ProCore® 648s-jarðvegsloftunarvél

1. Stingið pinnunum á enda handfangsstangarinnar í götin á stýrisarminum (Mynd 5).

   Note: Fáið aðstoð frá annarri manneskju við að halda handfangsstönginni.

   

   Mynd 5

   1. Handfangsstöng
   2. Pinni
   3. Stýrisarmur
   4. Sjálflæsandi rær (1/2 to.)

2. Skrúfið sjálflæsandi ró (1/2 to.) á pinnana þrjá.

3. Herðið sjálflæsandi róna í 91 til 113 Nm (67 til 83 ft-lb).

4. Snúið handfangsstönginni upp og festið hana með pinna handfangslæsingarinnar (Mynd 6).

   

   Mynd 6

   1. Pinni handfangslæsingar
   2. Festiplata
   3. Takki á handfangslæsingu

1. Leiðið tengi hemlavírsins undir rás handfangsstangarinnar (Mynd 7).

   

   Mynd 7

   1. Handfangsstangarrás
   2. Tengi hemlavírs
   3. Skinna (5/16 to.)
   4. Splittbolti
   5. Splitti

2. Festið tengi hemlavírsins á splittboltann og festið hana á pinnann með skinnunni og splittinu.

1. Leiðið 6 pinna tengi og 12 pinna tengi rafleiðsluknippis vinnuvélarinnar í gegnum gúmmíkragann í rás handfangsstangarinnar (Mynd 8).

   

   Mynd 8

   1. 6 pinna tengi (rafleiðsluknippi vinnuvélar)
   2. 12 pinna tengi (rafleiðsluknippi vinnuvélar)

2. Stingið 12 pinna tengi rafleiðsluknippis vinnuvélarinnar í 12 pinna innstungu rafleiðsluknippis handfangsstangarinnar (Mynd 9).

   

   Mynd 9

   1. 12 pinna innstunga (rafleiðsluknippi handfangs)
   2. 6 pinna innstunga (rafleiðsluknippi handfangs)
   3. 6 pinna tengi (rafleiðsluknippi vinnuvélar)
   4. 12 pinna tengi (rafleiðsluknippi vinnuvélar)

3. Stingið 6 pinna tengi rafleiðsluknippis vinnuvélarinnar í 6 pinna innstungu rafleiðsluknippis handfangsstangarinnar.

4. Ýtið festingu rafleiðsluknippis vinnuvélarinnar í gatið á handfangsstangarrásinni (Mynd 10).

   

   Mynd 10

   1. Festing
   2. Handfangsstangarrás
   3. Stýrifesting

5. Ýtið festingu rafleiðsluknippis vinnuvélarinnar í gatið á stýrifestingunni.

6. Festið rafleiðsluknippi vinnuvélarinnar í rás handfangsstangarinnar með plastbandi í gegnum raufarnar í rásinni (Mynd 11).

   

   Mynd 11

   1. Rauf (rás handfangsstangar)
   2. Plastband
   3. Rauf (stýrifesting)

7. Festið rafleiðsluknippi vinnuvélarinnar í stýrifestinguna með plastbandi í gegnum raufarnar í festingunni.

1. Stillið raufina á hlífinni af við samsvarandi nibbu á stönginni (Mynd 12).

   

   Mynd 12

   1. Snittmótandi skrúfa (1/4 to.)
   2. Handfangsstangarrás
   3. Lítil rauf (handfangsstangarhlíf)

2. Stillið götin á hlífinni af við götin í rás handfangsstangarinnar.

3. Festið hlífina við stöngina með sex snittmótandi skrúfum (1/4 to.).

1. Losið og opnið hlerann að rafgeymishólfinu (Mynd 13).

   

   Mynd 13

   1. Klinka
   2. Hleri að rafgeymishólfi

2. Fjarlægið rafgeyminn úr rafgeymishólfinu.

3. Notið hleðslutæki með 3 til 4 ampera hleðslugetu til að hlaða rafgeyminn.

4. Þegar rafgeymirinn er fullhlaðinn skal taka hleðslutækið úr sambandi við rafmagnsinnstunguna og rafgeymaskautin.

1. Setjið rafgeyminn á bakkann rafgeymishólfinu (Mynd 14). Staðsetjið rafgeyminn þannig að skautin vísi út.

   

   Mynd 14

   1. Rafhlöðubakki
   2. Haldstöng
   3. J-stöng
   4. Plússkaut (+)
   5. Mínusskaut (-)

2. Festið rafgeyminn í hólfið með haldstöng, tveimur J-stöngum, tveimur skinnum og tveimur vængjaróm.

3. Festið plúskapalinn (rauður) við plússkaut (+) rafgeymisins með burðarbolta og ró.

4. Setjið gúmmíhettuna á plússkautið.

5. Festið mínuskapalinn (svarta) við mínusskaut (–) rafgeymisins með burðarbolta og ró.

6. Lokið og læsið hlera rafgeymishólfsins.

Notið festingu handfangsstangarinnar (Mynd 21) til að festa stöngina í uppréttri stöðu og til að setja stöðuhemilinn á.

Important: Festið handfangsstöngina alltaf í uppréttri stöðu þegar stjórnandastaðan er yfirgefin.

Gangstöngin (Mynd 21) tryggir að stjórnandi sé til staðar þegar vinnuvélinni er ekið eða þegar götunarhausinn er keyrður.

Note: Ekki er drepið á vélinni þegar gangstönginni er sleppt.

Notið InfoCenter-skjáinn (Mynd 21) til að stilla virkni stjórntækja götunarhaussins.

Ef stjórnandi kemur við sparkstöðvunarrofann (Mynd 21) eru eftirfarandi aðgerðir framkvæmdar í vinnuvélinni:

• Vinnuvélin er stöðvuð.

• Götunarhausnum er lyft og hann stöðvast.

Note: Ekki er drepið á vélinni þegar sparkstöðvunarrofinn er snertur. Hægt er að aka vinnuvélinni aftur á bak, en það þarf að endurstilla sparkrofann til að aka áfram.

Notið flutnings-/loftunarrofann (Mynd 22) til að stilla hámarkshraða vinnuvélarinnar meðan á loftun eða flutningi vinnuvélarinnar stendur.

• Staðan AERATION (loftun) er fyrir loftun og takmarkar aksturshraða við 4,0 km/klst. eða hægari akstur.

• Staðan TRANSPORT (flutningur) er fyrir akstur vinnuvélarinnar á fullum hraða eða hægar á milli vinnusvæða.

  Note: Ekki er hægt að keyra loftun þegar flutnings-/loftunarrofinn er í stöðunni TRANSPORT.

Notið vinstra eða hægra akstursstjórntæki (Mynd 22) til að aka vinnuvélinni áfram eða aftur á bak.

Notaðu hraðalæsingarrofann (Mynd 22) til að halda aksturshraða vinnuvélarinnar; virkar svipað og hraðastillir í bílum.

• Staðan ENGAGE (virkja) festir yfirstandandi aksturshraða vinnuvélarinnar.

• Staðan ON (kveikt) virkjar aksturshraðalæsinguna.

• Staðan OFF (slökkt) afturkallar læsingu aksturshraða.

Notið hraðalæsingarrofann (Mynd 22) til að halda aksturshraðanum í samræmi við stillt bil á milli götunar við loftun.

• Staðan ON (kveikt) – virkjar hraðalæsinguna til að halda hraða í samræmi við stillt bil á milli götunar við loftun þegar loftunarstönginni er sleppt við lok loftunarferðar.

• Staðan OFF (slökkt) tekur hraðalæsinguna af – vinnuvélin stöðvast þegar loftunarstönginni er sleppt.

Notið loftunarstöngina (Mynd 23) til að lækka og hækka götunarhausinn.

Notið lækkunarstjórnrofann (Mynd 23) til að stilla hvernig götunarhausinn er lækkaður við loftun. Eftirfarandi stillingar eru í boði:

• Tafarlaus lækkun

• Seinkuð lækkun

Notið inngjafarstöngina (Mynd 24) til að stjórna vélarhraðanum:

• Ef inngjafarstöngin er færð fram á við eykst snúningshraði vélarinnar – að stöðunni FAST (hratt).

• Þegar inngjafarstöngin er færð afturábak minnkar snúningshraði vélarinnar – að stöðunni SLOW (hægt).

Note: Snúningshraði vélarinnar stjórnar hraða götunarhaussins.

Notið innsogið við gangsetningu kaldrar vélar (Mynd 24).

Notið svissinn (Mynd 24) til að gangsetja og drepa á vélinni. Rofinn hefur 3 stillingar:

• GANGSETJA – snúið lyklinum réttsælis í stöðuna GANGSETJA til að virkja startarann.

• GANGSETJA – sleppið lyklinum þegar vélin fer í gang og hann fer sjálfkrafa í KVEIKTA stöðu.

• SLöKKT – Drepið er á vélinni með því að snúa lyklinum rangsælis til að svissa AF.

Notið snúningshraðamælinn til að stilla snúningshraða vélarinnar (Mynd 24).

Notið afsláttarloka eldsneytis til að stjórna eldsneyti frá eldsneytisgeyminum (Mynd 25).

Mynd 25

1. Afsláttarloki eldsneytis

Fara skal í gegnum ferli fyrir notkun/daglegt ferli sem lýst er í áður en unnið er á vinnuvélinni í upphafi hvers dags.

• Öryggissamlæsingarkerfið kemur í veg fyrir að vélin fari í gang nema akstursstjórntækið sé í stöðunni NEUTRAL (hlutlaus staða).

• Öryggissamlæsingarkerfið kemur í veg fyrir að vélin fari í gang nema gangstöngin sé alveg laus.

• Öryggissamlæsingarkerfið kemur í veg fyrir að vélin fari í gang nema götunarhaussstöngin sé alveg laus.

• Öryggissamlæsingarkerfið hækkar götunarhausinn og slekkur á honum ef vinnuvélinni er ekið aftur á bak við loftun eða sparkstöðvunarrofinn er snertur.

Important: Ef öryggissamlæsingarkerfið virkar ekki eins og lýst er hér að ofan skal tafarlaust fá viðurkenndan dreifingaraðila Toro til að gera við það.

Important: Kvarða þarf hæð tinda frá jörðu í hvert skipti sem skipt er úr lengri tindum í styttri og úr styttri í lengri.

Mikið úrval af tindfestingum, grassvarðarhlífum og tindum er í boði fyrir vinnuvélina. Veljið nauðsynlega íhluti í töflu yfir aukabúnað í hlutanum Tengitæki og aukabúnaður.

Grassvarðarhlífar settar á

Note: Vinnuvélinni fylgja klemmur fyrir grassvarðarhlíf, skinnur og sjálflæsandi kragarær fastar við festingar grassvarðarhlífar (Mynd 39).

Festið grassvarðarhlífarnar lauslega á festingarnar með 4 klemmum og 12 sjálflæsandi kragaróm (3/8 tommu) og 12 skinnum (7/16 x 13/16 tommu).

Note: Ekki herða sjálflæsandi rær.

Mynd 39

1. Skinna (7/16 x 13/16 to.)
2. Sjálflæsandi ró (3/8 to.)
3. Klemma fyrir grassvarðarhlíf
4. Grassvarðarhlíf
5. Pinni (festing grassvarðarhlífar)

1. Gangið úr skugga um að götunarhausnum sé lyft; sjá Götunarhausnum lyft.

2. Snúið svissinum í stöðuna RUN (í gangi).

   

   Mynd 51

3. Ýtið á hægri InfoCenter-hnappinn til að opna skjámyndina fyrir stillingu holudýptar (Mynd 52 og Mynd 51).

4. Ýtið á miðjuhnappinn til að velja valkostinn Set Depth“ (velja dýpt).

   Note: Skjámyndin Set Depth“ opnast.

   

   Mynd 52

5. Stillið tindadýptina (Mynd 53) á eftirfarandi hátt:

   • Ýtið á miðjuhnapp InfoCenter-skjásins til að minnka dýpt.

   • Ýtið á hægri hnappinn til að auka dýpt.

   

   Mynd 53

6. Ýtið á vinstri InfoCenter-hnappinn til að vista stillinguna og loka skjámynd fyrir stillingu holudýptar.

7. Snúið svissinum á stöðuna OFF (slökkt).

   Note: Ef loftað er á hámarks leyfilegu dýpi (með hvaða tindalengd sem er) eftir að hafa keyrt jarðhæðarkvörðunina, og grassvarðarboltarnir dragast eða snerta grassvörðinn, minnkið dýptina um eitt skref (1/4 tommu).

Note: Þegar valið er bil á milli hola stjórnar vinnuvélin aksturshraðanum til að viðhalda réttu bili á milli hola.

1. Gangið úr skugga um að götunarhausnum sé lyft; sjá Götunarhausnum lyft.

2. Snúið svissinum í stöðuna RUN (í gangi).

   

   Mynd 54

3. Ýtið á hægri InfoCenter-hnappinn til að opna skjámyndina fyrir stillingu holubils (Mynd 55 og Mynd 54).

   

   Mynd 55

4. Ýtið á miðjuhnappinn til að velja valkostinn Set Spacing“ (velja bil).

   Note: Skjámyndin Set Spacing“ opnast.

5. Stillið bilið á milli hola (Mynd 56) á eftirfarandi hátt:

   • Ýtið á miðjuhnapp InfoCenter-skjásins til að stytta bilið.

   • Ýtið á hægri hnappinn til að auka bilið.

   

   Mynd 56

6. Ýtið á vinstri InfoCenter-hnappinn til að vista stillinguna og loka skjámynd fyrir stillingu holubils.

7. Snúið svissinum á stöðuna OFF (slökkt).

1. Gangið úr skugga um að götunarhausnum sé lyft; sjá Götunarhausnum lyft.

2. Snúið svissinum í stöðuna RUN (í gangi).

   

   Mynd 57

3. Ýtið á hægri InfoCenter-hnappinn til að opna skjámyndina fyrir stillingu ummáls tinds (Mynd 58).

   

   Mynd 58

4. Ýtið á miðjuhnappinn til að velja valkostinn Set Diameter“ (velja ummál).

   Note: Skjámyndin Set Diameter“ opnast.

5. Stillið tindaummálið (Mynd 59) á eftirfarandi hátt:

   • Ýtið á miðjuhnapp InfoCenter-skjásins til að minnka ummál.

   • Ýtið á hægri hnappinn til að auka ummál.

   

   Mynd 59

6. Ýtið á vinstri InfoCenter-hnappinn til að vista stillinguna og loka skjámynd fyrir stillingu holubils.

7. Snúið svissinum á stöðuna OFF (slökkt).

1. Gangið úr skugga um að götunarhausnum sé lyft; sjá Götunarhausnum lyft.

2. Snúið svissinum í stöðuna RUN (í gangi).

   

   Mynd 60

3. Ýtið á hægri InfoCenter-hnappinn til að opna skjámyndina fyrir stillingu fjölda tinda (Mynd 61).

   

   Mynd 61

4. Ýtið á miðjuhnappinn til að velja valkostinn Set Quantity“ (velja fjölda).

   Note: Skjámyndin Set Quantity“ opnast.

5. Stillið fjölda tinda (Mynd 62) á eftirfarandi hátt:

   Important: Fjöldi tinda er fjöldi tinda á einni festingu.

   • Ýtið á miðjuhnapp InfoCenter-skjásins til að minnka fjölda.

   • Ýtið á hægri hnappinn til að auka fjölda.

   

   Mynd 62

6. Ýtið á vinstri InfoCenter-hnappinn til að vista stillinguna og loka skjámynd fyrir stillingu holubils.

7. Snúið svissinum á stöðuna OFF (slökkt).

Important: Kvarðið jarðhæð tinda í hvert sinn sem skipt er um tinda eða slitnum tindum er skipt út.

1. Togið handfangið alveg upp til að setja stöðuhemilinn á (Mynd 72).

   

   Mynd 72

2. Gangið úr skugga um að pinni handfangslæsingarinnar nái í gegnum gatið á haldplötunni (Mynd 73).

   Viðvörun

   Ef stöðuhemillinn er ekki settur á getur vinnuvélin hreyfst úr stað og slasað stjórnanda eða nærstadda.

   Gangið úr skugga um að handfangið sé alveg uppi og tryggilega fest við haldplötuna.

   

   Mynd 73

   1. Pinni handfangslæsingar
   2. Festiplata
   3. Takki á handfangslæsingu

1. Togið í takkann á handfangslæsingunni (Mynd 74).

   

   Mynd 74

   1. Takki á handfangslæsingu

   Important: Ekki snúa takkanum þannig að læsingarpinninn geti ekki dregist til baka (Mynd 75).

   

   Mynd 75

2. Lækkið handfangið til að taka stöðuhemilinn af (Mynd 76).

   

   Mynd 76

3. Losið takka handfangslæsingarinnar.

1. Togið handfangið alveg upp og læsið því til að setja stöðuhemilinn á; sjá Stöðuhemill settur á.

2. Notið innsogið (Mynd 77) á eftirfarandi hátt:

   • Áður en köld vél er gangsett skal færa innsogsstýringuna í stöðuna KVEIKT.

   • Ekki er víst að nota þurfi innsogið þegar heit vél er gangsett.

   

   Mynd 77

   1. Lykill (sviss)
   2. Inngjafarstöng
   3. Innsog
   4. Snúningshraðamælir

3. Færið inngjafarstöngina í HRAðA stöðu áður en köld vél er gangsett.

4. Snúið svissinum í stöðuna START (gangsetja). Sleppið lyklinum þegar vélin fer í gang.

   Important: Ekki nota startarann lengur en í 10 sekúndur í senn. Ef vélin fer ekki í gang skal láta 30 sekúndna kælingartíma líða á milli tilrauna. Startarinn getur brennt úr sér ef ekki er farið eftir þessum fyrirmælum.

5. Eftir að vélin fer í gang skal færa innsogið í fram í stöðuna OFF (slökkt). Ef vélin byrjar að hiksta skal færa innsogið aftur í stöðuna ON (kveikt) í nokkrar sekúndur. Færið síðan inngjafarstöngina í æskilega stillingu fyrir snúningshraða vélar.

   Note: Endurtakið þetta skref eftir þörfum.

1. Togið handfangið upp til að setja stöðuhemilinn á. Frekari upplýsingar er að finna í Stöðuhemill settur á.

2. Færið inngjafarstöngina í (Mynd 78) HæGA stöðu.

   

   Mynd 78

   1. Lykill (sviss)
   2. Inngjafarstöng
   3. Innsog
   4. Snúningshraðamælir

3. Látið vélina vera í lausagangi í 60 sekúndur.

4. Snúið lyklinum í SLöKKTA stöðu og takið lykilinn úr.

5. Lokið afsláttarloka eldsneytis (Mynd 79) áður en vinnuvélin er dregin eða sett í geymslu.

   Important: Lokið afsláttarloka eldsneytis áður en vinnuvélin er dregin á eftirvagni eða sett í geymslu. Togið handfangið upp og festið til að setja stöðuhemilinn á áður en vinnuvélin er dregin. Takið lykilinn úr svissinum til að koma í veg fyrir að eldsneytisdælan gangi og rafgeymirinn afhlaðist.

   

   Mynd 79

   1. Afsláttarloki eldsneytis

Important: Gangið áfram fyrir framan vinnuvélina á meðan hún er notuð, gangið ekki aftur á bak þegar vinnuvélin er notuð.

Mynd 80

1. Hægra megin
2. Vinstra megin
3. Áfram (akstursstefna)

Vinnuvélin stöðvuð

Important: Til að stöðva vinnuvélina tafarlaust skal ýta á sparkstöðvunarrofann (Mynd 85).

Mynd 85

1. Sparkstöðvunarrofi

1. Ef verið er að lofta skal sleppa loftunarstönginni (Mynd 86) til að lyfta götunarhausnum; frekari upplýsingar eru í Götunarhausnum lyft.

   

   Mynd 86

   1. Gangstöng
   2. Loftunarstöng
   3. Akstursstjórntæki

2. Sleppið akstursstjórntækinu og leyfið því að fara í stöðuna NEUTRAL (hlutlaus).

3. Sleppið gangstönginni.

4. Togið handfangið upp til að setja stöðuhemilinn á. Frekari upplýsingar er að finna í Stöðuhemill settur á.

Götunarhausnum lyft

Stilling fyrir seinkaða lækkun

Notið hjólbarða að framan (Mynd 91) til að greina hækkunarstaðinn í stillingu fyrir seinkaða lækkun.

Mynd 91

Framkvæmið eitt af eftirfarandi til að hækka götunarhausinn:

• Þegar framhjólbarðinn fer yfir jaðar loftunarsvæðisins skal sleppa loftunarstönginni (Mynd 92).

  Note: Vélin seinkar lyftu götunarhaussins þar til götunarhausinn nær markstaðnum greindur var útfrá framhjólbarðanum og loftunarstönginni var sleppt á.

  

  Mynd 92

  1. Loftunarstöng

• Bakkið vinnuvélinni; sjá Vinnuvélinni bakkað.

Notið línumerkingu til að stilla af loftunarlínur (Mynd 101).

Mynd 101

1. Línumerki (geymslustaða)
2. Línumerki (stillingarstaða)

Vélin notar tvo teljara til að skrá loftaða svæðið og rúmmál af fluttum jarðvegskjarna. Notið upplýsingarnar úr þessum teljurum til að meta það dreifingarmagn sem á að fara á loftað/loftuð grassvarðarsvæði.

• Svæðisteljari 1 er ekki varinn með PIN-númeri og stjórnanda vélarinnar er ætlað að endurstilla hann.

  Note: Ef stjórnandinn skráir niðurstöður teljara fyrir hvert loftunarsvæði getur hann áætlað dreifingarmagn og flutningsþörf fyrir hvert svæði.

• Svæðisteljari 2 er varinn með PIN-númeri og eftirlitsaðila eða fulltrúa hans er ætlað að endurstilla hann.

  

  Mynd 102

  1. Lástákn (varið með PIN-númeri)

• Loftað svæði er birt í m² (alþjóðlega einingakerfið) eða fet² (enskar mælieiningar).

• Rúmmál á fluttum kjarna er birt í mælieiningunum m³ (alþjóðlega einingakerfið) eða yd³ (enskar mælieiningar).

• Við skoðun á rúmmálsteljurum fyrir flutta kjarna reiknar vélin rúmmálið út með þvermáli tindar og fjölda tinda sem valinn er á InfoCenter-skjánum.

  Important: Ef gildi fyrir þvermál tindar og/eða fjöldi tinda eru röng áður en svæði er loftað mun InfoCenter-skjárinn reikna út og birta röng rúmmálsgildi kjarna fyrir svæði 1 og svæði 2. Ef gildum fyrir þvermál og/eða fjölda er breytt eftir loftun mun InfoCenter-skjárinn breyta birtum rúmmálsgildum.

Komið viðhaldslokanum fyrir áður en viðhaldsvinna er framkvæmd á götunarhausnum eða þegar vélin er sett í geymslu lengur en í tvo daga.

1. Lyftið götunarhausnum.

2. Leggið vélinni á jafnsléttu, togið og festið handfangið til að setja stöðuhemilinn á, drepið á vélinni, takið lykilinn úr og bíðið þar til allir hlutar á hreyfingu hafa stöðvast.

3. Fjarlægið hlífina á götunarhausnum; sjá Hlíf á götunarhaus fjarlægð.

4. Fjarlægið splittið sem festir viðhaldslokann við hliðarplötuna (Mynd 111).

   

   Mynd 111

   1. Stoðpinni (hliðarplata)
   2. Splitti
   3. Viðhaldsloki
   4. Stoðpinni (götunarhaus)

5. Snúið viðhaldslokanum aftur á bak og staðsetjið hann fyrir ofan stoðpinna götunarhaussins.

6. Festið lokann við stoðpinnann með splittinu.

7. Ef þörf krefur skal setja hlífina á götunarhausinn; sjá Hlíf á götunarhaus fest.

1. Leggið vélinni á jafnsléttu, togið og festið handfangið til að setja stöðuhemilinn á, drepið á vélinni, takið lykilinn úr og bíðið þar til allir hlutar á hreyfingu hafa stöðvast.

2. Ef hlíf götunarhaussins er uppsett skal fjarlægja hana; sjá Hlíf á götunarhaus fjarlægð.

3. Fjarlægið splittið sem festir viðhaldslokann við stoðpinna götunarhaussins (Mynd 112).

   

   Mynd 112

   1. Viðhaldsloki
   2. Splitti
   3. Stoðpinni (götunarhaus)
   4. Stoðpinni (hliðarplata)

4. Snúið viðhaldslokanum niður á við og staðsetjið hann fyrir ofan stoðpinna hliðarplötunnar.

5. Festið lokann við stoðpinnann með splittinu.

6. Setjið hlífina á götunarhausinn; sjá Hlíf á götunarhaus fest.

Important: Að skipta út skemmdum tindi fyrir tind af sömu lengd. Mislangir tindar hafa neikvæð áhrif á útlit gata.

Mislangir tindar hafa áhrif á útlit gata.

Sjá skýringarmynd Uppsetning grassvarðarhlífa, tindfestinga og tinda.

1. Lyftið götunarhausnum og festið hann á sinn stað með viðhaldslokanum.

2. Leggið vinnuvélinni á jafnsléttu, togið og festið handfangið til að setja stöðuhemilinn á, drepið á vélinni, takið lykilinn úr og bíðið þar til allir hlutar á hreyfingu hafa stöðvast.

3. Losið bolta tindhaldarans og fjarlægið gamla tindinn / gömlu tindana.

4. Setjið nýjan tind / nýja tinda í tindhaldarann.

5. Herðið bolta tindhaldarans í 40,6 N m (30 ft-lb).

6. Endurtakið þetta ferli á hinum örmunum.

Notið greiningarforritið fyrir hæðarkvörðun frá jörðu til að athuga núverandi hæð tinda frá jörðu á fljótlegan hátt.

Vélin flytur þyngd frá dráttareiningunni til götunarhaussins til að viðhalda holudýpt í alls kyns jarðvegi. Götunarhausinn gæti þurft meiri þyngdarfærslu ef jarðvegurinn er það þéttur í sér að full loftunardýpt næst ekki. Í verksmiðjunni er vélin stillt á venjulega þyngdarfærslu. Til að auka niðurþrýsting á gormum þyngdarfærslunnar skal gera eftirfarandi:

1. Leggið vinnuvélinni á jafnsléttu, togið og festið handfangið til að setja stöðuhemilinn á, drepið á vélinni, takið lykilinn úr og bíðið þar til allir hlutar á hreyfingu hafa stöðvast.

2. Losið um fremri sjálflæsandi róna og burðarbolta sem festa gormspenntu plötuna við stoðfestingu götunarhaussins (Mynd 118).

   Note: Fjarlægið hvorki lásró né burðarbolta.

   

   Mynd 118

   Staðsetning fyrir venjulega þyngdarfærslu – efra gat

   1. Gormspennt plata
   2. Sjálflæsandi ró (aftari)
   3. Stoðfesting (götunarhaus)
   4. Þyngdarfærslugormar

3. Fjarlægið aftari sjálflæsandi róna sem festir gormafestingarnar við stoðfestinguna.

   Note: Fjarlægið ekki burðarboltann.

4. Stingið 1/2 tommu skralli eða átaksskafti í ferhyrnda gatið á gormspenntu plötunni (Mynd 119).

   

   Mynd 119

   Staðsetning fyrir meiri þyngdarfærslu – neðra gat

   1. Burðarbolti (aftari)
   2. Sjálflæsandi ró

5. Snúið skrallinu eða átaksskaftinu til að losa spennuna á aftari burðarboltanum og fjarlægja hann úr efra gatinu.

   Note: Efra gatið er staðsetning fyrir venjulega þyngdarfærslu.

6. Snúið gormspenntu plötunni þar til hún er staðsett við neðra gatið í stoðfestingunni, stingið burðarboltanum í gegnum götin á plötunni og festingunni.

   Note: Neðra gatið er staðsetning fyrir meiri þyngdarfærslu. Þyngdarfærslan eykst ef gormaplötunum er snúið upp á við.

7. Festið burðarboltann við stoðfestinguna og gormspenntu plötuna með sjálflæsandi rónni.

8. Herðið sjálflæsandi róna í 37 til 45 N m (27 til 33 ft-lb).

Til að ná sem bestum holugæðum og vélarafköstum skal nota sjálfvirku yfirborðssópunina við loftun.

Notið aðeins handvirka yfirborðssópun ef stöðuskynjari tinda er skemmdur.

1. Leggið vinnuvélinni á jafnsléttu, togið og festið handfangið til að setja stöðuhemilinn á, drepið á vélinni, takið lykilinn úr og bíðið þar til allir hlutar á hreyfingu hafa stöðvast.

2. Fjarlægið hlíf götunarhaussins; sjá Hlíf á götunarhaus fjarlægð.

3. Fjarlægið splittið sem festir dýptarstöðvunarpinnann stöðuhólkana við stöðvunarfestinguna (Mynd 125).

   

   Mynd 125

   1. Splitti
   2. Stöðuhólkar
   3. Stöðvunarfesting
   4. Dýptarstöðvunarpinni

4. Staðsetjið alla stöðuhólkana ofan við stöðvunarfestinguna.

5. Notið splittið til að festa dýptarstöðvunarpinnann og stöðuhólkana við stöðvunarfestinguna.

   Note: Setja verður alla stöðuhólka í geymslustöðu.

6. Endurtakið skref 3 til 5 á hinni hlið vinnuvélarinnar.

7. Setjið hlífina á götunarhausinn; sjá Hlíf á götunarhaus fest.

Þegar þyngdarfærslan er stillt er hægt að lofta grassvörð með svo hörðu undirlagi að afturdekk vélarinnar lyftast frá jörðu. Þetta getur orðið til þess að holubil verði óreglulegt.

Ef þessi lyfting á sér stað er hægt bæta annarri mótvægisplötu á öxulslöngu afturgrindar. Hver mótvægisplata bætir 28,5 kg við vélina. Hægt er að bæta við allt að 2 plötum. Frekari upplýsingar um mótvægi og vélbúnaðarhlutanúmer vélarinnar er að finna í Parts Catalog (varahlutaskrá).

Ef vélin hættir að ganga þegar götunarhausinn er niðri og tindarnir eru í jarðveginum og ekki er hægt að gangsetja vélina skal framkvæma annaðhvort Startarinn notaður til að lyfta götunarhausnum eða Tindhaldarar fjarlægðir af stimpilörmunum.

Important: Ekki nota ísalt vatn eða hreinsað vatn til að þrífa vinnuvélina.

Important: Þrýstiþvoið ekki vinnuvélina.

1. Leggið vinnuvélinni á jafnsléttu, togið og festið handfangið til að setja stöðuhemilinn á, drepið á vélinni, takið lykilinn úr og bíðið þar til allir hlutar á hreyfingu hafa stöðvast.

2. Þrífið vinnuvélina vandlega.

   • Notið garðslöngu án stúts til að vatn fari ekki inn fyrir þétti og blandist við legufeiti.

   • Notið bursta til að fjarlægja efni sem er fast á vinnuvélinni.

   • Notið mild hreinsiefni til að þrífa hlífarnar.

3. Berið bílabón reglulega á hlífar eftir að vinnuvélin hefur verið hreinsuð til að viðhalda glansandi áferð hlífa.

4. Leitið eftir skemmdum á vinnuvélinni, olíulekum og sliti á íhlutum og tindum.

5. Fjarlægið, hreinsið og olíuberið tindana. Úðið léttum olíuúða á legur götunarhaussins (tengibúnað startara og dempara).

Important: Festið götunarhausinn með viðhaldslokanum ef vinnuvélin er geymd lengur en í tvo daga.

Festipunktar eru staðsettir á fram- og afturhluta vinnuvélarinnar (Mynd 135, Mynd 136 ogMynd 137).

Note: Notið rétta DOT-samþykktar stroffur til að binda vinnuvélina; frekari upplýsingar um þyngd vinnuvélarinnar er að finna í Tæknilýsing.

Mynd 135

Festing að framan

Mynd 136

Festing að aftan, hægra megin

Mynd 137

Festing að aftan, vinstra megin

Important: Notið skábrautir í fullri breidd við að aka vélinni á eftirvagn eða palla.

1. Akið vinnuvélinni upp á eftirvagn eða pall (helst götunarhausinn á undan).

2. Togið og festið handfangið til að setja stöðuhemilinn á, drepið á vélinni, takið lykilinn úr og bíðið þar til allir hlutar á hreyfingu hafa stöðvast.

3. Festið götunarhausinn með þjónustulokanum; sjáStuðningur við götunarhausinn með viðhaldslokanum.

4. Lokið afsláttarloka eldsneytis; sjá Afsláttarloki eldsneytis.

5. Notið festipunktana til að binda vinnuvélina við eftirvagn eða pall með köðlum, keðjum eða stroffum; sjá Festipunktar.

Ráðleggingar varðandi eftirvagn

1. Leggið vinnuvélinni á jafnsléttu.

2. Togið handfangið upp til að setja stöðuhemilinn á; sjá Stöðuhemill settur á.

3. Drepið á vélinni, takið lykilinn úr og bíðið eftir að allir hlutir hafi stöðvast áður en stigið er af vinnuvélinni, sjá Drepið á vélinni.

4. Bíðið þar til vinnuvélin hefur kólnað.

1. Ef vinnuvélin er með dragreipisklinku fyrir CE-beltishlíf skal losa dragreipisboltann þar til hann skilur sig frá klinku hlífarinnar (Mynd 141).

   

   Mynd 141

   1. Reimarhlíf
   2. Klinka
   3. Dragreipisbolti

2. Lyftið klinkuhandfanginu (Mynd 142).

   

   Mynd 142

   1. Reimarhlíf
   2. Klinka

3. Lyftið beltishlífinni af vinnuvélinni (Mynd 143).

   

   Mynd 143

1. Staðsetjið festingu beltishlífarinnar við stoðfestingu hlífarinnar á grind vinnuvélarinnar (Mynd 144).

   

   Mynd 144

   1. Festing (beltishlíf)
   2. Stoðfesting hlífar (grind vinnuvélar)

2. Lokið reimarhlífinni (Mynd 145).

   

   Mynd 145

3. Lækkið klinkuhandfangið alveg niður til að festa hlífina (Mynd 146).

   

   Mynd 146

   1. Reimarhlíf
   2. Klinkuhandfang

4. Ef vinnuvélin er með dragreipisklinku fyrir CE-beltishlíf, skal þræða dragreipisboltann inn í gatið á hlífðarklinkunni og herða boltann (Mynd 147).

   

   Mynd 147

   1. Reimarhlíf
   2. Klinka
   3. Dragreipisbolti

Mynd 148

1. Ef vélin er með CE-klinkulás skal losa um lásplötuboltann þar til lásplatan losar um raufina á hlið götunarhausshlífarinnar (Mynd 149).

   

   Mynd 149

   1. Lásplötubolti
   2. Lásplata

2. Snúið lásplötunni til að losa klinkuna (Mynd 149).

3. Endurtakið skref 1 og 2 á hinni hlið hlífarinnar.

4. Losið um hlífina götunarhaussins þar sem klinkurnar 4 eru staðsettar (Mynd 148 og Mynd 150).

   

   Mynd 150

   1. Krókur á klinku
   2. Klinka

5. Lyftið hlíf götunarhaussins af vinnuvélinni (Mynd 151).

   

   Mynd 151

1. Staðsetjið hlíf götunarhaussins á vinnuvélinni líkt og sýnt er í Mynd 152.

   

   Mynd 152

2. Læsið hlíf götunarhaussins þar sem klinkurnar 4 eru staðsettar (Mynd 153).

   

   Mynd 153

   1. Krókur á klinku
   2. Klinka

3. Ef vinnuvélin er með CE-klinkulás skal snúa lásplötunni þar til hún er samhliða raufinni á hlið í götunarhausshlífarinnar (Mynd 154).

   

   Mynd 154

   1. Lásplata
   2. Lásplötubolti
   3. Rauf (hlíf götunarhauss)

4. Herðið lásplötuboltann (Mynd 154).

5. Endurtakið skref 4 og 3 á hinni hlið hlífarinnar.

Engir smurkoppar eru á vinnuvélinni sem þarf að smyrja.

Important: Legur bregðast sjaldan vegna efnis- eða smíðagalla. Algengasta ástæðan fyrir bilun er raki og mengun sem kemst framhjá þétti. Legur sem eru smurðar þurfa reglubundið viðhald til að hreinsa burt skaðleg óhreinindi af legusvæðinu. Innsiglaðar legur treysta á fyrstu áfyllingu af sérstakri smurfeiti og öflugu innbyggðu þétti til að halda mengun og raka frá keflalegum.

Innsiglaðar legur þurfa ekki smurningu eða skammtímaviðhald. Þetta lágmarkar nauðsynlegt reglubundið viðhald og minnkar líkurnar á grasskemmdum vegna smurmengunar. Þessar innsigluðu legur gefa góða raun og endast lengi við eðlilega notkun, en reglulegar skoðanir á ástandi og heilleika leganna ættu að fara fram til að fyrirbyggja tafir vegna viðgerða. Gerið árstíðabundnar skoðanir á legunum og skiptið um ef þær eru skemmdar eða slitnar. Legur eiga að virka án vandræða og vera lausar við neikvæða þætti eins og háan hita, hávaða, skrölt eða ryðleka.

Vegna vinnsluskilyrða (t.d. sands, íðefna sem notuð eru á grasið, vatns, högga) teljast þessar legur/þétti vera eðlilegir slithlutir. Legur sem bregðast af öðrum ástæðum en vegna efnis- eða smíðagalla falla yfirleitt ekki undir ábyrgð.

Note: Rangar aðferðir við þrif geta haft neikvæð áhrif á legur. Þrífið ekki vinnuvélina á meðan hún er enn heit og forðist að beina háþrýstibunu eða miklu magni af vatni á legurnar.

Algengt er að smurfeiti leki úr þétti á nýrri vinnuvél. Þessi smurfeiti verður svört vegna uppsafnaðra óhreininda, ekki sökum of mikils hita. Það er góð vinnuregla að þurrka umframfeitina af þéttinu eftir fyrstu 8 klukkustundirnar. Svæðið umhverfis þéttið gæti virst blautt. Það hefur ekki neikvæð áhrif á endingartímann og heldur utanverðu þéttinu smurðu.

Gerð olíu: Hágæða hreinsiolía (API-flokkun SJ eða hærri)

Seigjustig olíu: Sjá töfluna að neðan:

Mynd 159

Vélin er afhent með olíu í sveifarhúsinu. Engu að síður þarf að kanna stöðu smurolíunnar fyrir og eftir fyrstu gangsetningu vélarinnar.

Notið hágæðasmurolíu eins og lýst er í Forskriftir vélarolíu.

Important: Yfirfyllið ekki sveifarhúsið með olíu.Ekki láta vélina ganga ef smurolíuhæð er undir lágmarki.

Note: Ráðlagt er að athuga smurolíuhæðina þegar vélin er köld og áður en vélin hefur verið gangsett. Leyfið olíunni að renna aftur niður í pönnuna í a.m.k. 10 mínútur áður en smurolíuhæðin er athuguð ef vélin hefur verið gangsett.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Leyfið aflvélinni að kólna.

3. Hreinsið í kringum olíuáfyllingarlokið og olíukvarðann (Mynd 160).

   

   Mynd 160

   1. Olíukvarði
   2. Olíuáfyllingarlok (ventlahlíf)
   3. Hæðarmerking á olíukvarða

4. Takið olíukvarðann úr, þurrkið af honum og stingið honum í þar til hann er kyrfilega fastur.

5. Fjarlægið olíukvarðann og athugið olíuhæðina.

   Olíuhæð vélarinnar ætti að vera á milli merkinganna F“ fyrir fullt og L“ fyrir lágt á olíukvarðanum

6. Ef olíuhæðin er undir lágmarkinu L“ skal fjarlægja olíuáfyllingarlokið og bæta við tilgreindri olíu þar til hæðin nær upp að F“ á olíukvarðanum.

7. Setjið olíuáfyllingarlokið og olíukvarðann á sinn stað.

Skoðið og hreinsið vélarsíuna fyrir hverja notkun. Fjarlægið uppsafnað gras, mold og önnur laus óhreinindi af loftinntakssíu vélarinnar.

Important: Setjið aldrei skítuga síu aftur í eftir að hún hefur verið fjarlægð af eldsneytisleiðslunni.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Lokið afsláttarloka eldsneytis (Mynd 167).

   

   Mynd 167

   1. Slanga
   2. Klemma
   3. Sía
   4. Eldsneytisloki

3. Kreistið saman endana á hosuklemmunum og rennið þeim frá síunni.

4. Fjarlægið síuna úr eldsneytisslöngunum.

5. Staðsetjið eldsneytissíuna þannig að örin vísi að vélinni og setjið eldsneytisslönguna saman yfir síufestingunum.

6. Staðsetjið hosuklemmurnar nálægt eldsneytissíunni og herðið þær.

7. Þurrkið upp eldsneyti sem hellist niður.

8. Opnið afsláttarloka eldsneytis.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Lokið afsláttarloka eldsneytis (Mynd 168).

   

   Mynd 168

   1. Slanga
   2. Klemma
   3. Sía
   4. Eldsneytisloki

3. Losið hosuklemmuna við eldsneytissíuna og rennið henni upp eldsneytisleiðsluna í áttina frá eldsneytissíunni.

4. Togið eldsneytisleiðsluna af eldsneytissíunni.

5. Opnið afsláttarloka eldsneytis og leyfið eldsneytinu að renna í eldsneytisbrúsa eða á afrennslispönnu.

   Note: Nú er besti tíminn til að setja upp nýja eldsneytissíu því eldsneytisgeymirinn er tómur.

6. Setjið eldsneytisslönguna saman yfir síufestingunum.

7. Staðsetjið hosuklemmuna nálægt eldsneytissíunni og herðið hana.

Rafkerfið er varið með öryggjum. Ef öryggi opnast skal athuga íhlutinn og raflagnir fyrir jarðhlaup.

1. Losið og opnið hlerann að rafgeymishólfinu (Mynd 171).

   

   Mynd 171

   1. Klinka
   2. Hleri að rafgeymishólfi

2. Takið hlífina af öryggjaboxinu (Mynd 172).

   Note: Öryggi viftunnar er staðsett beint fyrir aftan rafgeyminn (Mynd 173).

   

   Mynd 172

   1. Hlíf
   2. Öryggjabox
   

   Mynd 173

   1. Beintengt öryggi viftu

3. Fjarlægið opna öryggið.

4. Setjið upp nýtt öryggi með straumstyrknum sem er tilgreindur á merkingu á öryggjaboxi.

5. Setjið hlífina á öryggjaboxið (eða á beintengt öryggi viftu).

6. Lokið og læsið hlera rafgeymishólfsins.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Gangið úr skugga um að loftþrýstingur í öllum hjólbörðum sé 83 kPa (12 psi). Nákvæmasta þrýstingsmælingin næst þegar hjólbarðarnir eru kaldir.

   Important: Ójafn þrýstingur í hjólbörðum getur valdið ójafnri götunardýpt.

Mynd 174

1. Ventilleggur
2. Þyngd hjóls

Drifreimar vélarinnar eru endingargóðar. Hins vegar getur venjuleg útsetning fyrir útfjólublárri geislun, ósoni eða tilfallandi útsetning fyrir íðefnum orðið til þess að gúmmíið skemmist með tímanum og valdið ótímabæru sliti og efnistapi (þ.e. aðskilin eða glötuð beltislög).

1. Fjarlægið reimarhlífina, sjá Reimarhlíf fjarlægð.

2. Skoðið reimar vökvadælunnar, drifskaftsins og sveifarássins (Mynd 175) í leit að skemmdum, sliti, miklum sprungum eða áföstum óhreinindum.

   Note: Skiptið um reim þegar þörf er á.

   

   Mynd 175

   1. Reim sveifaráss
   2. Reim vökvadælu
   3. Reim drifskafts

3. Komið reimarhlífinni fyrir, sjá Uppsetning reimarhlífar.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Fjarlægið reimarhlífina; sjá Reimarhlíf fjarlægð.

3. Losið kragaboltana og sjálflæsandi róna sem festir lausahjólið fyrir reim vökvadælunnar, þar til boltinn fer í raufina á stoð lausahjólsins (Mynd 176).

   

   Mynd 176

   1. Strekkifjöður
   2. Kragabolti
   3. Lausahjól
   4. Sjálflæsandi ró
   5. Reim vökvadælu

4. Smellið efst á lausahjólið og leyfið strekkifjöðrinni að stilla strekkingu reimarinnar.

   Important: Ekki strekkja reimina meira en strekkifjöðrin leyfir því að skemmdir gætu orðið á íhlutum.

5. Herðið kragaboltann í 37 til 45 Nm (27 til 33 ft-lb).

6. Komið reimarhlífinni fyrir, sjá Uppsetning reimarhlífar.

• Leitið tafarlaust til læknis ef glussi sprautast undir húð. Læknir verður að fjarlægja glussa sem kemst undir húð með skurðaðgerð innan nokkurra klukkustunda frá slysi.

• Tryggið að allar vökvaslöngur og -leiðslur séu í góðu ásigkomulagi og að öll vökvatengi séu vel hert áður en þrýstingi er hleypt á vökvakerfið.

• Haldið líkama og höndum í öruggri fjarlægð frá hárfínum leka eða stútum sem sprauta út glussa undir miklum þrýstingi.

• Notið bylgjupappa eða pappír til að finna glussaleka.

• Losið allan þrýsting af vökvakerfinu áður en unnið er við það.

1. Styðjið við götunarhausinn með þjónustulokanum; sjáStuðningur við götunarhausinn með viðhaldslokanum.

2. Drepið á vélinni.

3. Snúið svissinum á RUN (gangstaða).

4. Opnið MAIN MENU (aðalvalmynd) (Mynd 177) á upplýsingaskjánum.

   

   Mynd 177

5. Ýtið á miðjuhnappinn á upplýsingaskjánum þar til valkosturinn SERVICE (þjónusta) er valinn og ýtið svo á hægri hnappinn.

   Note: Götunarhausinn sígur þar til viðhaldslokinn styður hann að fullu.

6. Ýtið á miðjuhnappinn á InfoCenter-skjánum þar til valkosturinn SERVICE LOWER (þjónustulækkun) er valinn (Mynd 178) og ýtið svo á hægri hnappinn.

   

   Mynd 178

7. Snúið svisslyklinum í stöðuna STOP (stöðva).

Note: Gangsetjið vélina og látið götunarhausinn lyftast með vökvaafli svo hægt sé að setja viðhaldslokann í geymslustöðu; sjá Geymsla á viðhaldsloka.

Fyrir notkun skal leita eftir leka á vökvaleiðslum og slöngum, lausum festingum, beygluðum slöngum, lausum festistoðum, vélrænu sliti og ummerkjum eftir slit af völdum veðurs eða íðefna. Skiptið út slitnum eða skemmdum vökvaleiðslum áður en vélin er notuð.

Note: Tryggið að óhreinindi safnist ekki upp í kringum vökvakerfið.

Geymirinn er fylltur í verksmiðju með hágæða glussa. Athugið hæð glussans áður en vélin er gangsett í fyrsta sinn og daglega þar á eftir, sjá Smurolíuhæð könnuð.

Ráðlagður glussi fyrir glussaskipti: Toro PX Extended Life Hydraulic Fluid sem fæst í 19 l fötum eða 208 l tunnum.

Note: Þegar notaður er ráðlagður vökvi á vinnubílnum er ekki þörf á því að skipta eins oft um vökva og síur.

Aðrar gerðir af glussa: Í tilvikum þegar Toro PX Extended Life Hydraulic Fluid er ekki tiltækur er hægt að nota aðra hefðbundna jarðolíuglussa með sömu forskriftir og alla tilgreinda efnislega eiginleika og uppfylla staðla í iðnaði. Notið ekki syntetískan vökva. Leitið ráða hjá söluaðila smurefnisins til að fá ábendingar um hentugan glussa.

Note: Toro tekur enga ábyrgð á skemmdum vegna notkunar rangrar gerðar af glussa og þar af leiðandi skal eingöngu nota vörur frá áreiðanlegum framleiðendum sem geta ábyrgst vörur sínar.

Glussi með slitvörn og háan seigjuvísi/lág rennslismörk, ISO VG 46

Note: Margar gerðir glussa eru nánast litlausar og því erfitt að greina þær við leka. Rautt litarefni fyrir glussa er í boði í 20 ml flöskum. Ein flaska dugar fyrir 15 til 22 l af glussa. Pantið hlutarnr. 44-2500 frá viðurkenndum dreifingaraðila Toro.

Important: Þolmikill, sérframleiddur og vistvænn glussi frá Toro er eini sérframleiddi, lífbrjótanlegi glussinn samþykktur af Toro. Slíkur glussi er samhæfur við gúmmílíkið sem er notað í vökvakerfum Toro og hentar til notkunar við ólík hitastig. Slíkur glussi er samhæfur við hefðbundnar jarðolíur. Hins vegar ætti að vökvakerfið vandlega með hefðbundnum glussa til að ná fram hámarks lífbrjótanleika og afköstum. Olían fæst í 19 l fötum eða 208 l tunnum hjá viðurkenndum dreifingaraðila Toro.

Important: Athugið glussahæðina áður en vélin er gangsett í fyrsta sinn og daglega þar á eftir

Glussageymirinn er fylltur í verksmiðju með gæðaglussa.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Fjarlægið reimarhlífina, sjá Reimarhlíf fjarlægð.

3. Hreinsið svæðið í kringum áfyllingarstút og lok glussageymisins (Mynd 179). Fjarlægið lokið af áfyllingarrörinu.

   

   Mynd 179

   1. Olíukvarði
   2. Lok
   3. Glussageymir

4. Takið olíukvarðann úr og strjúkið af honum með hreinum klút. Stingið olíukvarðanum í áfyllingarstútinn; takið hann aftur úr og athugið vökvahæðina. Vökvahæðin ætti að vera upp að merkingunni á olíukvarðanum (Mynd 180).

   

   Mynd 180

   1. Olíukvarði
   2. Hámarksstöðukvarði

5. Þegar vökvahæðin er lág skal fylla á með tilgreindum glussa þar til vökvahæðin er við fulla merkingu.

6. Komið olíukvarðanum og lokinu fyrir á áfyllingarstútnum.

7. Komið reimarhlífinni fyrir, sjá Uppsetning reimarhlífar.

Rúmtak glussageymis: u.þ.b. 6,6 l

Important: Ekki nota olíusíur fyrir bíla. Slíkt kann að leiða til alvarlegra skemmda á vökvakerfinu.

Note: Ef retúrsían er fjarlægð tæmist allur vökvageymirinn.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Setjið afrennslispönnu undir síurnar, fjarlægið gömlu síurnar og strjúkið af pakkningartenginu (Mynd 181).

   

   Mynd 181

   1. Glussahleðslusía
   2. Retúrsía vökvakerfis

3. Berðu þunnt lag af hreinni glussaolíu á pakkningarnar á nýju síunum.

4. Setjið síurnar á síutengin. Snúið báðum síunum réttsælis þar til pakkningin snertir síutengið og herðið svo báðar síurnar um hálfan snúning í viðbót.

5. Bætið við tilgreindum glussa þar til vökvahæðin er við fulla merkingu á olíukvarðanum, sjá Forskriftir fyrir glussa og Staða glussa könnuð.

6. Gangsetjið vélina og látið hana ganga í tvær mínútur til að lofttæma kerfið. Drepið á vélinni, takið lykilinn úr og leitið að glussaleka.

7. Kannið stöðu glussa. Fyllið á með tilgreindum glussa þar hæðin er við FULLA merkingu á olíukvarðanum ef þess gerist þörf.

   Note: Ekki yfirfylla glussageyminn.

8. Komið reimarhlífinni fyrir, sjá Uppsetning reimarhlífar.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Fjarlægið hlíf götunarhaussins; sjá Hlíf á götunarhaus fjarlægð.

3. Athugið festingar götunarhauss, festingar stýrisstangar og felgurær hjóls til að ganga úr skugga um að herslan sé rétt. Kröfur um hersluátak festingar eru tilgreindar á herslumerkingu sem er staðsett á þjónusturás götunarhaussins (Mynd 182).

   

   Mynd 182

   1. Staðsetning herslumerkingar

4. Setjið hlífina á götunarhausinn; sjá Hlíf á götunarhaus fest.

1. Búið vinnuvélina undir viðhald; sjá Undirbúningur vinnuvélar fyrir viðhald.

2. Losið um bolta og sjálflæsandi rær sem festa hliðarhlífina við grind götunarhaussins (Mynd 183).

   

   Mynd 183

   1. Hliðarhlíf

3. Færið hlífarnar upp eða niður þar til þær eru í 25 til 38 mm hæð frá jörðu.

4. Herðið skrúfurnar og sjálflæsandi rær.

5. Endurtakið skref 2 til 4 á hinni hlið vinnuvélarinnar.

Skiptið um allar grassvarðarhlífar ef þær eru brotnar eða minna en 6 mm á þykkt. Brotnar grassvarðarhlífar geta rifið upp grassvörðinn og valdið skemmdum.

Mynd 184

1. Grassvarðarhlíf

Auðvelt er að sjá tímamörk götunarhaussins á ígreyptu merkingunum á leguhúsunum þremur.

Mynd 185

1. Tímastillingarmörk