ຈັກ​ຕັດ​ຫຍ້າແບບຄ້ອນ​ຟາດ F60

ສະ​ຫຼາກ ແລະ ຄຳແນະນຳກ່ຽວກັບຄວາມປອດໄພແມ່ນສາມາດໃຫ້​ຜູ້​ນຳ​ໃຊ້​ເບິ່ງເຫັນໄດ້ງ່າຍ ແລະ ຕັ້ງຢູ່ໃກ້ກັບພື້ນທີ່ໃດ​ໜຶ່ງ​ທີ່​ອາດ​ຈະເກີດອັນຕະລາຍ. ປ່ຽນສະ​ຫຼາກໃດໜຶ່ງທີ່ເສຍຫາຍ ຫຼື ຫາຍໄປ.

Note: ຮັກ​ສາ​ທຸກ​ພາກ​ສ່ວນ​ທີ່​ເອົາ​ອອກ​ໄປ​ໄວ້, ນອກ​ຈາກວ່າ​ໄດ້​ບັນ​ທຶກ​ໄວ້​ເປັນ​ຢ່າງ​ອື່ນ.

1. ຈອດເຄື່ອງຢູ່ບ່ອນພຽງ​ໄດ້ລະດັບ, ປົດ PTO, ເຄື່ອນ​ແຂນ​ຍົກ​ໄປ​ຕຳ​ແໜ່ງ​ຕ່ຳ​ສຸດ, ໃສ່​ເບຣກມື, ມອດຈັກ ແລະ ຖອດກະແຈອອກ.

2. ລໍຖ້າໃຫ້ທຸກການ​ເຄື່ອນ​ໄຫວຢຸດ ແລະ ປ່ອຍ​ໃຫ້​ເຄື່ອງ​ຈັກ​ເຢັນ​ລົງ​ກ່ອນ​ການ​ປັບ, ການ​ທຳ​ຄວາມ​ສະ​ອາດ, ການ​ເກັບ​ຮັກ​ສາ ຫຼື ການ​ສ້ອມ​ແປງ​ມັນ.

3. ຖ້າ​ໜ່ວຍ​ຕັດ​ໄດ້​ຮັບ​ການ​ຕິດ​ຕັ້ງ​ມາ, ເອົາ​ໜ່ວຍ​ຕັດ​ອອກ​ຈາກ​ແຂນ​ຍົກ​ຂອງ​ເຄື່ອງ​ຈັກ; ໃຫ້​ເບິ່ງຄູ່ມືຜູ້​ໃຊ້ໜ່ວຍຕັດຂອງ​ທ່ານ.

4. ໃຫ້​ແນ່​ໃຈ​ວ່າ​ເພົາ​ຂັບ​ເຄື່ອນ PTO ຖືກ​ຈັດ​ລຽງ​ຢ່າງ​ຖືກ​ຕ້ອງ; ໃຫ້​ເບິ່ງ​ຂັ້ນ​ຕອນ​ດຳ​ເນີນ​ການ​ຈັດ​ລຽນ​ເພົາ​ຂັບ​ເຄື່ອນ PTO ຢູ່​ໃນຄູ່​ມື​ຜູ້​ໃຊ້ເຄື່ອງ​ຈັກ​ຕັດ​ຫຍ້າ​ຂອງ​ທ່ານ.

   Important: ຖ້າເຄື່ອງ​ໝາຍໃນ​ເພົາ​ຂັບ​ເຄື່ອນ​ບໍ່​ຈັດ​ລຽງ​ກັນ, ອາດ​ຈະ​ເກີດ​ຄວາມ​ບໍ່​ດຸນ​ດ່ຽງຮຸນ​ແຮງ​ຢູ່​ໃນ​ລະ​ບົບ​ສາຍ​ຂັບ​ເຄື່ອນ.

5. ຖ້າ​ມີ​ການ​ຕິດ​ຕັ້ງແຂນ​ຍົກສຳ​ລັບ​ໜ່ວຍ​ຕັດໝູນ​ໄວ້​ໃນ​ເຄື່ອງ​ຈັກ​ຕັດ​ໜ້າ, ໃຫ້​ເອົາ​ແຂນ​ຍົກ​ອອກ​ດັ່ງ​ຕໍ່​ໄປ​ນີ້:

   1. ຍົກ​ດ້ານ​ໜ້າ​ຂອງ​ເຄື່ອງ​ຈັກ​ຂຶ້ນ ແລະ ເອົາ​ລໍ້​ໜ້າ​ອອກຈາກ​ເຄື່ອງ​ຈັກ; ໃຫ້​ເບິ່ງຄູ່ມືຜູ້​ໃຊ້ເຄື່ອງ​ຈັກຕັດຫຍ້າຂອງ​ທ່ານ.

   2. ເອົານັອດ​ຕົວ​ຜູ້ຮອງ​ຮັບ 2 ຕົວ ແລະ ນັອດ​ຕົວ​ແມ່ 2 ຕົວ (⅜ ນິ້ວ) ທີ່ຮັດ​ເຫຼັກ​ຄ້ຳ​ເຊັນ​ເຊີ​ໃສ່​ແຂນ​ຍົກ​ເບື້ອງ​ຂວາ (ຮູບສະແດງ ) ນັ້ນ​ອອກ.

   3. ເອົານັອດ​ຕົວ​ຜູ້ 2 ນັອດ (⅜ x 1-¼ ນິ້ວ), ນັອດ​ຕົວ​ແມ່ 2 ນັອດ (⅜ ນິ້ວ) ແລະ ເຂັມ​ຂັດ​ນ້ອຍ 2 ອັນທີ່ຮັດ​ແຂນ​ຍົກ​ໃສ່ກະ​ບອກສູບ (ຮູບສະແດງ ) ນັ້ນ​ອອກ.

   4. ເອົາ​ນັອດ​ຕົວ​ແມ່ ແລະ ນັອດ​ຕົວຜູ້​ທີ່​ຍຶດ​ເຂັມ​ຂັດ​ໃຫຍ່​ໃສ່​ແຂນ​ຍົກ​ອອກ​ດັ່ງ​ສະ​ແດງ​ຢູ່​ໃນ ຮູບສະແດງ .

   5. ເອົາແຂນ​ຍົກ ແລະ ເຂັມ​ຂັດ​ໃຫຍ່ອອກ​ຈາກກອບ​ເຄື່ອງ​ຈັກ (ຮູບສະແດງ ).

      

      ຮູບສະແດງ 3

      1. ນັອດກຽວ (⅜ x 1-¼ ນິ້ວ)
      2. ເຂັມ​ຂັດ​ນ້ອຍ
      3. ນັອດຕົວແມ່ (⅜ ນິ້ວ)
      4. ນັອດຕົວຜູ້ຮອງ​ຮັບ
      5. ເຫຼັກ​ຄ້ຳ​ເຊັນ​ເຊີ
      

      ຮູບສະແດງ 4

      ສະ​ແດງ​ໃຫ້​ເຫັນດ້ານຂວາ

      1. ນັອດຕົວແມ່
      2. ເຂັມ​ຂັດ​ໃຫຍ່
      3. ນັອດຕົວຜູ້
      

      ຮູບສະແດງ 5

      1. ແຂນຍົກ
      2. ໂຄງ​ເຄື່ອງ​ຈັກ
      3. ເຂັມ​ຂັດ​ໃຫຍ່

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ງ່າມ​ຄີບ​ລໍ້​ກິ້ງ	2
ນັອດ​ຕົວ​ຜູ້​ຈັບລໍ້​ກິ້ງ	2
ລູກບີ່	4
ຕົວ​ຈັດ​ໄລ​ຍະ​ຫ່າງ​ລູກ​ບີ່	2
ນັອດ​ລັອກ​ຕົວ​ແມ່​ໃຫຍ່	2
ແຂນ​ລໍ້​ກິ້ງ	2
ນັອດ​ຕົວ​ຜູ້​ຮອງ​ຮັບ (M10)	12
ນັອດລັອກຕົວແມ່ (M10)	12
ຝາ​ປິດເຄັ່ງ	2
ຕົວ​ຈັດ​ໄລ​ຍະ​ຫ່າງ​ຄວາມ​ສູງ​ຂອງ​ການ​ຕັດ	14
ແຜ່ນ​ຮອງ	4

1. ປະ​ກອບ​ລໍ້​ຂອງ​ລໍ້​ກິ້ງ​ໃສ່​ງ່າມ​ຄີບ​ລໍ້​ກິ້ງ​ດັ່ງ​ສະ​ແດງ​ຢູ່​ໃນ ຮູບສະແດງ .

   Note: ໃຊ້​ແຕ່​ຫົວ​ເພົາ​ແກນ​ໝູນ​ດ້ານ​ເທິງ​ເທົ່າ​ນັ້ນ; ຢ່າ​ປັບ​ຕຳ​ແໜ່ງ​ລໍ້​ຂອງ​ລໍ້​ກິ້ງ.

   

   ຮູບສະແດງ 6

   1. ນັອດ​ຕົວ​ຜູ້​ຈັບລໍ້​ກິ້ງ
   2. ງ່າມ​ຄີບ​ລໍ້​ກິ້ງ
   3. ລູກບີ່
   4. ຕົວ​ຈັດ​ໄລ​ຍະ​ຫ່າງ​ລູກ​ບີ່
   5. ນັອດ​ລັອກ​ຕົວ​ແມ່​ໃຫຍ່

2. ປະ​ກອບ​ແຂນ​ລໍ້​ເລື່ອນ​ແຕ່​ລະ​ຕົວ​ໃສ່​ໜ່ວຍ​ຕັດ​ດ້ວຍ​ນັອດ​ຕົວ​ຜູ້​ຮອງ​ຮັບ 6 ຕົວ (M10) ແລະ ນັອດ​ລັອກ​ຕົວ​ແມ່ 6 ຕົວ (M10) ດັ່ງ​ສະ​ແດງ​ຢູ່​ໃນ ຮູບສະແດງ ; ບິດ​ນັອດ​ລັອກຕົວ​ແມ່ໃຫ້​ໄດ້ 47 ຫາ 57 N∙m (34 ເຖິງ 42 ft-lb).

   

   ຮູບສະແດງ 7

   ດ້ານຊ້າຍສະ​ແດງ​ໃຫ້​ເຫັນ

   1. ນັອດຕົວຜູ້ຮອງ​ຮັບ
   2. ນັອດ​ລັອກ​ຕົວ​ແມ່
   3. ແຂນ​ລໍ້​ກິ້ງ

3. ປະ​ກອບ​ລໍ້​ເລື່ອນ​ໃສ່​ໜ່ວຍ​ຕັດ​ດ້ວຍ​ແຜ່ນ​ຮອງ​ຢູ່​ທັງ​ສອງ​ຂ້າງ​ຂອງ​ຕົວ​ຮັບ​ເພົາ​ລໍ້​ກິ້ງ​ດັ່ງ​ສະ​ແດງ​ຢູ່​ໃນ ຮູບສະແດງ .

   Note: ທ່ານ​ສາ​ມາດ​ປັບ​ການ​ຕັ້ງ​ຄ່າ​ຄວາມ​ສູງ​ຂອງ​ການ​ຕັດ​ໄດ້​ໂດຍ​ການ​ປ່ຽນ​ຈຳ​ນວນ​ຂອງ​ຕົວ​ຈັດ​ໄລ​ຍະ​ຫ່າງ​ຢູ່​ດ້ານ​ໃດ​ໜຶ່ງ​ຂອງ​ຕົວ​ຮັບ​ເພົາ​ລໍ້​ກິ້ງ; ໃຫ້​ເບິ່ງ .

   

   ຮູບສະແດງ 8

   1. ຝາ​ປິດເຄັ່ງ
   2. ຕົວ​ຈັດ​ໄລ​ຍະ​ຫ່າງ​ຄວາມ​ສູງ​ຂອງ​ການ​ຕັດ
   3. ແຜ່ນ​ຮອງ
   4. ຕົວ​ຮັບ​ເພົາ​ລໍ້​ກິ້ງ
   5. ເພົາ​ລໍ້ຂອງ​ລໍ້​ກິ້ງ

4. ໃຫ້​ແນ່​ໃຈ​ວ່າ​ພື້ນ​ໄດ້​ລະ​ດັບ; ເຄື່ອນ​ພື້ນ​ໄປ​ຫາ​ພື້ນ​ຜິວ​ໄດ້​ລະ​ດັບ ແລະ ວາງ​ລະ​ດັບ​ລວງນອນ​ຂ້າມ​ດ້ານ​ເທິງ​ຂອງ​ພື້ນ.

5. ຖ້າ​ພື້ນ​ບໍ່​ໄດ້​ລະ​ດັບ, ວາງ​ເຕັມ​ແໜ່ງ​ແຜ່ນ​ຮອງ​ໃນ​ເພົາ​ລໍ້​ເລື່ອນ​ຕາມ​ນັ້ນຈົນ​ກວ່າ​ມັນ​ໄດ້​ລະ​ດັບ.

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ເກາະ​ກັນ​ຂີ້​ເຫຍື້ອ	1
ໂຄງ​ຍຶດ	1
ສະ​ຫຼັກ	5

ໃຊ້​ສະ​ຫຼັກ 5 ຕົວ​ເພື່ອຕິດ​ຕັ້ງໂຄງ​ຍຶດ ແລະ ເກາະ​ກັນ​ຂີ້​ເຫຍື້ອ​ໃສ່​ແກນ​ໜ້າ (ຮູບສະແດງ ).

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ແຂນຍົກ	2
ເຂັມ​ຂັດ​ໃຫຍ່	2
ນັອດຕົວ​ຜູ້ຍາວ (⅜ x 2-¾ ນິ້ວ)	2
ນັອດຕົວແມ່ (⅜ ນິ້ວ)	6
ເຂັມ​ຂັດ​ນ້ອຍ	2
ນັອດກຽວ (⅜ x 1-¼ ນິ້ວ)	2
ນັອດຕົວ​ຜູ້ຮອງ​ຮັບ (⅜ x 1-¼ ນິ້ວ)	2
ນັອດກຽວຫົວ​ຈົມ (⅜ x 2-¼ ນິ້ວ)	2
ແຫວນ​ຮອງ (⅜ ນິ້ວ)	2
ນັອດລັອກແມ່​ໜ້າ​ແປນ (⅜ ນິ້ວ)	2
ເຂັມ​ຂັດແຂນຍົກ	2
ສະ​ຫຼັກ​ດຶງ	2
ເຫຼັກ​ຄ້ຳ​ເຊັນ​ເຊີ	1

1. ຍົກ​ດ້ານ​ໜ້າ​ຂອງ​ເຄື່ອງ​ຈັກ​ຂຶ້ນ ແລະ ເອົາຢາງໜ້າ​ອອກຈາກ​ເຄື່ອງ​ຈັກ; ໃຫ້​ເບິ່ງຄູ່ມືຜູ້​ໃຊ້ເຄື່ອງ​ຈັກຕັດຫຍ້າຂອງ​ທ່ານ.

2. ຕິດ​ຕັ້ງແຂນ​ຍົກ ແລະ ເຂັມ​ຂັດ​ໃຫຍ່ໃສ່ກອບ​ເຄື່ອງ​ຈັກ (ຮູບສະແດງ ).

   

   ຮູບສະແດງ 10

   ສະ​ແດງ​ໃຫ້​ເຫັນດ້ານຂວາ

   1. ແຂນຍົກ
   2. ໂຄງ​ເຄື່ອງ​ຈັກ
   3. ເຂັມ​ຂັດ​ໃຫຍ່

3. ຍຶດ​ເຂັມ​ຂັດ​ໃຫຍ່​ໃສ່​ແຂນ​ຍົກ​ດ້ວຍ​ການ​ໃຊ້​ນັອດ​ຕົວ​ແມ່ ແລະ ຕົວ​ຜູ້​ຄູ່​ໜຶ່ງ​ດັ່ງ​ສະ​ແດງ​ຢູ່​ໃນ ຮູບສະແດງ .

   

   ຮູບສະແດງ 11

   1. ນັອດຕົວແມ່ (⅜ ນິ້ວ)
   2. ເຂັມ​ຂັດ​ໃຫຍ່
   3. ນັອດຕົວ​ຜູ້ຍາວ (⅜ x 2-¾ ນິ້ວ)

4. ຍຶດ​ປາຍ​ກ້ານ​ລູກ​ສູບ​ແຕ່​ລະ​ຕົວ​ໃສ່​ແຂນ​ຍົກ​ແຕ່​ລະ​ຕົວ​ດ້ວຍ​ເຂັມ​ຂັດ​ນ້ອຍ, ນັອດ​ຕົວ​ຜູ້ (⅜ x 1-¼ ນິ້ວ) ແລະ ນັອດ​ຕົວ​ແມ່ (⅜ ນິ້ວ) ດັ່ງ​ສະ​ແດງ​ຢູ່​ໃນ ຮູບສະແດງ .

   Note: ໝູນ​ແຂນ​ຍົກ​ເອົາ​ເອງ​ເພື່ອ​ຈັດ​ລຽນ​ມັນ​ກັບ​ປາຍ​ກ້ານ​ສູບ.

5. ຍຶດເຫຼັກ​ຄ້ຳ​ເຊັນ​ເຊີ​ໃສ່ແຂນ​ຍົກ​ເບື້ອງ​ຂວາດ້ວຍ​ການ​ໃຊ້​ນັອດ​ຕົວຜູ້​ຮອງ​ຮັບ 2 ຕົວ ແລະ ນັອດ​ຕົວແມ່ 2 ຕົວ ແລະ ຕົວ (⅜ ນິ້ວ) ດັ່ງ​ສະ​ແດງ​ຢູ່​ໃນ ຮູບສະແດງ .

   

   ຮູບສະແດງ 12

   1. ນັອດກຽວ (⅜ x 1-¼ ນິ້ວ)
   2. ເຂັມ​ຂັດ​ນ້ອຍ
   3. ນັອດຕົວແມ່ (⅜ ນິ້ວ)
   4. ນັອດຕົວຜູ້ຮອງ​ຮັບ
   5. ເຫຼັກ​ຄ້ຳ​ເຊັນ​ເຊີ

6. ໃຫ້​ແນ່​ໃຈ​ວ່າ​ເຫຼັກ​ຄ້ຳຊັນ​ເຊີ​ບໍ່​ລົບ​ກວນ​ເຊັນ​ເຊີ; ໃຫ້​ເບິ່ງ .

   ເມື່ອ​ຕິດ​ຕັ້ງ​ເຫຼັກ​ຄ້ຳ​ເຊັນ​ເຊີ, ໝູນ​ເຫຼັກ​ຄ້ຳ​ຂຶ້ນ (ດັ່ງ​ສະ​ແດງ​ຢູ່​ໃນ ຮູບສະແດງ ) ກ່ອນ​ໜີບ​ຮັດ​ເຂົ້າ.

7. ຈັດ​ລຽນ​ໜ່ວຍ​ຕັດ​ຢູ່​ດ້ານ​ໜ້າ​ຂອງກອບ​ເຄື່ອງ​ຈັກ ແລະ ຫົວ​ເພົາ PTO.

8. ປະ​ຕິ​ບັດ​ຂັ້ນ​ຕອນ​ຕໍ່​ໄປ​ນີ້​ເພື່ອ​ຕິດ​ຕັ້ງ​ເພົາ PTO ໃສ່​ໜ່ວຍ​ຕັດ:

   1. ຕິດ​ຕັ້ງ​ຕົວ​ຄ້ຳ​ເພົາ PTO ໃສ່​ເພົາ​ກະ​ປຸກ​ເກຍ​ໜ່ວຍ​ຕັດ​ດັ່ງ​ສະ​ແດງ​ຢູ່​ໃນ ຮູບສະແດງ .

   2. ປະ​ກອບ​ນັອດ​ກຽວ​ຫົວ​ຈົມ (⅜ x 2-¼ ນິ້ວ) ຜ່ານ​ແຫວນ​ແປ (⅜ ນິ້ວ) ແລະ ຮູ​ຢູ່​ໃນ​ເຫຼັກ​ຄ້ຳ​ເພົາ​ຂັບ​ເຄື່ອນ (ຮູບສະແດງ ) ແລະ ຮັດ​ນັອດຫົວ​ກຽວ​ດ້ວຍ​ນັອດ​ລັອກ​ແມ່​ໜ້າ​ແປນ (⅜ ນິ້ວ).

   3. ປະ​ກອບ​ນັອດ​ກຽວ​ຫົວ​ຈົມ (⅜ x 2-¼ ນິ້ວ) ຜ່ານ​ແຫວນ​ແປ (⅜ ນິ້ວ) ແລະ ຮູ​ຢູ່​ໃນ​ເຫຼັກ​ຄ້ຳ​ເພົາ​ຂັບ​ເຄື່ອນຈາກ​ທິດ​ທາງ​ກົງ​ກັນ​ຂ້າມ (ຮູບສະແດງ ) ແລະ ຮັດ​ນັອດຫົວ​ກຽວ​ດ້ວຍ​ນັອດ​ລັອກ​ແມ່​ໜ້າ​ແປນ (⅜ ນິ້ວ).

   4. ບິດ​ນັອດ​ລັອກ​ຕົວ​ແມ່​ເພີ່ມ​ຂຶ້ນ​ຈົນ​ຮອດ 61 N∙m (45 ft-lb) ໃນ​ຮູບ​ແບບ​ສະ​ຫຼັບ.

      Important: ໃຫ້​ແນ່​ໃຈ​ວ່າໄດ້ຮັດ​ນັອດ​ຕົວ​ຄ້ຳ​ເພົາ PTO ແໜ້ນ​ໄດ້​ຕາມ​ແຮງ​ບິດ​ລະ​ບຸ​ໄວ້ ການ​ບໍ່ບິດ​ນັອດ​ໃຫ້​ໄດ້​ຕາມ​ແຮງ​ທີ່​ຖືກ​ຕ້ອງເຮັດ​ໃຫ້​ເກີດ​ຄວາມ​ຂັດ​ຂ້ອງ​ຂອງ​ອາ​ໄຫຼ່ສຳ​ຄັນ​ໄວ​ກວ່າ​ກຳ​ນົດ.

      Important: ເມື່ອ​ໃດກໍ​ຕາມ​ທີ່​ທ່ານ​ເອົາ​ເພົາ PTO ອອກ​ຈາກກະ​ປຸກ​ເກຍ, ໃຊ້​ນັອດ​ກຽວ ແລະ ນັອດ​ລັອກ​ຕົວ​ແມ່​ໃໝ່​ເພື່ອ​ຍຶດ​ເພົາ​ໃສ່​ກະ​ປຸກ​ເກຍ.

      

      ຮູບສະແດງ 13

      1. ນັອດລັອກແມ່​ໜ້າ​ແປນ (⅜ ນິ້ວ)
      2. ເຫຼັກ​ຄ້ຳ​ເພົາ​ຂັບ​ເຄື່ອນ
      3. ແຫວນ​ຮອງ (⅜ ນິ້ວ)
      4. ນັອດກຽວຫົວ​ຈົມ (⅜ x 2-¼ ນິ້ວ)

9. ຍຶດຄ້ອນ​ຟາດ​ໃສ່​ແຂນ​ຍົກ​ດ້ວຍ​ການ​ໃຊ້​ເຂັມ​ຂັດ​ແຂນ​ຍົກ ແລະ ສະ​ຫຼັກ​ດຶງ (ຮູບສະແດງ ).

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ຕົວຕິດ​ບານ​ພັບ	1
ນັອດຕົວຜູ້ຮອງ​ຮັບ(M8)	6
ນັອດຕົວແມ່ໜ້າແປນ (M8)	6

ໃຊ້​ນັອດ​ຕົວ​ຜູ້​ຮອງ​ຮັບ 6 ຕົວ (M8), ນັອ​ຕົວ​ແມ່​ໜ້າ​ແປນ 6 (M8) ແລະ ຕົວຕິດ​ບານ​ພັບເພື່ອ​ຍຶດ​ຖົງ​ຂີ້​ເຫຍື້ອ​ໃສ່​ໂຄງ​ຄ້ຳແກນ.

Note: ເພື່ອ​ການ​ເຂົ້າ​ເຖິງ​ພື້ນ​ທີ່​ນີ້​ງ່າຍ​ຂຶ້ນ, ທ່ານ​ອາດ​ຈະ​ເອົາ​ລໍ້​ໜ້າ​ລໍ້​ໜຶ່ງ ຫຼື ທັງ​ສອງ​ລໍ້​ອອກ. ໃຫ້​ເບິ່ງ​ຂໍ້​ການ​ຕັ້ງ​ຢູ່​ໃນຄູ່​ມື​ຜູ້​ໃຊ້ເຄື່ອງ​ຈັກ​ຕັດ​ຫຍ້າ​ສຳ​ລັບ​ການ​ເອົາ​ລໍ້​ອອກ ແລະ ຄຳ​ແນະ​ນຳ​ການ​ຕິດ​ຕັ້ງ.

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ການ​ປະ​ກອບເກາະ​ປ້ອງ​ກັນ PTO	1
ນັອດກຽວ (⅜ x ¾ ນິ້ວ)	2
ແຫວນ​ຮອງ (⅜ ນິ້ວ)	2

ຕິດ​ຕັ້ງ​ຕົວສ່ວນ​ປະ​ກອບ PTO ໃສ່ດ້ານ​ເທິງ​ຂອງກະ​ປຸກ​ເກຍດັ່ງ​ສະ​ແດງ​ຢູ່​ໃນ ຮູບສະແດງ .

ເຊັນ​ເຊີ ແລະ ແຜ່ນເຫຼັກ​ຄ້ຳ​ເຊັນ​ເຊີຄວນ​ມີ​ໄລ​ຍະ​ຫວ່າງ 6 ມມ (0.24 ນິ້ວ) ລະ​ຫວ່າງ​ພວກ​ມັນ (ຮູບສະແດງ ).

ຖ້າ​ໄລ​ຍະ​ຫວ່າງ​ບໍ່​ຖືກ​ຕ້ອງ, ໃຫ້​ປະ​ຕິ​ບັດ​ຂັ້ນ​ຕອນ​ຕໍ່​ໄປ​ນີ້​ເພື່ອ​ປັບ​ເຫຼັກ​ຄ້ຳ​ເຊັນ​ເຊີ:

1. ມາຍ​ນັອດ​ລັອກ​ຕົວ​ແມ່​ທີ່​ຍຶດ​ສະ​ວິດ​ໃສ່​ຂາ​ຄ້ຳ​ສະ​ວິດ​ໃຫ້​ຫຼວມ ແລະ ປັບມັນ​ເພື່ອ​ໃຫ້​ມີ​ໄລ​ຍະ​ຫວ່າງ​ທີ່​ຖືກ​ຕ້ອງ​ລະ​ຫວ່າງ​ເຊັນ​ເຊີ ແລະ ແຜ່ນ​ເຊັນ​ເຊີ.

2. ຮັດນັອດ​ລັອກ​ເຊັນ​ເຊີໃຫ້​ແໜ້ນຈາກ 19 ຫາ 21 N·m (14 ຫາ 16 ft-lb).

ປັບ​ການ​ໂອນ​ນ້ຳ​ໜັກຂອງ​ສິ່ງ​ທີ່​ຕິດ​ມາ; ໃຫ້​ເບິ່ຄູ່​ມື​ຜູ້​ໃຊ້ເຄື່ອງ​ຈັກ​ຕັດ​ຫຍ້າ.

ໃຫ້​ແນ່​ໃຈ​ວ່າ​ກະ​ປຸກ​ເກຍ​ມີ​ນ້ຳ​ມັນ​ຫຼໍ່​ມື່ນ​ໃນ​ປະ​ລິ​ມານ​ທີ່​ຖືກ​ຕ້ອງ; ໃຫ້​ເບິ່ງ .

ໃຫ້​ແນ່​ໃຈ​ວ່າ​ຢາງ​ລໍ້​ກິ້ງໄດ້ເຕີມລົມເປັນ 0.02 ເຖິງ 0.035 bar (30 ເຖິງ 50 psi); ໃຫ້​ເບິ່ງ .

ໃສ່​ນ້ຳ​ມັນ​ກະ​ແລັດໜ່ວຍຕັດກ່ອນ​ໃຊ້​ງານ​ເປັນ​ເທື່ອ​ທຳ​ອິດ; ໃຫ້​ເບິ່ງ . ການ​ບໍ່ໃສ່ນ້ຳ​ມັນ​ກະ​ແລັດ​ເຄື່ອງ​ຈັກຢ່າງ​ຖືກ​ຕ້ອງ​ຈະ​ເຮັດ​ໃຫ້​ເກີດ​ຄວາມ​ຂັດ​ຂ້ອງ​ຂອງ​ອາ​ໄຫຼ​ສຳ​ຄັນ​ໄວ​ກວ່າ​ກຳ​ນົດ.

ໃຊ້​ໜ້າ​ຈໍ​ສະ​ແດງ​ຜົນ​ເຄື່ອງ​ຈັກ​ຕັດ​ຫຍ້າ​ເພື່ອ​ໃສ່​ໂໝດ​ລ້ຽວ​ໄປ​ມາ; ໃຫ້​ເບິ່ງຄູ່​ມື​ຜູ້​ໃຊ້ເຄື່ອງ​ຈັກ​ຕັດ​ຫຍ້າ​ຂອງ​ທ່ານ.

Important: ການ​ໃຊ້​ໂໝດ​ລ້ຽວ​ໄປ​ມາກັບຈັກ​ຕັດ​ຫຍ້າ​ແບບຄ້ອນ​ຟາດ​ຕິດ​ຕັ້ງ​ມາ​ຊ່ວຍ​ປ້ອງ​ກັນ​ການ​ຫ້ຽນ​ຂອງ​ສາຍ​ຂັບ​ເຄື່ອນ​ກ່ອນ​ກຳ​ນົດ. ທ່ານ​ຕ້ອງ​ໃສ່​ໂໝດ​ລ້ຽວ​ໄປ​ມາ​ໄວ້​ສະ​ເໝີ​ເມື່ອ​ຕັດ​ຫຍ້າ​ດ້ວຍ​ຄ້ອນ​ຟາດ.

Note: ໂໝດ Turnaround (ປີ້ນ​ຄືນ) ໃຫ້​ທ່ານ​ຍົກ​ຈັກ​ຕັດ​ຫຍ້າ​ແບບ​ຄ້ອນ​ຟາດ​ຂຶ້ນ​ເທິງ​ສະ​ໜາມ​ຫຍ້າ​ໄດ້​ຢ່າງ​ໄວ​ເມື່ອ​ສຳ​ເລັດ​ການ​ລ້ຽວ​ກັບ​ຄືນ​ຢ່າງ​ໄວຢູ່​ທີ່​ປາຍ​ຂອງ​ການ​ຜ່ານ​ການ​ຕັດ (ຫຼື ໃນ​ຂະ​ນະ​ທີ່​ກຳລັງ​ນຳ​ທາງກວດ​ຫາ​ສິ່ງ​ກີດ​ຂວາງ​ໄປ​ຮອບໆ) ໂດຍ​ບໍ່​ມີ​ການ​ໃສ່ PTO.

ສຳ​ລັບ​ເຄື່ອງ​ຈັກ​ຕັດ​ຫຍ້າ​ທີ່​ມີ​ຫ້ອງ​ຂັບ ແລະ ຊຸດ​ເຄື່ອງ​ມື​ໄຟ​ຖະ​ໜົນ​ຕິດ​ຕັ້ງ​ມາ​ນຳ

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ຕົວ​ຈັດ​ໄລ​ຍະ​ຫວ່າງ	2
ນັອດກຽວ (¼ x 1-¼ ນິ້ວ)	4

ສຳ​ລັບ​ເຄື່ອງ​ຈັກ​ຕັດ​ຫຍ້າ​ທີ່​ມີ​ຫ້ອງ​ຂັບ ແລະ ຊຸດ​ເຄື່ອງ​ມື​ໄຟ​ຖະ​ໜົນ​ຕິດ​ຕັ້ງ​ມາ​ນຳ, ຈັກ​ຕັດ​ຫຍ້າ​ແບບ​ໄມ​ຟາດ​ສາ​ມາດ​ສຳ​ຜັດ​ກັບ​ໄຟ​ຖະ​ໜົນ​ໄດ້. ເພື່ອ​ຫຼີກ​ລ່ຽງ​ການ​ສຳ​ຜັດ​ກັບ​ໄຟ​ຖະ​ໜົນ, ຕິດ​ຕັ້ງ​ຕົວ​ຈັດ​ໄລ​ຍະ​ຫວ່າງ​ເພື່ອ​ຈຳ​ກັດ​ການ​ເຄື່ອນ​ໄຫວ​ຂອງ​ແຂນ​ຍົກ.

1. ຢູ່​ກ້ອງ​ຊັກ​ຊີ​ດ້ານ​ໜ້າ, ເອົາ​ນັອດ​ກຽວ​ທີ່​ມີ​ຢູ່ (¼ ນິ້ວ) ແລະ ແຜ່ນ​ຢາງ​ອອກ​ຈາກ​ຊັກ​ຊີ (ຮູບສະແດງ ).

   ເອົາ​ນັອດ​ກຽວ​ຖິ້ມ ແລະ ຮັກ​ສາ​ແຜ່ນ​ຢາງ​ໄວ້.

2. ໃຊ້ນັອດກຽວໃໝ່ (¼ x 1-¼ ນິ້ວ) ເພື່ອ​ຍຶດ​ຕົວ​ຈັດ​ໄລ​ຍະ​ຫວ່າງ ແລະ ແຜ່ນຢາງ​ໃສ່​ຊັກ​ຊີ (ຮູບສະແດງ ).

   ຫັນນັອດກຽວໃຫ້ແໜ້ນຈົນ​ກວ່າ​ຫົວ​ມີ​ລະ​ດັບ​ສະ​ເໝີ​ກັນ​ກັບ​ແຜ່ນ​ຢາງ.

ການຄັດເລືອກສິ່ງທີ່ຕິດມາ ແລະ ອຸປະກອນເສີມທີ່ໄດ້ຮັບການອະ​ນຸ​ມັດຈາກຜູ້​ຜະ​ລິດແມ່ນມີໃຫ້ໃຊ້ກັບເຄື່ອງຈັກເພື່ອຍົກ​ລະ​ດັບ ແລະ ຂະຫຍາຍຄວາມສາມາດຂອງມັນ. ຕິດຕໍ່ຕົວແທນຈຳໜ່າຍບໍລິການທີ່ໄດ້ຮັບອະນຸຍາດ ຫຼື ຕົວແທນຈຳໜ່າຍຂອງຜູ້​ຜະ​ລິດ ຫຼື ໄປທີ່ www.Toro.com ສຳລັບລາຍຊື່ສິ່ງທີ່ຕິດມານຳ ແລະ ອຸປະກອນເສີມທີ່ຖືກອະນຸມັດທັງໝົດ.

ເພື່ອຮັບປະກັນການປະຕິບັດງານທີ່ດີທີ່ສຸດ ແລະ ການຢັ້ງຢືນຄວາມປອດໄພຂອງເຄື່ອງຈັກຢ່າງຕໍ່ເນື່ອງ, ໃຫ້ນຳໃຊ້ແຕ່ອາໄຫຼ່ ແລະ ອຸປະກອນປ່ຽນຖ່າຍຂອງ Toro ເທົ່ານັ້ນ. ອາໄຫຼ່ປ່ຽນ​ຖ່າຍ ແລະ ອຸປະກອນເສີມທີ່ຜະລິດໂດຍຜູ້ຜະລິດອື່ນໆອາດຈະເປັນອັນຕະລາຍ ແລະ ການນຳໃຊ້ດັ່ງກ່າວອາດເຮັດໃຫ້ການຄ້ຳປະກັນຂອງສິນຄ້າເປັນໂມຄະ.

• ຮັກ​ສາ​ໃບ​ມີດ​ຂອງ​ຄ້ອນ​ຟາດ​ໄວ້​ໃຫ້​ຄົບ ແລະ ຢູ່​ໃນ​ສະ​ພາບ​ທີ່​ດີ​ເພື່ອ​ຮັບ​ປະ​ກັນ​ປະ​ສິດ​ທິ​ພາບ​ການ​ຕັດ​ທີ່​ດີ, ການ​ໃຊ້​ພະ​ລັງ​ງານຕ່ຳ​ສຸດ ແລະ ຄຸນ​ນະ​ພາບ​ການ​ຕັດ​ທີ່​ດີ.

• ໜ່ວຍຕັດລອຍ​ຕົວ​ເພື່ອໄປ​ຕາມ​ແນວລະ​ດັບ​ພື້ນ​ດິນ.

• ກ່ອນ​ໃສ່​ໜ່ວຍ​ຕັດ, ໃຫ້​ແນ່​ໃຈ​ວ່າ​ຈັກ​ຖືກ​ຕັ້ງ​ໄປ​ສູ່​ຄວາມ​ໄວ​ຫຼຸດ​ລົງ:

  • ລຸ້ນ​ເຄື່ອງ​ຈັກ​ຕັດ​ຫຍ້າ 31900, 31901, 31907 ແລະ 31909: ໃຫ້​ເບິ່ງ

  • ລຸ້ນ​ເຄື່ອງ​ຈັກ​ຕັດ​ຫຍ້າ 31902 ແລະ 31903: ໃຫ້​ເບິ່ງ

• ໃຊ້​ງານ​ໜ່ວຍ​ຕັດ​ຢູ່​ທີ່​ຄວາມ​ໄວ​ຈັກ​ເຕັມ​ທີ່. ປັບ​ຄວາມ​ໄວ​ໄປ​ໜ້າ​ໃຫ້​ເໝາະ​ສົມ​ກັບ​ສະ​ພາບ​ຫຍ້າ ແລະ ບໍ່​ເຮັດ​ໃຫ້​ໜ່ວຍ​ຕັດ​ໜັກ​ເກີນ​ໄປ. ຄວາມ​ໄວໄປ​ໜ້າຍິ່ງ​ຕ່ຳ, ຄຸນ​ນະ​ພາບ​ຂອງ​ການ​ຕັດ ແລະ ຄວາມ​ສວຍ​ງາມ​ຫຼັງ​ຈາກ​ຕັດ​ຍິ່ງ​ດີ.

Important: ໃຫ້​ແນ່​ໃຈ​ສະ​ເໝີ​ວ່າ​ຄວາມ​ສູງ​ຂອງ​ການ​ຕັດ​ຖືກຕັ້ງ​ຢ່າງ​ຖືກ​ຕ້ອງ​ຕາມ​ຄຳ​ແນະ​ນຳ​ເຫຼົ່າ​ນີ້. ໃຫ້​ແນ່​ໃຈ​ວ່າ​ທັງ​ແຜ່ນ​ຕົວ​ປັບ ແລະ ຕົວ​ຈັດ​ໄລ​ຍະ​ຫ່າງງ່າມ​ຄີບ​ລໍ້​ເລື່ອນຖືກ​ຕັ້ງ​ຕາມ​ຕາ​ຕະ​ລາງ. ການ​ບໍ່​ປະ​ຕິ​ບັດ​ຕາມ​ນີ້​ອາດ​ຈະ​ເຮັດ​ໃຫ້​ມີ​ການ​ຫ້ຽນ​ກ່ອນ​ກຳ​ນົດ​ຢູ່​ໃນ​ສາຍ​ຂັບ​ເຄື່ອນ ແລະ ມີ​ການ​ສັ່ນ​ເກີນ​ຂອບ​ເຂດ.

Note: ຄວາມສູງ​ຂອງ​ການ​ຕັດຖືກ​ກຳ​ນົດ​ໂດຍ​ລູກ​ກິ້ງ​ດ້ານ​ຫຼັງ ແລະ ລໍ້​ເລື່ອນ​ດ້ານ​ໜ້າ. ການ​ຫ້ຽນ​ຂອງ​ໃບ​ມີດ, ຄວາມ​ດັນ​ຢາງ ແລະ ແຂນ​ລໍ້​ກິ້ງກົ່ງ/ເສຍ​ຫາຍ​ສາ​ມາດ​ມີ​ຜົນ​ກະ​ທົບ​ຕໍ່​ການ​ຕັ້ງ​ຄ່າ​ຄວາມ​ສູງ​ຂອງ​ການ​ຕັດ​ໄດ້.

1. ຈັດ​ຕຳ​ແໜ່ງເຄື່ອງຈັກຢູ່ໃນພື້ນບ່ອນ​ພຽງໄດ້​ລະ​ດັບ, ຍົກໜ່ວຍຕັດຂຶ້ນ ແລະ ຄ້ຳ​ມັນ​ໄວ້​ດ້ວຍ​ກະ​ລິກ​ຄ້ຳ, ມອດຈັກ, ໃສ່​ເບ​ຣກມື ແລະ ຖອດກະແຈອອກ​ຈາກ​ປຸ່ມ​ຕິດ​ຈັກ.

2. ໃຫ້​ເບິ່ງ​ຕາ​ຕະ​ລາງ​ການ​ຕັ້ງ​ຄ່າ​ຄວາມ​ສູງ​ຂອງ​ການ​ຕັດ​ໃນ​ປ້າຍ​ຄວາມ​ສູງ​ຂອງ​ການ​ຕັດ (ຮູບສະແດງ ) ສຳ​ລັບ​ການ​ຕັ້ງ​ຄ່າ​ຄວາມ​ສູງ​ຂອງ​ການ​ຕັດ.

   

   ຮູບສະແດງ 19

   1. ຕຳ​ແໜ່ງ​ຕິດແຜ່ນ​ຕົວປັບຄວາມ​ສູງ​ຂອງການຕັດ
   2. ຕົວ​ຈັດ​ໄລ​ຍະ​ຫ່າງຄວາມ​ສູງ​ຂອງການ​ຕັດ​ງ່າມ​ຄີບລໍ້​ກິ້ງ

3. ເພື່ອ​ປັບ​ຕຳ​ແໜ່ງ​ຂອງ​ແຜ່ນ​ຕົວ​ປັບ​ຄວາມ​ສູງ​ຂອງ​ການ​ຕັດ, ໃຫ້​ເອົາ​ນັອດ​ຕົວ​ຜູ້ ແລະ ນັອດ​ຕົວ​ແມ່​ທີ່​ຍຶດ​ແຜ່ນ (ຮູບສະແດງ ) ອອກ.

4. ຕິດ​ຕັ້ງ​ນັອດ​ຕົວ​ຜູ້​ຢູ່​ໃນ​ບ່ອນ​ທີ່​ລະ​ບຸ​ໄວ້​ຢູ່ໃນ ຮູບສະແດງ ສຳ​ລັບ​ຄວາມ​ສູງ​ຂອງ​ການ​ຕັດ​ທີ່​ຕ້ອງ​ການ; ບິດ​ນັອດ​ຕົວ​ແມ່​ໃຫ້​ໄດ້ 60 N∙m (44 ft-lb).

   

   ຮູບສະແດງ 20

   1. ຮູຕິດ “L”
   2. ຮູຕິດ "H”
   3. ຮູຕິດ “F”
   4. ຮູຕິດ “E”
   5. ຮູຕິດ “D”
   6. ຮູຕິດ “C”
   7. ຮູຕິດ “B”
   8. ຮູຕິດ “A”
   9. ນັອດຕົວແມ່
   10. ນັອດຕົວຜູ້

5. ເພື່ອ​ປັບ​ຕຳ​ແໜ່ງ​ຂອງ​ງ່າມ​ຄີບ​ລໍ້​ກິ້ງ, ເອົາ​ຝາ​ປົກ​ຄວາມ​ສູງ​ຂອງ​ການ​ຕັດ​ອອກ​ຈາກ​ເພົາ​ລໍ້​ກິ້ງ​ດ້ານ​ໜ້າ ແລະ ປັບ​ຈຳ​ນວນ​ຕົວ​ຈັດ​ໄລ​ຍະ​ຫ່າງ​ໃນ​ດ້ານ​ໃດ​ໜຶ່ງ​ຂອງ​ຕົວ​ຮັບ​ເພົາ​ລໍ້​ກິ້ງ (ຮູບສະແດງ ).

   Note: ຕົວ​ຈັດ​ໄລ​ຍະ​ຫ່າງວາງ​ຢູ່​ເໜືອ​ຕົວ​ຮັບ​ເພົາ​ລໍ້ກິ້ງ​ຫຼຸດ​ຄວາມ​ສູງ​ຂອງ​ການ​ຕັດ​ລົງ, ຕົວ​ຈັດ​ໄລ​ຍະ​ຫ່າງ​ຢູ່​ຕ່ຳ​ກວ່າ​ຕົວ​ຮັບ​ເພີ່ມ​ຄວາມ​ສູງ​ຂອງ​ການ​ຕັດ.

6. ຕິດ​ຕັ້ງ​ຝາ​ປິດ​ເຄັ່ງ​ຄວາມ​ສູງ​ຂອງ​ການ​ຕັດ.

Important: ໃນ​ກໍ​ລະ​ນີ​ທີ່​ໃບ​ມີດ​ດຽວ​ເປ່​ເພ, ທັງ​ໃບ​ມີດ​ນັ້ນ ແລະ ໃບ​ມີດ​ຢູ່​ກົງ​ກັນ​ຂ້າມ​ມັນແມ່ນ​ຄວນ​ເອົາ​ອອກ ແລະ ປ່ຽນ​ໃໝ່​ເປັນ​ຄູ່​ເພື່ອ​ຮັກ​ສາ​ຄວາມ​ທ່ຽງ.

1. ຈອດເຄື່ອງຈັກຢູ່ໃນບ່ອນພຽງ​ໄດ້ລະດັບ, ຍົກໜ່ວຍຕັດຂຶ້ນ, ໃສ່​ເບ​ຣກມື, ມອດຈັກ ແລະ ຖອດກະແຈອອກຈາກ​ປຸ່ມ​ຕິດ​ຈັກ.

2. ຄ້ຳ​ໜ່ວຍ​ຕັດ​ທີ່​ຍົກ​ຂຶ້ນ​ດ້ວຍ​ການ​ໃຊ້​ກະ​ລິກ​ຄ້ຳ.

3. ກວດ​ກາ​ເບິ່ງ​ຄວາມ​ເປ່​ເພ​ຂອງ​ໃບ​ມີດ​ແຕ່​ລະ​ໃບ​ດ້ວຍ​ການ​ເອົາ​ໃຈ​ໃສ່​ເບິ່ງ​ຕົວ​ຮັດ​ແໜ້ນ, ຄົມ​ຕັດ ແລະ ຮູ​ຕິດ​ຕັ້ງ (ຮູບສະແດງ ). ປ່ຽນ​ໃບ​ມີດ ແລະ ຕົວ​ຮັດ​ແໜ້ນ​ທີ່​ເປ່​ເພ​ທັງ​ໝົດ.

   

   ຮູບສະແດງ 21

   1. ຄົມ​ຕັດ
   2. ຮູ​ຕິດ​ຕັ້ງ

4. ກວດ​ກາ​ເບິ່ງ​ໃບ​ມີດ​ແຕ່​ລະ​ໃບ​ວ່າ​ມີ​ການ​ຫ້ຽນ​ຫຼາຍ​ເກີນ​ໄປ​ບໍ່​ດ້ວຍ​ການ​ໃຊ້​ແຖວ​ຫ້ຽນ (ຮູບສະແດງ ). ເມື່ອ​ໃບ​ມີດ​ຫ້ຽນ​ລົງ​ຫາ​ແຖວ​ຫ້ຽນ, ປ່ຽນ​ໃບ​ມີດ​ໃໝ່.

   

   ຮູບສະແດງ 22

   1. ແຖວ​ຫ້ຽນ

5. ໃຫ້​ແນ່​ໃຈ​ວ່າ​ນັອດ​ຈັບ​ໃບ​ມີດ​ແຕ່​ລະ​ໃບ​ຖືກບິດ​ແໜ້ນ​ໄດ້ 45 N∙m (33.2 ft-lb).

6. ຈັບ​ໃບ​ມີດ​ແຕ່​ລະ​ໃບ ແລະ ໃຫ້​ແນ່​ໃຈ​ວ່າ​ບໍ່​ມີ​ການ​ເຄື່ອນ​ເໜັງ​ເສ​ລີ​ເກີນກວ່າ​ທັງ​ໝົດ 3 ມມ (⅛ ນິ້ວ) ໃນ​ທິດ​ທາງ​ໃດ​ໜຶ່ງ​ຈາກ​ໃບ​ໝູນ. ຖ້າມີ​ການ​ເຄື່ອນ​ເໜັງ​ເສ​ລີ​ເກີນກວ່າ​ທັງ​ໝົດ 3 ມມ (⅛ ນິ້ວ), ໃຫ້​ປ່ຽນ​ໃບ​ມີດໃໝ່.

7. ກວດ​ເບິ່ງໃບ​ມີດ​ກົງ​ກັນ​ຂ້າມ​ແຕ່​ລະ​ຄູ່​ສຳ​ລັບນ້ຳ​ໜັກ​ທີ່ແຕກ​ຕ່າງກັນລະ​ຫວ່າງ​ພວກ​ມັນ.

   Note: ໃບ​ມີດ​ກົງ​ກັນ​ຂ້າມ​ແຕ່​ລະ​ຄູ່​ບໍ່​ຄວນ​ມີ​ນ້ຳ​ໜັກ​ແຕກ​ຕ່າງ​ກັນ​ເກີນກວ່າ 10 ກ​ຣາມ (0.4 ອອນ).

ໄລຍະຫ່າງການບໍລິການບຳລຸງຮັກສາ	ຂັ້ນຕອນການບຳລຸງຮັກສາ
ຫລັງຈາກ 2 ຊົ່ວໂມງທໍາອິດ	ຮັດ​ນັອດລໍ້​ຂອງ​ລໍ້​ກິ້ງ​ໃຫ້​ແໜ້ນ.
ຫລັງຈາກ 10 ຊົ່ວໂມງທໍາອິດ	ຮັດ​ນັອດລໍ້​ຂອງ​ລໍ້​ກິ້ງ​ໃຫ້​ແໜ້ນ.
ກ່ອນການນຳໃຊ້ແຕ່ລະເທື່ອ ຫຼື ປະຈຳວັນ	ກວດເບິ່ງການຕັ້ງຄວາມສູງຂອງການຕັດ. ກວດ​ກາ​ເບິ່ງ​ຄວາມ​ເສຍ​ຫາຍ, ການ​ແຕກ ຫຼື ຕົວ​ຮັດ​ແໜ້ນ​ຫຼວມ​ຂອງ​ໃບໝູນ​ຄ້ອນ​ຟາດ ແລະ ໃບ​ມີດ. ປ່ຽນ​ສ່ວນທີ່​ເປ່​ເພ ຫຼື ແຕກ​ຫັກ​ໃດ​ໜຶ່ງ. ໃສ່​ນ້ຳ​ມັນ​ກະ​ແລັດໜ່ວຍຕັດ (ໃສ່​ນ້ຳ​ມັນ​ກະ​ແລັດໃຫ້​ພວກ​ມັນທັນ​ທີຫຼັງ​ຈາກ​ການ​ລ້າງ​ທຸກໆ​ຄັ້ງບໍ່​ວ່າ​ຈະ​ເປັນ​ຊ່ວງ​ເວ​ລາ​ໃດ​ກໍ່​ຕາມ). ກວດ​ເບິ່ງ​ບານ​ພັບ​ດ້ານ​ໜ້າ. ກວດ​ເບິ່ງ​ການ​ສັ່ນ​ຂອງ​ໃບ​ໝູນ​ທີ່​ຜິດ​ປົກ​ກະ​ຕິ​ໃດ​ໜຶ່ງ. ກວດ​ເບິ່ງ​ຖົງ​ຂີ້​ເຫຍື້ອ​ສຳ​ລັບ​ຂີ້​ເຫຍື້ອ ຫຼື ຄວາມ​ເສຍ​ຫາຍ. ທຳ​ຄວາມ​ສະ​ອາດໜ່ວຍຕັດ.
ທຸກໆ 50 ຊົ່ວໂມງ	ກວດ​ກາ​ເບິ່ງ​ຄວາມ​ເສຍ​ຫາຍ​ຂອງ​ໃບ​ມີດ ແລະ ການ​ຫ້ຽນ​ເກີນ​ຂອບ​ເຂດ. ໃຫ້​ແນ່​ໃຈ​ວ່າ​ນັອດ​ຈັບ​ໃບ​ມີດ​ແຕ່​ລະ​ໃບ​ຖືກບິດ​ແໜ້ນ​ໄດ້ 45 N∙m (33.2 ft-lb). ກວດ​ເບິ່ງ​ນ້ຳ​ມັນ​ຫຼໍ່​ມື່ນ​ກະ​ປຸກ​ເກຍ. ຮັດ​ນັອດລໍ້​ຂອງ​ລໍ້​ກິ້ງ​ໃຫ້​ແໜ້ນ. ກວດ​ເບິ່ງນັອດ​ຕົວ​ຜູ້​ຈັບ​ໃບ​ມີດ. ໃຫ້​ແນ່​ໃຈ​ວ່າ​ຢາງ​ລໍ້​ກິ້ງ​ມີ​ຄວາມ​ດັນ​ຢາງ​ທີ່​ຖືກ​ຕ້ອງ. ກວດ​ຫາ​ການ​ຫຼິ້ນ​ເກີນ​ຢູ່​ໃນ​ລູກ​ບີ່​ໃບ​ໝູນ.
ທຸກໆ 250 ຊົ່ວໂມງ	ກວດ​ເບິ່ງ​ຄວາມ​ເຄັ່ງ​ສາຍ​ພານ. ໃຫ້​ແນ່​ໃຈ​ວ່າ​ນັອດ​ກຽວ​ປັບ​ການ​ຂັບ​ເຄື່ອນ​ສາຍ​ພານ ແລະ ປອກ​ຮັດ​ລັອກ​ທີ່​ນ້ອຍ​ລົງ​ຖືກ​ຮັດ​ແໜ້ນຫາ​ແຮງ​ບິດ​ທີ່​ຖືກ​ຕ້ອງ.
ທຸກໆ 400 ຊົ່ວໂມງ	ປ່ຽນນ້ຳ​ມັນ​ຫຼໍ່​ມື່ນ​ກະ​ປຸກ​ເກຍ.
ປະຈຳປີ	ປ່ຽນໃບ​ມີດ.

ເຮັດຊ້ຳຄືນ​ຕາມໜ້ານີ້ສຳລັບການນຳໃຊ້ປົກກະຕິ.

ລາຍການກວດກາການບຳລຸງຮັກສາ	ສຳລັບອາທິດຂອງ:
	ຈັນ.	ອັງຄານ.	ພຸດ.	ພະຫັດ.	ສຸກ.	ເສົາ.	ອາທິດ.
ກວດ​ເບິ່ງສະ​ພາບ​ຂອງ​ໃບ​ມີດ ແລະ ໃບ​ໝູນ.
ກວດເບິ່ງການຕັ້ງຄວາມສູງຂອງການຕັດ.
ກວດ​ເບິ່ງ​ຖົງ​ຂີ້​ເຫຍື້ອ​ສຳ​ລັບ​ຂີ້​ເຫຍື້ອ ຫຼື ຄວາມ​ເສຍ​ຫາຍ.
ທຳ​ຄວາມ​ສະ​ອາດໜ່ວຍຕັດ.
ກວດ​ເບິ່ງ​ບານ​ພັບ​ດ້ານ​ໜ້າ.
ໃສ່​ນ້ຳ​ມັນຫຼໍ່ມື່ນອຸປະກອນກະແລັດທັງໝົດ.1
ສຳຜັດກັບສີທີ່ລອກ.
1. ທັນທີຫຼັງຈາກການລ້າງທຸກໆຄັ້ງ, ໂດຍບໍ່ສົນເລື່ອງໄລຍະຫ່າງທີ່ລະບຸໄວ້.

ການ​ບັນ​ທຶກ​ບໍ​ລິ​ເວນທີ່ໜ້າເປັນຫ່ວງ
ການກວດກາປະຕິບັດໂດຍ:
ລາຍ​ການ	ວັນທີ	ຂໍ້ມູນ

ປະ​ເພດ​ນ້ຳ​ມັນ​ກະ​ແລັດ:ນ້ຳ​ມັນ​ກະ​ແລັດ​ລີ​ທຽມ​ເບີ 2

ປ່ຽນ​ຂໍ້​ຕໍ່​ນ້ຳ​ມັນ​ກະ​ແລັດ​ທີ່​ໄດ້​ຮັບ​ຄວາມ​ເສຍ​ຫາຍ​ໃດ​ໜຶ່ງ.

ໃຫ້​ເບິ່ງ ຮູບສະແດງ ສຳ​ລັບ​ບ່ອນ​ຢູ່​ຂອງ​ຂໍ້​ຕໍ່​ນ້ຳ​ມັນ​ກະ​ແລັດ​ແຕ່​ລະ​ຄູ່​ໃນໜ່ວຍ​ຕັດ.

ກະ​ປຸກ​ເກຍ​ຖືກ​ອອກ​ແບບ​ມາ​ເພື່ອ​ໃຊ້​ງານ​ໃນ​ນ້ຳ​ມັນ​ເກຍ SAE 80W–90 ສັງ​ເຄາະ ຫຼື ປີ​ໂຕ​ຣ​ລຽມ. ເຖິງ​ແມ່ນ​ວ່າ​ກະ​ປຸກ​ເກຍຖືກ​ຈັດ​ສົ່ງ​ມາ​ພ້ອມ​ກັບນ້ຳ​ມັນ​ຫຼໍ່​ມື່ນຈາກ​ໂຮງ​ງານ, ໃຫ້​ກວດ​ເບິ່ງ​ລະ​ດັບ​ນ້ຳ​ມັນ​ກ່ອນ​ນຳ​ໃຊ້​ໜ່ວຍ​ຕັດ. ຄວາມ​ຈຸ​ກະ​ປຸກ​ເກຍ​ແມ່ນ 0.33 ລ (11.15 ອອນ​ຂອງ​ແຫຼວ).

1. ຈອດເຄື່ອງຢູ່ບ່ອນພຽງ​ໄດ້ລະດັບ, ປ່ອຍໜ່ວຍຕັດຕ່ຳລົງ, ໃສ່​ເບ​ຣກມື, ມອດຈັກ ແລະ ຖອດກະແຈອອກ.

2. ເອົານັອດ​ຕົວ​ຊ່ວຍ​ຫາຍ​ໃຈອອກ​ຈາກ​ດ້ານ​ເທິງ​ຂອງ​ກະ​ປຸກ​ເກຍ (ຮູບສະແດງ ) ແລະ ໃຫ້​ແນ່​ໃຈ​ວ່າ​ນ້ຳ​ມັນ​ຫຼໍ່​ມື່ນ​ຢູ່​ລະ​ຫວ່າງ​ຂີດ​ໝາຍຕື່ມໃນສ່ວນ​ລຸ່ມ​ຂອງນັອດ​ຕົວ​ຊ່ວຍ​ຫາຍ​ໃຈ. ຖ້າ​ລະ​ດັບ​ນ້ຳ​ມັນ​ຫຼໍ່​ມື່ນ​ຕ່ຳ, ໃຫ້​ເຕີມ​ນ້ຳ​ມັນ​ຫຼໍ່​ມື່ນ​ໃຫ້​ພຽງ​ພໍ​ຈົນ​ກວ່າ​ລະ​ດັບ​ຢູ່​ລະ​ຫວ່າງ​ຂີດ​ໝາຍ.

   

   ຮູບສະແດງ 24

   1. ຂີດ​ໝາຍ​ຕື່ມ​ລະ​ດັບ​ນ້ຳ​ມັນ​ເຄື່ອງນ​ນັອດ​ຕົວ​ຊ່ວຍ​ຫາຍ​ໃຈ

3. ເອົານັອດ​ຕົວ​ຊ່ວຍ​ຫາຍ​ໃຈໃສ່​ເຂົ້າ​ໄປ ແລະ ບິດ​ມັນ​ໃຫ້​ໄດ້ 9 N∙m (84 in-lb).

1. ຈອດເຄື່ອງຢູ່ບ່ອນພຽງ​ໄດ້ລະດັບ, ປ່ອຍໜ່ວຍຕັດຕ່ຳລົງ, ໃສ່​ເບ​ຣກມື, ມອດຈັກ ແລະ ຖອດກະແຈອອກ.

2. ວາງ​ຖາດ​ໄວ້​ກ້ອງດອນ​ອັດ​ການ​ລະ​ບາຍ​ໃນ​ກະ​ປຸກ​ເກຍ (ຮູບສະແດງ ).

3. ເອົາ​ດອນ​ອັດ​ລະ​ບາຍ​ອອກໃນ​ດ້ານ​ຊ້າຍ​ດ້ານ​ລຸ່ມ​ຂອງ​ກະ​ປຸກ​ເກຍ ແລະ ລະ​ບາຍ​ຂອງ​ແຫຼວ​ອອກ (ຮູບສະແດງ ).

   

   ຮູບສະແດງ 25

   1. ດອນ​ອັດ​ການລະບາຍ

4. ເອົາດອນ​ອັດ​ການ​ລະ​ບາຍໃສ່​ເຂົ້າ​ໄປ ແລະ ບິດ​ມັນ​ໃຫ້​ໄດ້ 20 ຫາ 27 N∙m (15 ຫາ 20 ft-lb).

5. ເອົານັອດ​ຕົວ​ຊ່ວຍ​ຫາຍ​ໃຈອອກ​ຈາກ​ດ້ານ​ເທິງ​ຂອງ​ກະ​ປຸກ​ເກຍ.

6. ຕື່ມ​ນ້ຳ​ມັນ​ເກຍ​ທີ່​ຖືກ​ຕ້ອງ​ໃສ່​ກະ​ປຸກ​ເກຍ, ທຳ​ການກວດ​ເບິ່ງ​ເປັນ​ໄລ​ຍະ​ວ່າ​ນ້ຳ​ມັນ​ຫຼໍ່​ມື່ນ​ຢູ່​ລະ​ຫວ່າງ​ຂີດ​ໝາຍ​ຕື່ມ​ດ້ານ​ລຸ່ມ​ໃນ​ນັອດ​ຕົວ​ຊ່ວຍ​ຫາຍ​ໃຈ; ໃຫ້​ເບິ່ງ .

7. ເມື່ອ​ນ້ຳ​ມັນ​ຫຼໍ່​ມື່ນ​ຢູ່​ລະ​ຫວ່າງ​ຂີດ​ໝາຍຕື່ມ​ດ້ານ​ລຸ່ມ​ໃນ​ນັອດ​ຕົວ​ຊ່ວຍ​ຫາຍ​ໃຈ, ເອົານັອດ​ຕົວ​ຊ່ວຍ​ຫາຍ​ໃຈໃສ່​ເຂົ້າ​ໄປ ແລະ ບິດ​ມັນ​ໃຫ້​ໄດ້ 9 N∙m (84 in-lb).

1. ຈອດເຄື່ອງຢູ່ບ່ອນພຽງ​ໄດ້ລະດັບ, ປ່ອຍໜ່ວຍຕັດຕ່ຳລົງ, ໃສ່​ເບ​ຣກມື, ມອດຈັກ ແລະ ຖອດກະແຈອອກ.

2. ມາຍ​ນັອດ​ຕົວ​ຜູ້ 4 ຕົວ​ທີ່​ຍຶດ​ດ້ານ​ເທິງ ແລະ ດ້ານ​ລຸ່ມ​ຂອງ​ຝາ​ປົກ​ສາຍ​ພານ​ໃສ່​ເຄື່ອງ​ຈັກ​ອອກ​ໃຫ້​ຫຼວມ (ຮູບສະແດງ ).

   

   ຮູບສະແດງ 26

   1. ນັອດ​ຕົວ​ຜູ້​ຝາ​ປົກ​ສາຍ​ພານ
   

   ຮູບສະແດງ 27

   1. ນັອດໝາກ​ລໍ້​ຕົວຫວ່າງ
   2. ນັອດເສົາໝາກ​ລໍ້​ຕົວຫວ່າງ

3. ມາຍນັອດໝາກ​ລໍ້​ຕົວຫວ່າງ (ຮູບສະແດງ ) ໃຫ້​ຫຼວມ, ແຕ່​ບໍ່​ເອົາ​ອອກ.

   Note: ເພື່ອ​ມາຍນັອດໝາກ​ລໍ້​ຕົວຫວ່າງໃຫ້​ຫຼວມ, ທ່ານ​ຈະ​ຕ້ອງ​ຈັບ​ນັອດ​ຕົວ​ຜູ້​ທີ່​ຍຶດ​ມັນຢູ່​ໃນ​ບ່ອນ​ດ້ານ​ຂອງ​ພື້ນ.

4. ປັບ​ນັອດ​ໃນ​ເສົາໝາກ​ລໍ້​ຕົວຫວ່າງເພື່ອ​ເຄັ່ງ​ສາຍ​ພານ (ຮູບສະແດງ ).

5. ການ​ໃຊ້​ເຄື່ອງວັດ​ແທກ​ຄວາມ​ເຄັ່ງ​ເລົາ​ດ່ຽວ, ຊອກ​ລົງ​ໃນ​ສາຍ​ພານ​ເພື່ອກວດ​ເບິ່ງ​ຄວາມ​ເຄັ່ງ​ດັ່ງ​ຕໍ່​ໄປ​ນີ້ (ຮູບສະແດງ ):

   • ສຳ​ລັບ​ສາຍ​ພານ​ໃໝ່, ທ່ານ​ຄວນ​ຈະ​ສາ​ມາດ​ຊຸກ​ສາຍ​ພານ​ລົງ​ໄດ້ 5 ມມ (1/5 ນິ້ວ) ດ້ວຍ​ການ​ໃຊ້​ແຮງ 6.0 ຫາ 6.4 ກ​ລ (13.2 ຫາ 14.1 ປອນ).

   • ສຳ​ລັບ​ສາຍ​ພານເກົ່າ, ທ່ານ​ຄວນ​ຈະ​ສາ​ມາດ​ຊຸກ​ສາຍ​ພານ​ລົງ​ໄດ້ 5 ມມ (1/5 ນິ້ວ) ດ້ວຍ​ການ​ໃຊ້​ແຮງ 5.1 ຫາ 5.6 ກ​ລ (11.2 ຫາ 12.3 ປອນ).

   

   ຮູບສະແດງ 28

   1. ສາຍ​ພານ​ໂດຍ​ບໍ່​ມີ​ແຮງ
   2. ສາຍ​ພານປ່ຽນ​ທິດ​ທາງ​ໄປ 5 ມມ (0.2 ນິ້ວ)

6. ປັບ​ນັອດ​ໃນ​ເສົາໝາກ​ລໍ້​ຕົວຫວ່າງຕາມ​ທີ່​ຈຳ​ເປັນເພື່ອ​ເຄັ່ງ ຫຼື ມາຍສາຍ​ພານ.

7. ໝູນ​ໃບ​ໝູນ​ໄປ​ສອງ​ສາມ​ຮອ​ບ​ເອົາ​ເອງ ແລະ ກວດ​ເບິ່ງ​ຄວາມ​ເຄັ່ງ​ສາຍ​ພານອີກ; ຖ້າ​ຄວາມ​ເຄັ່ງ​ບໍ່​ຖືກ​ຕ້ອງ, ກວດ​ເບິ່ງ ແລະ ປັບ​ຈົນ​ກວ່າ​ມັນ​ຖືກ​ຕ້ອງ.

8. ຮັດນັອດໝາກ​ລໍ້​ຕົວຫວ່າງໃຫ້​ແໜ້ນ; ບິດ​ໃຫ້​ໄດ້ 100 N·m (74 ft-lb).

9. ຕິດ​ຕັ້ງຝາ​ປົກສາຍພານ (ຮູບສະແດງ ).

1. ຈອດເຄື່ອງຢູ່ບ່ອນພຽງ​ໄດ້ລະດັບ, ປ່ອຍໜ່ວຍຕັດຕ່ຳລົງ, ໃສ່​ເບ​ຣກມື, ມອດຈັກ ແລະ ຖອດກະແຈອອກ.

2. ເອົາຝາ​ປົກສາຍພານ (ຮູບສະແດງ ) ອອກ.

3. ຮັດນັອດກຽວ​ປັບ​ຕັ້ງ​ທີ່​ຍຶດ​ປອກ​ລູກ​ບີ່​ລັອກ​ທີ່​ນ້ອຍ​ລົງໃຫ້ໄດ້ 30 N·m (41 ft-lb).

   

   ຮູບສະແດງ 29

   1. ປອກ​ລູກ​ບີ່​ລັອກ​ທີ່​ນ້ອຍ​ລົງ
   2. ນັອດກຽວປັບຕັ້ງ

4. ຕິດ​ຕັ້ງຝາ​ປົກສາຍພານ.

1. ຈອດເຄື່ອງຢູ່ບ່ອນພຽງ​ໄດ້ລະດັບ, ປ່ອຍໜ່ວຍຕັດຕ່ຳລົງ, ໃສ່​ເບ​ຣກມື, ມອດຈັກ ແລະ ຖອດກະແຈອອກ.

2. ປົດຕົວ​ຄ້ຳ​ເພົາ PTO ອອກ​ຈາກເພົາ​ກະ​ປຸກ​ເກຍ​ໜ່ວຍ​ຕັດ​ດັ່ງ​ສະ​ແດງ​ຢູ່​ໃນ ຮູບສະແດງ .

   Important: ເມື່ອ​ໃດກໍ​ຕາມ​ທີ່​ທ່ານ​ເອົາ​ເພົາ PTO ອອກ​ຈາກກະ​ປຸກ​ເກຍ, ໃຊ້​ນັອດ​ກຽວ ແລະ ນັອດ​ລັອກ​ຕົວ​ແມ່​ໃໝ່​ເພື່ອ​ຍຶດ​ເພົາ​ໃສ່​ກະ​ປຸກ​ເກຍ.

3. ເອົາ​ຕົວ​ຮັດ​ແໜ້ນ​ທີ່​ຕິດ​ຖົງ​ຂີ້​ເຫຍື້ອ​ໃສ່​ຂາ​ຄ້ຳ​ແກນ​ດ້ານ​ໜ້າ​ໃນ​ເຄື່ອງ​ຈັກ​ຕັດ​ຫຍ້າ (ຮູບສະແດງ ) ອອກ.

4. ເອົາສະ​ຫຼັກ​ດຶງ ແລະ ເຂັມ​ຂັດ​ທີ່​ຍຶດໜ່ວຍ​ຕັດໃສ່​ແຂນ​ຍົກ (ຮູບສະແດງ ) ອອກ.

   

   ຮູບສະແດງ 30

   1. ເຂັມ​ຂັດແຂນຍົກ
   2. ສະ​ຫຼັກ​ດຶງ

5. ເຄື່ອນ​ເຄື່ອງ​ຈັກ​ອອກ​ໄປ​ຈາກ​ໜ່ວຍ​ຕັດ.

ແຂນລໍ້ກິ້ງມີ​ປອກ​ລູກ​ບີ່​ທີ່​ຖືກ​ກົດ​ລົງ​ໃສ່​ດ້ານ​ເທິງ ແລະ ດ້ານ​ລຸ່ມ​ຂອງ​ທໍ່ ແລະ ຫຼັງ​ຈາກການ​ໃຊ້​ວຽກ​ຫຼາຍ​ຊົ່ວ​ໂມງ, ປອກ​ລູກ​ບີ່​ຫຼຸ້ຍ​ຫ້ຽນ.

ໃຫ້​ກວດ​ເບິ່ງ​ປອກ​ລູກ​ບີ່, ເຄື່ອນ​ງ່າມ​ຄີບ​ລໍ້​ກິ້ງໄປ​ທາງ​ຫຼັງ ແລະ ກັບ​ໄປ​ມາ ແລະ ຈາກ​ດ້ານ​ໜຶ່ງ​ຫາ​ອີກ​ດ້ານ​ໜຶ່ງ. ຖ້າ​ແກນ​ໝູນ​ຂອງ​ລໍ້​ກິ້ງ​ຫຼວມ​ຢູ່​ດ້ານ​ໃນ​ປອກ​ລູກ​ບີ່, ປອກ​ລູກ​ບີ່​ຫຼຸ້ຍ​ຫ້ຽນ, ໃຫ້ປ່ຽນ​ພວກ​ມັນ.

1. ຈອດເຄື່ອງຢູ່ບ່ອນພຽງ​ໄດ້ລະດັບ, ຍົກ ແລະ ຄ້ຳ​ໜ່ວຍ​ຕັດ​ດ້ວຍ​ກະ​ລິກ​ຄ້ຳ, ໃສ່​ເບ​ຣກມື, ມອດຈັກ ແລະ ຖອດກະແຈອອກ.

2. ເອົາ​ຝາ​ປິດ​ເຄັ່ງ, ຕົວ​ຈັດ​ໄລ​ຍະ​ຫ່າງ ແລະ ແຫວນຮອງຊຸກ​ອອກ​ຈາກ​ດ້ານ​ເທິງ​ຂອງ​ແກນ​ໝູນ​ລູກ​ກິ້ງ.

3. ດຶງ​ແກນ​ໝູນ​ລໍ້​ກິ້ງ​ອອກ​ຈາກ​ທໍ່​ຍຶດຕິດ. ປ່ອຍ​ໃຫ້​ແຫວນ​ຮອງ​ຊຸກ​ອອກ ແລະ ຕົວ​ຈັດ​ໄລ​ຍະ​ຫ່າງ​ຍັງ​ຄົງ​ຢູ່​ດ້ານ​ລຸ່ມ​ຂອງ​ແກນ​ໝູນ.

4. ໃຊ້​ເຫຼັກ​ແຫຍ່​ເຂົ້າ​ໄປ​ໃນ​ດ້ານ​ເທິງ ຫຼື ດ້ານ​ລຸ່ມ​ຂອງ​ທໍ່​ຍຶດ​ຕິດ ແລະ ຂັບ​ເຄື່ອນ​ເອົາ​ປອກ​ລູກ​ບີ່​ອອກ​ຈາກ​ທໍ່ (ຮູບສະແດງ ). ໃຫ້​ຂັບ​ເຄື່ອນ​ເອົາ​ປອກ​ລູກ​ບີ່​ອື່ນໆ​ອອກ​ຈາກ​ທໍ່​ນຳ. ທຳ​ຄວາມ​ສະ​ອາດ​ດ້ານ​ໃນ​ຂອງ​ທໍ່​ເພື່ອ​ເອົາຂີ້​ຝຸ່ນ​ອອກ.

   

   ຮູບສະແດງ 31

   1. ທໍ່ແຂນລໍ້ກິ້ງ
   2. ປອກ​ລູກ​ບີ່

5. ໃສ່​ນ້ຳ​ມັນ​ກະ​ແລັດ​ທາງ​ດ້ານ​ໃນ ແລະ ດ້ານນອກ​ຂອງ​ປອກ​ລູກ​ບີ່​ໃໝ່. ໃຊ້​ຄ້ອນ​ຕີ ຫຼື ແຜ່ນ​ພຽງ​ຕົບ​ຂັບ​ເຄື່ອນ​ເອົາ​ປອກ​ລູກ​ບີ່​ເຂົ້າ​ໄປ​ໃນ​ທໍ່​ຍຶດ​ຕິດ.

6. ກວດ​ກາ​ເບິ່ງວ່າແກນ​ໝູນ​ລໍ້​ກິ້ງ​ຫຼຸ້ຍ​ຫ້ຽນ​ບໍ່ ແລະ ປ່ຽນ​ມັນ​ໃໝ່, ຖ້າ​ໄດ້​ຮັບ​ຄວາມ​ເສຍ​ຫາຍ.

7. ຊຸກ​ແກນ​ໝູນ​ລໍ້​ກິ້ງ​ຜ່ານ​ປອກ​ລູກ​ບີ່ ແລະ ທໍ່​ຍຶດ​ຕິດ, ເລື່ອນ​ແຫວນ​ຮອງ​ຊຸກ​ອອກ ແລະ ຕົວ​ຈັດ​ໄລ​ຍະ​ຫ່າງ​ຢູ່​ໃນ​ແກນ​ໝູນ ແລະ ຕິດ​ຕັ້ງ​ຝາ​ປິດ​ເຄັ່ງ​ໃນ​ແກນ​ໝູນ​ລໍ້​ກິ້ງ.

1. ຈອດເຄື່ອງຢູ່ບ່ອນພຽງ​ໄດ້ລະດັບ, ຍົກ ແລະ ຄ້ຳ​ໜ່ວຍ​ຕັດ​ດ້ວຍ​ກະ​ລິກ​ຄ້ຳ, ໃສ່​ເບ​ຣກມື, ມອດຈັກ ແລະ ຖອດກະແຈອອກ.

2. ເອົາ​ນັອດ​ລັອກ​ອອກ​ຈາກ​ນັອດ​ຕົວ​ຜູ້​ທີ່​ຍຶດການ​ປະ​ກອບ​ລໍ້​ກິ້ງລະ​ຫວ່າງ​ງ່າມ​ຄີບລໍ້​ກິ້ງ (ຮູບສະແດງ ). ຄວ້າ​ຈັບ​ເອົາ​ລໍ້ເລື່ອນ ແລະ ເລື່ອນ​ນັອດ​ຕົວ​ຜູ້​ອອກ​ຈາກ​ງ່າມ​ຄີບ ຫຼື ແຂນແກນ​ໝູນ.

3. ເອົາ​ລູກ​ບີ່​ອອກ​ຈາກ​ຫົວ​ເພົາ​ລໍ້ ແລະ ປ່ອຍ​ໃຫ້​ຕົວ​ຈັດ​ໄລ​ຍະຫ່າງ​ລູກບີ່​ຕົກ​ອອກ (ຮູບສະແດງ ). ເອົາ​ລູກ​ບີ່​ອອກ​ຈາກ​ດ້ານ​ກົງ​ກັນ​ຂ້າມ​ຂອງ​ຫົວ​ເພົາ​ລໍ້.

4. ກວດ​ເບິ່ງ​ລູກ​ບີ່, ຕົວ​ຈັດ​ໄລ​ຍະ​ຫ່າງ ແລະ ດ້ານ​ໃນ​ຂອງ​ຫົວ​ເພົາ​ລໍ້​ສຳ​ລັບ​ການ​ຫຼຸ້ຍ​ຫ້ຽນ. ປ່ຽນ​ອາ​ໄຫຼ່​ທີ່​ເປ່​ເພ​ເສຍ​ຫາຍ.

5. ເພື່ອ​ປະ​ກອບ​ລໍ້​ກິ້ງ, ຊຸກ​ລູກ​ບີ່​ເຂົ້າ​ໄປ​ໃນ​ຫົວ​ເພົາ​ລໍ້. ໃນ​ເວ​ລາ​ຕິດ​ຕັ້ງ​ລູກ​ບີ່, ກົດ​ໃສ່​ຮ່ອງນອກ​ຂອງ​ລູກບີ່.

   

   ຮູບສະແດງ 32

   1. ນັອດ​ຕົວ​ຜູ້​ຈັບລໍ້​ກິ້ງ
   2. ງ່າມ​ຄີບ​ລໍ້​ກິ້ງ
   3. ລູກ​ບີ່
   4. ຕົວ​ຈັດ​ໄລ​ຍະ​ຫ່າງ​ລູກ​ບີ່
   5. ນັອດ​ລັອກ​ຕົວ​ແມ່​ໃຫຍ່

6. ເລື່ອນຕົວ​ຈັດ​ໄລ​ຍະ​ຫ່າງ​ລູກ​ບີ່ໄປ​ໃນ​ຫົວ​ເພົາ​ລໍ້. ຊຸກ​ລູກ​ບີ່​ອື່ນ​ເຂົ້າ​ໄປໃນ​ດ້ານ​ເປີດ​ຂອງ​ຫົວ​ເພົາ​ລໍ້​ເພື່ອ​ເຮັດ​ໃຫ້​ຕົວ​ຈັດ​ໄລ​ຍະ​ຫ່າງ​ລູກ​ບີ່​ຢູ່​ດ້ານ​ໃນ​ຫົວ​ເພົາ​ລໍ້​ເປັນ​ທີ່​ໜ້າ​ພໍ​ໃຈ.

7. ຕິດ​ຕັ້ງ​ສ່ວນ​ປະ​ກອບ​ຂອງ​ລໍ້ເລື່ອນ​ລະ​ຫວ່າງ​ງ່າມ​ຄີບ​ລໍ້​ກິ້ງ ແລະ ຍຶດ​ມັນ​ໄວ້​ໃນ​ບ່ອນ​ດ້ວຍ​ນັອດ​ຕົວ​ຜູ້ ແລະ ນັອດ​ລັອກຕົວ​ແມ່.

ໃຫ້​ແນ່​ໃຈ​ວ່າ​ນັອດ​ຈັບ​ໃບ​ມີດທັງ​ໝົດຖືກບິດ​ແໜ້ນ​ໄດ້ 45 N∙m (33 ft-lb).

ໃຫ້​ແນ່​ໃຈ​ວ່າ​ທຸກ​ບານ​ພັບ​ບໍ່​ມີ​ຄວາມ​ເສຍ​ຫາຍ ແລະ ບໍ່​ໝູນ​ເສ​ລີ; ປ່ຽນ​ບານ​ພັບ​ໃດ​ໜຶ່ງ ຫຼື ທັງ​ໝົດ​ທີ່​ໄດ້​ຮັບ​ຄວາມ​ເສຍ​ຫາຍ.

1. ຕັ້ງຍ້າຍ​ສະ​ວິດ PTO ໄປທີ່ຕຳແໜ່ງປິດ.

2. ໃຫ້ຈອດເຄື່ອງຈັກໃນພື້ນດິນທີ່​ພຽງ​ໄດ້​ລະ​ດັບ, ຕັ້ງ​ການ​ຄວບ​ຄຸມ​ຄັນ​ເລັ່ງ​ໄປ​ສູ່​ຕຳ​ແໜ່ງ​ຄວາມ​ໄວ​ຈັກ​ຕ່ຳ ແລະ ໃສ່​ເບ​ຣກ​ມື.

3. ຍົກໜ່ວຍຕັດຂຶ້ນຕາມ​ທີ່​ຈຳ​ເປັນ​ເພື່ອ​ເຂົ້າ​ເຖິງສິ່ງ​ອຸດ​ຕັນ.

4. ມອດຈັກ, ຖອດກະແຈຕິດ​ຈັກອອກ ແລະ ລໍຖ້າທຸກ​ສ່ວນ​ເຄື່ອນ​ໄຫວຢຸດ.

5. ຄ້ຳ​ໜ່ວຍ​ຕັດ​ທີ່​ຍົກ​ຂຶ້ນ​ດ້ວຍກະ​ລິກ​ຄ້ຳ.

6. ໃຊ້​ໄມ້​ຍາວ​ເພື່ອ​ເອົາ​ສິ່ງ​ອຸດ​ຕັນ​ອອກ​ຢ່າງ​ລະ​ມັດ​ລະ​ວັງ.

   Important: ໃບ​ໝູນ​ຄ້ອນ​ຟາດ​ອາດ​ຈະ​ໝູນ​ເມື່ອ​ທ່ານ​ປ່ອຍ​ສິ່ງ​ອຸດ​ຕັນ​ອອກ.

   Important: ຫຼີກ​ລ່ຽງ​ການ​ໃຊ້​ແຮງ​ເກີນ​ເມື່ອ​ທ່ານ​ເອົາ​ສິ່ງ​ອຸດຕັນ​ອອກ.

7. ເອົາ​ໄມ້​ຍາວ​ອອກ​ຈາກ​ໜ່ວຍ​ຕັດ​ກ່ອນ​ທີ່​ທ່ານ​ຈະ​ເລີ່ມ​ຕິດ​ຈັກ.

8. ສ້ອມ​ແປງ ຫຼື ປັບໜ່ວຍຕັດ, ຖ້າ​ຈຳ​ເປັນ.

ໃຫ້​ແນ່​ໃຈ​ວ່າ​ຢາງ​ລໍ້​ກິ້ງໄດ້ເຕີມລົມເປັນ 0.02 ເຖິງ 0.035 bar (30 ເຖິງ 50 psi).

ເພື່ອ​ຊອກ​ຫາ​ການ​ສັ່ນ​ຂອງ​ໃບ​ໝູນ​ທີ່​ຜິດ​ປົກ​ກະ​ຕິ​ໃດ​ໜຶ່ງ, ເດີນ​ໜ່ວຍ​ຕັດ​ດ້ວຍ​ຄວາມ​ໄວ​ຈັກ​ເຕັມ​ທີ່.

1. ຕິດ​ຈັກ ແລະ ເຄື່ອນ​ຍ້າຍ​ຈັກ​ໄປ​ບ່ອນ​ພຽງ​ທີ່​ໂລ່ງ​ຫ່າງ​ໄກ​ຈາກ​ຄົນ​ຢືນ​ຢູ່​ໃກ້.

2. ປ່ອຍໜ່ວຍຕັດຕ່ຳລົງ ແລະ ໃສ່ເບ​ຣກ​ມື.

3. ໃສ່ PTO ແລະ ເດີນ​ຈັກ​ເຕັມ​ຄັນ​ເລັ່ງ​ໃນ​ຂະ​ນະ​ທີ່​ກຳ​ລັງ​ເບິ່ງ​ການ​ສັ່ນ​ຂອງ​ໃບ​ໝູນ​ທີ່​ຜິດ​ປົກ​ກະ​ຕິ​ໃດ​ໜຶ່ງ.

4. ຖ້າການ​ສັ່ນ​ຂອງ​ໃບ​ໝູນ​ຜິດ​ປົກ​ກະ​ຕິ, ໃຫ້​ປະ​ຕິ​ບັດ​ດັ່ງ​ຕໍ່​ໄປ​ນີ້:

   1. ຕັ້ງ​ຄັນ​ເລັ່ງ​ໃຫ້​ຢູ່​ກາ​ລັງ​ຕີ, ມອດ PTO ແລະ ຍົກໜ່ວຍຕັດຂຶ້ນ.

   2. ມອດຈັກ, ຖອດກະແຈອອກ ແລະ ລໍຖ້າທຸກ​ສ່ວນ​ເຄື່ອນ​ໄຫວຢຸດ.

   3. ກວດ​ເບິ່ງ​ໜ່ວຍ​ຕັດ​ສຳ​ລັບ​ສິ່ງ​ຕໍ່​ໄປ​ນີ້:

      • ຂີ້​ເຫຍື້ອ​ຂັດ​ຂວາງ​ໃບ​ໝູນ ແລະ ໃບ​ມີດ​ທີ່​ຈະ​ເຮັດ​ວຽກ​ໄດ້​ຢ່າງ​ຖືກ​ຕ້ອງ ແລະ ເອົາ​ສິ່ງ​ອຸດ​ຕັນ​ໃດ​ໜຶ່ງ​ອອກ; ໃຫ້​ເບິ່ງ .

      • ໃບ​ໝູນ​ທີ່​ເປ່​ເພ ຫຼື ລູກ​ບີ່​ໃບ​ໝູນ​ທີ່​ຫ້ຽນ; ໃຫ້​ເບິ່ງ .

      • ໃບ​ມີດ​ຫາຍ​ໄປ, ເປ່​ເພ, ບໍ່​ທ່ຽງ ຫຼື ຫ້ຽນ​ເກີນ​ໄປ; ໃຫ້​ເບິ່ງ ແລະ .

        Important: ໃບ​ມີດ​ກົງ​ກັນ​ຂ້າມ​ທຸກ​ຄູ່​ຕ້ອງ​ມີ​ປະ​ລິ​ມານ​ການ​ຫ້ຽນ​ຄ້າຍ​ຄື​ກັນ; ໃບ​ມີດ​ບໍ່​ດຸນ​ດ່ຽງ​ອາດ​ຈະ​ມີ​ຜົນ​ກະ​ທົບ​ຕໍ່​ຄວາມ​ດຸນ​ດ່ຽງ​ຂອງ​ໃບ​ໝູນ.

   Important: ຖ້າ​ທ່ານ​ບໍ່​ສາ​ມາດ​ແກ້​ໄຂ​ສາ​ເຫດ​ຂອງ​ການ​ສັ່ນຂອງ​ໃບ​ໝູນ​ຜິດ​ປົກ​ກະ​ຕິ​ໄດ້, ໃຫ້ຕິດ​ຕໍ່ຜູ້​ຈຳ​ໜ່າຍ Toro ທີ່​ໄດ້​ຮັບ​ອະ​ນຸ​ຍາດ​ຂອງ​ທ່ານ.

Important: ໃສ່​ຖົງ​ມື​ເມື່ອກວດ​ເບິ່ງ​ລູກ​ບີ່​ໃບ​ໝູນ.

1. ເຄື່ອນເຄື່ອງຈັກໄປ​ຫາພື້ນບ່ອນພຽງ​ໄດ້​ລະ​ດັບ ແລະ ໃສ່ເບ​ຣກມື.

2. ຍົກໜ່ວຍຕັດຂຶ້ນ, ມອດ​ຈັກ, ຖອດ​ກະ​ແຈ ແລະ ລໍຖ້າໃຫ້ພາກສ່ວນທີ່ເຄື່ອນຍ້າຍທັງ​ໝົດຢູ່​ນັ້ນຢຸດ.

3. ຄ້ຳ​ໜ່ວຍ​ຕັດດ້ວຍກະ​ລິກ​ຄ້ຳ.

4. ຈັບ​ໃບ​ໝູນ​ທີ່​ແຕ່​ລະ​ປາຍ ແລະ ກວດ​ເບິ່ງ​ການ​ຫຼິ້ນ​ຂອງ​ປາຍຫຼາຍ​ເກີນ​ໄປ; ຖ້າ​ໃບໝູນ​ມີ​ການ​ຫຼິ້ນ​ທີ່​ປາຍ​ເກີນ, ມັນ​ອາດ​ຈະ​ຕ້ອງ​ໄດ້​ປ່ຽນ​ໃໝ່; ໃຫ້ຕິດ​ຕໍ່ຜູ້​ຈຳ​ໜ່າຍ Toro ທີ່​ໄດ້​ຮັບ​ອະ​ນຸ​ຍາດ​ຂອງ​ທ່ານ.

ກວດ​ເບິ່ງຄວາມ​ເປ່​ເພ​ຂອງ​ຖົງ​ຂີ້​ເຫຍື້ອດ້ວຍ​ຕາ​ເປົ່າ ແລະ ເອົາ​ຂີ້​ເຫຍື້ອ​ໃດ​ໜຶ່ງ​ທີ່​ສະ​ສົມ​ຢູ່​ໃນ​ຖົງ​ຂີ້​ເຫຍື້ອ​ອອກ.

ໃຊ້​ເຄື່ອງ​ເມີນ​ທີ່​ເປັນ​ມູມ​ເພື່ອ​ລັບພື້ນ​ຜິວ​ເມີນ​ທີ່​ເປັນ​ມູມ​ໃນ​ດ້ານ​ຫຼັງ​ຂອງ​ໃບ​ມີດ​ຄ້ອນ​ຟາດ (ຮູບສະແດງ ).

Important: ຢ່າ​ເມີນ​ດ້ານໜ້າ​ຂອງ​ໃບ​ມີດ​ຄ້ອນ​ຟາດ.

ໃນ​ຂະ​ນະ​ທີ່​ເມີນ​ໃບ​ມີດ, ໃຫ້​ຮັກ​ສາ​ຄົມ​ຕັດ​ຢູ່​ລວງນອນ​ຢ່າງ​ສົມ​ບູນ ແລະ ພື້ນ​ຜິວ​ທີ່​ເປັນ​ມູມ​ຮາບ​ພຽງ​ໃສ່​ພື້ນ​ດິນ (ຮູບສະແດງ ).

ໃຊ້​ເຄື່ອງ​ເມີນ​ເບົາໆ ແລະ ໃຫ້​ແນ່​ໃຈ​ວ່າ​ຄ້ອນ​ຟາດ​ບໍ່​ຮ້ອນ; ບໍ່​ດັ່ງ​ນັ້ນ​ເຫຼັກ​ຈະເສຍ​ຄວາມ​ແຂງ​ຂອງ​ມັນ.

ຢ່າ​ລັບ​ໃບ​ມີດ​ຜ່ານ​ແຖວ​ຫ້ຽນ​ທີ່​ຊີ້ບອກ​ໂດຍ 5 ໝາຍ​ຈ້ຳໆ (ຮູບສະແດງ ). ໃຫ້​ແນ່​ໃຈ​ວ່າ​ໃບ​ມີດ​ຄ້ອນ​ຟາດ​ທັງ​ໝົດ​ຖືກ​ລັບ​ເທົ່າໆ​ກັນ​ເພື່ອ​ຮັກ​ສາ​ຄວາມ​ດຸນ​ດ່ຽງ​ຂອງ​ແຕ່​ລະ​ໃບ​ໝູນ.

ຮັກ​ສາ​ໃບ​ມີດ​ໃໝ່​ຕາມ​ທີ່​ໄດ້ອ້າງ​ອີງ ແລະ ໃຫ້​ເບິ່ງ​ມັນ​ເມື່ອ​ທຳ​ການເມີນ.

ເພື່ອ​ຮັກ​ສາ​ຄວາມ​ດຸນ​ດ່ຽງ, ປ່ຽນ​ໃບ​ມີດ​ພຽງ​ແຕ່​ຄູ່​ກົງ​ກັນ​ຂ້າມ ຫຼື ທັງ​ໝົດ​ໃບ​ໝູນ​ໃນ​ແຕ່​ລະ​ຄັ້ງ​ເທົ່າ​ນັ້ນ. ໃຫ້​ປ່ຽນ​ປອກ​ລູກ​ບີ່, ນັອດ​ຕົວ​ຜູ້ ແລະ ນັອດ​ລັອກນຳ​ເມື່ອ​ທ່ານ​ປ່ຽນ​ໃບ​ມີດ. ມີ​ຊຸດ​ເຄື່ອງ​ບໍ​ລິ​ການ​ບຳ​ລຸງ​ຮັກ​ສາ​ໃຫ້ 2 ຊຸດ​ສຳ​ລັບ​ການ​ປ່ຽນ​ໃບ​ມີດ; ໃຫ້​ເບິ່ງລາຍ​ການ​ອາ​ໄຫຼ່.

1. ຍົກໜ່ວຍຕັດຂຶ້ນ ແລະ ຍຶດ​ມັນ​ດ້ວຍກະ​ລິກ​ຄ້ຳ.

2. ໃສ່ເບຣກມື, ມອດຈັກ ແລະ ຖອດກະແຈອອກ.

3. ປິ່ນ​ໃບ​ໝູນ​ດ້ວຍ​ມື​ຊ້າໆ​ເພື່ອ​ໃຫ້​ແຕ່​ລະ​ແຖວ​ຂອງ​​ຄ້ອນ​ຟາດ​ຢູ່​ໃນ​ຕຳ​ແໜ່ງ​ທີ່​ຕ້ອງ​ການ ແລະ ທ່ານ​ສາ​ມາດ​ເຂົ້າ​ເຖິງ​ພວກ​ມັນ​ໄດ້​ງ່າຍໆ.

4. ເອົາ​ຂີ້​ເຫຍື້ອ​ໃດ​ໜຶ່ງອອ​ຈາກ​ຫົວ​ນັອດ​ຕົວ​ຜູ້ ແລະ ນັອດ​ຕົວ​ແມ່ ແລະ ທຳ​ຄວາມ​ສະ​ອາດ​ກຽວທີ່​ຍື່ນ​ອອກ​ມາ​ດ້ວຍ​ແປງ​ຂັດ​ສາຍ​ໄຟ.

5. ໝາຍ​ຕຳ​ແໜ່ງ​ຂອງ​ຫົວ​ນັອດ​ຕົວ​ຜູ້​ເພື່ອ​ໃຫ້​ທ່ານ​ສາ​ມາດ​ປ່ຽນ​ນັອດ​ຕົວ​ຜູ້​ຈາກ​ດ້ານ​ດຽວ​ກັນ​ໄດ້.

6. ການ​ຖື​ໃບ​ມີດ​ຢູ່​ໃນ​ຜ້າ​ເຊັດ ຫຼື ຖົງ​ມື​ແຜ່ນ, ເອົາ​ນັອດ​ຕົວ​ແມ່, ນັອດ​ຕົວ​ຜູ້, ປອກ​ລູກ​ບີ່ ແລະ ໃບ​ມີດ​ອອກ (ຮູບສະແດງ ).

   Note: ຖ້າ​ຈຳ​ເປັນ, ນຳ​ໃຊ້ນ້ຳ​ມັນ​ຊຶມ​ແຜ່​ເຂົ້າ​ໄປ​ໃນ​ກຽວ​ເພື່ອ​ໃຫ້​ເອົາ​ນັອດ​ຕົວ​ແມ່​ອອກ​ໄດ້​ງ່າຍ​ຂຶ້ນ.

   

   ຮູບສະແດງ 34

   1. ນັອດຕົວແມ່
   2. ນັອດຕົວຜູ້
   3. ປອກ​ລູກ​ບີ່
   4. ໃບມີດ

7. ເອົາ​ໃບ​ມີດ, ປອກ​ລູກ​ບີ່, ນັອດ​ຕົວ​ແມ່ ແລະ ນັອດ​ຕົວ​ຜູ້​ຖິ້ມ.

8. ຕິດ​ຕັ້ງ​ໃບ​ມີດ ແລະ ປອກ​ລູກ​ບີ່​ໃໝ່​ດ້ວຍ​ນັອດຕົວ​ແມ່ ແລະ ນັອດ​ຕົວ​ຜູ້​ຈັບ​ໃບ​ມີດໃໝ່ (ຮູບສະແດງ ).

   Note: ໃຫ້​ເອົາ​ໃຈ​ໃສ່​ກັບ​ຂີດ​ໝາຍ​ຕຳ​ແໜ່ງ​ຫົວ​ນັອດ​ຕົວ​ຜູ້​ເພື່ອ​ໃຫ້​ທ່ານ​ປ່ຽນ​ນັອດ​ຢູ່​ໃນ​ທິດ​ທາງ​ດຽວ​ກັນ​ໄດ້.

9. ບິດຕົວຮັດແໜ້ນໃຫ້​ໄດ້ 45 N∙m (33 ft-lb).

ເອົາ​ຫຍ້າ​ທີ່​ສະ​ສົມ​ຢູ່​ກ້ອງ​ໜ່ວຍ​ຕັດ​ອອກ​ໃນ​ແຕ່​ລະ​ມື້.

1. ຈອດເຄື່ອງຢູ່ບ່ອນພຽງ​ໄດ້ລະດັບ, ຍົກໜ່ວຍ​ຕັດຂຶ້ນ​ຫາຕຳ​ແໜ່ງການ​ຂົນ​ສົ່ງ, ໃສ່​ເບຣກມື, ມອດຈັກ ແລະ ຖອດກະແຈອອກ.

2. ທຳ​ຄວາມ​ສະ​ອາດ​ດ້ານ​ລຸ່ມ​ຂອງ​ໜ່ວຍ​ຕັດ​ດ້ວຍ​ນ້ຳ​ໃຫ້​ທົ່ວ.