

• Aðalvalmynd: sjá Valmyndaratriði upplýsingaskjás.

Note: Varið undir Protected Menus“ – eingöngu aðgengilegt með því að slá in PIN-númer; sjá Varðar valmyndir opnaðar.

Hægt er að skipta á milli aðalskjámyndar, upplýsingaskjámyndar fyrir mótor sláttubúnaðar og akstursupplýsingaskjámyndarinnar með því að ýta á hægri hnappinn og velja viðeigandi ör.

Mynd 24

1. Gaumljós
2. Hægri hnappur
3. Miðhnappur
4. Vinstri hnappur

• Vinstri hnappur, opna valmynd/til baka – ýtið á þennan hnapp til að opna valmyndir upplýsingaskjásins. Hægt er að nota hann til að fara út úr opnum valmyndum.

• Miðhnappur – notið þennan hnapp til að fletta niður valmyndir.

• Hægri hnappur – notið þennan hnapp til að opna valmynd þar sem ör til hægri gefur til kynna meira efni eða til að velja valmöguleika.

Note: Virkni hnappanna getur breyst eftir því hvað þarf að gera hverju sinni. Hnapparnir eru merktir með tákni sem sýnir núverandi virkni.

Lýsing á táknum upplýsingaskjás

VIÐHALDSTÍMI	Gefur til kynna hvenær framkvæma skal áætlaða viðhaldsvinnu
	Vinnustundamælir
	Upplýsingatákn
	Stjórnrofi er í FLUTNINGSSTöðU.
	Stjórnrofi er í SLáTTUSTöðU.
	Gefur til kynna hvenær sláttubúnaði er lyft.
	Gefur til kynna hvenær sláttubúnaður er látinn síga.
	Stjórnandi verður að sitja í sætinu
	Gaumljós stöðuhemils – gefur til kynna hvenær stöðuhemill er á
	Stjórnrofi er í HLUTLAUSRI stöðu.
	Aflúttak er tengt
	Stöðvun eða slökkt
	Sviss
	PIN-númer
	CAN-gagnabraut
	Upplýsingaskjár
	Rofi
	Stjórnandi verður að sleppa rofa
	Stjórnandi skal skipta yfir í tilgreinda stöðu
	Akstursmótor
	Farið aftur í fyrri skjámynd
	Atriði ekki valið/virkt
	Atriði valið/virkt
	Kefli
	Gaumljós rafræns stöðuhemils – gefur til kynna hvenær rafrænn stöðuhemill er á
Tákn eru oft sameinuð til að mynda setningar. Hér á eftir eru nokkur dæmi:
	Stjórnandi skal setja sláttuvélina í hlutlausan gír
	Setjist niður eða setjið stöðuhemilinn á

Til að komast í aðalvalmyndina úr aðalskjámynd, upplýsingaskjámynd mótors sláttubúnaðar eða akstursupplýsingaskjámynd skal ýta á hvaða hnapp sem er og svo á hnappinn sem samsvarar tákninu . Við það opnast AðALVALMYNDIN.

Í eftirfarandi töflum eru lýsingar á þeim valkostum sem eru í boði á valmyndunum:

Aðalvalmynd

Faults (bilanir)

Service (þjónusta)

Valmyndaratriði	Lýsing
HOURS	Sýnir heildarfjölda vinnustunda sem svissað hefur verið á og kefli og bakslípun hafa verið í gangi.
COUNTS	Sýnir fjölda slátta, léttstöðvana og bakslípunar.
BACKLAP	Tengir/aftengir bakslípunaraðgerð sláttubúnaðarins (þegar aðgerðin er tengd er hægt að nota þessa stillingu til að aftengja hana eða með því að setja lykilinn í SLöKKTA stöðu).
CALIBRATION	Gerir notanda kleift að kvarða stýrisbúnaðinn, aksturskerfið og lyftudrif. Frekari upplýsingar um kvörðun eru í þjónustuhandbókinni.

Stillingar

Valmyndaratriði	Lýsing
UNITS (einingar)	Stjórnar einingunum sem eru notaðar á upplýsingaskjánum. Hægt er að velja á milli breskra eininga eða metrakerfiseininga.
LANGUAGE (tungumál)	Stjórnar því hvaða tungumál er notað á upplýsingaskjánum.
BACKLIGHT (baklýsing)	Stjórnar birtustigi LCD-skjásins.
CONTRAST (skerpa)	Stjórnar skerpu LCD-skjásins.
PROTECTED MENUS (varðar valmyndir)	Veitir aðgang að vörðum valmyndum með innslætti aðgangskóða.
PROTECT SETTINGS (varnarstillingar)	Stjórnar vörðum valmyndum.
RESET DEFAULTS (endurstilla á sjálfgefið)	Endurstillir upplýsingaskjáinn á sjálfgefnar stillingar.
TAPOFF TIME (tími léttstöðvunar)	Stjórnar léttstöðvunarseinkun.
REEL SPEED (keflahraði)	Stjórnar hraða kefla.
BACKLAP RPM (snúningshraði bakslípunar)	Stjórnar hraða bakslípunar í sn./mín.
CLIP CONTROL (skurðarstjórnun)	KVEIKIR/SLEKKUR á sjálfvirka skurðarstjórnunareiginleikanum.
BLADE COUNT (hnífafjöldi)	Stillir fjölda hnífa á hverju kefli. Þessi stilling er aðeins nauðsynleg ef SKURðARSTJóRNUN er stillt á KVEIKT.
HEIGHT OF CUT (HOC) (sláttuhæð)	Stillir sláttuhæðina sem óskað er eftir. Þessi stilling er aðeins nauðsynleg ef SKURðARSTJóRNUN er stillt á KVEIKT.
MAX MOW (hámarkssláttuhraði)	Stillir hámarkshraða sláttuvélarinnar við slátt.
MAX TRANSPORT (hámarksflutningshraði)	Stillir hámarkshraða sláttuvélarinnar við akstur.
MAX REVERSE (hámarkshraði í bakkgír)	Stillir hámarkshraða sláttuvélarinnar þegar henni er bakkað.
SLOW & TURN (hægja og beygja)	Kveikir eða slekkur á eiginleikanum til að hægja á sláttuvélinni eða beygja.
3WD KIT (þríhjóladrifssett)	Tengir eða aftengir þríhjóladrifssettið.
BATT. RESERVE (varabirgðir rafhlöðu)	Stillir fjarlægðina sem þarf til að flytja sláttuvélina á verkstæði þegar rafhlaðan er að tæmast.

Um

Valmyndaratriði	Lýsing
MODEL	Sýnir tegundarnúmer sláttuvélarinnar.
SN	Sýnir raðnúmer sláttuvélarinnar.
S/W Rev	Sýnir endurskoðun hugbúnaðar aðalstjórnbúnaðarins.
INFOCENTER	Sýnir endurskoðun hugbúnaðar upplýsingaskjásins.
CU1	Sýnir endurskoðun hugbúnaðar sláttubúnaðarmótorsins fyrir miðju.
CU2	Sýnir endurskoðun hugbúnaðar vinstri sláttubúnaðarmótorsins að framan.
CU3	Sýnir endurskoðun hugbúnaðar hægri sláttubúnaðarmótorsins að framan.
LL1	Sýnir hlutarnúmer hugbúnaðar og endurskoðunarútgáfu sláttubúnaðarins fyrir miðju.
LL2	Sýnir hlutarnúmer hugbúnaðar og endurskoðunarútgáfu vinstri sláttubúnaðarins að framan.
LL3	Sýnir hlutarnúmer hugbúnaðar og endurskoðunarútgáfu hægri sláttubúnaðarins að framan.
TRACTION1	Sýnir hlutarnúmer hugbúnaðar og endurskoðunarútgáfu hægri akstursmótors að framan.
TRACTION2	Sýnir hlutarnúmer hugbúnaðar og endurskoðunarútgáfu vinstri akstursmótors að framan.
STEERING	Sýnir hlutarnúmer hugbúnaðar og endurskoðunarútgáfu akstursmótors að aftan.
PRECHARGE	Sýnir hlutarnúmer hugbúnaðar og endurskoðunarútgáfu stjórnbúnaðar forhleðslu.
BATTERY	Sýnir hlutarnúmer hugbúnaðar og endurskoðunarútgáfu rafhlöðu.
CAN BUS	Sýnir stöðu gagnabrautar sláttuvélarinnar.
TRACTION3	Sýnir hlutarnúmer hugbúnaðar og endurskoðunarútgáfu þríhjóladrifssettsins (ef það er til staðar).

Note: Varið undir Protected Menus“ – eingöngu aðgengilegt með því að slá in PIN-númer; sjá Varðar valmyndir opnaðar.

Note: Sjálfgefið PIN-númer sláttuvélarinnar er annaðhvort 0000 eða 1234.Ef skipt er um PIN-númer og það gleymist þarf að leita aðstoðar hjá viðurkenndum dreifingaraðila Toro.

1. Á MAIN MENU (aðalvalmynd) skal nota miðhnappinn til að fletta niður á valmyndina SETTINGS (stillingar) og ýta á hægri hnappinn.

2. Á valmyndinni SETTINGS skal nota miðhnappinn til að fletta niður á valmyndina PROTECTED MENU (varin valmynd) og ýta á hægri hnappinn.

3. PIN-númerið er fært inn með því að ýta á miðhnappinn þar til rétti fremsti tölustafurinn birtist og síðan er ýtt á hægri hnappinn til að fara á næsta tölustaf. Endurtakið þetta skref þar til búið er að færa inn alla tölustafina og ýtið þar næst einu sinni enn á hægri hnappinn.

4. Ýtið á miðhnappinn til að staðfesta PIN-númerið.

   Bíðið þar til rauða gaumljósið á upplýsingaskjánum kviknar.

   Note: Ef PIN-númerið er rétt og varða valmyndin opnast sést orðið PIN“ efst til hægri á skjámyndinni.

Hægt er að skoða og breyta stillingum í Protected Menu“ (varin valmynd). Þegar búið er að opna Protected Menu“ er flett niður á valkostinn Protect Settings“ (varnarstillingar). Notið hægri hnappinn til að breyta stillingunni.

• Ef varnarstillingar eru stilltar á OFF (slökkt) er hægt að skoða og breyta stillingum Protected Menu“ og skoða upplýsingaskjámyndir mótors sláttubúnaðar og aksturs án þess að slá inn PIN-númerið.

• Ef varnarstillingar eru stilltar á ON (kveikt) eru varnarvalkostir faldir og færa þarf inn PIN-númer til að breyta stillingu Protected Menu“.

Þegar PIN-númerið hefur verið stillt skal svissinum AF og svo aftur á til að virkja og vista þennan eiginleika.

Note: Svissið AF og svo á til að læsa vörðu valmyndinni.

Hægt er að stilla aðgangsorð fyrir upplýsingaskjáinn til að stjórnandi geti aðeins opnað ákveðnar skjámyndir upplýsingaskjásins með því að færa inn aðgangsorð. Frekari upplýsingar um skjámyndir upplýsingaskjásins sem eru læstar með aðgangsorði eru í Valmyndaratriði upplýsingaskjás.

1. Í STILLINGAVALMYNDINNI skal velja PROTECT SETTINGS (varnarstillingar).

2. Stillið PROTECT SETTINGS á ON (kveikt).

3. Sláið inn fjögurra tölustafa aðgangsorð þegar beðið er um það.

4. Svissið AF til að vista aðgangsorðið.

Note: Ef aðgangsorð notanda gleymist er hægt að fá tímabundið aðgangsorð hjá viðurkenndum dreifingaraðila Toro.

Ef bilun kemur upp birtist bilanakóði á upplýsingaskjánum og rautt blikkandi ljós fyrir ofan skjáinn.

Bilunin er vistuð í annál undir valmyndinni FAULTS (bilanir), en þar getur notandi eða dreifingaraðili skoðað og greint vandamálið sem leiddi til bilanakóðans.

Yfirlit yfir bilanir má sjá í þjónustuhandbókinni eða hjá viðurkenndum dreifingaraðila Toro.

Upplýsingaskjárinn notar tölurnar 1, 2 og 3 til að merkja hvern sláttubúnað (t.d. CU1, CU2 og CU3 í valmyndinni ABOUT (um)).

• 1 á við um sláttubúnað fyrir miðju (Mynd 27)

• 2 á við um vinstri sláttubúnað að framan (Mynd 27)

• 3 á við um hægri sláttubúnað að framan (Mynd 27)

Mynd 27

1. Sláttubúnaður fyrir miðju
2. Vinstri sláttubúnaður að framan
3. Hægri sláttubúnaður að framan

Hægt er að nota upplýsingaskjáinn til að breyta eftirfarandi stillingum sláttuvélarinnar:

• Tap-off delay (léttstöðvunarseinkun); sjá Léttstöðvunarseinkun breytt.

• Reel speed while mowing (keflahraði við slátt); sjá Keflahraða við slátt breytt.

• Reel speed while backlapping the cutting units (keflahraði við bakslípun); sjá Keflahraða við bakslípun breytt.

• Clip control (skurðarstjórnun); sjá Skurðarstjórnunareiginleiki stilltur.

• Height of cut (HOC) (sláttuhæð); sjá Stilling sláttuhæðar.

• Number of cutting-unit blades (hnífafjöldi sláttubúnaðar); sjá Fjölda hnífa sláttubúnaðar breytt.

• Maximum mowing speed (hámarkssláttuhraði); sjá Stilling hámarkssláttuhraða.

• Maximum transport speed (hámarksflutningshraði); sjá Stilling hámarksflutningshraða.

• Maximum reverse speed (hámarkshraði í bakkgír); sjá Stilling hámarkshraða í bakkgír.

• Slow and turn (hægja og beygja); sjá Stilling eiginleika til að hægja og beygja.

• Disabling an equipped 3-Wheel-Drive Kit (aftenging þríhjóladrifssetts); sjá Aftenging þríhjóladrifssetts.

• Battery-reserve capacity (varabirgðir rafhlöðu); sjá Stilling varabirgða rafhlöðu.

Note: Sérhver stilling er varin með aðgangsorði. Færa þarf inn aðgangsorð til að breyta stillingunum.

Við kvörðun sláttuvélarinnar birtast skilaboð á upplýsingaskjánum. Þessum skilaboðum er ætlað að leiðbeina notandanum í gegnum kvörðunarferlið.

Í eftirfarandi töflu má sjá lista yfir öll skilaboð sem birtast:

Skilaboð

Hægt er að halla stýrinu í þægilega stöðu fyrir notkun.

1. Losið boltana (Mynd 28) sem halda stýrinu föstu við stýrisarminn.

   

   Mynd 28

   1. Bolti

2. Hallið stýrinu í þægilega stöðu.

3. Herðið boltana (Mynd 28) til að festa stýrið í valdri stöðu.

Framkvæmið eftirfarandi aðgerðir daglega áður en sláttuvélin er ræst:

• Athugið bilið á milli keflis og botnblaðs; sjá Athugun á bili milli keflis og botnblaðs.

• Kannið þrýsting í hjólbörðum; sjá Þrýstingur hjólbarða kannaður.

• Athugið öryggissamlæsingarkerfið; sjá Öryggissamlæsingarkerfið skoðað.

• Athugið virkni stöðuhemilsins með því að setja hann á og ganga úr skugga um að hann sé virkur; sjá Stöðuhemill.

Tilkeyrsla sláttuvélarinnar verður að fara fram á 8 klukkustundum.

Þar sem fyrstu vinnustundirnar skipta miklu máli fyrir áreiðanleika sláttuvélarinnar síðar meir skal fylgjast vel með aðgerðum og afköstum til að greina og leiðrétta öll smávægileg vandamál, sem gætu leitt til meiriháttar bilana þegar fram í sækir. Skoðið sláttuvélina oft meðan á tilkeyrslu stendur til að greina lausar festingar eða aðrar bilanir.

Note: Skoðið svæðin undir sláttubúnaðinum til að tryggja að engin óhreinindi séu til staðar.

1. Setjist í sæti stjórnanda og festið sætisbeltið.

2. Setjið lykilinn í svissinn og svissið á.

1. Færið stjórnrofann í stöðuna MOW (sláttur).

2. Takið stöðuhemilinn af.

3. Færið stýripinnann til að hækka/lækka stuttlega fram.

   Sláttubúnaðurinn ætti að síga og öll keflin eiga að snúast.

4. Færið stýripinnann til að hækka/lækka aftur.

   Sláttukeflin ættu að hætta að snúast og sláttubúnaðurinn að hækka í hæstu flutningsstöðu.

Tilgangur öryggissamlæsingarkerfisins er að koma í veg fyrir að sláttuvélin sé notuð þegar hætta er á meiðslum eða skemmdum.

Öryggissamlæsingarkerfið kemur í veg fyrir að sláttuvélin hreyfist nema þegar:

• Stöðuhemillinn er ekki á.

• Setið er í sæti stjórnanda.

• Stjórnrofi er í stöðunni MOW (sláttur) eða stöðunni TRANSPORT (flutningur).

Öryggissamlæsingarkerfið kemur einnig í veg fyrir að keflin snúist nema þegar stjórnrofinn er í stöðunni MOW (sláttur) (nema þegar sláttuvélin er í bakslípunarstillingu).

• Gangið úr skugga um að sláttubúnaðurinn sé í hæstu stöðu.

• Sitjið í sætinu, festið sætisbeltið, takið stöðuhemilinn af og færið stjórnrofann í stöðuna TRANSPORT (flutningur) til að aka sláttuvélinni án þess að slá.

• Gætið þess að hægja alltaf á sláttuvélinni þegar komið er að ósléttum grassvæðum og akið gætilega yfir miklar ójöfnur.

• Kynnið ykkur breidd sláttuvélarinnar. Ekki reyna að komast á milli hluta sem liggja nálægt hvor öðrum, það gæti leitt til kostnaðarsamra viðgerða og vinnustöðvana.

Áður en lagt er af stað út á flöt til að slá ætti stjórnandinn að finna opið svæði til að æfa sig í notkun grundvallareiginleika sláttuvélarinnar (t.d. að gangsetja og stöðva vélina, hækka og lækka sláttubúnaðinn og taka beygjur).

Skoðið flötina og fjarlægið öll óhreinindi og aðskotahluti sem gætu skemmt sláttubúnaðinn á meðan slegið er. Fjarlægið fána úr holum og finnið bestu stefnuna fyrir sláttinn. Miðið við fyrri sláttustefnu þegar stefna sláttuvélarinnar er ákveðin. Sláið alltaf með öðru mynstri en við fyrri slátt til að grasblöðin geti síður lagst niður og meiri líkur eru á að ná að slá grasið.

Skoðið aðalupplýsingaskjáinn til að fylgjast með hleðslustöðu rafhlöðukerfisins; sjá Notkun LCD-upplýsingaskjásins.

1. Færið sláttuvélina á jafnsléttu.

2. Færið stjórnrofann í stöðuna NEUTRAL (hlutlaus staða).

3. Setjið stöðuhemilinn á.

4. Svissið AF til að drepa á sláttuvélinni.

5. Takið lykilinn úr.

Skolið vel af sláttuvélinni eftir slátt með garðslöngu án stúts til að koma í veg fyrir að of mikill vatnsþrýstingur valdi mengun og skemmdum á þéttum, legum og rafbúnaði. Ekki skola raftengin með vatni.

Important: Ekki nota ísalt vatn eða hreinsað vatn til að þrífa sláttuvélina.

Important: Ekki nota háþrýstibúnað til að skola sláttuvélina. Þvottur með háþrýstibúnaði getur skemmt rafkerfið, losað um mikilvægar merkingar eða skolað í burtu mikilvægri smurfeiti af núningsstöðum. Það gæti einnig þvingað vatn undir þéttingar og mengað hlífðarhús sem innihalda olíu eða feiti. Forðist mikla notkun vatns nálægt stjórnborðinu og rafhlöðum.

Skoðið bit sláttubúnaðarins eftir að sláttuvélin hefur verið þrifin.

• Sýnið aðgát þegar sláttuvélin er sett á eða tekin af eftirvagni eða palli.

• Notið skábraut í fullri breidd við að aka sláttuvélinni á eftirvagn eða pall.

• Bindið sláttuvélina tryggilega niður með stroffum, keðjum eða reipum. Stroffur að framan og aftan verða að liggja niður og út frá sláttuvélinni (Mynd 31).

  

  Mynd 31

  1. Festilykkja að aftan
  2. Festilykkja (á báðum hliðum sláttuvélar)

Note: Frekari upplýsingar um þessa aðferð eru í Mynd 32.

Mynd 32

1. Ró
2. Gormur
3. Lengd gorms – 11,4 cm
4. Festingargat á lyftiarmi
5. Öxull hreyfiliða

Framkvæma þarf eftirfarandi aðgerð til að losa hreyfiliða hemils svo hægt sé að draga sláttuvélina:

1. Setjið stöðuhemilinn á.

2. Takið lykilinn úr og aftengið aðalafltenglana.

   Important: Ef aðalafltenglarnir eru tengdir meðan sláttuvélin er dregin getur rafbúnaður hennar skemmst.

3. Aftengið rafknippatengi þríhjóladrifssettsins, ef það er uppsett, frá aðalrafknippinu.

   Important: Ef settið og rafknippi sláttuvélarinnar eru tengd við drátt getur rafbúnaður hennar skemmst.

4. Skorðið hjólbarða að framan á báðum hliðum.

5. Léttið á strekkingu gormsins með því að losa róna sem festir augaboltann við gormfestinguna (Mynd 32).

6. Fjarlægið gorminn.

7. Setjið skrall (⅜ tommu) í gegnum gatið á armfestingunni og ýtið hreyfiliðaöxlinum inn.

   Hætta

   Þegar hreyfiliðinn losnar frá hemlinum getur sláttuvélin ekið í hlutlausum gír. Sláttuvél í hlutlausum gír getur valdið alvarlegum meiðslum hjá nærstöddum.

   Ef ekki er verið að draga sláttuvélina skal nota stöðuhemilinn.

8. Látið aðstoðarmann sitja í sætinu, festið sætisbeltið og notið hemilinn þegar sláttuvélin er dregin.

   Note: Þannig má hafa stjórn á sláttuvélinni meðan hún er dregin.

9. Fjarlægið skorðurnar frá hjólbörðunum.

10. Takið stöðuhemilinn af þegar sláttuvélin er tilbúin fyrir drátt.

11. Notið hjólafestinguna að aftan til að draga sláttuvélina (Mynd 33).

    Important: Ekki aka hraðar en 5 km/klst. þegar sláttuvélin er dregin. Annars geta rafmagnsíhlutir skemmst.

    

    Mynd 33

    1. Hjólafesting að aftan

Þegar sláttuvélin hefur verið dregin á áfangastað skal framkvæma eftirfarandi skref:

1. Setjið stöðuhemilinn á.

2. Fjarlægið stroffuna af hjólafestingunni.

3. Setjið gorminn á eins og sýnt er á Mynd 32.

4. Herðið augaboltaróna þar til gormlengdin er 11,4 cm þegar gormurinn er uppsettur (Mynd 32).

Li-ion rafhlöðurnar geta haldið nægri hleðslu til að sinna tilætluðu hlutverki út endingartíma sinn. Fyrstu fjögur árin í notkun er heildarsvæðið sem hægt er að slá með hverri fullri hleðslulotu samtals 13.006 m². Þessi afköst miðast við eftirfarandi skilyrði:

• Keflis- og botnblöð eru beitt.

• Snerting milli botnblaðs og keflis er stillt samkvæmt notendahandbókinni.

• Hreinsarinn er stilltur á helming sláttuhæðar eða hærra.

• Burstar fyrir rúllur að aftan eru stilltir á minnstu snertingu.

• Fjarlægð fyrir flutning þarf að vera 13 kílómetrar.

• Golfvöllurinn sem unnið er á er með litlum ójöfnum.

Með tímanum styttist sá tími sem hægt er að vinna á einni hleðslu rafhlaðanna.

Note: Afköstin ráðast af hversu langt þarf að aka sláttuvélinni, ójöfnum í undirlaginu, snertistillingu, biti botnblaðs og keflis, sem og öðrum þáttum sem fjallað er um í þessum hluta.

Fylgið eftirfarandi leiðbeiningum til að ná hámarksendingu og -notkun úr rafhlöðunum:

• Ekki opna rafhlöðuna. Rafhlaðan inniheldur enga hluti sem sinna þarf viðhaldi á. Ábyrgðin fellur úr gildi ef pakkinn er opnaður. Rafhlöðurnar eru varðar með fiktviðvörunarbúnaði.

• Geymið/leggið sláttuvélinni í hreinni, þurri vélageymslu eða geymslusvæði í vari fyrir sólarljósi, hitagjöfum, rigningu og bleytu. Ekki geyma hana þar sem hitastig getur farið undir -30 °C eða yfir 60 °C. Hiti utan marka skemmir rafhlöðurnar. Mikill hiti við geymslu, sérstaklega þegar hleðslustaða er há, dregur úr endingu rafhlaðanna.

• Ef sláttuvélin er geymd í meira en 10 daga þarf að tryggja að hún sé geymd á svölum og þurrum stað, fjarri sólarljósi, rigningu, bleytu og með minnst 50% hleðslu.

• Þegar sláttuvélin er notuð í miklum hita eða sólarljósi kann rafhlaðan að ofhitna. Ef það gerist birtist hitaviðvörun á upplýsingaskjánum. Við þessi skilyrði aftengist sláttubúnaðurinn og sláttuvélin hægir á sér.

  Akið sláttuvélinni beint á svalan og skuggsælan stað, drepið á henni og leyfið rafhlöðunum að kólna að fullu áður en vinna er hafin á ný.

• Stillið snertingu milli keflis og botnblaðs þannig að hún sé í lágmarki. Þetta minnkar aflið sem þarf til að keyra sláttubúnaðinn og fjölgar vinnustundum sem sláttuvélin getur unnið á einni hleðslu. Frekari upplýsingar eru í Athugun á bili milli keflis og botnblaðs.

• Tryggið að biti botnblaða og kefla sé vel viðhaldið. Bitlaust blað eykur orkunotkun og fækkar vinnustundunum sem sláttuvélin getur unnið á einni hleðslu.

• Ef hreinsari er notaður má hæð hans ekki vera meiri en helmingur sláttuhæðarinnar. Ef sláttuhæðin er yfir ½ tommu má hæð hreinsara ekki vera meiri en ¼ tommu.

• Stillið snertingu milli rúllu og bursta að aftan þannig að hún sé í lágmarki. Þetta minnkar aflið sem þarf til að keyra sláttubúnaðinn og fjölgar vinnustundum sem sláttuvélin getur unnið á einni hleðslu.

• Notið lýsingu (ef sláttuvélin er með ljósasetti) aðeins þegar þörf krefur.

Samgönguráðuneyti Bandaríkjanna og alþjóðleg flutningsyfirvöld krefjast þess að Li-ion rafhlöður séu fluttar í sérstökum pakkningum og eingöngu með flutningatækjum sem eru vottuð fyrir slíkan flutning. Í Bandaríkjunum má flytja rafhlöðu uppsetta í sláttuvélinni sem rafknúinn búnað, í samræmi við reglugerðir. Samgönguráðuneyti Bandaríkjanna eða önnur viðeigandi opinber stofnun annarra landa veitir nákvæmar upplýsingar um reglugerðir varðandi flutning rafhlaðanna eða sláttuvélarinnar með rafhlöðunum í.

Hægt er að fá frekari upplýsingar um flutning á rafhlöðum hjá viðurkenndum dreifingaraðila Toro.

Á Mynd 34 er hægt að sjá yfirlit yfir skjái og snúrur hleðslutækisins.

Mynd 34

1. Villugaumljós
2. Hlíf á USB-tengi
3. Gaumljós riðstraumsafls
4. Hleðsluljós
5. Gaumljós hleðsluúttaks
6. LCD-skjár
7. Valhnappur
8. Hleðslutengill og -snúra
9. Rafmagnssnúra

1. Komið tjakki fyrir á einhverjum af eftirfarandi lyftipunktum fyrir tjakk (Mynd 36):

   • Þrep vinstra megin á sláttuvélinni

   • Festing fyrir tjakk hægra megin á sláttuvélinni

   • Hjólafesting aftan á sláttuvélinni

   

   Mynd 36

   1. Þrep – vinstri hlið sláttuvélar
   2. Hjólafesting – afturhluti sláttuvélar
   3. Festing fyrir tjakk – hægri hlið sláttuvélar

2. Þegar sláttuvélinni hefur verið lyft skal setja viðeigandi búkka undir eftirfarandi staði til að styðja sláttuvélina (Mynd 37):

   • Rafhlöðuhólf á afturhluta sláttuvélar

   • Pinnafestingar sláttubúnaðar á framhlið sláttuvélar

Mynd 37

1. Rafhlöðuhólf
2. Pinnafestingar sláttubúnaðar

1. Losið ólarnar báðum megin á vélarhlífinni (Mynd 38).

   

   Mynd 38

2. Lyftið hlífinni (Mynd 38).

Aðalafltenglarnir leiða rafmagn frá rafhlöðunum til vinnuvélarinnar. Takið rafmagnið af með því að aftengja tenglana; setjið rafmagnið á með því að tengja tenglana saman. Frekari upplýsingar eru í Aðalafltenglar.

Note: Sláttuvélin er búin 8 Li-ion rafhlöðum.

Fargið eða endurvinnið Li-ion rafhlöður í samræmi við staðbundnar reglur og landslög. Ef rafhlaða krefst þjónustu skal leita aðstoðar viðurkennds dreifingaraðila Toro.

Eini hluti rafhlöðunnar sem notandi getur sinnt viðhaldi á eru merkingarnar. Ábyrgðin fellur úr gildi ef reynt er að opna rafhlöðu. Ef vandamál kemur upp með rafhlöðu skal leita aðstoðar hjá viðurkenndum dreifingaraðila Toro.

Important: Rafmagnsviðgerðir skulu eingöngu framkvæmdar hjá viðurkenndum dreifingaraðila Toro.

Stjórnandinn getur sinnt litlu öðru viðhaldi en að verja hleðslutækið gegn skemmdum og veðri.

Haldið þrýstingi á öllum þremur hjólbörðunum breytilegum með hliðsjón af ástandi grassvarðarins, á bilinu 83 (lágm.) til 110 kPa (hám.).

Important: Gætið þess að þrýstingurinn sé eins á öllum hjólbörðum. Ef þrýstingurinn er ekki eins á öllum hjólbörðum getur það haft áhrif afköst sláttuvélarinnar.

Hersluátak fyrir felguró: 108 til 122 N∙m

Til að tryggja jafna álagsdreifingu skal herða felgurærnar með mynstrinu sem sýnt er á Mynd 48.

Mynd 48

Forskrift fyrir olíu: SAE 80W90

Rúmtak gírolíu: um það bil 384 ml

1. Lyftið sláttuvélinni; sjá Sláttuvélinni lyft.

   Important: Sláttuvélin verður að vera lárétt til að hægt sé að bæta við réttu olíumagni á gírkassann.Tryggið að sláttuvélin sitji lárétt á búkkunum.

2. Framkvæmið eftirfarandi skref til að fjarlægja hjólbarðana hægra og vinstra megin:

   1. Losið og fjarlægið felgurærnar (Mynd 49).

      

      Mynd 49

      1. Felguró

   2. Takið vinstri og hægri hjólbarðana af.

3. Setjið afrennslispönnu undir samstæðu hjólamótorsins (Mynd 50).

   

   Mynd 50

   Vinstri hlið sláttuvélar er sýnd

   1. Botnop
   2. Botntappi
   3. Panna

4. Takið tappann úr botnopinu (Mynd 50).

   Note: Botnopið er neðst á gírkassanum.

   Note: Látið alla olíu renna úr gírkassanum.

5. Þrífið tappann.

6. Setjið botntappann aftur í botnopið (Mynd 50).

7. Fjarlægið loftunarslönguna og tengið ofan af gírkassanum (Mynd 51).

   

   Mynd 51

   1. Loftunarslanga og tengi
   2. Áfyllingarop

8. Fyllið á gírkassann með 384 ml af tilgreindri olíu í gegnum áfyllingaropið.

9. Setjið loftunarslönguna og tengið í áfyllingaropið (Mynd 51).

10. Framkvæmið eftirfarandi skref til að setja upp hjólbarðana:

    1. Rennið hægri og vinstri hjólbörðunum upp á hjólnafirnar.

    2. Setjið felgurærnar á (Mynd 49).

    3. Herðið felgurærnar að tilgreindu hersluátaki sem gefið er upp í Hersluátak á felguróm athugað.

Ef hemlarnir ná ekki að halda sláttuvélinni kyrri þegar henni lagt er hægt að stilla hemlana. Hafið samband við viðurkenndan dreifingaraðila Toro eða skoðið þjónustuhandbókina til að fá frekari upplýsingar.

Note: Þegar sláttubúnaður er ekki tengdur við sláttuvélina skal geyma keflamótora sláttubúnaðarins á geymslustaðnum framan á fjaðraörmunum til að forðast skemmdir á þeim.

Important: Hækkið ekki fjaðraarminn í flutningsstöðu á meðan keflamótorarnir eru í festingunum á grind sláttuvélarinnar. Það gæti leitt til skemmda á mótorunum eða slöngum.

Important: Þegar velta þarf sláttubúnaðinum við skal setja stuðning við afturhluta sláttubúnaðarins til að tryggja að hægt sé að komast að róm stillibolta botnstangarinnar (Mynd 52).

Mynd 52

1. Stuðningur (fylgir ekki)
2. Stilliboltaró botnstangar

Athugið bilið á milli keflis og botnblaðs daglega áður en sláttuvélin er notuð, jafnvel þótt gæði fyrri sláttar hafi verið ásættanleg. Lítilsháttar snerting verður að vera til staðar út alla lengdina milli keflis og botnblaðs; sjá notendahandbók sláttubúnaðarins.

Aftengið aðalafltenglana áður en keflin eru skoðuð; sjá Aðalafltenglar. Tengið þá aftur að skoðun lokinni.

1. Leggið sláttuvélinni á sléttu undirlagi, látið sláttubúnaðinn síga, færið stjórnrofann á NEUTRAL (hlutlaus staða), setjið stöðuhemilinn á, drepið á sláttuvélinni og takið lykilinn úr.

2. Grunnstillið bilið á milli keflis og botnblaðs þannig að það henti fyrir bakslípun á öllum sláttubúnaði sem á að bakslípa; sjá notendahandbók sláttubúnaðarins.

3. Setjið lykilinn í svissinn og gangsetjið sláttuvélina.

4. Farið í upplýsingaskjáinn, valmyndina SERVICE (þjónusta) og veljið BACKLAP (bakslípun).

5. Stillið BAKSLíPUN á ON (kveikt).

6. Opnið aðalvalmyndina og flettið niður að Settings (stillingar).

7. Í STILLINGAVALMYNDINNI skal fletta á BACKLAP RPM (snúningshraði bakslípunar) og nota hnappinn ± til að velja æskilegan hraða fyrir bakslípun.

8. Hafið stjórnrofann á NEUTRAL (hlutlaus staða) og færið stýripinnann til að hækka/lækka fram til að hefja bakslípun á tilgreindum keflum.

9. Berið bakslípunarlöginn á með bursta með löngu skafti. Notið aldrei bursta með stuttu skafti.

10. Ef keflin stöðvast eða hreyfast óreglulega við bakslípun skal velja hærri hraðastillingu fyrir keflin þar til hraðinn verður stöðugur.

11. Ef breyta á stillingum sláttubúnaðar meðan á bakslípun stendur skal slökkva á keflunum með því að færa stýripinnann til að hækka/lækka aftur og drepa svo á sláttuvélinni. Þegar stillingum hefur verið breytt skal endurtaka skref 3 til 9.

12. Endurtakið ferlið fyrir alla hluta sláttubúnaðar sem á að bakslípa.

13. Þegar því er lokið er farið aftur í upplýsingaskjáinn og stillingin BACKLAP (bakslípun) stillt aftur á OFF (slökkt) eða lyklinum snúið á SLöKKTA stöðu til að setja sláttuvélina aftur í akstursstöðu áfram.

14. Skolið allan bakslípunarvökva af sláttubúnaðinum. Stillið bilið á milli keflis og botnblaðs eftir þörfum. Færið stýringu keflahraða sláttubúnaðarins í æskilega stöðu fyrir slátt.

    Important: Notið ekki háþrýstivatn til að þrífa sláttubúnaðinn. Legur og þétti geta skemmst.