Interactive Manual

ຄວາມປອດໄພ

ລົດພ່ວງນີ້ມີຈຸດປະສົງສຳລັບການນຳໃຊ້ກັບເຄື່ອງຈັກ ProCore 648 ແລະ 648s ເທົ່ານັ້ນ. ຜະລິດຕະພັນບໍ່ເຂົ້າກັບການລາກສາມາດສົ່ງຜົນໃຫ້ເກີດຄວາມເສຍຫາຍຕໍ່ລົດພ່ວງ ແລະ/ຫຼື ເກີດການບາດເຈັບຕໍ່ຜູ້ຄວບຄຸມນຳໃຊ້ ແລະ ຜູ້ຢືນຢູ່ໃກ້ຄຽງ. ໃຫ້ເບິ່ງ ເຄື່ອງຈັກທີ່ເຮັດວຽກຮ່ວມກັນໄດ້ ສຳລັບລາຍຊື່ເຄື່ອງຈັກທີ່ສາມາດເຂົ້າກັນໄດ້ສະບັບຄົບຖ້ວນ.
Uໃຊ້ແຕ່ພາຫະນະທີ່ມີອັນດັບຄະແນນການລາກທີ່ເໝາະສົມເທົ່ານັ້ນ; ລົດພ່ວງ TransPro 648 ແລະ ເຄື່ອງເຕີມອາກາດ ProCore ພ້ອມກັບສິ່ງທີ່ຕິດມານຳມີນ້ຳໜັກລວມກັນປະມານ 1089 ກລ (2,400 ປອນ). ໃຫ້ແນ່ໃຈວ່າລົດລາກມີຄວາມສາມາດໃນການ ແລະ ເບຣກທີ່ພຽງພໍໂດຍການກວດສອບເບິ່ງຄຳແນະນຳຂອງຜູ້ຜະລິດຍານພາຫະນະ.
ໃຫ້ແນ່ໃຈວ່າລົດພ່ວງເຊື່ອມຕໍ່ກັບພາຫະນະລາກແກ່ຢ່າງຖືກຕ້ອງກ່ອນເອົາເຄື່ອງເຕີມອາກາດຂຶ້ນ ຫຼື ລົງເພື່ອປ້ອງກັນການເຄື່ອນເໜັງຂອງຕົວຍຶດໂດຍບໍ່ໄດ້ຕັ້ງໃຈ ຫຼື ພິກປີ້ນກະທັນຫັນ. ຕົວຍຶດລົດພ່ວງຄວນຈະຂະໜານກັບພື້ນດິນເມື່ອທ່ານຈັດລຽນມັນກັບຕົວຜູກຍຶດລົດລາກ.
ລົດພ່ວງເພີ່ມນ້ຳໜັກພິເສດການລາກໃຫ້ລົດ. ຂັບລົດຢ່າງປອດໄພ.
- ຢ່າຂັບເຄື່ອງຈັກໃນທາງດ່ວນ ຫຼື ທາງສາທາລະນະ.
- ຕ້ອງຂັບລົດລາກ ຊ້າໆໃນເວລາທີ່ກຳລັງເຂົ້າໃກ້ ແລະ ກຳລັງລ້ຽວ.
- ຕ້ອງຂັບລົດລາກ ຊ້າໆໃນບ່ອນທີ່ບໍ່ລຶ້ງເຄີຍ ຫຼື ພື້ນທີ່ທີ່ໄປຍາກ.
- ຜ່ອນຄວາມໄວລົດລາກໃຫ້ຊ້າລົງສະເໝີເມື່ອປ່ຽນທິດທາງຂອງການເດີນທາງ ຫຼື ກະກຽມຈອດ.
- ຜ່ອນຄວາມໄວລົດລາກແກ່ໃຫ້ຊ້າລົງສະເໝີເມື່ອລ້ຽວ ຫຼື ຂັບຂີ່ຢູ່ບ່ອນຄ້ອຍຊັນ.
- ຢ່າ ຫັກລ້ຽວ ຫຼື ລ້ຽວທັນທີ. ຢ່າ ປ່ຽນທິດທາງຂອງການເດີນທາງໃນທາງຂຶ້ນພູ, ທາງຊັນ, ທາງໄຕ່ລະດັບ ຫຼື ພື້ນທີ່ຄ້າຍຄືກັນ.
- ຄວາມໄວການລາກສູງສຸດແມ່ນ 24 ກມ/ຊມ (15 ໄມຕໍ່ຊົ່ວໂມງ). ຕ້ອງໝັ່ນປັບລົດລາກເພື່ອໃຫ້ເຂົ້າກັບສະພາບພື້ນທີ່ມີຢູ່ຢ່າງເຊັ່ນ: ພື້ນປຽກມື່ນ, ເປັນຊາຍ ຫຼື ຫີນແຮ່ບໍ່ແໜ້ນ ແລະ/ຫຼື ສະພາບການເບິ່ງເຫັນຕ່ຳເຊັ່ນ: ແສງໄຟມົວ ຫຼື ແຈ້ງ, ໝອກ, ລະອອງນ້ຳ ຫຼື ຝົນ.
- ໃຫ້ລະວັງເປັນພິເສດໃນເວລາທີ່ຂັບລົດບັນທຸກເຄື່ອງໜັກລົງທາງຊັນ. ຂັບລົດຂຶ້ນ ແລະ ລົງທາງຊັນ, ທາງຂຶ້ນຄ້ອຍໃນເວລາທີ່ເຮັດໄດ້. ຢ່າ ຂັບລົດຂ້າມທາງຊັນ, ຖ້າເປັນໄປໄດ້. ການງ່ຽງລົດແມ່ນມີຄວາມສ່ຽງ, ເຊິ່ງອາດຈະສົ່ງຜົນໃຫ້ເກີດການບາດເຈັບສາຫັດ ຫຼື ເຖິງແກ່ຊີວິດ.
ຢ່າໃຊ້ພາຫະນະລາກແກ່ ຫຼື ໃຊ້ລົດລາກໃນເວລາທີ່ບໍ່ສະບາຍ, ເຈັບປ່ວຍ ຫຼື ຢູ່ພາຍໃຕ້ອິດທິພົນຂອງສິ່ງມຶນເມົາ ຫຼື ສິ່ງເສບຕິດ.
ນຳໃຊ້ລົດລາກພຽງແຕ່ໃນເວລາທີ່ທ່ານເບິ່ງເຫັນດີເທົ່ານັ້ນ ແລະ ມີສະພາບອາກາດທີ່ເໝາະສົມ. ຢ່າໃຊ້ງານພາຫະນະລາກແກ່ ຫຼື ໃຊ້ລົດລາກໃນເວລາທີ່ມີຄວາມສ່ຽງຂອງຟ້າແມັບເຫຼື້ອມ.
ກ່ອນຈະຍົກຫຼັງຂຶ້ນ, ເບິ່ງທາງຫຼັງຂອງທ່ານ ແລະ ເຮັດໃຫ້ແນ່ໃຈວ່າບໍ່ມີຄົນ ຫຼື ສິ່ງຂອງ. ຍົກຫຼັງຂຶ້ນຢ່າງຊ້າໆ ແລະ ເບິ່ງການເຄື່ອນໄຫວຂອງລົດພ່ວງຢ່າງໄກ້ຊິດ.
ໃຫ້ລະວັງເປັນພິເສດ ແລະ ຜ່ອນຄວາມໄວໃນເວລາທີ່ຍົກຫຼັງລົດພ່ວງ ແລະ ລົດລາກ.
ລະວັງການສັນຈອນໃນເວລາທີ່ຢູ່ໃກ້ ຫຼື ກຳລັງຂ້າມທາງ. ຕ້ອງເປີດໄຟເພື່ອເບິ່ງຄົນຍ່າງ ຫຼື ລົດຄັນອື່ນໆ.
ຖ້າຫາກລົດພ່ວງເລີ່ມສັ່ນຜິດປົກກະຕິ, ຢຸດລົດລາກທັນທີ. ມອດຈັກຂອງລົດລາກ. ສ້ອມແປງຄວາມເສຍຫາຍທັງໝົດກ່ອນເລີ່ມລາກ.
ກ່ອນການບຳລຸງຮັກສາ ຫຼື ການປັບປ່ຽນລົດພ່ວງ, ໃຫ້ປະຕິບັດດັ່ງຕໍ່ໄປນີ້:
- ມອດລົດລາກ ແລະ ໃສ່ເບຣກມື.
- ມອດຈັກຂອງລົດລາກ ແລະ ຖອດກະແຈ.
ໃນຂະນະທີ່ລົດພ່ວງຖືກປົດອອກຈາກພາຫະນະລາກແກ່:
- ເກັບຮັກສາລົດພ່ວງໄວ້ໃນພື້ນດິນທີ່ພຽງໄດ້ລະດັບ.
- ຕັນລໍ້ເພື່ອປ້ອງກັນບໍ່ໃຫ້ລົດພ່ວງເຄື່ອນຍ້າຍ.
ຮັດສາຍຮັດທັງໝົດໃຫ້ແໜ້ນໜາປອດໄພ. ປ່ຽນແທນອາໄຫຼ່ທີ່ເອົາອອກໃນເວລາທີ່ບຳລຸງຮັກສາ ຫຼື ເຮັດການປັບປ່ຽນ.

ສະຕິກເກີຄວາມປອດໄພ ແລະ ຄຳແນະນຳ

ສະຫຼາກ ແລະ ຄຳແນະນຳກ່ຽວກັບຄວາມປອດໄພແມ່ນສາມາດໃຫ້ຜູ້ນຳໃຊ້ເບິ່ງເຫັນໄດ້ງ່າຍ ແລະ ຕັ້ງຢູ່ໃກ້ກັບພື້ນທີ່ໃດໜຶ່ງທີ່ອາດຈະເກີດອັນຕະລາຍ. ປ່ຽນສະຫຼາກໃດໜຶ່ງທີ່ເສຍຫາຍ ຫຼື ຫາຍໄປ.

147-8352

ຄຳເຕືອນ – ໃຫ້ອ່ານຄູ່ມືຜູ້ໃຊ້; ຂັບຊ້າໆເມື່ອຂັບຂີ່ລົງພູໂດຍມີລົດພ່ວງຕິດຢູ່; ຢ່າເສຍການຄວບຄຸມລົດ ແລະ ລົດພ່ວງ.
ຄຳເຕືອນ—ຫ້າມນຳສົ່ງຜູ້ໂດຍສານ.
ຄຳເຕືອນ – ຂັບຊ້າໆເມື່ອຂັບຂີ່ໂດຍມີລົດພ່ວງຕິດ; ຢ່າໃຫ້ເກີນ 24 ກມ/ຊມ (15 ໄມຕໍ່ຊົ່ວໂມງ).
ຄຳເຕືອນ – ນ້ຳໜັກສູງສຸດຂອງລົດພ່ວງແມ່ນ 907 ກລ (2000 ປອນ) ແລະ ນ້ຳໜັກສູງສຸດຂອງຕົວຍຶດແມ່ນ 181 ກລ (400 ປອນ).

147-8350

ຢາງລົດຄວນສູບໃຫ້ໄດ້ 96 kPa (14 psi).
ອ່ານຄູ່ມືຜູ້ໃຊ້.
ບິດນັອດລໍ້ລົດພ່ວງໃຫ້ໄດ້ 108.5 N∙m (80 ft-lb).

147-8351

ເມື່ອລາກເຄື່ອງເຕີມອາກາດ, ເກັບຮັກສາສະຫຼັກໄວ້ຢູ່ດ້ານໜ້າຂອງແຜ່ນລໍ້.
ເມື່ອບໍ່ລາກເຄື່ອງເຕີມອາກາດ, ຍຶດແຜ່ນລາດຊັນໄວ້ໃນຕຳແໜ່ງຍົກຂຶ້ນ ແລະ ຕິດຕັ້ງສະຫຼັກຜ່ານດ້ານເທິງຂອງແຜ່ນລາດຊັນ ແລະ ແຜ່ນລໍ້.

147-8353

ຍຶດເຄື່ອງເຕີມອາກາດໃສ່ລົດພ່ຽງ; ຕິດຂໍເກາະຮູບຕົວ J ໃສ່ດ້ານໜ້າຂອງຈຸດຈຸກມັດ, ຊຸກລົງຢູ່ໃນຄັນໂຍກລັອກ ແລະ ຕິດຕັ້ງສະຫຼັກປ່ອຍໄວ.
ປ່ອຍເຄື່ອງເຕີມອາກາດອອກຈາກລົດພ່ວງ; ເອົາສະຫຼັກປ່ອຍໄວອອກ, ດຶງຂຶ້ນເທິງຄັນໂຍກລັອກ ແລະ ເອົາຂໍເກາະຮູບຕົວ J ອອກຈາກຈຸດຈຸກມັດດ້ານໜ້າ.

133-8061

140-5281

ຄຳເຕືອນ – ຢ່າບັນທຸກຜູ້ໂດຍສານໄປນຳລົດພ່ວງ.

ການຕິດຕັ້ງ

ການເອົາລັງອອກ

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ລົດພ່ວງ	1
ລໍ້ລົດ	2

ວາງຕຳແໜ່ງລັງໄວ້ກ້ອງໝາກລັອກທີ່ສາມາດໄປເຖິງທັງສອງດ້ານຂອງລົດພ່ວງ ຫຼື ບ່ອນທີ່ລົດຍົກສາມາດຍົກແຕ່ລະດ້ານຂອງລົດພ່ວງຂຶ້ນໄດ້.
ຕັດສາຍຢາງມັດ ແລະ ເອົາອັນປົກດ້ານເທິງ, ດ້ານຂ້າງ ແລະ ປາຍຂອງລັງອອກ.
ເອົາສະຫຼັກການເກັບຮັກສາຈາກດ້ານເທິງລົດພ່ວງທີ່ຍຶດລົດພ່ວງໃສ່ລັງອອກ.

Important: ຮັກສາສະຫຼັກການເກັບຮັກສາໄວ້ສຳລັບການຕິດຕັ້ງພາຍຫຼັງ.
ຍົກແຜ່ນລາດຊັນອອກຈາກລັງ ແລະ ປ່ອຍໃຫ້ຄ້າງໄວ້ສຳລັບການຕິດຕັ້ງພາຍຫຼັງ.
ເອົານັອດກຽວທີ່ຍຶດຂາຄ້ຳການຈັດສົ່ງໃສ່ລັງອອກ.
ຮູບສະແດງ 1
1. ຫົວເພົາ
2. ນັອດຮັດລໍ້ລົດ
3. ນັອດກຽວ
4. ລາງຈັບ
ເອົາອຸເຄື່ອງທີ່ຍັງເຫຼືອເຊື່ອມຕໍ່ລົດລາກໃສ່ແຜ່ນຮອງອອກ.
ການໃຊ້ໝາກລັອກ ຫຼື ລົດຍົກ, ຍົກລົດພ່ວງ.
ເອົາແຜ່ນຮອງອອກຈາກກ້ອງເຄື່ອງຈັກ.
ເອົານັອດຍຶດລໍ້ລົດ 4 ນັອດອອກຈາກແຕ່ລະດ້ານຂອງຫົວເພົາລໍ້ (ຮູບສະແດງ 1).

Important: ຮັກສານັອດຮັດລໍ້ລົດໄວ້ສຳລັບການຕິດຕັ້ງພາຍຫຼັງ. ທ່ານອາດຈະເອົາລາງຈັບຖິ້ມ.
ຕິດຕັ້ງ 2 ລໍ້ດ້ວຍການໃຊ້ນັອດຍຶດລໍ້ລົດທີ່ເອົາອອກຢູ່ໃນຂັ້ນຕອນ 9; ໃຫ້ເບິ່ງ ການກວດເບິ່ງແຮງບິດຂອງນັອດຮັດລໍ້ລົດ.
ຕິດຕັ້ງກະລິກໃສ່ຂາຄ້ຳໃນກອບລົດພ່ວງດັ່ງສະແດງຢູ່ໃນ ຮູບສະແດງ 2.

Note: ຕິດຕັ້ງກະລິກດ້ວຍການໃຊ້ຊຸດຮູຕ່ຳສຸດເພື່ອໃຫ້ຄວາມສູງຫ່າງຈາກພື້ນດິນສູງສຸດ.
ຮູບສະແດງ 2
1. ນັອດກຽວຕົວຜູ້ (3/8 x 1-1/8 ນິ້ວ)
2. ແຫວນຮອງ (7/16 ນິ້ວ)
3. ນັອດລັອກຕົວແມ່ (3/8 ນິ້ວ)
ປ່ອຍລົດພ່ວງຕ່ຳລົງຫາພື້ນ, ເອົາໝາກລັອກ ຫຼື ລົດຍົກອອກ ແລະ ຍຶດລົດພ່ວງໄວ້ບໍ່ໃຫ້ເຄື່ອນເໜັງ.

ການປະກອບລົດພ່ວງ

ອາໄຫຼ່ທີ່ຈຳເປັນສຳລັບຂັ້ນຕອນນີ້:

ທໍ່ຜູກຍຶດ	1
ເຂັມຂັດສະຫຼັກ	3
ແຜ່ນລາດຊັນ	1
ປອກເຫຼັກແປ	4
ເຂັມຂັດແຜ່ນລາດຊັນ	2
ສະຫຼັກລັອກ	2
ກະລິກ	1
ນັອດກຽວຕົວຜູ້ (3/8 x 1-1/8 ນິ້ວ)	4
ແຫວນຮອງ (7/16 ນິ້ວ)	4
ນັອດລັອກຕົວແມ່ (3/8 ນິ້ວ)	4

ສອດທໍ່ຜູກຍຶດໃສ່ກອບຕາມທີ່ສະແດງຢູ່ໃນ ຮູບສະແດງ 3).
ຕິດຕັ້ງຕົວປັບຜູກຍຶດໃສ່ທໍ່ຜູກຍຶດດ້ວຍເຂັມຂັດສະຫຼັກ (ຮູບສະແດງ 3).
ຮູບສະແດງ 3
1. ຕົວປັບຕົວຜູກຍຶດ
2. ທໍ່ຜູກຍຶດ
3. ເຂັມຂັດສະຫຼັກ
ຕິດຕັ້ງປອກເຫຼັກແປໃສ່ເຕົ້າແກນໝູນຢູ່ດ້ານລຸ່ມຂອງແຜ່ນລາດຊັນ.
ຕິດຕັ້ງແຜ່ນລາດຊັນໃສ່ກອບດ້ວຍການໃຊ້ເຂັມຂັດແຜ່ນລາດຊັນ ແລະ ສະຫຼັກລັອກດັ່ງສະແດງຢູ່ໃນ ຮູບສະແດງ 4.
ຮູບສະແດງ 4
1. ເຂັມຂັດແຜ່ນລາດຊັນ
2. ເຕົ້າແກນໝູນແຜ່ນລາດຊັນ
3. ປອກເຫຼັກແປ
4. ສະຫຼັກລັອກ
ຕິດຕັ້ງສະຫຼັກການເກັບຮັກສາທີ່ເອົາອອກຢູ່ໃນ ການເອົາລັງອອກ ຜ່ານດ້ານເທິງຂອງແຜ່ນລາດຊັນ ແລະ ແຜ່ນລໍ້ທີ່ຍຶດແຜ່ນລາດຊັນໄວ້ໃນຕຳແໜ່ງຍົກຂຶ້ນ.

ການປະຕິບັດງານ

ເຄື່ອງຈັກທີ່ເຮັດວຽກຮ່ວມກັນໄດ້

ລົດພ່ວງນີ້ຖືກອອກແບບມາເພື່ອໃຫ້ຖືກປັບຕັ້ງສຳລັບເຄື່ອງເຕີມອາກາດ ProCore ຕໍ່ໄປນີ້ໂດຍບໍ່ຕ້ອງມີຄວາມຈຳເປັນສຳລັບຊຸດອຸປະກອນເພີ່ມເຕີມ:

ເຄື່ອງຈັກ	ລຸ້ນ
ເຄື່ອງເຕີມອາກາດ ProCore 648	09200
ເຄື່ອງເຕີມອາກາດ ProCore 648s	09960

ຕິດຕໍ່ຜູ້ຈຳໜ່າຍ Toro ທີ່ໄດ້ຮັບອະນຸຍາດສຳລັບຂໍ້ມູນເພີ່ມເຕີມ.

ການປັບຕົວຍຶດລົດພ່ວງ

ຈັດລຽນຕົວຍຶດລົດພ່ວງກັບຕົວຜູກຍຶດລົດລາກ.

Important: ຕົວຍຶດລົດພ່ວງຕ້ອງຂະໜານກັບພື້ນດິນເມື່ອມັນຖືກຈັດລຽນກັບຕົວຜູກຍຶດລົດລາກ.
ເອົາເຂັມຂັດສະຫຼັກອອກຈາກຕົວປັບຕົວຜູກຍຶດ ແລະ ປັບຕຳແໜ່ງຂຶ້ນເທິງ ຫຼື ລົງລຸ່ມ (ຮູບສະແດງ 3) ຕາມທີ່ຈຳເປັນ.

Note: ຕົວປັບຕົວຜູກຍຶດສາມາດໝູນໄດ້ສຳລັບການປັບຕໍ່ໄປຫາການຈັດລຽນ.
ເອົາເຂັມຂັດສະຫຼັກອອກຈາກທໍ່ຕົວຜູກຍຶດ ແລະ ປັບລວງຍາວຕາມທີ່ຈຳເປັນ.

Important: ໃຫ້ແນ່ໃຈວ່າມີໄລຍະຫ່າງພຽງພໍລະຫວ່າງມືຈັບເຄື່ອງເຕີມອາກາດ ແລະ ດ້ານຫຼັງຂອງລົດລາກເມື່ອລາກແກ່.

Note: ເມື່ອເກັບຮັກສາລົດລາກ, ທ່ານສາມາດຊຸກທໍ່ຜູກຍຶດກັບຫຼັງຫາທໍ່ກອບລົດລາກໄດ້ເພື່ອເຮັດໃຫ້ລວງຍາວໂດຍລວມສັ້ນລົງ.

ການບັນທຸກໃສ່ລົດພ່ວງ

ຄຳເຕືອນ

ການຂຶ້ນຢຽບແຜ່ນລາດຊັນອາດຈະນຳໄປສູ່ການເສຍຕີນໄດ້.

ຍ່າງຢູ່ເທິງພື້ນດິນໃນຂະນະທີ່ຊີ້ບອກການເອົາເຄື່ອງຈັກຂຶ້ນ ຫຼື ລົງແຜ່ນລາດຊັນ.

ການກະກຽມບັນທຸກໃສ່ລົດລາກ

ຕໍ່ລົດພ່ວງໃສ່ລົດຕັດຫຍ້າຂອງທ່ານ; ໃຫ້ເບິ່ງຄູ່ມືຜູ້ໃຊ້ລົດຕັດຫຍ້າຂອງທ່ານ.

Important: ໃຫ້ແນ່ໃຈວ່າຕົວຍຶດລົດພ່ວງຂະໜານກັບພື້ນດິນເມື່ອມັນຖືກຈັດລຽນກັບຕົວຜູກຍຶດລົດລາກ; ຖ້າມັນບໍ່ຂະໜານ, ໃຫ້ເບິ່ງ ການປັບຕົວຍຶດລົດພ່ວງ.
ເອົາສະຫຼັກອອກຈາກດ້ານເທິງຂອງແຜ່ນລາດຊັນ ແລະ ແຜ່ນລໍ້ເພື່ອປ່ອຍແຜ່ນລາດຊັນຕ່ຳລົງ.
ຕິດຕັ້ງສະຫຼັກໃສ່ດ້ານໜ້າຂອງແຜ່ນລໍ້.

ການບັນທຸກເຄື່ອງຈັກໃສ່ລົດພ່ວງ

ເອົາສະຫຼັກການເກັບຮັກສາອອກຈາກດ້ານເທິງຂອງແຜ່ນລາດຊັນ ແລະ ແຜ່ນລໍ້ເພື່ອປ່ອຍແຜ່ນລາດຊັນຕ່ຳລົງ.
ຕິດຕັ້ງສະຫຼັກໃສ່ດ້ານໜ້າຂອງແຜ່ນລໍ້.
ຈອດລົດພ່ວງໄວ້ບ່ອນພຽງໄດ້ລະດັບ ແລະ ເຄື່ອນເຄື່ອງໝາຍເສັ້ນຢູ່ໃນເຄື່ອງຈັກໄປຫາຕຳແໜ່ງເກັບຮັກສາ; ໃຫ້ເບິ່ງຄູ່ມືຜູ້ໃຊ້ເຄື່ອງຈັກຂອງທ່ານ.
ຍ່າງຢູ່ເທິງພື້ນດິນໃນຂະນະທີ່ຊີ້ບອກການເອົາເຄື່ອງຈັກຂຶ້ນແຜ່ນລາດຊັນຢ່າງຊ້າໆ ແລະ ເອົາຂຶ້ນສູ່ລົດພ່ວງຈົນກວ່າລໍ້ໜ້າໝູນໄປຮອດຕົວຕັນລໍ້ລວມ ແລະ ໄປສຸດໃສ່ຕົວກັ້ນດ້ານໜ້າຂອງລົດພ່ວງ (ຮູບສະແດງ 5).
ຮູບສະແດງ 5
1. ຕົວຕັນລໍ້ລົດພ່ວງ
2. ລໍ້ໜ້າ
3. ຕົວກັ້ນລົດພ່ວງດ້ານໜ້າ
ມອດເຄື່ອງຈັກ ແລະ ໃສ່ເບຣກມື.
ເອົາສະຫຼັກປ່ອຍໄວອອກ, ດຶງຂຶ້ນເທິງຄັນໂຍກລັອກ ແລະ ຕິດຂໍເກາະຮູບຕົວ J ຈາກຈຸດຈຸກມັດດ້ານໜ້າ.
ຊຸກຄັນໂຍກລັອກລົງ ແລະ ຍຶດມັນດ້ວຍການໃຊ້ສະຫຼັກປ່ອຍໄວ (ຮູບສະແດງ 6).
ຮູບສະແດງ 6
1. ຈຸດຈຸກມັດດ້ານໜ້າ
2. ຂໍເກາະຮູບຕົວ J
3. ຄັນໂຍກລັອກ
4. ສະຫຼັກປ່ອຍໄວ
Important: ເພື່ອໃຫ້ແນ່ໃຈວ່າເຄື່ອງຈັກບໍ່ເຄື່ອນໃນລົດພ່ວງ, ປັບ 2 ນັອດຢູ່ຂໍເກາະຮູບຕົວ J ເພື່ອໃຫ້ເຄື່ອງຈັກແໜ້ນໃສ່ລົດພ່ວງເມື່ອຄານຍົກຖືກໃສ່ສະຫຼັກ.

ການເອົາເຄື່ອງຈັກລົງຈາກລົດພ່ວງ

ຈອດລົດພ່ວງໄວ້ບ່ອນພຽງໄດ້ລະດັບ ແລະ ເຄື່ອນເຄື່ອງໝາຍເສັ້ນຢູ່ໃນເຄື່ອງຈັກໄປຫາຕຳແໜ່ງເກັບຮັກສາ, ຖ້າພວກມັນບໍ່ຢູ່ໃນຕຳແໜ່ງຂະຫຍາຍອອກ; ໃຫ້ເບິ່ງຄູ່ມືຜູ້ໃຊ້ເຄື່ອງຈັກຂອງທ່ານ.
ເອົາສະຫຼັກປ່ອຍໄວອອກ, ດຶງຂຶ້ນເທິງຄັນໂຍກລັອກ ແລະ ເອົາຂໍເກາະຮູບຕົວ J ອອກຈາກຈຸດຈຸກມັດດ້ານໜ້າ.
ເປີດເຄື່ອງຈັກ ແລະ ປົດເບຣກມື.
ຍ່າງຢູ່ເທິງພື້ນດິນໃນຂະນະທີ່ຊີ້ບອກການເອົາເຄື່ອງຈັກລົງແຜ່ນລາດຊັນຢ່າງຊ້າໆ ແລະ ເອົາອອກຈາກລົດພ່ວງຈົນກວ່າລໍ້ໜ້າຢູ່ເທິງພື້ນດິນ.

Important: ໃຫ້ແນ່ໃຈວ່າລໍ້ໜ້າລົງຢູ່ໃນຊ່ອງໃນຂະນະທີ່ຖອຍເຄື່ອງຈັກໄປຊື່ໆອອກຈາກລົດພ່ວງ.
ມອດເຄື່ອງຈັກ ແລະ ໃສ່ເບຣກມື.
ເອົາສະຫຼັກການເກັບຮັກສາອອກຈາກດ້ານໜ້າຂອງແຜ່ນລໍ້.
ຕິດຕັ້ງສະຫຼັກໃສ່ດ້ານເທິງຂອງແຜ່ນລາດຊັນ ແລະ ແຜ່ນລໍ້ເພື່ອຍຶດແຜ່ນລາດຊັນໄວ້ໃນຕຳແໜ່ງຍົກຂຶ້ນກ່ອນເຄື່ອນຍ້າຍລົດພ່ວງທີ່ເອົາເຄື່ອງຈັກລົງແລ້ວ.

ການບຳລຸງຮັກສາ

ຕາຕະລາງການບຳລຸງຮັກສາທີ່ແນະນຳ

ໄລຍະຫ່າງການບໍລິການບຳລຸງຮັກສາ	ຂັ້ນຕອນການບຳລຸງຮັກສາ
ຫລັງຈາກ 10 ຊົ່ວໂມງທໍາອິດ	ກວດເບິ່ງແຮງບິດຂອງນັອດຮັດລໍ້ລົດ.
ກ່ອນການນຳໃຊ້ແຕ່ລະເທື່ອ ຫຼື ປະຈຳວັນ	ກວດເບິ່ງຄວາມດັນລົມຢາງ.
ປະຈຳປີ	ກວດເບິ່ງການໄປສຸດຂອງລູກບີ່ລໍ້. ກວດເບິ່ງແຮງບິດຂອງນັອດຮັດລໍ້ລົດ.

ການກວດເບິ່ງຄວາມດັນລົມຂອງຢາງລົດ

ໄລຍະຫ່າງການບໍລິການບຳລຸງຮັກສາ	ຂັ້ນຕອນການບຳລຸງຮັກສາ
ກ່ອນການນຳໃຊ້ແຕ່ລະເທື່ອ ຫຼື ປະຈຳວັນ	ກວດເບິ່ງຄວາມດັນລົມຢາງ.

ຂໍ້ກຳນົດສະເພາະຄວາມດັນລົມຢາງ: 96.5 kPa (14 psi)

ການກວດເບິ່ງຄວາມດັນລົມຢູ່ໃນຢາງລົດ (ຮູບສະແດງ 7). ເຕີມ ຫຼື ປ່ອຍລົມອອກຕາມທີ່ຕ້ອງການເພື່ອຕັ້ງຄວາມດັນລົມຢູ່ໃນຢາງລົດໃຫ້ໄດ້ຕາມຂໍ້ກຳນົດສະເພາະຄວາມດັນລົມຂອງຢາງລົດ.

ຮູບສະແດງ 7

ການກວດເບິ່ງຄວາມເສລີຂອງລູກບີ່ລໍ້

ໄລຍະຫ່າງການບໍລິການບຳລຸງຮັກສາ	ຂັ້ນຕອນການບຳລຸງຮັກສາ
ປະຈຳປີ	ກວດເບິ່ງການໄປສຸດຂອງລູກບີ່ລໍ້.

ເອົາເຄື່ອງຈັກໃດໜຶ່ງທີ່ອາດຈະຖືກເກັບໄວ້ໃນລົດພ່ວງອອກ.
ໃຊ້ກະລິກຄ້ຳເພື່ອຍົກລົດພ່ວງຂຶ້ນ ແລະ ວາງກະລິກໃສ່ກ້ອງລົດພ່ວງ.
ກວດເບິ່ງແຕ່ລະລໍ້ສຳລັບຄວາມເສລີເກີນຂະໜາດ (ນັ້ນຄື: ການເຄື່ອນໄຫວເສລີຂອງຢາງ ແລະ ສ່ວນປະກອບສູນກາງ).

ຖ້າທ່ານກວດພົບຄວາມເສລີເກີນ, ຕິດຕໍ່ຜູ້ຈຳໜ່າຍ Toro ທີ່ໄດ້ຮັບອະນຸຍາດຂອງທ່ານ.

ການກວດເບິ່ງແຮງບິດຂອງນັອດຮັດລໍ້ລົດ

ໄລຍະຫ່າງການບໍລິການບຳລຸງຮັກສາ	ຂັ້ນຕອນການບຳລຸງຮັກສາ
ຫລັງຈາກ 10 ຊົ່ວໂມງທໍາອິດ	ກວດເບິ່ງແຮງບິດຂອງນັອດຮັດລໍ້ລົດ.
ປະຈຳປີ	ກວດເບິ່ງແຮງບິດຂອງນັອດຮັດລໍ້ລົດ.

ຂໍ້ກຳນົດສະເພາະແຮງບິດ: 108 N⋅m (80 ft-lb)

ກວດເບິ່ງແຮງບິດຂອງນັອດຮັດລໍ້ລົດແຕ່ລະຄັ້ງທີ່ທ່ານຕິດຕັ້ງລໍ້ ແລະ ຫຼັງຈາກການໃຊ້ງານ 10 ຊົ່ວໂມງທຳອິດ.

ບິດນັອດຮັດລໍ້ລົດໃນຮູບແບບໄຂ້ວດັ່ງທີ່ສະແດງຢູ່ໃນ ຮູບສະແດງ 8 ຫາແຮງບິດທີ່ລະບຸໄວ້.

ຄຳເຕືອນ

ການບໍ່ຮັກສາແຮງບິດທີ່ເໝາະສົມໄດ້ສາມາດເຮັດໃຫ້ເກີດການຂັດຂ້ອງ ຫຼື ການສູນເສຍລໍ້ ແລະ ສາມາດເຮັດໃຫ້ເກີດການບາດເຈັບຕໍ່ບຸກຄົນໄດ້.

ບິດນັອດຮັດລໍ້ລົດໃຫ້ໄດ້ແຮງບິດທີ່ລະບຸໄວ້.

ຮູບສະແດງ 8

ລົດພ່ວງລາກດ້ານຫຼັງ TransPro™ 648

ເຄື່ອງເຕີມອາກາດ ProCore® 648 ຫຼື 648s

Model No. 09964-Serial No. 323000000 and Up

ຄວາມປອດໄພ

ສະຕິກເກີຄວາມປອດໄພ ແລະ ຄຳແນະນຳ

ການຕິດຕັ້ງ

ການເອົາລັງອອກ

ການປະກອບລົດພ່ວງ

ການປະຕິບັດງານ

ເຄື່ອງຈັກທີ່ເຮັດວຽກຮ່ວມກັນໄດ້

ການປັບຕົວຍຶດລົດພ່ວງ

ການບັນທຸກໃສ່ລົດພ່ວງ

ຄຳເຕືອນ

ການກະກຽມບັນທຸກໃສ່ລົດລາກ

ການບັນທຸກເຄື່ອງຈັກໃສ່ລົດພ່ວງ

ການເອົາເຄື່ອງຈັກລົງຈາກລົດພ່ວງ

ການບຳລຸງຮັກສາ

ຕາຕະລາງການບຳລຸງຮັກສາທີ່ແນະນຳ

ການກວດເບິ່ງຄວາມດັນລົມຂອງຢາງລົດ

ການກວດເບິ່ງຄວາມເສລີຂອງລູກບີ່ລໍ້

ການກວດເບິ່ງແຮງບິດຂອງນັອດຮັດລໍ້ລົດ

ຄຳເຕືອນ

ລົດພ່ວງລາກ​ດ້ານ​ຫຼັງ TransPro™ 648

ເຄື່ອງເຕີມອາ​ກາດ ProCore® 648 ຫຼື 648s

Model No. 09964-Serial No. 323000000 and Up

ຄວາມປອດໄພ

ສະຕິກເກີຄວາມປອດໄພ ແລະ ຄຳແນະນຳ

ການຕິດຕັ້ງ

ການ​ເອົາ​ລັງ​ອອກ

ການ​ປະ​ກອບ​ລົດ​ພ່ວງ

ການປະຕິບັດງານ

ເຄື່ອງ​ຈັກ​ທີ່​ເຮັດ​ວຽກ​ຮ່ວມ​ກັນ​ໄດ້

ການ​ປັບ​ຕົວ​ຍຶດລົດ​ພ່ວງ

ການ​ບັນ​ທຸກໃສ່​ລົດ​ພ່ວງ

ຄຳເຕືອນ

ການກະ​ກຽມ​ບັນ​ທຸກໃສ່​ລົດລາກ

ການ​ບັນ​ທຸກເຄື່ອງ​ຈັກໃສ່​ລົດ​ພ່ວງ

ການເອົາເຄື່ອງ​ຈັກລົງ​ຈາກລົດ​ພ່ວງ

ການບຳລຸງຮັກສາ

ຕາຕະລາງການບຳລຸງຮັກສາທີ່ແນະນຳ

ການກວດເບິ່ງຄວາມດັນລົ​ມຂອງຢາງລົດ

ການກວດ​ເບິ່ງ​ຄວາມ​ເສ​ລີ​ຂອງລູກ​ບີ່​ລໍ້

ການກວດເບິ່ງແຮງບິດຂອງນັອດຮັດລໍ້ລົດ

ຄຳເຕືອນ

ລົດພ່ວງລາກດ້ານຫຼັງ TransPro™ 648

ເຄື່ອງເຕີມອາກາດ ProCore® 648 ຫຼື 648s

ການເອົາລັງອອກ

ການປະກອບລົດພ່ວງ

ເຄື່ອງຈັກທີ່ເຮັດວຽກຮ່ວມກັນໄດ້

ການປັບຕົວຍຶດລົດພ່ວງ

ການບັນທຸກໃສ່ລົດພ່ວງ

ການກະກຽມບັນທຸກໃສ່ລົດລາກ

ການບັນທຸກເຄື່ອງຈັກໃສ່ລົດພ່ວງ

ການເອົາເຄື່ອງຈັກລົງຈາກລົດພ່ວງ

ການກວດເບິ່ງຄວາມດັນລົມຂອງຢາງລົດ

ການກວດເບິ່ງຄວາມເສລີຂອງລູກບີ່ລໍ້