Greensmaster® 3420 TriFlex®-sláttuvél

LCD-upplýsingaskjárinn sýnir upplýsingar um sláttuvélina, t.d. rafalstöðuna, hraðann og ýmsar greiningar og aðrar upplýsingar um sláttuvélina og rafhlöðusamstæðuna. Mynd 17 og Mynd 18 sýna upphafs- og aðalupplýsingaskjámyndina. Hægt er að skipta á milli upphafsskjámyndarinnar og aðalupplýsingaskjámyndarinnar hvenær sem er með því að ýta á hnappa upplýsingaskjásins og velja svo viðeigandi ör.

Mynd 17

1. Rafgeymisspenna
2. Gaumljós fyrir aflljós/bilun
3. Snúningshraði/staða vélar
4. Fault Log (bilanalisti)
5. Spenna/staða rafals
6. Glóðarkerti
7. Vinnustundamælir
8. Hægri hnappur
9. Hnappurinn niður
10. Hnappur til að opna valmynd/fara til baka

Mynd 18

1. Hitastig kælivökva
2. Staða stjórntækis
3. Hraði aflúttaks

• SNúNINGSHRAðI/STAðA VéLAR – sýnir snúningshraða vélar.

• BILANALISTI – sýnir bilanalista sem þarf að fara yfir.

• SPENNA/STAðA RAFALS – sýnir spennu rafals.

• VINNUSTUNDAMæLI – sýnir samtals vinnustundir vélar. Hann fer í gang þegar lykilrofanum er snúið í kveikta stöðu.

• HRAðI AFLúTTAKS – sýnir hraða aflúttaks.

• GLóðARKERTI – sýnir að glóðarkertið er virkt.

• RAFGEYMISSPENNA – sýnir spennugildi rafhlöðu í voltum.

• HITASTIG KæLIVöKVA – sýnir hitastig kælivökva í annaðhvort °C eða °F.

• STAðA STJóRNUNAR – flutningsstilling er sýnd með kanínu og sláttustilling með skjaldböku.

• OLíUþRýSTINGSLJóS – þetta tákn birtist ef olíuþrýstingur fer undir öryggismörk.

• MENU ACCESS/BACK (Opna valmynd/til baka) – ýtið á þennan hnapp til að opna valmyndir upplýsingaskjásins. Hægt er að nota hann til að fara út úr opnum valmyndum.

• DOWN (niður) – notið þennan hnapp til að fletta niður valmyndir.

• HæGRI hnappur – notið þennan hnapp til að opna valmynd þar sem ör til hægri gefur til kynna meira efni.

Note: Virkni hnappanna getur breyst eftir því hvað þarf að gera hverju sinni. Hnapparnir eru merktir með tákni sem sýnir núverandi virkni.

Ýtið á MENU ACCESS (Opna valmynd) hnappinn til að opna valmynd á aðalskjánum til að fá aðgang að valmyndakerfi upplýsingaskjásins. Við það opnast AðALVALMYNDIN. Í eftirfarandi töflum eru útskýringar á þeim valkostum sem eru í boði á valmyndunum:

Stillið seinkunartíma hækkunar og lækkunar fyrir miðjuslátt með upplýsingaskjánum, eins og hentar best frá 1 til 10 samkvæmt töflunni hér fyrir neðan. Sjálfgefin verksmiðjustilling er 6 (375 ms) og hentar best fyrir sláttuhraða sem er 3,8 mílur/klst.

Eiginleikinn fyrir léttstöðvunarseinkun gerir stjórnanda kleift að slökkva á sláttubúnaðinum án þess að lyfta honum og hægt er að stilla hann með upplýsingaskjánum. Seinkunarstillingin segir til um hámarkstímann sem stýripinninn til að hækka/lækka má vera í hækkunarstöðunni til að virkja þennan eiginleika. Verksmiðjustillingin er 1, en sú tala slekkur á eiginleikanum.

Til að ná stöðugum skurði í góðum gæðum og samræmdu útlit eftir skurð er sláttuvélin með skurðarstjórnunareiginleika sem aðlagar hraða keflanna að hraða sláttuvélarinnar til að viðhalda stöðugum skurði. Sjálfgefið er SLöKKT á þessum eiginleika; stillið hann og KVEIKIð á honum á eftirfarandi hátt:

1. Í STILLINGUM skal velja SKURðARSTJóRNUN.

2. Stillið SKURðSTJóRNUN á ON (kveikt).

3. Í valmynd STILLINGA skal velja HNíFAFJöLDI.

4. Stillið HNíFAFJöLDA sem samsvarar fjölda hnífa á hverju kefli.

5. Í valmynd STILLINGA skal velja SKURðUR (skurðarhraði)

6. Stillið SKURð (skurðarhraða) á viðeigandi skurðarstillingu.

Skurðarstjórnunareiginleikinn stillir keflahraðann sjálfkrafa svo hann passi við hraða sláttuvélarinnar. Ef skurðarstjórnunareiginleikinn er ekki notaður skal stilla keflahraðann handvirkt á eftirfarandi hátt:

1. Veldu hæð skurðsins þar sem sláttubúnaðurinn er stilltur.

2. Veldu æskilegan aksturshraða sem hentar best aðstæðum.

3. Notið viðeigandi graf (Mynd 18) fyrir 5-, 8-, 11- eða 14-blaða sláttubúnað, ákveðið viðeigandi stillingu á keflahraða.

   

   Mynd 19

4. Til að stilla keflahraða skal opna aðalvalmyndina á upplýsingaskjánum og fletta niður í STILLINGAR.

5. Í valmynd STILLINGAR skal fletta niður á KEFLAHRAðA og nota ± hnappinn til að stilla keflahraðann á hentuga tölu.

Hægt er að stilla aðgangskóða á upplýsingaskjánum svo notendur geti ekki breytt eftirfarandi vélarstillingum án hans: SEINKUN HæKKUNAR, SEINKUN LæKKUNAR, SEINKUN LéTTSTöðVUNAR, KEFLAHRAðA, SNúNINGSHRAðA BAKSLíPUNAR, SKURðARSTJóRNUN, HNíFAFJöLDA og SKURðI (SKURðARHRAðA).

1. Í STILLINGAVALMYNDINNI skal velja PROTECT SETTINGS (varnarstillingar).

2. Stillið PROTECT SETTINGS á ON (kveikt).

3. Sláið inn fjögurra tölustafa aðgangsorð þegar beðið er um það.

4. Svissið AF til að vista kóðann.

Note: Ef aðgangsorð notanda gleymist er hægt að fá tímabundið aðgangsorð hjá viðurkenndum dreifingaraðila Toro.

Bilanaskráningartáknið birtist á aðalskjánum ef bilun kemur upp í vélinni. Þegar þetta tákn er til staðar er ný færsla í bilanavalmyndinni sem notandi eða viðurkenndur dreifingaraðili Toro getur notað til að greina vandamálið.

Yfirlit yfir bilanir má fá hjá viðurkenndum dreifingaraðila Toro eða í þjónustuhandbókinni.

• Rúmtak eldsneytisgeymis: 22,7 l

• Ráðlagt eldsneyti:

  • Best er að nota aðeins hreint og ferskt dísileldsneyti eða lífdísileldsneyti með litlu (<500 ppm) eða mjög litlu (<15 ppm) brennisteinsinnihaldi. Lágmarkssetantala er 40. Kaupið eldsneyti í magni sem hægt er að nota innan 180 daga til að tryggja að eldsneytið sé ferskt.

  • Notið dísileldsneyti til sumarnotkunar (nr. 2-D) við hitastig yfir -7 °C og dísileldsneyti til vetrarnotkunar (nr. 1-D eða blöndu af nr. 1-D/2-D) undir þessu hitastigi. Notkun eldsneytis til vetrarnotkunar við lægra hitastig tryggir lægra blossamark og betri eiginleika við kalt flæði, sem tryggir um leið auðveldari gangsetningu og dregur úr stíflumyndun í eldsneytissíum.

    Note: Notkun eldsneytis til sumarnotkunar fyrir hitastig yfir -7 °C tryggir lengri endingu eldsneytisdælunnar og aukið afl samanborið við eldsneyti til vetrarnotkunar.

  • Þessi sláttuvél getur einnig notað lífdísilblandað eldsneyti, upp að B20 (20% lífdísill, 80% dísilolía). Dísilolíuhlutinn ætti að vera með litlu eða mjög litlu brennisteinsinnihaldi. Fylgja skal eftirfarandi varúðarráðstöfunum:

    • Lífdísilhluti eldsneytisins þarf að uppfylla forskrift ASTM D6751 eða EN14214.

    • Blandaða eldsneytið uppfyllir ASTM D975 eða EN590.

    • Lífdísilblöndur geta skemmt lakkaða fleti.

    • Notið B5 (með 5% lífdísil) eða veikari blöndur í köldu veðri.

    • Fylgist með þéttum, slöngum og pakkningum sem eru í snertingu við eldsneyti þar sem þessi íhlutir geta brotnað niður með tímanum.

    • Búast má við fyrir stíflum í eldsneytissíu endrum og eins eftir að skipt er yfir í lífdísilblöndur.

    • Hafið samband við viðurkenndan dreifingaraðila Toro til að fá frekari upplýsingar um lífdísil.

1. Hreinsið svæðið í kringum eldsneytislokið og fjarlægið það (Mynd 23).

   

   Mynd 23

   1. Eldsneytislok

2. Fyllið á tilgreint eldsneyti þar til það hæðin er um 25°mm fyrir neðan neðri brún áfyllingarstútsins. Þetta rúm býður upp á útþenslurými fyrir eldsneytið.

   Important: Stútfyllið aldrei eldsneytisgeyminn.

3. Setjið lokið á.

   Note: Þú heyrir smell þegar lokið er á sínum stað.

4. Þurrkið upp eldsneyti sem hellist niður.

Framkvæmið eftirfarandi daglega skoðun áður en vinnuvélin er ræst fyrir daginn:

• Kannið stöðu smurolíu - sjá Smurolía athuguð.

• Tappið vatni af eldsneytissíunni, sjá Vatni tappað af eldsneytissíunni.

• Athugið kælikerfið, sjá Viðhald kælikerfis.

• Kannið þrýsting í hjólbörðum - sjá Þrýstingur hjólbarða kannaður.

• Kannið glussahæð, sjá Glussahæð könnuð.

• Athugið bilið á milli keflis og botnblaðs - sjá Athugun á bili milli keflis og botnblaðs.

Skoðið notendahandbókina sem fylgir sláttuvélinni varðandi olíuskipti og viðhaldsaðgerðir sem mælt er með á tilkeyrslutímanum.

Tilkeyrsla sláttuvélarinnar verður að fara fram á 8 klukkustundum.

Þar sem fyrstu vinnustundirnar skipta miklu máli fyrir áreiðanleika sláttuvélarinnar síðar meir skal fylgjast vel með aðgerðum og afköstum til að greina og leiðrétta öll smávægileg vandamál, sem gætu leitt til meiriháttar bilana þegar fram í sækir. Skoðið sláttuvélina oft meðan á tilkeyrslu stendur til að greina olíuleka, lausar festingar eða aðrar bilanir.

Important: Notið ekki eter eða aðrar tegundir af gangsetningarvökva.

Note: Þú gætir þurft að lofttæma eldsneytiskerfið áður en þú ræsir vélina ef eitthvað af eftirfarandi hefur komið upp:

• Upphafleg gangsetning nýrrar vélar

• Vélin drap á sér vegna eldsneytisskorts.

• Viðhald hefur verið framkvæmt á íhlutum eldsneytiskerfisins; t.d. síuskipti o.s.frv.

Frekari upplýsingar eru í notandahandbók vélarinnar.

1. Setjist í sætið, læsið stöðuhemlinum, aftengið sláttustýringuna til að hækka/lækka og færið stjórnstöngina í HLUTLAUSA stöðu.

2. Takið fótinn af dráttarfótstiginu og gangið úr skugga um að fótstigið sé í HLUTLAUSRI stöðu.

3. Færið inngjafarstöngina í HæGA stöðu.

4. Setjið lykilinn í svissinn og snúið honum á ON (kveikta) stöðu. Haldið honum í KVEIKTRI stöðu þar til slokknar á gaumljósi glóðarkertisins (um það bil 6 sekúndur).

5. Snúið svissinum í stöðuna START (gangsetja).

   Important: Ekki svissa á lengur en í 10 sekúndur til að koma í veg fyrir að startarinn ofhitni. Eftir 10 sekúndna tilraun til gangsetningar skal bíða í eina mínútu þar til reynt er aftur.

6. Sleppið lyklinum þegar vélin fer í gang og leyfið honum að færast í stöðuna Á.

7. Látið vélina ganga í lausagangi í nokkrar mínútur áður en hún er notuð.

   Important: Þegar vélin er gangsett í fyrsta skipti eða eftir yfirhalningu á vélinni skal keyra vélina áfram og aftur á bak í 1 til 2 mínútur. Snúið stýrinu til vinstri og hægri til að athuga viðbragð þess. Drepið alltaf á vélinni og bíðið eftir að allir hreyfanlegir hlutar stöðvist, sjá Drepið á vélinni. Leitið eftir olíuleka, lausum íhlutum og öðrum sjáanlegum bilunum.

1. Færið inngjafarstöngina í HRAðA stöðu.

2. Færið stjórnstöngina til að hækka/lækka sláttinn fram rétt snöggvast.

   Sláttubúnaðurinn ætti að síga og öll keflin eiga að snúast.

   Note: Stöngin ætti að vera í miðjustöðunni (slætti) fyrir keyrslu keflanna þegar sláttubúnaðurinn er lækkaður

3. Færið stjórnstöngina til að hækka/lækka sláttinn aftur.

   Sláttukeflin ættu að hætta að snúast og sláttubúnaðurinn að hækka í hæstu flutningsstöðu.

4. Notið hemilinn svo vélin keyri ekki af stað og notið dráttarfótstigið í framgír og bakkgír.

5. Haldið þessu áfram í 1 eða 2 mínútur. Færið stjórnstöngina í HLUTLAUSA stöðu, setjið á stöðuhemilinn og drepið á vélinni.

6. Leitið eftir leka og herðið glussatengi ef leki finnst.

   Note: Nauðsynlegt er að setja inngjafarstöngina í HRAðA stöðu fyrir þessa skoðun þegar vélin er ný og legur og kefli þétt. Ekki er víst að þurfi hraða inngjafarstillingu eftir tilkeyrslutímann.

   Note: Ef vökvi lekur ennþá skal hafa samband við viðurkenndan dreifingaraðila Toro til að fá aðstoð og varahluti ef þörf krefur.

   Important: Örlítill vökvi á mótor- eða hjólaþéttingum er eðlilegur. Þéttingar þurfa lítið magn af smurningu til að virka rétt.

1. Færið inngjafarstöngina í HæGA stöðu, togið aftur sláttustýringu til að hækka/lækka og færið stjórnstöngina í HLUTLAUSA stöðu.

2. Svissið AF til að drepa á vélinni. Takið lykilinn úr svissinum til að koma í veg fyrir gangsetningu í ógáti.

3. Lokið afsláttarloka eldsneytis áður en vinnuvélin er sett í geymslu.

Tilgangur öryggissamlæsingarkerfisins er að koma í veg fyrir að sláttuvélin sé notuð þegar hætta er á meiðslum eða skemmdum.

Öryggissamlæsingarkerfið kemur í veg fyrir að vélin fari í gang nema þegar:

• Inngjafarfótstigið er í HLUTLAUSRI stöðu.

• Stjórnstöngin er í HLUTLAUSRI stöðu.

Öryggissamlæsingarkerfið kemur í veg fyrir að sláttuvélin hreyfist nema þegar:

• Stöðuhemillinn er ekki á.

• Setið er í sæti stjórnanda.

• Stjórnstöng er í stöðunni MOW (sláttur) eða stöðunni TRANSPORT (flutningur).

Öryggissamlæsingarkerfið kemur í veg fyrir að keflin virki nema stjórnstöngin sé í stöðu SLáTTAR.

• Gangið úr skugga um að sláttubúnaðurinn sé í hæstu stöðu.

• Færið stjórnstöngina í stöðu FLUTNINGS.

• Notaðu hemlana til að hægja á vélinni á meðan þú ferð niður brattar brekkur til að tryggja stjórn hennar.

• Gætið þess að hægja alltaf á sláttuvélinni þegar komið er að erfiðum grassvæðum og akið gætilega yfir miklar ójöfnur.

• Kynnið ykkur breidd sláttuvélarinnar. Ekki reyna að komast á milli hluta sem liggja nálægt hvor öðrum, það gæti leitt til kostnaðarsamra viðgerða og vinnustöðvana.

Important: Ef viðvörunarkerfi lekaskynjarans (ef það hluti af þessari gerð) fer í gang eða tekið er eftir olíuleka þegar flöt er slegin skal tafarlaust lyfta upp sláttubúnaðinum, keyra beint af flötinni og drepa á vélinni á svæði fjarri flötinni. Komist að orsök vökvans og lagfærið það.

Áður en lagt er af stað út á flöt til að slá ætti stjórnandinn að finna opið svæði til að æfa sig í notkun grundvallareiginleika sláttuvélarinnar (t.d. að gangsetja og stöðva vélina, hækka og lækka sláttubúnaðinn og taka beygjur).

Skoðið flötina og fjarlægið öll óhreinindi og aðskotahluti, fjarlægið fána úr holum og finnið bestu stefnuna fyrir sláttinn. Miðið við fyrri sláttustefnu þegar stefna sláttuvélarinnar er ákveðin. Sláið alltaf í gagnstæða átt frá fyrri slætti þannig að grasblöðin leggist síður niður sem myndi gera erfitt um vik að ná þeim milli keflisblaða og botnblaðs.

Skolið vel af sláttuvélinni eftir slátt með garðslöngu án stúts til að koma í veg fyrir að of mikill vatnsþrýstingur valdi mengun og skemmdum á þéttum og legum. Þvoið ekki heita vél eða rafmagnstengin með vatni.

Important: Ekki nota ísalt vatn eða hreinsað vatn til að þrífa sláttuvélina.

Important: Ekki nota háþrýstibúnað til að skola sláttuvélina. Þvottur með háþrýstibúnaði getur skemmt rafkerfið, losað um mikilvægar merkingar eða skolað í burtu mikilvægri smurfeiti af núningsstöðum. Forðist mikla notkun vatns, sérstaklega nærri stjórnborðinu, vélinni og rafgeyminum.

Important: Þrífið ekki vinnubílinn með vélina í gangi. Þrif á vinnubílnum þegar vélin er í gangi getur valdið skemmdum á innri vélaríhlutum.

Eftir að vélin er þrifin skal gera eftirfarandi:

• Leitið eftir glussaleka, skemmdum og sliti á íhlutum vökvakerfis og vélrænum íhlutum.

• Athugið skerpu sláttubúnaðarins.

• Smyrjið hemlaskaftssamstæðuna með SAE 30 olíu eða úðið smurefni til að koma í veg fyrir tæringu og halda uppi fullnægjandi starfsemi sláttuvélarinnar í næstu sláttuvinnu.

• Sýnið aðgát þegar sláttuvélin er sett á eða tekin af eftirvagni eða palli.

• Notið skábraut í fullri breidd við að aka sláttuvélinni á eftirvagn eða pall.

• Bindið sláttuvélina tryggilega niður með stroffum, keðjum eða reipum. Stroffur að framan og aftan verða að liggja niður og út frá sláttuvélinni (Mynd 26).

  

  Mynd 26

  1. Festilykkja (hvor hlið)
  2. Festilykkja að aftan

Í neyðartilvikum er hægt að draga sláttuvélina allt að 0,4 km.

Important: Ekki draga vélina á meiri hraða en 3 til 5 km/klst til að skemma ekki drifkerfið. Ef flytja þarf sláttuvélina lengra en 0,4 km skal gera það með flutningabíl eða kerru.

1. Finnið hjáveitulokann á dælunni (Mynd 27).

   

   Mynd 27

   1. Hjáveituloki
   2. Neðsti hluti vinnuvélarinnar

2. Opnið hjáveitulokann með því að snúa lokanum 3 snúninga rangsælis.

3. Áður en vélin er gangsett skal herða hjáveitulokann um 12 N m.

   Important: Ekki gangsetja vélina þegar hjáveitulokinn er opinn.

Smyrjið í smurkoppa með litíumfeiti nr. 2.

1. Þurrkið af smurkoppnum til að aðskotahlutir komist ekki inn í leguna eða fóðringuna (Mynd 28).

   

   Mynd 28

   Vinstri hlið bensínknúinnar vélar sýnd; önnur vél gæti átt við

2. Dælið smurfeiti í leguna eða fóðringuna þar til feitin er sýnileg. Þurrkið af alla umframfeiti.

• Leitið eftir skemmdum á húsi loftsíunnar, sem mögulega gætu valdið loftleka, skiptið um ef það er skemmt. Leitið eftir leka, skemmdum eða lausum hosuklemmum á inntakskerfinu.

• Ef skipt er um loftsíu áður en þess er þörf eykst einungis hættan á að óhreinindi komist í vélina þegar sían er fjarlægð.

• Tryggið að lokið sitji rétt og loki loftsíuhúsinu.

1. Losið klinkurnar sem festa loftsíulokið af loftsíuhúsinu (Mynd 29).

   

   Mynd 29

   1. Loftsíuhús
   2. Loftsía
   3. Loftsíulok

2. Losið lokið af loftsíuhúsinu.

3. Áður en sían er fjarlægð skal nota lágþrýstiloft (275 kPa (40 psi), hreint og þurrt loft) til að fjarlægja stærri óhreinindi sem kunna að hafa safnast saman utan á aðalsíunni og hylkinu. Þetta hreinsunarferli kemur í veg fyrir að óhreinindi komist inn í inntakið þegar aðalsían er fjarlægð.

   Important: Ekki nota háþrýstiloft, slíkt loft getur þrýst óhreinindum í gegnum síuna og inn í inntakið.

4. Fjarlægið og skiptið um aðalsíuna á eftirfarandi hátt:

   Important: Ekki hreinsa notaða einingu.

   1. Athugið hvort nýja sían hafi skemmst í flutningum; notið ekki skemmda einingu.

   2. Dragið gömlu síuna varlega úr síuhúsinu og fargið henni.

   3. Setjið nýju síuna í með því að þrýsta ytri brún síunnar í sæti hylkisins og skoðið þéttin á síunni og húsinu.

      Important: Ekki beita þrýstingi á sveigjanlegan miðhluta síunnar.

5. Hreinsið losunarop fyrir óhreinindi á lokinu. Fjarlægið úttakslokann úr gúmmíi af lokinu, hreinsið opið og skiptið um úttakslokann.

6. Komið lokinu aftur fyrir og látið úttakslokann úr gúmmíi snúa niður á við, eða örlítið til vinstri eða örlítið til hægri frá enda lokans séð.

7. Festið klinkurnar (Mynd 29).

1. Leggið vinnuvélinni á jafnsléttu og drepið á vélinni.

2. Setjið afrennslispönnu undir eldsneytissíuna.

3. Opnið botntappann á eldsneytissíunni um það bil einn snúning og tæmið allt uppsafnað vatn (Mynd 34).

   

   Mynd 34

   1. Eldsneytissía
   2. Botntappi

4. Herðið tappann eftir tæmingu.

   Note: Þar sem uppsafnað vatn verður blandað dísileldsneyti skal tæma eldsneytissíuna í hentugt ílát og farga henni á viðeigandi hátt.

1. Lokið afsláttarloka eldsneytis (Mynd 35) undir eldsneytisgeyminum.

   

   Mynd 35

   1. Afsláttarloki eldsneytis

2. Hreinsið svæðið þar sem síuhylkinu er komið fyrir (Mynd 36).

3. Setjið afrennslispönnu undir eldsneytissíuna.

4. Losið afrennslistappa síunnar (Mynd 36).

   

   Mynd 36

   1. Eldsneytissía/vatnsskiljuhylki
   2. Afrennslistappi síunnar

5. Skrúfið síuhylkið af og fargið því í samræmi við staðbundnar reglur.

6. Skrúfið síuna á með höndunum þar til pakkningin snertir síumillistykkið, herðið síðan um ½ til ¾ úr hring til viðbótar.

7. Gangið úr skugga um að skrúfað sé fyrir afrennslistappa síunnar. Opnið afsláttarloka eldsneytis.

Leitið eftir sliti, skemmdum eða lausum tengingum á eldsneytisleiðslum.

1. Aftengið mínuskapalinn frá rafgeymaskauti (Mynd 37).

   

   Mynd 37

   1. Mínuskapall rafgeymis
   2. Plúskapall rafgeymis

2. Lyftið einangruninni og fjarlægið plúskapal rafgeymisins úr rafgeymaskautinu (Mynd 37).

1. Tengið plúskapalinn við rafgeyminn og herðið ró rafgeymisklemmunnar (Mynd 38).

   

   Mynd 38

   1. Plúskapall rafgeymis
   2. Mínuskapall rafgeymis

2. Tengið mínuskapalinn við rafgeyminn og herðið ró rafgeymisklemmunnar (Mynd 38).

1. Aftengið rafgeyminn. Frekari upplýsingar eru í Rafgeymirinn aftengdur.

2. Fjarlægið festingar sem festa rafgeyminn í bakkanum (Mynd 39) og fjarlægið rafgeyminn.

   

   Mynd 39

   1. Bolti
   2. Skinna
   3. Splitti
   4. Ró
   5. Vatnskassi
   6. Afturhluti vélarinnar

3. Tengið 2 til 4 A hleðslutæki fyrir rafgeymi við rafgeymaskautin. Hlaðið rafgeyminn í að minnsta kosti 2 klukkustundir við 4 A eða í að minnsta kosti 4 klukkustundir við 2 A þar til eðlisþyngdin er 1250 eða hærri og hitastigið er að minnsta kosti 16°C þar sem gasmyndun er í öllum hólfum.

   Viðvörun

   Hleðsla rafgeymisins myndar sprengifimar lofttegundir.

   Aldrei reykja nærri rafgeymi og verjið hann gegn neistaflugi og opnum eldi.

   Important: Ef rafgeymirinn er ekki hlaðinn í að minnsta kosti þann tíma sem tilgreindur er hér að ofan getur það komið niður á endingartíma rafgeymisins.

4. Þegar rafgeymirinn er fullhlaðinn skal taka hleðslutækið úr sambandi við rafmagnsinnstunguna og rafgeymaskautin.

5. Setjið rageyminn í rafhlöðubakkann og festið hann með áður fjarlægðum stöngum og festingum (Mynd 39).

6. Tengið rafgeyminn. Frekari upplýsingar eru í Rafgeymirinn tengdur.

Öryggin í rafkerfinu eru undir sætinu (Mynd 40).

Mynd 40

1. Greiningarljós og glóð – 7,5 A
2. Virkjun kefla, hækka/lækka, vifta – 7,5 A
3. Lyfting keflis, virkjun E-keflis og yfir hitastigi —7,5 A
4. Ekkert öryggi
5. Ljós og lekaskynjari-15 A
6. Kerfi – 10 A
7. Kveikjurofi og gangsetning/keyrsla – 10 A
8. ECM-rök og afl – 2 A

Öryggin fyrir rafleiðslur E-keflis eru undir hægra hliðarhlífinni, fyrir neðan mælaborðið (Mynd 41).

Mynd 41

1. Öryggi—35 A

Þegar verður að gefa vinnuvélinni start er hægt að nota auka rafgeymaskautið (sem er á segulliða startarans) í stað jákvæða rafgeymaskautsins (Mynd 42).

Mynd 42

1. Annað jákvætt rafgeymaskaut

Haldið þrýstingi á öllum þremur hjólbörðunum breytilegum með hliðsjón af ástandi grassvarðarins, á bilinu 0,83 (lágm.) til 1,10 abr (hám.).

Hersluátak fyrir felguró: 95 til 122 N∙m

Note: Til að tryggja jafna álagsdreifingu skal herða felgurærnar með X mynstri.

Ef sláttuvélin silast áfram þegar inngjafarfótstigið er í HLUTLAUSRI stöðu skal stilla hlutlausa gírinn.

1. Gangið úr skugga um að hjáveitulokinn sé lokaður.

2. Lyftið sláttuvélinni og styðjið við grindina þannig að eitt af framhjólunum sé frá gólfi.

   Note: Ef sláttuvélin er búin þríhjóladrifsbúnaði skal einnig hækka og læsa afturhjólinu.

3. Gangsetjið vélina, færið inngjöfina í HæGA stöðu og gangið úr skugga um að framhjólið sem snertir ekki gólfið snúist ekki.

4. Ef hjólið snýst skal slökkva á vélinni og gera eftirfarandi:

   1. Losið róna sem festir hjámiðjuna við efsta hluta vökvastöðukerfisins (Mynd 43).

      

      Mynd 43

      1. Hjámiðjun
      2. Lásró

   2. Færið stjórnstöngina í HLUTLAUSA stöðu og inngjöfina í HæGA stöðu. Gangsetjið vélina.

   3. Snúið hjámiðjunni þar til sláttuvélin silast hvorki áfram né aftur á bak. Þegar hjólið hættir að snúast skal herða róna sem læsir hjámiðjunni og stillingunni (Mynd 43). Gangið úr skugga um stillinguna með inngjöfina í HæGRI og HRAðRI stöðu.

      Note: Ef hjólið snýst enn þegar hjámiðjan er í hámarksstillingu skal hafa samband við viðurkenndan dreifingaraðila Toro eða skoða þjónustuhandbókina fyrir frekari upplýsingar um stillingu.

Sláttuhraðinn er stilltur á 3,8 mílur/klst í verksmiðjunni.

Hægt er að stilla hraðann áfram frá 0 til 8 km/klst.

1. Losið um festiróna á pinnaboltanum (Mynd 45).

2. Losið um róna sem festir lás- og sláttufestingarnar á snúningspinnann.

   

   Mynd 45

   1. Festiró
   2. Ró
   3. Pinnabolti

3. Snúið pinnaboltanum réttsælis til að draga úr sláttuhraða og rangsælis til að auka sláttuhraða.

4. Herðið festiróina á pinnaboltanum og róna á snúningspinnanum til að læsa stillingunni (Mynd 45). Athugið stillinguna og stillið eftir þörfum.

Til að koma í veg fyrir að kerfið ofhitni skal halda vatnskassaskerminum og vatnskassanum hreinum. Skoðið og hreinsið skerminn og vatnskassanum daglega eða á klukkutíma fresti ef nauðsyn krefur. Hreinsið þessa íhluti oftar í rykugum og aurugum aðstæðum.

1. Fjarlægið vatnskassaskerminn (Mynd 46).

   

   Mynd 46

   1. Vængjarær
   2. Vatnskassaskermur
   3. Varageymir
   4. Vatnskassalok

2. Blásið á vatnskassann með þrýstilofti viftumegin við vatnskassann.

3. Hreinsaðu skerminn og settu hann upp.

Rúmtak kælikerfisins er u.þ.b 4,6 l.

Fyllið á vatnskassann með 50/50 blöndu af vatni og varanlegum etýlenglýkól frostlegi. Athugið stöðu kælivökva í upphafi hvers dags áður en vélin er gangsett.

1. Leggið vinnuvélinni á jafnsléttu.

2. Athugið stöðu kælivökva (Mynd 46 og Mynd 47).

   Hún á að vera á milli línanna á varageyminum þegar vélin er köld.

   

   Mynd 47

   1. Varageymir

3. Þegar lítið er eftir af kælivökva skal fjarlægja lok varageymisins og fylla á með 50/50 blöndu af vatni og varanlegum etýlenglýkól-frostlegi. Yfirfyllið ekki.

4. Setjið lokið aftur á varageyminn.

Hemlið ákveðið og akið sláttuvélinni á sláttuhraða þar til hemlarnir eru heitir, eins og lyktin af þeim gefur til kynna. Það gæti þurft að stilla hemlana eftir tilkeyrslutímann; sjá Stilling á hemlum.

Ef hemlarnir ná ekki að halda sláttuvélinni kyrri þegar henni lagt er hægt að stilla hemlana með þrítenginu nálægt hemlaskálinni. Hafið samband við viðurkenndan dreifingaraðila eða skoðið þjónustuhandbókina til að fá frekari upplýsingar.

Note: Slípið hemlana árlega; sjá Hemlar slípaðir.

Gangið úr skugga um að reimin sé almennilega strekkt til að tryggja rétta notkun vélarinnar og koma í veg fyrir óþarfa slit.

1. Leggið vélinni á jafnsléttu, drepið á vélinni, setjið stöðuhemilinn á, takið lykilinn úr og bíðið þar til allir hlutar á hreyfingu hafa stöðvast.

2. Beitið hóflegum þrýstingi á reimina með þumlinum á milli trissanna (10 kg). Reimin ætti að gefa eftir um 7 til 9 mm. Ef ekki skal ljúka við eftirfarandi verklag til að stilla strekkingu reimarinnar:

   

   Mynd 48

   1. Reim riðstraumsrafals – beitið þrýstingi hér
   2. Riðstraumsrafall
   3. Strekkiband

   1. Losið um boltana fjóra sem festa riðstraumsrafalinn við vélina og lagið stroffuna.

   2. Skoðið beltið m.t.t. slits eða skemmda og skiptið um ef það er slitið.

   3. Notið stöng á milli riðstraumsrafalsins og vélarblokkarinnar til að toga riðstraumsrafalinn út til að fá rétta spennu á reimina og herðið boltana.

Important: Allar sláttuvélar sem notaðar eru til að slá brautir, slá lóðrétt eða notaðar í umhverfishita yfir 29°C ættu að vera með upp olíukælibúnaðinn (hlutarnr. 117-9314) uppsettan óháð því hvaða glussategund er notuð.

Glussahæð könnuð

Tíðni viðhaldsþjónustu	Viðhaldsferli
Fyrir hverja notkun eða daglega	Kannið glussahæð.

Glussageymirinn er fylltur í verksmiðju með gæðaglussa. Athugið glussahæðina í upphafi hvers dags áður en vélin er notuð. Vélin þín er með olíukvarða eða hvítan plastglugga framan á glussageyminum (fyrir aftan sætið vinstra megin á sláttuvélinni) sem notaður er til að athuga glussahæðina. Glussinn á að vera milli línanna á glugganum eða merkinga á olíukvarðanum; ef ekki skal bæta við viðeigandi glussa.

Frekari upplýsingar um þessa aðferð eru í Mynd 49.

Mynd 49

1. Staðsetning glussgeymisloks eða olíukvarða

1. Leggið sláttuvélinni á jafnsléttu.

   Note: Gangið úr skugga um að vélin hafi kólnað þannig að vökvinn sé kaldur.

2. Athugaðu vökvahæðina í samræmi við tankinn á vélinni þinni:

   • Ef tankurinn er með sjónglugga skaltu athuga olíuhæðina þar og halda áfram að skrefi 5.

   • Ef tankurinn er ekki með sjónglugga skaltu staðsetja mælistikuna ofan á glussageyminum og halda áfram að skrefi 3.

3. Takið olíukvarðann úr og strjúkið af honum með hreinum klút og setjið aftur í tankinn.

4. Skrúfið olíukvarðann úr og athugið vökvahæð. Ef vökvinn er á milli merkjanna á olíukvarðanum er hæðin nægjanleg. Ef hæðin er ekki á milli merkjanna þarf meiri vökva.

5. Fjarlægið lokið eða olíukvarðann (fer eftir sláttuvélinni) frá glussageyminum og fyllið geyminn hægt og rólega með viðeigandi hágæðaglussa þar til hæðin nær á milli línanna á glugganum eða merkinganna á olíukvarðanum.

6. Setjið lokið eða mælistikuna á sinn stað og þurrkið upp vökva sem kann að hafa hellst niður.

   Important: Athugið glussahæðina áður en vélin er gangsett í fyrsta sinn og daglega þar á eftir.

Leitið daglega eftir leka, beygluðum lögnum, lausum festingum, sliti, lausum tengjum, veðrun og tæringu af völdum íðefna á glussalögnum og slöngum. Framkvæmið nauðsynlegar viðgerðir fyrir notkun.

Note: Geymið keflamótora sláttubúnaðarins alltaf á geymslustaðnum framan á fjaðraörmunum við brýningu, stillingu sláttuhæðar og þegar önnur viðhaldsvinna fer fram á sláttubúnaðinum. Þetta er til að koma í veg fyrir skemmdir á þeim.

Important: Hækkið ekki fjaðraarminn í flutningsstöðu á meðan keflamótorarnir eru í festingunum á grind sláttuvélarinnar. Það gæti leitt til skemmda á mótorunum eða slöngum.

Important: Þegar velta þarf sláttubúnaðinum við skal setja stuðning við afturhluta sláttubúnaðarins til að tryggja að hægt sé að komast að róm stillibolta botnstangarinnar (Mynd 51).

Mynd 51

1. Stuðningur (fylgir ekki)
2. Stilliboltaró botnstangar

Uppsetning rafmagnsmótvægis

Festið rafmagnsmótvægið við fyrirliggjandi mótvægi með tveimur skrúfum eins og sýnt er á Mynd 52.

Mynd 52

1. Skrúfur
2. Rafmagnsmótvægi
3. Fyrirliggjandi mótvægi

Athugið bilið á milli keflis og botnblaðs daglega áður en sláttuvélin er notuð, jafnvel þótt gæði fyrri sláttar hafi verið ásættanleg. Lítilsháttar snerting verður að vera til staðar út alla lengdina milli keflis og botnblaðs; sjá notendahandbók sláttubúnaðarins.

Áður en keflin eru skoðuð skal aftengja rafmagnstengla sláttubúnaðarins; sjá Rafmagnstenglar sláttubúnaðar aftengdir. Tengið þá aftur að skoðun lokinni.

1. Leggið vélinni á jafnsléttu, lækkið sláttubúnað, drepið á vélinni, takið lykilinn úr og setjið stöðuhemilinn á.

2. Fjarlægið plasthlífina vinstra megin við sætið.

3. Grunnstillið bilið á milli keflis og botnblaðs þannig að það henti fyrir bakslípun á öllum sláttubúnaði sem á að bakslípa; sjá notendahandbók sláttubúnaðarins.

4. Gangsetjið vélina og látið hana ganga í hægum lausagangi. Ef vélin drepur á sér skal auka vélarhraðann.

5. Farið í upplýsingaskjáinn, valmyndina SERVICE (þjónusta) og veljið BACKLAP (bakslípun).

6. Stillið BAKSLíPUN á ON (kveikt).

7. Opnið aðalvalmyndina og flettið niður að Settings (stillingar).

8. Í STILLINGAVALMYNDINNI skal fletta á BACKLAP RPM (snúningshraði bakslípunar) og nota hnappinn ± til að velja æskilegan hraða fyrir bakslípun.

9. Hafið stjórnstöngina í HLUTLAUSRI stöðu og færið stýringu til að hækka/lækka sláttinn fram á við til að hefja bakslípun á tilgreindum keflum.

10. Berið bakslípunarlöginn á með bursta með löngu skafti. Aldrei skal nota bursta með stuttu skafti.

11. Ef keflin stöðvast eða hreyfast óreglulega við bakslípun skal velja hærri hraðastillingu fyrir keflin þar til hraðinn verður stöðugur.

12. Ef breyta á stillingu sláttubúnaðar meðan á bakslípun stendur skal slökkva á keflunum með því að færa stýringu á hækkun/lækkun sláttar aftur á við og drepa á vélinni. Þegar stillingum hefur verið breytt skal endurtaka skref 4 til 10.

13. Endurtakið ferlið fyrir alla hluta sláttubúnaðar sem á að bakslípa.

14. Þegar því er lokið er farið aftur í upplýsingaskjáinn og stillingin BACKLAP (bakslípun) stillt aftur á OFF (slökkt) eða lyklinum snúið á SLöKKTA stöðu til að setja sláttuvélina aftur í akstursstöðu áfram.

15. Skolið allan bakslípunarvökva af sláttubúnaðinum. Stillið bilið á milli keflis og botnblaðs eftir þörfum. Færið stýringu keflahraða sláttubúnaðarins í æskilega stöðu fyrir slátt.