ຊຸດ​ເຄື່ອງ​ມື​ກໍ້​ທໍ່​ດ້ວຍ​ໄຟ​ຟ້າ

ເຄື່ອງສີດ​ພົ່ນທົ່ງ​ຫຍ້າອະ​ເນກ​ປະ​ສົງລຸ້ນ​ປີ 2015 ແລະ ຫຼັງ​ຈາກ​ລຸ້ນ Pro® 1750

Model No. 41159-Serial No. 315000001 and Up

Model No. 41159-Serial No. 316000001 and Up

Model No. 41159-Serial No. 400000000 and Up

Model No. 41159-Serial No. 403437001 and Up

ການແນະນຳ

ຊຸດ​ເຄື່ອງ​ມື​ກໍ້​ທໍ່​ດ້ວຍ​ໄຟ​ຟ້າແມ່ນ​ສິ່ງ​ທີ່​ຕິດ​ມາ​ນຳ​ທີ່ຈັດ​ໃຫ້​ສະ​ເພາະ​ສຳ​ລັບ​ພາ​ຫະ​ນະ​ນຳ​ໃຊ້​ເຄື່ອງ​ສີດ​ພົ່ນທົ່ງ​ຫຍ້າ ແລະ ຕັ້ງ​ໃຈ​ໃຫ້​ນຳ​ໃຊ້​ໂດຍ​ຜູ້ປະ​ກອບ​ອາ​ຊີບ​ທີ່​ເປັນ​ຜູ້​ໃຊ້​ງານ​ທີ່​ໄດ້​ຈ້າງ​ມາ​ໃນ​ການ​ນຳ​ໃຊ້​ທາງ​ການ​ຄ້າ. ໂດຍ​ຕົ້ນ​ຕໍມັນ​ຖືກອອກ​ແບບ​ມາສຳ​ລັບ​ການ​ສີດ​ພົ່ນໃນສະ​ໜາມ​ຫຍ້າ​ທີ່​ໄດ້​ຮັບ​ການບຳລຸງ​ຮັກ​ສາ​ຢ່າງ​ດີຢູ່ໃນສວນ​ສາ​ທາ​ລະ​ນະ, ສະ​ໜາມກ໊ອ​ຟ, ເດີ່ນ​ກິ​ລາ ແລະ ໃນ​ພື້ນ​ທີ່​ທາງການ​ຄ້າ.

ອ່ານຂໍ້ມູນນີ້ຢ່າງລະອຽດເພື່ອຮຽນຮູ້ວິທີການນຳ​ໃຊ້ ແລະ ບຳ​ລຸງຮັກສາຜະລິດຕະພັນຂອງທ່ານຢ່າງຖືກຕ້ອງ ແລະ ຫຼີກ​ລ່ຽງການບາດເຈັບ ແລະ ຄວາມເສຍຫາຍຂອງຜະລິດຕະພັນ. ທ່ານຮັບຜິດຊອບໃນການນຳ​ໃຊ້ຜະລິດຕະພັນຢ່າງຖືກຕ້ອງ ແລະ ປອດໄພ.

ເຂົ້າເບິ່ງເວັບໄຊ www.Toro.com ສຳລັບຄວາມປອດໄພຂອງຜະລິດຕະພັນ ແລະ ອຸປະກອນການຝຶກອົບຮົມການ​ນຳ​ໃຊ້, ຂໍ້ມູນກ່ຽວກັບອຸປະກອນເສີມ, ຊ່ວຍຊອກຫາຕົວແທນຈຳໜ່າຍ ຫຼື ເພື່ອລົງທະບຽນຜະລິດຕະພັນຂອງທ່ານ.

ເມື່ອໃດກໍຕາມທີ່ທ່ານຕ້ອງການບໍລິການ, ອາໄຫຼ່ Toro ຂອງແທ້ ຫຼື ຂໍ້ມູນເພີ່ມເຕີມ, ຕິດຕໍ່ຕົວແທນຈຳໜ່າຍບໍລິການທີ່ໄດ້ຮັບອະນຸຍາດ ຫຼື ຝ່າຍບໍລິການລູກຄ້າ Toro ແລະ ໃຫ້ມີລຸ້ນ ແລະ ເລກລຳດັບຂອງຜະລິດຕະພັນຂອງທ່ານກຽມພ້ອມໄວ້. ຮູບສະແດງ 1 ລະບຸບ່ອນຢູ່ຂອງລຸ້ນ ແລະ ເລກລຳດັບໃນຜະລິດຕະພັນ. ຂຽນເລກໃນຊ່ອງທີ່ກຽມໃຫ້.

Important: ດ້ວຍອຸປະກອນມືຖືຂອງທ່ານ, ທ່ານສາມາດສະແກນລະຫັດ QR ຢູ່​ໃນ​ສະ​ຫຼາກເລກລຳດັບ (ຖ້າມີ) ເພື່ອເຂົ້າເຖິງການຮັບປະກັນ, ອາໄຫຼ່ ແລະ ຂໍ້ມູນຜະລິດຕະພັນອື່ນໆ.

g328087

ຮູບສະແດງ 1

  1. ລຸ້ນ ແລະ ບ່ອນຢູ່​ຂອງເລກລຳດັບ

Note: ຜະລິດຕະພັນນີ້ປະຕິບັດຕາມຄຳສັ່ງແນະນຳຂອງເອີຣົບທີ່ກ່ຽວຂ້ອງທັງໝົດ. ສຳລັບລາຍລະອຽດ, ກະລຸນາເບິ່ງຖະແຫຼງການຂອງການລວມ​ເຂົ້າ​ກັນ​ເປັນ​ບໍ​ລິ​ສັດ (DOI) ຢູ່ດ້ານຫຼັງຂອງໜັງສືນີ້.ກໍານົດດ້ານຊ້າຍ ແລະ ຂວາຂອງເຄື່ອງຈັກຈາກຕໍາແໜ່ງການ​ໃຊ້​ງານປົກກະຕິ.

Important: ຈຳ​ເປັນ​ຕ້ອງ​ມີ​ສະ​ກັອດ​ພັນ​ກັນ​ຊຶມ ຫຼື Teflon tape ສຳ​ລັບ​ການ​ຕິດ​ຕັ້ງ​ຊຸດ​ເຄື່ອງ​ມື​ນີ້. ສະ​ກັອດ​ແມ່ນ​ໃຊ້​ພັນ​ກຽວ​ຂອງ​ຂໍ້​ຕໍ່​ກ່ອນ​ປະ​ກອບ. ຄວນ​ຈະ​ພັນ​ກຽວ​ເລີ່ມ​ແຕ່​ຖານ ແລະ ພັນ​ໄປ​ຮອດ​ປາຍ​ຂອງ​ຂໍ້​ຕໍ່​ເພື່ອ​ຮັບ​ປະ​ກັນ​ວ່າ​ເປັນຊິນ​ອັດ​ກັນ​ນ້ຳ​ໄດ້.

Important: ຈຳ​ເປັນ​ຕ້ອງ​ມີ​ສານ​ຫຼໍ່​ມື່ນ​ທີ່​ບໍ່​ມີ​ນ້ຳ​ມັນ​ປີ​ໂຕຼ​ລຽນ​ເຊັ່ນ: ນ້ຳ​ມັນ​ພືດສຳ​ລັບ​ການ​ຕິດ​ຕັ້ງ​ຊຸດ​ເຄື່ອງ​ມື​ນີ້.

ຄວາມປອດໄພ

ການນຳໃຊ້ ຫຼື ການບຳລຸງຮັກສາເຄື່ອງຈັກທີ່ບໍ່ຖືກຕ້ອງໂດຍ​ຜູ້​ນຳ​ໃຊ້ ຫຼື ຜູ້​ເປັນ​ເຈົ້າ​ຂອງ​ສາ​ມາດເຮັດໃຫ້ເກີດການບາດເຈັບໄດ້. ເພື່ອຫຼຸດຜ່ອນການບາດເຈັບທີ່​ອາດ​ຈະ​ເກີດ​ຂຶ້ນ, ໃຫ້ປະຕິບັດຕາມຄຳແນະນຳກ່ຽວກັບຄວາມປອດໄພເຫຼົ່ານີ້ ແລະ ໃຫ້ເອົາໃຈໃສ່ກັບສັນຍາລັກເຕືອນຄວາມປອດໄພສະເໝີ Graphic, ເຊິ່ງໝາຍເຖິງຂໍ້ຄວນລະວັງ, ຄຳເຕືອນ ຫຼື ອັນຕະລາຍ, ເຊິ່ງ​ກໍ່​ແມ່ນຄຳແນະນຳຄວາມປອດໄພສ່ວນບຸກຄົນ. ການບໍ່ປະຕິບັດຕາມຄຳແນະນຳອາດຈະເຮັດໃຫ້ມີການບາດເຈັບສ່ວນຕົວ ຫຼື ເສຍຊີວິດໄດ້.

ໃຫ້​ອ່ານ​ເບິ່ງ​ຄຳ​ແນະ​ນຳ​ຄວາມ​ປອດ​ໄພ ແລະ ການ​ໃຊ້​ງານ​ຢູ່​ໃນຄູ່ມືຜູ້​ໃຊ້ພາຫະ​ນະ​ນຳ​ອີກ.

  • ຢ່າ​ປິ່ນບັ້ງ​ສີດ​ດ້ວຍ​ມືໃສ່​ຄົນ ຫຼື ສັດ. ຂອງ​ແຫຼວ​ທີ່​ມີ​ຄວາມ​ດັນ​ສູງ​ສາ​ມາດ​ເຂົ້າ​ໄປ​ໃນ​ຜິວ​ໜັງ ແລະ ເຮັດ​ໃຫ້​ເກີດ​ການ​ບາດ​ເຈັບ​ຮ້າຍ​ແຮງ, ອາດ​ຈະ​ເຮັດ​ໃຫ້​ມີ​ການ​ຕັດ​ແຂນ​ຂາ ຫຼື ເຖິງ​ຂັ້ນ​ເສຍ​ຊີ​ວິດ​ໄດ້. ຂອງ​ແຫຼວ ແລະ ສານ​ເຄ​ມີທີ່​ຮ້ອນ​ສາ​ມາດ​ເຮັດ​ໃຫ້ເກີດ​ການ​ໄໝ້ ຫຼື ການບາດ​ເຈັບ​ໄດ້. ຖ້າ​ສ່ວນ​ໃດ​ໜຶ່ງ​ຂອງ​ຮ່າງ​ກາຍ​ມາ​ສຳ​ຜັດ​ກັບ​ກະ​ແສ​ການ​ສີດ​ພົ່ນ, ໃຫ້​ປຶກ​ສາ​ກັບ​ແພດ​ທີ່​ຄຸ້ນ​ເຄີຍ​ກັບ​ການ​ບາດ​ເຈັບ​ຈາກ​ຂອງ​ແຫຼວ​ທີ່​ສີດ​ເຂົ້າ​ໄປ​ທັນ​ທີ.

  • ຢ່າ​ເອົາ​ມື​ຂອງ​ທ່ານ ຫຼື ພາກ​ສ່ວນ​ອື່ນໆ​ໃດ​ໜຶ່ງ​ຂອງ​ຮ່າງ​ກາຍ​ທ່ານ​ໄປ​ວາງ​ຕໍ່​ໜ້າ​ຫົວ​ສີດ​ພົ່ນ.

  • ຢ່າ​ປະ​ປ່ອຍ​ອຸ​ປະ​ກອນ​ໄວ້​ພາຍ​ໃຕ້​ຄວາມ​ດັນ​ເມື່ອ​ທ່ານ​ບໍ່​ຢູ່.

  • ຢ່າ​ໃຊ້​ບັ້ງ​ສີດ​ດ້ວຍ​ມື, ຖ້າ​ທໍ່, ລັອກໄກ, ຫົວ​ສີດ ຫຼື ພາກ​ສ່ວນ​ອື່ນ​ໃດ​ໜຶ່ງ​ເປ່​ເພ ຫຼື ບໍ່​ມີ.

  • ຢ່າ​ໃຊ້​ບັ້ງ​ສີດ​ດ້ວຍ​ມື, ຖ້າມີ​ການ​ຮົ່ວ​ຢູ່​ໃນ​ທໍ່, ຂໍ້​ຕໍ່ ຫຼື ອົງ​ປະ​ກອບ​ອື່ນໆ.

  • ຢ່າ​ສີດ​ພົ່ນ​ຢູ່​ໃກ້​ສາຍ​ໄຟ.

  • ຢ່າ​ຂັບ​ລົດ​ໃນ​ຂະ​ນະ​ທີ່ກຳ​ລັງ​ສີດ​ພົ່ນ​ດ້ວຍ​ບັ້ງ​ສີດ​ດ້ວຍ​ມື.

  • ໃສ່​ຊຸດ​ປ້ອງ​ກັນ​ສານ​ເຄ​ມີ, ແວ່ນ​ຕາ​ປ້ອງ​ກັນ, ເຄື່ອງ​ຊ່ວຍ​ຫາຍ​ໃຈ, ເກີບ​ບົດ ແລະ ຖົງ​ມື​ປ້ອງ​ກັນ​ເມື່ອ​ສີດ​ພົ່ນ​ສານ​ເຄ​ມີ​ດ້ວຍ​ບັ້ງ​ສີດ​ດ້ວຍ​ມື.

  • ນຳ​ໃຊ້ເຄື່ອງຈັກພຽງແຕ່ໃນເວລາທີ່ທ່ານເບິ່ງເຫັນດີເທົ່ານັ້ນ ແລະ ມີສະພາບອາກາດທີ່ເໝາະສົມ. ຢ່າໃຊ້ເຄື່ອງຈັກເມື່ອມີຄວາມສ່ຽງຕໍ່ການເກີດຟ້າຜ່າ.

ຂໍ້ຄວນລະວັງ

ສານ​ເຄ​ມີ​ອັນ​ຕະ​ລາຍ ແລະ ກໍ່​ໃຫ້​ເກີດ​ການ​ບາດ​ເຈັບ​ສ່ວນ​ຕົວ​ໄດ້.

  • ອ່ານ​ຄຳ​ແນະ​ນຳ​ຢູ່​ໃນ​ສະ​ຫຼາກ​ສານ​ເຄ​ມີ​ກ່ອນ​ຈັດ​ການ​ກັບ​ສານ​ເຄ​ມີ ແລະ ປະ​ຕິ​ບັດ​ຕາມ​ທຸກ​ຄຳ​ແນະ​ນຳ ແລະ ຂໍ້​ຄວນ​ລະ​ວັງ​ຂອງ​ຜູ້​ຜະ​ລິດ​ທັງ​ໝົດ.

  • ເກັບສານ​ເຄ​ມີ​ໄວ້ໃຫ້​ຫ່າງ​ຈາກຜິວ​ໜັງ​ຂອງ​ທ່ານ. ຖ້າ​ເກີດ​ມີ​ການ​ສຳ​ຜັດ, ຈົ່ງລ້າງບໍ​ລິ​ເວນ​ທີ່​ໄດ້​ຮັບ​ຜົນ​ກະ​ທົບດ້ວຍ​ສະ​ບູ່ ແລະ ນ້ຳສະ​ອາດ​ໃຫ້​ທົ່ວ.

  • ໃສ່​ແວ່ນ​ຕາ ແລະ ອຸ​ປະ​ກອນ​ປ້ອງ​ກັນ​ຕົວ​ອື່ນໆ​ທີ່​ຜູ້​ຜະ​ລິດ​ສານ​ເຄ​ມີ​ແນະ​ນຳ.

ການຕິດຕັ້ງ

ການ​ກະ​ກຽມ​ເຄື່ອງ​ຈັກ

  1. ການຖອກ​ເທຖັງ​ເຄື່ອງສີດ​ພົ່ນ.

  2. ທຳ​ຄວາມ​ສະ​ອາດ ແລະ ລ້າງ​ຖັງ​ເຄື່ອງ​ສີດ​ພົ່ນ, ໃຫ້​ເບິ່ງຄູ່ມືຜູ້​ໃຊ້ສຳ​ລັບເຄື່ອງ​ຈັກຂອງ​ທ່ານ.

  3. ຈອດເຄື່ອງຈັກຢູ່ໃນພື້ນບ່ອນພຽງ​ໄດ້​ລະ​ດັບ, ໃສ່​ເບ​ຣກມື, ມອດປ້ຳ, ມອດ​ຈັກ, ຖອດ​ກະ​ແຈ ແລະ ລໍຖ້າໃຫ້ທຸກພາກສ່ວນທີ່ເຄື່ອນຍ້າຍຢູ່​ນັ້ນຢຸດ.

  4. ຖອດສາຍໄຟດ້ານລົບຂອງ​ແບັດ​ເຕີ​ຣີ.

  5. ຖອດສາຍໄຟດ້ານບວກຂອງ​ແບັດ​ເຕີ​ຣີ.

ການ​ຕິດ​ຕັ້ງສາຍ​ສຽບ​ໄຟ

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ສາຍສຽບໄຟ1
ສະ​ວິດ1
ຝາ​ປິດ​ກັນ​ນ້ຳ ແລະ ນັອດ​ຕົວ​ແມ່1
ປອກຮັດຮູບ​ຕົວ R ຕົວ​ນ້ອຍ1
ນັອດຕົວແມ່ແຜ່ນ​ປິດ (⅜ ນິ້ວ)1
ນັອດຕົວຜູ້ສະ​ຫຼັກ​ກຽວ1
ສາຍສຽບໄຟສາຍ​ຕໍ່ບິດ​ເຂົ້າ​ກັນ​ໄດ້ [108-9455]1
ຫົວ​ສຽບ [99-7435]1
ກະ​ດູມຮັດ1

ການ​ຕິດ​ຕັ້ງປອກຮັດຮູບ​ຕົວ R ຕົວ​ນ້ອຍ

  1. ເອົາ​ກະ​ດູມ​ຮັດ​ທີ່​ຍຶດ​ສາຍ​ຮັດ​ຖັງ​ດ້ານ​ໜ້າ​ຢູ່​ດ້ານ​ເທິງ​ຂອງ​ຖັງ​ອອກ.

    Note: ຮັກ​ສາ​ທຸກ​ພາກ​ສ່ວນ​ໄວ້.

  2. ຕິດ​ຕັ້ງນັອດຕົວຜູ້ສະ​ຫຼັກ​ກຽວໃສ່​ຮູ​ໃນ​ແຜ່ນ​ດ້ານ​ລຸ່ມ​ໃນສາຍ​ຮັດ​ຖັງ​ເບື້ອງ​ຂວາ.

  3. ຕິດ​ຕັ້ງ​ກະ​ດູມ​ຮັດ​ສາຍ​ຖັງ​ທີ່​ເອົາ​ອອກ​ມາ​ກ່ອນ​ເພື່ອ​ຍຶດ​ສາຍ​ຮັດ​ໃສ່​ຖັງ.

    Note: ໃຫ້​ແນ່​ໃຈ​ວ່າສາຍ​ຮັດ​ໄດ້​ຮັດ​ຖັງ​ແໜ້ນ​ດີແລ້ວ. ຢ່າ​ຮັດ​ມັນແໜ້ນ​ເກີນ​ໄປ.

  4. ຮັດປອກຮັດຮູບ​ຕົວ R ຕົວ​ນ້ອຍໃສ່​ນັອດ​ຕົວ​ຜູ້​ສະ​ຫຼັກ​ກຽວ​ດ້ວຍ​ການ​ໃຊ້​ນັອດ​ຕົວ​ແມ່​ແຜ່ນ​ປິດ (⅜ ນິ້ວ) ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 2.

  5. ເດີນປາຍ​ສາຍ​ສຽບ​ໄຟ​ກົງ​ໝູນ​ທໍ່​ຜ່ານປອກຮັດຮູບ​ຕົວ R ຕົວ​ນ້ອຍດັ່ງ​ທີ່​ສະ​ແດງ​ຢູ່​ໃນ (ຮູບສະແດງ 2).

    g023322

    ຮູບສະແດງ 2

    1. ປອກຮັດຮູບ​ຕົວ R (ຕົວ​ນ້ອຍ)
    2. ສາຍສຽບໄຟ

ການຕິດສະ​ວິດ

  1. ຖອດນັອດ​ກຽວຫົວຫົກ​ຫຼ່ຽມ 4 ນັອດທີ່ຍຶດຝາ​ປົກ​ແຜງ​ຄວບ​ຄຸມ​ໃສ່​ຕູ້​ຄວບ​ຄຸມ​ອອກ ແລະ ຍົກ​ແຜງ​ຂຶ້ນ​ເລັກ​ນ້ອຍ.

    Note: ຖ້າ​ຈຳ​ເປັນ, ໃຫ້​ເອົາ​ລູກ​ບິດ​ອອກ​ຈາກ​ແທ່ງລັອກ​ເຟືອງ​ທ້າຍ.

    g024734

    ຮູບສະແດງ 3

    1. ລູກບິດ
    2. ນັອດກຽວຫົວ​ຫົກ​ຫຼ່ຽມ (¼ x ½¼ ນິ້ວ)

  2. ເອົາ​ດອນ​ອັດກົມອອກ​ຈາກຝາ​ປົກ​ແຜງ​ຄວບ​ຄຸມ (ຮູບສະແດງ 4).

    g329220

    ຮູບສະແດງ 4

    1. ດອນ​ອັດ​ແຜງ​ຄວບ​ຄຸມ (ກົມ)
    2. ຝາ​ປົກແຜງຄວບຄຸມ

  3. ປະ​ກອບ​ສະ​ວິດ​ໃສ່​ຝາ​ປົກ​ແຜງ​ຄວບ​ຄຸມດ້ວຍ​ນັອດ​ຊ້ອນ​ສອງ ແລະ ຮັດ​ນັອດ​ຊ້ອນ​ສອງ​ໃຫ້​ແໜ້ນ​ດ້ວຍ​ມື (ຮູບສະແດງ 5).

    g329221

    ຮູບສະແດງ 5

    1. ນັອດຊ້ອນສອງ (ສະ​ວິດ)
    2. ສະ​ວິດ

  4. ຕິດ​ຕັ້ງ​ຝາ​ປົກ​ປຸ່ມ​ໃສ່​ສະ​ວິດ (ຮູບສະແດງ 6).

    g329222

    ຮູບສະແດງ 6

    1. ຝາ​ປົກປຸ່ມ

ການ​ຕໍ່ສາຍ​ສຽບ​ໄຟ

  1. ຕໍ່​ຕົວ​ເຊື່ອມ​ຕໍ່ 2 ຕົວ​ໃນ​ສາຍ​ສຽບ​ໄຟ​ໃສ່​ຕົວ​ເຊື່ອມ​ຕໍ່​ໃບ​ມີດ 2 ຕົວ​ໃນ​ສະ​ວິດ (ຮູບສະແດງ 7).

  2. ຍຶດ​ຝາ​ປົກ​ແຜງ​ຄວບ​ຄຸມ​ໃສ່​ແຂນ​ຕູ້​ຄວບ​ຄຸມ​ດ້ວຍ​ການ​ໃຊ້​ນັອດ​ຕົວ​ຜູ້​ທີ່​ເອົາ​ອອກ​ມາ​ກ່ອນ.

    Note: ຕິດ​ຕັ້ງ​ລູກ​ບິດ​ໃສ່ແທ່ງລັອກ​ເຟືອງ​ທ້າຍ, ຖ້າ​ໄດ້​ເອົາ​ອອກ​ມາ​ກ່ອນ.

  3. ຕໍ່​ຕົວ​ເຊື່ອມ​ຕໍ່​ຢູ່​ໃກ້​ຄຽງ​ໃສ່ປ​ລັກ​ສຽບ​ກໍ້​ທໍ່​ໃນ​ສາຍ​ສຽບ​ໄຟ​ຕົ້ນ​ຕໍ, ຕັ້ງ​ຢູ່​ກ້ອງ​ພາກ​ສ່ວນ​ດ້ານ​ໜ້າ​ຂອງ​ແຂນ​ຄວບ​ຄຸມ.

  4. ປ​ລັກ​ສຽບຕົວ​ເຊື່ອມ​ຕໍ່​ຖັດ​ໄປ​ໃສ່​ໃນຫົວ​ສຽບ (ຮູບສະແດງ 7) ແລະ ຕິດ​ຫົວ​ສຽບ​ໃສ່​ຮູ​ດ້ານນອກ​ໃນ​ກອບ​ຢູ່​ໃກ້​ຫົວ​ສຽບ​ທີ່​ມີ​ຢູ່.

  5. ຕໍ່​ສາຍ​ເຊື່ອມ​ຕໍ່​ທີ່​ສາ​ມາດ​ບິດ​ເຂົ້າ​ກັນ​ໄດ້​ໃສ່​ສາຍ​ໄຟ​ສີ​ແດງ​ຕິດ​ໃສ່​ຫົວ​ແບັດ​ເຕີ​ຣີ​ຂົ້ວ​ບວກ (+) (ຮູບສະແດງ 7).

  6. ຕໍ່​ການ​ເຊື່ອມ​ຕໍ່ຂົ້ວລົບ (-) ໃນ​ສາຍ​ສຽບ​ໄຟ​ໃສ່​ຫົວ​ແບັດ​ເຕີ​ຣີ​ຂົ້ວ​ລົບ (-).

  7. ຕໍ່ສົ້ນ​ດ້ານໄກ​ຂອງສາຍ​ສຽບ​ໄຟ​ໃສ່ພື້ນກັບ​ຟິວ (ຮູບສະແດງ 7).

    g329224

    ຮູບສະແດງ 7

    1. ໃສ່ຫົວ​ແບັດ​ເຕີ​ຣີ​ຂົ້ວບວກ (+)
    2. ໃສ່ຫົວ​ແບັດ​ເຕີ​ຣີ​ຂົ້ວລົບ (-)
    3. ສາຍ​ເຊື່ອມ​ຕໍ່​ທີ່​ສາ​ມາດ​ບິດ​ເຂົ້າ​ກັນ​ໄດ້
    4. ໃສ່​ຫົວ​ສຽບ
    5. ໃສ່ສາຍ​ເຊື່ອມ​ຕໍ່​ທີ່​ສາ​ມາດ​ບິດ​ເຂົ້າ​ກັນ​ໄດ້ຕົ້ນ​ຕໍ
    6. ໃສ່ສະ​ວິດ
    7. ໃສ່​ພື້ນ​ກັບ​ຟິວ

ການ​ຕິດ​ກໍ້​ທໍ່

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ກອບກໍ້​ທໍ່1
ນັອດຕົວຜູ້ (5/16)10
ນັອດຕົວແມ່ແຜ່ນ​ປິດ (5/16 ນິ້ວ)10
ຈານ​ໝູນ1
ກໍ້ທໍ່1
ນັອດຕົວຜູ້ສະ​ຫຼັກ​ກຽວຕົວ​ໃຫຍ່4
ນັອດຕົວແມ່ແຜ່ນ​ປິດ (⅜ ນິ້ວ)4
ມື​ຈັບ1
ແຜ່ນ​ບັງ​ຕົມ1
ປອກ​ຮັດ​ສະ​ປ​ຣິງ1
ນັອດລັອກຕົວແມ່2
ນັອດຕົວຜູ້ສະ​ຫຼັກ​ກຽວຕົວນ້ອຍ2
ປອກຮັດຮູບ​ຕົວ R ຕົວໃຫຍ່2
ຂາ​ຍຶດ​ປືນ​ສີດ​ພົ່ນ1
ຕົວ​ຈັດ​ໄລ​ຍະ​ຫ່າງ2
ນັອດກຽວຕອກ2
ແຫວນຮອງ1
ແຫວນ​ແຕກ1

  1. ຕິດກອບ​ກໍ້​ທໍ່​ໃສ່​ດ້ານ​ຂ້າງ​ຂອງ​ເຄື່ອງ​ຈັກ​ດ້ວຍ​ການ​ໃຊ້​ນັອດ​ຕົວ​ຜູ້ 4 ຕົວ (5/16 ນິ້ວ) ແລະ ນັອດ​ຕົວ​ແມ່​ແຜ່ນ​ປິດ 4 ຕົວ (5/16 ນິ້ວ) ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 8.

    g023323

    ຮູບສະແດງ 8

    1. ກອບກໍ້​ທໍ່

  2. ຕິດ​ຈານ​ໝູນ​ໃສ່​ພື້ນ​ຂອງ​ກໍ້​ທໍ່​ດ້ວຍ​ການ​ໃຊ້​ນັອດ​ຕົວ​ຜູ້​ສະ​ຫຼັກ​ກຽວ 4 ຕົວ ແລະ ນັອດຕົວແມ່ແຜ່ນ​ປິດ 4 ຕົວ (⅜ ນິ້ວ) (ຮູບສະແດງ 9).

    g023324

    ຮູບສະແດງ 9

    1. ກໍ້ທໍ່
    2. ຈານ​ໝູນ
    3. ປອກ​ຮັດ​ສະ​ປ​ຣິງ
    4. ກອບກໍ້​ທໍ່
    5. ລັອກໝູນ

  3. ວາງ​ຈານ​ໝູນ​ລົງ​ໃສ່​ໃນ​ຮູ​ຢູ່ກອບ​ກໍ້​ທໍ່ (ຮູບສະແດງ 9).

    Note: ເຄື່ອນ​ລັອກ​ໝູນ​ໄປ​ດ້ານ​ຊ້າຍ​ເພື່ອ​ໃຫ້​ການ​ຕິດ​ຕັ້ງ​ງ່າຍ​ຂຶ້ນ.

  4. ຢູ່​ດ້ານ​ລຸ່ມ​ຂອງກອບ​ກໍ້​ທໍ່, ຕິດ​ແຫວນ​ຮອງ ແລະ ແຫວນ​ແຕກ​ໃສ່​ເສົາ​ຢູ່ຈານ​ໝູນ (ຮູບສະແດງ 10).

    g023787

    ຮູບສະແດງ 10

    1. ແຫວນ​ແຕກ
    2. ແຫວນຮອງ

  5. ຕິດ​ມື​ຈັບ​ໃສ່​ຈານ​ໝູນ​ແບບ​ຫຼວມໆ​ດ້ວຍ​ນັອດ​ຕົວ​ຜູ້ 4 ຕົວ (5/16 ນິ້ວ) (ຮູບສະແດງ 11).

    g023326

    ຮູບສະແດງ 11

    1. ນັອດຕົວຜູ້ (5/16)
    2. ແຜ່ນ​ບັງ​ຕົມ
    3. ມື​ຈັບ

  6. ຕິດ​ບັງ​ຕົມ ແລະ ມື​ຈັບ​ໃສ່​ຈານ​ໝູນ​ດ້ວຍ​ການ​ໃຊ້​ນັອດ​ຕົວ​ຜູ້​ທີ່​ຕິດ​ຕັ້ງ​ຢູ່​ໃນ​ຂັ້ນ​ຕອນທີ 5 ແລະ ນັອດຕົວແມ່ແຜ່ນ​ປິດ 4 ຕົວ (5/16 ນິ້ວ) (ຮູບສະແດງ 11).

  7. ຍຶດ​ດ້ານ​ເທິງ​ຂອງ​ແຜ່ນ​ບັງ​ຕົມ​ໃສ່​ມື​ຈັບ​ດ້ວຍ​ການ​ໃຊ້​ນັອດ​ກຽວ​ຕອກ 2 ນັອດ (ຮູບສະແດງ 12).

    g023325

    ຮູບສະແດງ 12

    1. ນັອດຕົວຜູ້ (5/16 ນິ້ວ)
    2. ຂາ​ຍຶດ​ປືນ​ສີດ​ພົ່ນ
    3. ຕົວ​ຈັດ​ໄລ​ຍະ​ຫ່າງ
    4. ປອກຮັດຮູບ​ຕົວ R (ຕົວໃຫຍ່)
    5. ນັອດຕົວແມ່ແຜ່ນ​ປິດ (5/16 ນິ້ວ)
    6. ນັອດກຽວຕອກ

  8. ຕິດ​ຕົວ​ຈັບປືນ​ສີດ​ພົ່ນ​ໃສ່​ແຜ່ນບັງ​ຕົມ​ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 12.

  9. ຕໍ່​ຕົວເຊື່ອມ​ຕໍ່ສາຍ​ໄຟ​ໃສ່​ກໍ້​ທໍ່.

ການ​ເອົາ​ຕົວ​ກະ​ຕຸ້ນ ແລະ ກຸ່ມ​ວາວ​ອອກ

  1. ເອົາ​ຕົວ​ຍຶດ​ທີ່​ຍຶດ​ຕົວ​ກະ​ຕຸ້ນ​ໃສ່​ວາວທໍ່ແຍກ​ສຳ​ລັບວາວ​ພາກ​ສ່ວນ ຫຼື ວາວ​ປັ່ນອອກ (ຮູບສະແດງ 13).

    Note: ບີບ 2 ຂາ​ຂອງ​ຕົວ​ຍຶດ​ເຂົ້າ​ກັນ​ໃນ​ຂະ​ນະ​ທີ່​ຊຸກ​ມັນ​ລົງ.

    Note: ຮັກ​ສາຕົວ​ກະ​ຕຸ້ນ ແລະ ຕົວ​ຍຶດໄວ້.

    g028237

    ຮູບສະແດງ 13

    1. ຕົວ​ກະ​ຕຸ້ນ
    2. ຕົວ​ຍຶດ
    3. ຊ່ອງຂອງ​ກ້ານ

  2. ເອົາ​ຕົວ​ກະ​ຕຸ້ນ​ອອກ​ຈາກວາວທໍ່​ແຍກ.

  3. ເອົາ​ຕົວ​ຍຶດ​ທີ່​ຈັບ​ສ່ວນ​ປະ​ກອບ​ກຸ່ມ​ວາວ​ຂ້າມ​ຜ່ານ​ຄານ​ສີດພົ່ນ, ຝາ​ປິດ​ປາຍ ແລະ ຂໍ້​ຕໍ່ ແລະ ສ່ວນ​ປະ​ກອບ​ທໍ່​ອອກ​ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 14.

    Note: ທ່ານ​ຈະ​ບໍ່​ໃຊ້​ຝາ​ປິດ​ຕົວ​ຜູ້, ແຕ່​ຮັກ​ສາແຫວນ​ຮູ​ບ​ຕົວ O ທີ່​ຢູ່​ໃນ​ຝາ​ປິດ​ໄວ້.

    g028391

    ຮູບສະແດງ 14

  4. ບັນ​ທຶກ​ການ​ຕັ້ງ​ຄ່າ​ລູກ​ບິດ​ຊ້າຍ ແລະ ຂວາ​ປະ​ຈຸ​ບັນ​ໄວ້.

  5. ໝູນ​ກຸ່ມ​ວາວ​ຂ້າມ​ຜ່ານ​ຄານສີດ​ພົ່ນ​ໄປ 180 ອົງ​ສາ​ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 15.

    g028394

    ຮູບສະແດງ 15

    1. ກຸ່ມ​ວາວ​ຄານ​ສີດ​ພົ່ນ

  6. ປັບ​ລູກ​ບິດ​ເບື້ອງ​ຊ້າຍ ແລະ ເບື້ອງ​ຂວາ​ໄປ​ຫາ​ການ​ຕັ້ງ​ຄ່າ​ຜ່ານ​ມາ.

ການ​ຕິດ​ຕັ້ງວາວຄວບ​ຄຸມ

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ວາວ​ຄວບ​ຄຸມ1
ທໍ່​ສະ​ໜອງໃຫ້ກໍ້​ທໍ່1
ປອກຮັດຢ່ວງຮອງ1
ຂໍ້ຕໍ່​ຊື່ແບບ​ມີ​ກຽວ ແລະ ເດືອຍ1
ວາວ​ປິດ1
ຝາປິດ (½ ນິ້ວ)1
ຂໍ້ຕໍ່1

  1. ຕິດ​ຕັ້ງ​ກຸ່ມ​ວາວ​ຄານ​ສີດ​ພົ່ນ​ດ້ວຍ​ການ​ໃຊ້​ຕົວ​ຍຶດ​ທີ່​ເອົາ​ອອກ​ມາ​ກ່ອນ​ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 16.

    g329235

    ຮູບສະແດງ 16

  2. ຕິດ​ຕັ້ງ​ຂາ​ຍຶດ​ຕິດ​ວາວ​ໃສ່​ກອບ​ວາວ​ດ້ວຍ​ການ​ໃຊ້​ນັອດ​ຕົວ​ຜູ້​ຫົວ​ແຜ່ນ​ປິດ 2 ຕົວ (¼ x 0.625 ນິ້ວ) ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 17.

    g329236

    ຮູບສະແດງ 17

    1. ກອບ​ຕິດວາວ
    2. ຂາ​ຍຶດຕິດ​ວາວ
    3. ນັອດຕົວຜູ້ຫົວ​ແຜ່ນ​ປິດ (¼ x 0.625 ນິ້ວ)

  3. ປະ​ກອບ​ຖານ​ວາວ​ໃສ່​ວາວ​ປິດ​ຕາມ​ທີ່​ສະ​ແດງ​ຢູ່​ໃນ A ຂອງ ຮູບສະແດງ 18.

    g329240

    ຮູບສະແດງ 18

  4. ຍຶດ​ຖານ​ວາວ​ໃສ່​ວາວ​ຄວ​ບຸມ​ດ້ວຍ​ນັອດ​ກຽວ​ຫົວ​ແຜ່ນ​ປິດ (#6) ແລະ ຮັດ​ນັອດ​ກຽວ​ໃຫ້​ແໜ້ນ​ດ້ວຍ​ມື (B ໃນ ຮູບສະແດງ 18).

  5. ຕິດ​ຕັ້ງຖານວາວ​ໃສ່ຂາ​ຍຶດ​ຖານວາວ​ດ້ວຍ​ການ​ໃຊ້​ນັອດ​ຕົວ​ຜູ້ 4 ຕົວ (M6) ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 19.

    g329237

    ຮູບສະແດງ 19

    1. ຖານ​ວາວ
    2. ນັອດຕົວຜູ້ (M6)

  6. ຍຶດ​ວາວ​ປິດ​ໃສ່​ວາວ​ຄານ​ສີດ​ພົ່ນ​ດ້ວຍ​ແຫວນ​ຮູບ​ຕົວ O ແລະ ຕົວ​ຍຶດ​ທີ່​ເອົາ​ອອກ​ມາ​ກ່ອນ (ຮູບສະແດງ 20).

  7. ຕິດ​ຕັ້ງ​ຝາ​ປົກ (½ ນິ້ວ), ແຫວນ​ຮູ​ບ​ຕົວ O, ຂໍ້​ຕໍ່ ແລະ ສ່ວນ​ປະ​ກອບ​ທໍ່​ໃສ່ວາວປິດດ້ວຍ​ການ​ໃຊ້​ຕົວ​ຍຶດ​ທີ່​ເອົາ​ອອກ​ມາ​ກ່ອນ​ດັ່ງ​ທີ່​ສະ​ແດງ​ຢູ່​ໃນ ຮູບສະແດງ 20.

    g329239

    ຮູບສະແດງ 20

    1. ຝາປິດ (½ ນິ້ວ)
    2. ວາວ​ປິດ​ຕິດ​ຕັ້ງ​ໄວ້​ໃນ​ຖານ​ວາວ​ແລ້ວ
    3. ຂໍ້ຕໍ່
    4. ສ່ວນ​ປະ​ກອບທໍ່

  8. ເອົາ​ທໍ່​ແທກ​ຄວາມ​ດັນ​ອອກ​ຈາກ​ຂໍ້​ຕໍ່.

  9. ຖອດ​ຝາ​ປິດ ແລະ ຂໍ້​ຕໍ່​ອອກ​ຈາກ​ຊ່ອງ​ເຄື່ອງ​ແທກ​ຄວາມ​ດັນ (ຮູບສະແດງ 21).

    g329241

    ຮູບສະແດງ 21

    1. ຢ່ວງຮອງ
    2. ຂໍ້ງໍ 90 ອົງສາ
    3. ປອກຮັດຢ່ວງຮອງ
    4. ຂໍ້ຕໍ່
    5. ວາວ​ຄວບ​ຄຸມ
    6. ທໍ່​ສະ​ໜອງໃຫ້ກໍ້​ທໍ່

  10. ຕິດ​ຕັ້ງສ່ວນ​ປະ​ກອບວາວຄວບ​ຄຸມດັ່ງ​ທີ່​ສະ​ແດງ​ຢູ່​ໃນ ຮູບສະແດງ 21.

  11. ຕິດ​ຕັ້ງ​ຂໍ້​ຕໍ່​ໃສ່​ຊ່ອງ​ເປີດ​ໃນ​ຂໍ້ງໍ 90 ອົງ​ສາ (ຮູບສະແດງ 21).

    Note: ຝາ​ປິດ​ສາ​ມາດ​ກຳ​ຈັດ​ຖິ້ມ​ໄດ້.

  12. ຕໍ່ທໍ່​ແທກ​ຄວາມ​ດັນ​ອອກໃສ່​ຂໍ້​ຕໍ່.

  13. ຕໍ່​ທໍ່​ສະ​ໜອງ​ໃຫ້​ກໍ້​ທໍ່​ໃສ່​ວາວ​ຄວບ​ຄຸມ​ດ້ວຍ​ການ​ໃຊ້​ປອກ​ຮັດ​ທໍ່.

  14. ຍຶດຂໍ້ຕໍ່​ຊື່ແບບ​ມີ​ກຽວ ແລະ ເດືອຍໃສ່​ປາຍ​ເປີດ​ຂອງ​ທໍ່​ສະ​ໜອງ​ໃຫ້​ກໍ້​ທໍ່​ດ້ວຍ​ປອກ​ຮັດ​ທໍ່.

  15. ເດີນທໍ່​ສະ​ໜອງ​ໃຫ້​ກໍ້​ທໍ່ດັ່ງ​ສະ​ແດງ​ຢູ່​ໃນ ຮູບສະແດງ 22 ແລະ ຕິດ​ມັນ​ໃສ່​ກໍ້​ທໍ່​ດ້ວຍ​ປອກ​ຮັດ​ທໍ່.

    Note: ຖ້າ​ໄດ້​ຕິດ​ຕັ້ງ​ຊຸດ​ເຄື່ອງ​ມືສີດ​ລ້າງ​ທຳ​ຄວາມ​ສະ​ອາດ​ຖັງ​ໃສ່, ເດີນ​ທໍ່​ຢູ່​ເບື້ອງ​ຫຼັງ​ປ້ຳ​ສີດ​ລ້າງ.

    g028395

    ຮູບສະແດງ 22

    1. ທໍ່​ສະ​ໜອງໃຫ້​ຖັງ
    2. ທໍ່​ສະ​ໜອງໃຫ້ກໍ້​ທໍ່

  16. ຕໍ່​ສາຍ​ສຽບ​ໄຟ​ໃສ່​ທໍ່​ສະ​ໜອງ​ດ້ວຍ​ການ​ໃຊ້​ການ​ມັດ​ສາຍ 2 ບ່ອນ.

ການ​ຕໍ່ທໍ່​ສີດ​ພົ່ນ

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ທໍ່​ຍາວ​ພ້ອມ​ຂໍ້​ຕໍ່1
ປືນ​ສີດ​ພົ່ນ1
ປອກຮັດທໍ່ປ​ລາ​ສ​ຕິກ1

  1. ພັນ​ສະ​ກັອດ Teflon® ໃສ່​ຮອບ​ກຽວ​ຂອງ​ຂໍ້​ຕໍ່​ທໍ່​ໃນ​ທໍ່​ຍາວ ແລະ ຕິດ​ຕັ້ງ​ຂໍ້​ຕໍ່​ໃສ່​ທໍ່​ຕໍ່​ໃນ​ກໍ້ໝູນ (ຮູບສະແດງ 23).

    g001719

    ຮູບສະແດງ 23

  2. ຕໍ່ສົ້ນເສ​ລີຂອງທໍ່​ຍາວ​ໃສ່​ຂໍ້​ຕໍ່​ໃນປືນ​ສີດ​ພົ່ນ (ຮູບສະແດງ 24).

    g017765

    ຮູບສະແດງ 24

    1. ທໍ່
    2. ປອກຮັດທໍ່
    3. ເດືອຍ
    4. ປືນ​ສີດ​ພົ່ນ

  3. ຍຶດ​ປາຍ​ຂອງ​ທໍ່​ດ້ວຍ​ປອກ​ຮັດ​ທໍ່​ປ​ລາ​ສ​ຕິກ.

  4. ຕໍ່​ສາຍ​ແບັດ​ເຕີ​ຣີ​ຂົ້ວ​ບວກ​ໃສ່​ແບັດ​ເຕີ​ຣີ.

  5. ຕໍ່​ສາຍ​ແບັດ​ເຕີ​ຣີ​ຂົ້ວ​ລົບ​ໃສ່​ແບັດ​ເຕີ​ຣີ.

  6. ກົດ​ປຸ່ມ​ມ້ວນ​ທໍ່ ແລະ ນຳ​ພາ​ທໍ່​ເຂົ້າ​ໃສ່​ກໍ້​ທີ່​ກຳ​ລັງ​ມ້ວນ​ທໍ່​ຈາກ​ດ້ານ​ໜຶ່ງ​ມາ​ໃສ່​ດ້ານ​ໜຶ່ງ​ເພື່ອ​ກະຈາຍ​ທໍ່​ໃຫ້​ສະ​ໜ່ຳ​ສະ​ເໝີ​ຢ່າງ​ລະ​ມັດ​ລະ​ວັງ.

    ຂໍ້ຄວນລະວັງ

    ມື, ເຄື່ອງ​ນຸ່ງ​ຫຼວມ, ຜົມ​ຍາວ ແລະ ເຄື່ອງ​ປະ​ດັບ​ສາ​ມາດ​ຖືກຕິດ​ຢູ່​ໃນ​ທໍ່ ແລະ ກໍ້​ໄດ້​ໃນ​ຂະ​ນະ​ທີ່​ກຳ​ລັງ​ກໍ້​ຄືນ ແລະ ເຮັດ​ໃຫ້​ເກີດ​ການ​ບາດ​ເຈັບ​ໄດ້.

    • ຮັກ​ສາ​ມື​ຂອງ​ທ່ານ​ໃຫ້​ຫ່າງ​ຈາກ​ກໍ້ ແລະ ທໍ່ໃນ​ຂະ​ນະ​ທີ່​ມັນ​ກຳ​ລັງ​ກໍ້​ຄືນ.

    • ຢ່າ​ນຸ່ງ​ເຄື່ອງ​ຫຼວມ ຫຼື ໃສ່​ເຄື່ອງ​ປະ​ດັບ ແລະ ມັນ​ຜົມ​ທີ່​ຍາວ​ໄວ້.

ການປະຕິບັດງານ

ຄຳເຕືອນ

ຂອງ​ແຫຼວພາຍ​ໃຕ້ຄວາມ​ດັນ​ສາ​ມາດ​ແຜ່​ຊຶມ​ເຂົ້າ​ຜິວ​ໜັງ ແລະ ເຮັດ​ໃຫ້​ເກີດ​ການ​ບາດ​ເຈັບໄດ້.

  • ຮັກສາຮ່າງກາຍ ແລະ ມືຂອງທ່ານໃຫ້ຢູ່ຫ່າງຈາກຫົວສີດທີ່​ປ່ອຍ​ຂອງ​ແຫຼວຄວາມດັນສູງອອກ​ມາ.

  • ຢ່າເລັງ​ເຄື່ອງ​ສີດ​ພົ່ນໃສ່​ຄົນ ຫຼື ສັດ.

  • ໃຫ້​ແນ່​ໃຈວ່າທໍ່ ແລະ ສາຍເຊື່ອມຕໍ່ຂອງ​ແຫຼວທັງໝົດຢູ່ໃນສະພາບດີ ແລະ ທຸກໆການເຊື່ອມຕໍ່ ແລະ ຂໍ້​ຕໍ່ແໜ້ນດີກ່ອນທີ່ຈະນຳໃຊ້ຄວາມ​ດັນ​ໃສ່ລະບົບ.

  • ໃຊ້ເຈ້ຍ​ແຂງ ຫຼື ເຈ້ຍເພື່ອຊອກຫາການຮົ່ວ.

  • ຜ່ອນ​ແຮງດັນທັງ​ໝົດໃນລະບົບລົງຢ່າງປອດໄພກ່ອນທີ່ຈະປະຕິບັດວຽກງານໃດໜຶ່ງກັບ​ມັນ.

  • ຂໍຄວາມ​ຊ່ວຍ​ເຫຼືອທາງ​ການ​ແພດ​ທັນ​ທີ, ຖ້າມີການສີດຂອງ​ແຫຼວເຂົ້າໄປໃນຜິວໜັງ.

  • ຂອງ​ແຫຼວ ແລະ ສານ​ເຄ​ມີທີ່​ຮ້ອນ​ສາ​ມາດ​ເຮັດ​ໃຫ້ເກີດ​ການ​ໄໝ້ ຫຼື ອັນ​ຕະ​ລາຍ​ອື່ນໆໄດ້.

Important: ທ່ານ​ຕ້ອງຖອກ​ເຄື່ອງ​ສີດ​ພົ່ນ​ໃຫ້​ເປົ່າ ແລະ ສີດ​ລ້າງທັນ​ທີ​ຫຼັງ​ຈາກ​ການ​ນຳ​ໃຊ້​ແຕ່​ລະ​ຄັ້ງ. ການ​ບໍ່ເຮັດ​ແນວ​ນັ້ນ​ອາດ​ຈະ​ເຮັດ​ໃຫ້​ສານ​ເຄ​ມີ​ແຫ້ງ ຫຼື ຕິດ​ແໜ້ນ​ຢູ່​ໃນ​ທໍ່, ອຸດ​ຕັນປ້ຳ ແລະ ສ່ວນ​ປະ​ກອບ​ອື່ນໆ.

ທຳ​ຄວາມ​ສະ​ອາດ​ລະ​ບົບສີດ​ພົ່ນຫຼັງ​ຈາກແຕ່​ລະຄັ້ງ​ການ​ສີດ​ພົ່ນ. ເພື່ອທຳຄວາມສະອາດລະບົບສີດ​ພົ່ນຢ່າງ​ຖືກ​ຕ້ອງ:

  • ໃຊ້ການ​ໄລ​ລ້າງ 3 ເທື່ອ​ແຍກ​ກັນ.

  • ການ​ໄລ​ລ້າງ​ແຕ່​ລະ​ເທື່ອ​ໃຫ້​ໃຊ້​ຢ່າງ​ຕ່ຳ 50 ແກນ​ລອນ.

  • ໃຊ້​ນ້ຳ​ຢາ​ທຳ​ຄວາມ​ສະ​ອາດ ຫຼື ນ້ຳ​ຢາ​ເຮັດ​ໃຫ້​ເປັນ​ກາງຕາມ​ທີ່​ຜູ້​ຜະ​ລິດ​ສານເຄ​ມີ​ແນະ​ນຳ.

  • ໃຊ້​ນ້ຳ​ສະ​ອາດ​ບໍ​ລິ​ສຸດ (ບໍ່​ໃຊ້​ນ້ຳ​ຢາ​ທຳ​ຄວາມ​ສະ​ອາດ ຫຼື ນ້ຳ​ຢາ​ເຮັດ​ໃຫ້​ເປັນ​ກາງ) ສຳ​ລັບ​ການ​ໄລ​ລ້າງ​ເທື່ອສຸດ​ທ້າຍ.

ການ​ສະ​ຫຼັບ​ຈາກ​ໂໝດ​ສີດ​ພົ່ນ​ຄານ​ສີດ​ພົ່ນ​ເປັນ​ໂໝດ​ສີດ​ພົ່ນ​ດ້ວຍ​ມື

  1. ຢຸດ​ເຄື່ອງ​ຈັກ, ປິດ​ຄານ​ສີດ​ພົ່ນ ແລະ ໃສ່ເບ​ຣກມື.

    ຄຳເຕືອນ

    ການ​ຂັບ​ຂີ່​ໃນ​ຂະ​ນະ​ທີ່​ກຳ​ລັງ​ໃຊ້​ບັ້ງ​ສີດ​ພົ່ນ​ດ້ວຍ​ມື​ສາ​ມາດ​ເຮັດ​ໃຫ້​ເສຍ​ການ​ຄວບ​ຄຸມ, ເຮັດ​ໃຫ້​ເກີດ​ການ​ບາດ​ເຈັບ ຫຼື ເສຍ​ຊີ​ວິດ​ໄດ້. ຢ່ານຳ​ໃຊ້​ບັ້ງ​ສີດ​ພົ່ນ​ດ້ວຍ​ມືໃນ​ຂະ​ນະ​ທີ່​ກຳ​ລັງ​ຂັບ​ລົດ.

  2. ຢູ່​ດ້ານ​ຫຼັງ​ຂອງ​ເຄື່ອງ​ຈັກ, ໃຫ້​ແນ່​ໃຈ​ວ່າ​ລັອກ​ໄກ​ໃນປືນ​ສີດ​ຖືກ​ລັອກ​ໄວ້.

  3. ໝູນ​ມື​ຈັບ​ສີ​ຂຽວ​ໃນ​ວາວ​ຄວບ​ຄຸມ 90 ອົງ​ສາ.

  4. ໃນ​ຕຳ​ແໜ່ງ​ໃຊ້​ງານ, ເປີດ​ປ້ຳ.

  5. ບິດ​ສະ​ວິດ​ຄານ​ສີດ​ພົ່ນ​ຕົ້ນ​ຕໍ​ໄປ​ຕຳ​ແໜ່ງເປີດ.

  6. ຕັ້ງ​ຈັກ​ໄປ​ຫາ​ຄວາມ​ໄວ​ທີ່​ຕ້ອງ​ການ, ຈາກ​ນັ້ນ​ໃສ່​ລັອກ​ຄວາມ​ໄວ​ຈັກ​ເກຍ​ຫວ່າງ.

    Important: ຢ່າ​ໃຊ້​ການ​ຕັ້ງ​ຄ່າ​ຄວາມ​ດັນ​ສູງກວ່າ 10.34 bar (150 psi) ດ້ວຍ​ເຕົ້າ​ສີດດ້ວຍ​ມື.

ການ​ສີດ​ພົ່ນ​ດ້ວຍ​ເຕົ້າ​ສີດ​ດ້ວຍ​ມື

  1. ດຶງ​ຈຳ​ນວນ​ທໍ່​ທີ່​ຕ້ອງ​ການ​ອອກ​ຈາກ​ກໍ້.

    Important: ຢ່າ​ດຶງ​ທໍ່​ດ້ວຍ​ປືນ​ສີດ​ພົ່ນ. ຖື​ທໍ່​ໄວ້ ແລະ ດຶງ​ມັນ​ໂດຍ​ກົງ​ເລີຍ. ການ​ດຶງ​ທໍ່​ດ້ວຍ​ປືນ​ອາດ​ຈະ​ເຮັດ​ໃຫ້​ຂໍ້​ຕໍ່​ໃນ​ປືນ​ແຕກ ຫຼື ເຮັດ​ໃຫ້​ທໍ່​ໄດ້​ຮັບ​ຄວາມ​ເສຍ​ຫາຍ.

  2. ປ່ອຍ​ລັອກ​ໄກ.

  3. ນຳ​ເອົາ​ຫົວ​ສີດ​ປືນ​ສີດ​ພົ່ນ​ໄປ​ໃສ່​ບ່ອນ​ທີ່​ຈະ​ສີດ​ພົ່ນ ແລະ ດຶງ​ໄກ.

  4. ປ່ອຍ​ໄກ ແລະ ໃສ່ລັອກ​ໄກ​ເມື່ອ​ທ່ານສີດ​ພົ່ນ​ແລ້ວ.

ການ​ສະ​ຫຼັບ​ຈາກ​ໂໝດ​ສີດ​ພົ່ນດ້ວຍ​ມື​ເປັນ​ໂໝດສີດ​ພົ່ນ​ຄານ​ສີດ​ພົ່ນ

  1. ກົດ​ປຸ່ມ​ມ້ວນ​ຄືນ​ຢູ່​ໃນ​ກໍ້​ທີ່​ຈົນ​ກວ່າ​ຈະ​ມີ​ພຽງ​ແຕ່​ທໍ່​ສອງ​ສາມ​ຟຸດ​ຢູ່ນອກ​ກໍ້.

    Note: ສາ​ມາດນຳ​ໃຊ້ປຸ່ມ​ມ້ວນ​ກໍ້​ທໍ່ພຽງ​ແຕ່​ເມື່ອ​ກະ​ແຈ​ກຳ​ກັບ​ດູ​ແລ​ໃນ​ຕູ້​ຄວບ​ຄຸມ​ເຄື່ອງ​ສີດ​ພົ່ນ​ຢູ່​ໃນ​ຕຳ​ແໜ່ງ​ປົດ​ລັອກ​ເທົ່າ​ນັ້ນ.

    ຂໍ້ຄວນລະວັງ

    ມື, ເຄື່ອງ​ນຸ່ງ​ຫຼວມ, ຜົມ​ຍາວ ແລະ ເຄື່ອງ​ປະ​ດັບ​ສາ​ມາດ​ຖືກຕິດ​ຢູ່​ໃນ​ທໍ່ ແລະ ກໍ້​ໄດ້​ໃນ​ຂະ​ນະ​ທີ່​ກຳ​ລັງ​ກໍ້​ຄືນ ແລະ ເຮັດ​ໃຫ້​ເກີດ​ການ​ບາດ​ເຈັບ​ໄດ້.

    • ຮັກ​ສາ​ມື​ຂອງ​ທ່ານ​ໃຫ້​ຫ່າງ​ຈາກ​ກໍ້ ແລະ ທໍ່ໃນ​ຂະ​ນະ​ທີ່​ມັນ​ກຳ​ລັງ​ກໍ້​ຄືນ.

    • ຢ່າ​ນຸ່ງ​ເຄື່ອງ​ຫຼວມ ຫຼື ໃສ່​ເຄື່ອງ​ປະ​ດັບ ແລະ ມັນ​ຜົມ​ທີ່​ຍາວ​ໄວ້.

  2. ໝູນ​ມື​ຈັບ​ສີ​ຂຽວ​ໃນ​ວາວ​ຄວບ​ຄຸມ 90 ອົງ​ສາ.

  3. ນຳ​ເອົາ​ຫົວ​ສີດ​ປືນ​ສີດ​ພົ່ນ​ໄປ​ໃສ່​ບ່ອນທີ່​ມັນ​ຈະ​ປອດ​ໄພ​ທີ່​ຈະ​ສີດ​ພົ່ນ, ປ່ອຍ​ລັອກ​ໄກ ແລະ ດຶງ​ໄກ​ຈົນ​ກວ່າ​ຂອງ​ແຫຼວ​ທີ່​ຍັງ​ເຫຼືອ​ທັງ​ໝົດ​ອອກ​ຈາກ​ທໍ່, ຈາກ​ນັ້ນ​ໃສ່​ລັອກ​ໄກ.

  4. ເອົາ​ປືນ​ສີດ​ພົ່ນ​ກັບ​ຄືນ​ໄປ​ໄວ້​ບ່ອນ​ເກັບ​ຢູ່​ດ້ານ​ຫຼັງ​ຂອງ​ກໍ້.

  5. ເອົາ​ຈັກ​ກັບ​ຄືນ​ໄປ​ສູ່​ຄວາມ​ໄວ​ກາ​ລັງ​ຕີ.

  6. ມອດ​ປ້ຳ.

    Important: ໃຫ້​ແນ່​ໃຈ​ວ່າ​ທ່ານ​ໄດ້​ຊະ​ລ້າງ​ປືນ​ສີດ​ພົ່ນ​ດ້ວຍ​ນ້ຳ​ສະ​ອາດ​ສົດ​ໃນ​ລະ​ຫວ່າງ​ການ​ທຳ​ຄວາມ​ສະ​ອາດ​ປະ​ຈຳ​ວັນ​ຂອງ​ທ່ານ (ໃຫ້​ເບິ່ຄູ່​ມື​ຜູ້​ໃຊ້ເຄື່ອງ​ສີດ​ພົ່ນ​ຂອງ​ທ່ານ). ການ​ບໍ່​ທຳ​ຄວາມ​ສະ​ອາດ​ປືນ​ສີດ​ພົ່ນ​ຢ່າງ​ຖືກ​ຕ້ອງ​ອາດ​ຈະ​ເຮັດ​ໃຫ້​ເສື່ອມ​ປະ​ສິດ​ທິ​ພາບ​ການ​ໃຊ້​ງານ ແລະ ຄວາມ​ໜ້າ​ເຊື່ອ​ຖື​ຂອງ​ຊຸດ​ເຄື່ອງ​ມື​ກໍ້​ທໍ່ ແລະ ປືນ​ສີດ​ພົ່ນ.

  7. ໃຊ້​ສະ​ວິດ​ອັດ​ຕາ​ເພື່ອຕັ້ງ kPa (psi) ຕາມ​ຕ້ອງ​ການ.